استخدام الرخصة السعودية في امريكا

السلام عليكم


حبيت استفسر بخصوص اني اقدر استخدم الرخصة السعودية في امريكا ولا لازم اطلع الرخصة الدولية.

اتمنى انكم تفيدوني في اقرب وقت


تحياتي لكم

من المرور النظام الجديد الرخصه هي نفسها الدوليه
على ماسمعت
والله أعلم

على حد علمي الوضع من ولاية لولاية يختلف وباعطيك هالقصة اللي حصلت معي كنت بتكساس في مدينة سان انتونيو وكانت ليلة برد وكانت ليلة البلاك فريادي المهم ذيك قررت انا ومجموعة شباب سعوديين نضبط لنا كبيسة وكم بلايستيشن وبعدها فره لان الشباب مضغوطين من الدراسة فلابد من الترفيه والترويح البريئ المهم تعشينا ولعبنا وصارت الساعة 2 الفجر قلنا يله نشوف اللي داقين سرى على المحلات ونستانس شوي ركبنا في السيارة عددنا سبعة تقريبا وهاتك يافرة والله ما بقى مول والا محل كبير الا و لفينا عليه ومن زود الرواقة كنت ماشي على الهاي وي تقريبا بسرعة 20 ميل الشباب ترقص معي والمسجل شغال وفي لحظة الا ولمعة انوار الدورية مباشرة وحتى قبل ما اوقف ولعت انوار السيارة الداخلية كاملة و ايادي على الطارة وانتظرت جاء العسكري وقالي انزل من السيارة عطني رخصتك عطيته رخصتي السعودية طالع فيها وسالني ليه تمشي بسرعة اقل من الحد الادنى للسرعة ؟ قلت له ما اعرف ان فيه حد ادنى للسرعة؟ العسكري توسم فيني الخير وحس اني مؤدب فقال فيه سرعة دنيا لان اللي يمشون اقل من الحد الادنى للسرعة غالبا يكونون سكارى عاد انا كملت الادب وقلت اسف والله مادريت قال اللي مع السلامة وهاف ا نايس تايم قلت يو تو والفطور عندنا بكرة قال لاوالله باسلم الشيفت حقي ومعزوم على ذبيحتين عند ابو جورج ترقى لكن ترى ضيف الجاويد يعزم قلنا ..........بدينا بالكذاب

الخلاصة والشاهد: رخصتي السعودي استخدمتها في تكساس وفلولوريدا ولوزيانا وواشنطون وصاغ سليم محد قال عطني رخصة غير رخصتك السعودية طبعا النسخة الجديدة اللي باللغتين

حياك الله اخوي قنصل العرب
بالنسبه للرخصه الدوليه فهي غير معترف فيها هنا
والرخصه السعوديه الي فيها لغه انجليزيه يمشي وضعها لمدة 90 يوم من دخولك لأمريكا
وبعدها يكون واجب عليك انك ضبطت امورك وطلعت رخصه امريكيه
وطبعأ تختلف من عسكري لـ عسكري
لكن انا بكلمك عن النظام وهو حد السماح 90 يوم يعني 3 شهور من دخولك لأمريكا
وخلك دايمأ ماشي جنب الحيط حتى ماتتعرض لأي مشكله انت غني عنها
عسى الله يوفقك ويسهل أمرك

