وصل لي قبولين من جامعتين

الف الف مبرووك اخوي الله يوفقك.

عقبال ان شاء الله ما تخلص الدراسه وتجيب الشهاده رافع الراس يارب.

حبيبي بغيت اسالك الله لا يهينك.

ما ادري وش شروط الجامعتيين للالتحاق فيهم. انا تخصصي محاسبه وحاب اكمل MBA ، وعندي قبول معهد في اوريجن.

يبون توفل؟؟ او جيمات ؟؟؟ او وش شروطهم المذكوره في القبول المشروط.

الله يوفقك وننتظر ردك ياربطل.

شرفني مرورك اختي الكريمة ويعطيك العافية

الله يبارك فيك اخوي وعقبالك ان شاء الله تحصل قبول والله يوفقك بالنسبة لي انا كذلك تخصصي محاسبة وان شاء الله بكمل MBA وبالنسبة لشروطهم سهلة كل واحد يشد حيله راح يدخل على طول على الماستر ان شاء الله بالنسبة لشروط دايتون واركانسس هم نفس الشروط تقريبا وافضل الشروط الي ارها انك تدرس في معهد الجامعة كل مستوى 7 أسابيع ولابد انك تخلص 5 مستويات ومايقل المعدل عن 2.0 من 4 راح تدخل على برنامج الماستر اما اذا ودك تدرس في معهد غير معهد الجامعة لابد انك تجيب في التوفل 550 على اساس تدخل على برنامج الماستر وبالتوفيق لك.

يعني ما يطلبون جيمات؟؟؟

ثانيا يا الغالي انا دراستي للغه تبدا في شهر سته 2011 يعني بعد تقريباً ثمان شهور.

والخطه اني اجلس سنه في اللغه، هل يعطوني قبول على سنه 2012؟؟؟

هذا السؤال الي محيرني؟

هلا اخوي يطلبون منك خيارين اذا مادرست في معهدهم تجيب 550 في التوفل واذا لاقدر الله ماقدرت تجيب درجة التوفل عندك خيار ثالث وهو الجيمات تجيب درجة معينة تدخلك على الماستر ان شاء الله

يعني لو ادرس بمعهدهم واخلص الخمس مستويات ما يطلبون لا توفل ولا جيمات.

وهل يعطون قبولات لسنه 2012؟؟؟

تعبتك معي حبيبي، وترى اضفتك في الماسنجر يا بطل.

يعطيك العافيه.

هلا اخوي تمت الاضافة وبالنسبة لمعهد الجامعة لو خلصت الخمس المستويات وجبت المعدل الي طالبينه الجامعة تخش على طول على برنامج الماستر.

ممتاز جزاك الله خير.

الله يوفقك.

حبيب قلبي.

اسف اذا ازعجتك. ولكن انا دخلت على موقع الجامعه ولقيت مكتوب في شروط قبول الماجستير للـ MBA ان الجيمات مطلوبه.

هل الجيمات يسقطونها لما ادرس بمعهدهم ولا وش الوضع با الضبط، وهل قبولهم يكون صريح او مشروط فقط بشرط اني اجتاز كل المعهد با الدرجه المطلوبه؟؟؟؟

جزاك الله الف خير يا بعدي.

هلا والله مافي ازعاج ان شاء الله هذا الشرط الي حصلته اذا ماحلصت لاقدر الله على قبول مشروط من الجامعة لازم تختبر الجيمات او اذا جاك القبول المشروط وحبيت تدرس في معهد غير معهد الجامعة لازم تجيب درجة معينة في التوفل او تجيب درجة الجيمات الي طالبينها.