عرض للطباعة
السلام عليكم
يبدو انه صعب نلقى حجز على الخطوط السعودية برحلات مباشرة الى واشنطن :(
لذا اتمنى من اللي عنده فكره ما هي افضل خطة طيران لواشنطن ؟ وما هي خطوط الطيران المناسبة
مثال : الخطوط الهولندية ؟ كيف رحلاتها ؟ وهل احد جربها
او هل يوجد خطوط طيران افضل في حال تعذر السعودية؟
وهل تفضلون الرحلات المباشرة الطويلة بالنسبة للي عنده اطفال ام الرحلات اللي تمر باوروبا؟
ارجو افدتنا لانا يفترض نسافر في بداية اوجست والى الان ما حجزنا انا وزوجي وبنتي :(
وقبل كم يوم يفترض اكون في امريكا قبل بداية الدراسة ؟
اخي العزيز انا كانت رحلتي الرياض- باريس = باريس - واشنطن dc على الخطوط الفرنسيه
شوف بقولك شي مهم
1- السعوديين الي ينزلون في نيويورك يطولون في المطار من 4 الي 6 ساعات مع شوية بهذله وتعب وتفتيش طبعا هذا في مطار نيويورك
2- انا رحلتي زي ماذكرت لك فوق الصراحه تعبت في الرحله خصوصا 7 ساعات الي باريس وكمان 7 ساعات من باريس الي واشنطنdc بس الحلو فيها ماجلست في مطار واشنطن الا ساعه ونص بدون اي تعقيدات وطلعت للملحقيه على طول وانا ماشفت اي تعقيدات وسهاله ولله الحمد
وانصحك بالخيار الثاني لان تعب الرحله ولا بهذلة التفتيش والتدقيق والله يوفقك
يفضل مادام معاك عائله تكون على الاقل قبل بداية الدراسه باسبوع وقبله لاتنسى انك راح تجلس في العاصمه 2 -3 ايام في الملحقيه نصيحه اعط نفسك وقت علشان تبدا وانت مرتاح مو مضغوط يعني تكون رحلتك توصل مدينة دراستك يوم الاثنين علشان الاثنين البعده تبدا الدراسه انا سويت زي كذا وبديت وانا مرتاح واستاجرت شقه ونظمت نفسي وعرفت مكان الجامعه وعرفت الطريق وانصحك بهذه الطريقه زي ما نصحوني والحمد لله كلووووو تمام
يعطيك العافية اخوي المايسترو
يعني اقدر احجز على اي خطوط اجنبية ؟
وكم جلست تتنتظر في باريس ؟
وهل يكفي اسبوع قبل الدراسة لترتيب الشقة والسيارة والاثاث والا نحتاج وقت اكثر خصوصا اننا عائلة.
وبالتوفيق
بالنسبه للخطوط الاجنبيه ماعندك اي مشكله اي خطوط تقدري تحجزي عليها . انا جلست في باريس 3 ساعات واقلعت على واشنطن ورحلة باريس حلوه تقلع من السعوديه الساعه 1 بالليل وتوصل باريس 630 صباحا يعني راح يكون الرحله الاولى نوم.
واسبوع كامل انشالله انه كافي لان الوضع هنا سهل مرررره مافيه اي تعقيدات بمجرد وصولك للمدينه اهم شي الاستقرار يعني (مكان السكن ويكون قريب من الجامعه) وراح تحصلووو السعوديين هناك راح يفيدوكم بشكل كبير وبالنسبه للسياره لاتستعجلووو ابدا لين تسألوو لانوو فيه رخصه قياده لازم تطلعوها لانوو هنا القياده بدون رخصه مشكله كبيره شوي وانظمة المرور تختلف شوي بس اهم شي اسألووو السعوديين عن انظمة الولايه وانشالله الامور سهله .
( واي استفسار تحت امرك لاتستحي نهائيا للمعلوميه السعوديين هنا قلب واحد ويخدمو بعض كثيييييييير)
بالتأكيد اخوي المايسترو
انا واثقة جدا في كل السعوديين والسعوديات
والله يوفق الجميع يا رب
وشكرا على كل معلوماتك ونصائحك.
كل خطوط الطيران يتفقون فالجوده من خلال ..
الفرست كلاس!!
سواء كانت خطوط بلجيكيه ولا بنقلاديشيه..
راح تلاقي مبتغاك..
اما اذا الظروف ماساعدت.. انا ارشح الخطوط الالمانيه ..
لفتانزا .. جميله وهاديه ومافيها تفتيش ولا مشاكل وساعات اطول وترانزيت اقل ..
شكرا اخت لينااقتباس:
المشاركة الأصلية كتبت بواسطة لينا
انا ما فهمت عليك بخصوص ما فيها تفتيش؟
تقصدين بمطارات المانيا او بامريكا؟
الخطوط الجويه الالمانيه -- لفتانزا ..
اقصد بالمانيا ..
التفتيش عندهم معدوم.. لا احد فتح الاب تاب و لا قالوا لي شيلي ولاعه ولا حزام ولا خرابيط..
ناس نايمه تبي تخلص العالم علشان تمشي.. مايحبون الزحمه الالمان
ههههههههههههههههههه
والله ترتاحين معاهم وطيبييييين مره ..
وانا طالعه من امريكا رايحه السعوديه .. وزني كان شوي طالع عن المحدود
وقالوا لي مشي مشي ..
الخطوط البريطانيه البرتش هذي حقت نوم ..
تنزلين السعوديه كنك جايه من البحرين من كثر النوم الي نمتيه والرااااحه وتسلمين على اهلك ومصحصحه..
بس بما ان عندك بيبي انا ما انصح لان الرحله فيها ترانزيت للندن وبعض الاحيان البحرين
يعني فضيحه بجلاجل مع الاطفال ..
يكونون فالطياره محكورين احسن..