اخوي انا توني كنت ابي اطلع رخصة امريكية أمس
قالت لي الموظفة ترى رخصتك السعودية تمشي وفعالة لمدة سنة ( الرخصة الجديدة الي فيها عربي وانجليزي ) واذا طلعت برى امريكا ورجعت يتمدد لك سنة يعني عادي
الى هنا وتمام لكن فيه مشكلة الي هي التأمين على السيارة وهذي ترى مهمة جداً فيها غرامة كبيرة توصل لألف دولار واحتمال سجن اذا ماامنت على سيارتك يعني مامنها فكة سالفة التأمين .. طيب وش علاقتها بالرخصة !
أغلب شركات التأمين ماتقبل الا رخصة امريكية عشان تأمن لك ولكن فيه شركتين تقريباً من ضمنها شركة قايكو ولكن اذا مامعك رخصة امريكية راح ترتفع قيمة التأمين للضعفين او ثلاثة اضعاف يعني بدل ماتدفع ستين دولار تقريباً راح تدفع حدود الميتين دولار
لذلك لاتشيل هم السواقة اول ماتوصل وترتاح وتستقر وتعرف مداخلك ومخارجك على مهلك طلع الرخصة الامريكية
وعلى فكرة بأنصحك تطلع الرخصة الدولية من مكتب الطيار او مكاتب سياحية بمية او ميتين ريال .. لأنه كان علي مخالفة وكنت عند القاضي وكان في التذكرة حقة المخالفة مكتوب التحقق من رخصته لأنها ليست أمريكية .. فأول ماشافني القاضي قال فين رخصتكم هذيك الي كنها دفتر .. طلع عارفنا يالسعوديين من كثر المخالفات خخخخخ
قلت هذي المحلية .. قال أوكي بس كإثبات ثاني وين الثانية ؟ قلت بالبيت .. المهم اقتنع بالرخصة لكن السرعة غرمني عليها .. وبصراحة ماعرفت ان التأمين مهم إلا من قضايا ناس شفتهم معنا بالمحكمة .. كان القاضي متشدد جداً وحاد مع الي ماعنده تأمين أو تأمينه مطوف
وعلى فكرة في ولايتين جربت الرخصة السعودية محد قالي من الشرطة شي عليها للتطمين يعني

اسف على الإطالة

والله معلومة مفيدة جزاكم الله خير

اخي الرحصه السعوديه الجديده مقبوله ومافيها اى مشكله بس لازم من التامين

والرحصه الدوليه انا بولايه كنتاكي عادي ولا احد سئلني

اقتباس:

---

المشاركة الأصلية كتبت بواسطة نهار

من المرور النظام الجديد الرخصه هي نفسها الدوليه
على ماسمعت
والله أعلم

---

تسلم والله اخوي ماقصرت

اقتباس:

---

المشاركة الأصلية كتبت بواسطة fahad_1012

اخي الرحصه السعوديه الجديده مقبوله ومافيها اى مشكله بس لازم من التامين

والرحصه الدوليه انا بولايه كنتاكي عادي ولا احد سئلني

---

تسلم اخوي زين طمنتني

اقتباس:

---

المشاركة الأصلية كتبت بواسطة llm program

والله معلومة مفيدة جزاكم الله خير

---

اتفق معك اخوي ربي يوفقك انشاءالله

اقتباس:

---

المشاركة الأصلية كتبت بواسطة deban

على حد علمي الوضع من ولاية لولاية يختلف وباعطيك هالقصة اللي حصلت معي كنت بتكساس في مدينة سان انتونيو وكانت ليلة برد وكانت ليلة البلاك فريادي المهم ذيك قررت انا ومجموعة شباب سعوديين نضبط لنا كبيسة وكم بلايستيشن وبعدها فره لان الشباب مضغوطين من الدراسة فلابد من الترفيه والترويح البريئ المهم تعشينا ولعبنا وصارت الساعة 2 الفجر قلنا يله نشوف اللي داقين سرى على المحلات ونستانس شوي ركبنا في السيارة عددنا سبعة تقريبا وهاتك يافرة والله ما بقى مول والا محل كبير الا و لفينا عليه ومن زود الرواقة كنت ماشي على الهاي وي تقريبا بسرعة 20 ميل الشباب ترقص معي والمسجل شغال وفي لحظة الا ولمعة انوار الدورية مباشرة وحتى قبل ما اوقف ولعت انوار السيارة الداخلية كاملة و ايادي على الطارة وانتظرت جاء العسكري وقالي انزل من السيارة عطني رخصتك عطيته رخصتي السعودية طالع فيها وسالني ليه تمشي بسرعة اقل من الحد الادنى للسرعة ؟ قلت له ما اعرف ان فيه حد ادنى للسرعة؟ العسكري توسم فيني الخير وحس اني مؤدب فقال فيه سرعة دنيا لان اللي يمشون اقل من الحد الادنى للسرعة غالبا يكونون سكارى عاد انا كملت الادب وقلت اسف والله مادريت قال اللي مع السلامة وهاف ا نايس تايم قلت يو تو والفطور عندنا بكرة قال لاوالله باسلم الشيفت حقي ومعزوم على ذبيحتين عند ابو جورج ترقى لكن ترى ضيف الجاويد يعزم قلنا ..........بدينا بالكذاب

الخلاصة والشاهد: رخصتي السعودي استخدمتها في تكساس وفلولوريدا ولوزيانا وواشنطون وصاغ سليم محد قال عطني رخصة غير رخصتك السعودية طبعا النسخة الجديدة اللي باللغتين

---

تسلم والله اخوي الله ينور طريقك انشاءالله

اقتباس:

---

المشاركة الأصلية كتبت بواسطة عبدالله ابن سليمان

حياك الله اخوي قنصل العرب
بالنسبه للرخصه الدوليه فهي غير معترف فيها هنا
والرخصه السعوديه الي فيها لغه انجليزيه يمشي وضعها لمدة 90 يوم من دخولك لأمريكا
وبعدها يكون واجب عليك انك ضبطت امورك وطلعت رخصه امريكيه
وطبعأ تختلف من عسكري لـ عسكري
لكن انا بكلمك عن النظام وهو حد السماح 90 يوم يعني 3 شهور من دخولك لأمريكا
وخلك دايمأ ماشي جنب الحيط حتى ماتتعرض لأي مشكله انت غني عنها
عسى الله يوفقك ويسهل أمرك

---

تسلم والله اخوي وكثر الله امثالك

اقتباس:

---

المشاركة الأصلية كتبت بواسطة تفاكير

اخوي انا توني كنت ابي اطلع رخصة امريكية أمس
قالت لي الموظفة ترى رخصتك السعودية تمشي وفعالة لمدة سنة ( الرخصة الجديدة الي فيها عربي وانجليزي ) واذا طلعت برى امريكا ورجعت يتمدد لك سنة يعني عادي
الى هنا وتمام لكن فيه مشكلة الي هي التأمين على السيارة وهذي ترى مهمة جداً فيها غرامة كبيرة توصل لألف دولار واحتمال سجن اذا ماامنت على سيارتك يعني مامنها فكة سالفة التأمين .. طيب وش علاقتها بالرخصة !
أغلب شركات التأمين ماتقبل الا رخصة امريكية عشان تأمن لك ولكن فيه شركتين تقريباً من ضمنها شركة قايكو ولكن اذا مامعك رخصة امريكية راح ترتفع قيمة التأمين للضعفين او ثلاثة اضعاف يعني بدل ماتدفع ستين دولار تقريباً راح تدفع حدود الميتين دولار
لذلك لاتشيل هم السواقة اول ماتوصل وترتاح وتستقر وتعرف مداخلك ومخارجك على مهلك طلع الرخصة الامريكية
وعلى فكرة بأنصحك تطلع الرخصة الدولية من مكتب الطيار او مكاتب سياحية بمية او ميتين ريال .. لأنه كان علي مخالفة وكنت عند القاضي وكان في التذكرة حقة المخالفة مكتوب التحقق من رخصته لأنها ليست أمريكية .. فأول ماشافني القاضي قال فين رخصتكم هذيك الي كنها دفتر .. طلع عارفنا يالسعوديين من كثر المخالفات خخخخخ
قلت هذي المحلية .. قال أوكي بس كإثبات ثاني وين الثانية ؟ قلت بالبيت .. المهم اقتنع بالرخصة لكن السرعة غرمني عليها .. وبصراحة ماعرفت ان التأمين مهم إلا من قضايا ناس شفتهم معنا بالمحكمة .. كان القاضي متشدد جداً وحاد مع الي ماعنده تأمين أو تأمينه مطوف
وعلى فكرة في ولايتين جربت الرخصة السعودية محد قالي من الشرطة شي عليها للتطمين يعني

اسف على الإطالة

---

عادي خذ راحتك اخوي والله ماقصرت لاخلا ولاعدم

طلعو رخصه دوليه احتيااط كلها 100 ريال ماتدري كل ولاية كانها دوله النظام يختلف من ولاية لولايه

اقتباس:

---

المشاركة الأصلية كتبت بواسطة No0Osh

طلعو رخصه دوليه احتيااط كلها 100 ريال ماتدري كل ولاية كانها دوله النظام يختلف من ولاية لولايه

---

تسلم والله اخوي ماقصرت وهذا الي راح يصير