طابت النفس من امريكا

مشووار دام اكثر من سنه ونص للدراسه في امريكا
درسنا وخلصنا اللغة وخلصنا اول كورس من الجامعة
وردينا وقلنا نبي نتزوج وتزوجنا وقلنا خلنا ناخذها معنا وبوقتها فيزتي انتهت وكان ضروري ان اجددها رحت للسفارة وتحديدا قابلت الشباك رقم 7 ونفس الاسئلة ليه رحت لسوريا وليه رحت للاردن وهيك المهم خلصت المقابلة وقال ياحبيبي انتظر اتصااال طال عمرررك
وصار لنا شهرين وننتظر هالاتصااال دراستنا راحت وكلش راح واجي السفارة كم مره ويقولون انقلع انتظر اتصال او راجع مع سفارة جده واتصالات على سفارة جده اللي مايرفعون الخط ابدن ويالله يالله رد علينا اخونا وهو نفسة بخشمة قال جوازك مابيخلص راح نتصل عليك قلت طيب متى يخلص قال شهر شهرين سنه مادررري
تزوجنا وتورطنا حتى مصاريف مافية
وهيييك ضعنا مع امريكا وضاعت اكثر من سنه ونص بدون فائدة
وانا خلاص طااااااابت نفسي بقووووووووه بقوووووووه
واريد منكم اخواني ترشحون لي الدول اللي ماتضيع مستقبل الواحد
انا بحثت في النت ولقيت في ماليزيا جامعتين قويتين وهي ماليا و ناشنل وهن من افضل ميتين جامعة في عام 2006
انا ابحث عن الراحة النفسية االلي ماقد ارتحت فيها بأمريكا من مضايقات الاف بي اي والبحث حقهم وتعامل المطارات معنا والعنصرية اللي عند ببعض الامريكان

واتمنى اخواني ترشحون لي افضل الدول للراحة البال وللدراسة
انا والله مابحثت الا على ماليزيا ولقيتها كووويسة وفيزتهم تحصلها بسهووووله ودولة اسلامية
بس مادري عن باقي الدول مثل استراليا ونيزولندا
وكذالك مادري هل الوزارة توافق على تحويلي وهل ضروري اذا ذهبت ادرس في دولة ثانية اعيد دراسة اللغة ):

ااتمنى احد يقدر يفيدني

أخوي سلطان الله يعينك على السفارة وأانا لي الآن منتظر أكثر من 100 يوم ولاحس ولاخبر وبكل برود يقولون لي لسه انتظر

المهم اذا تبغى تحول انا اللي اعرفه انه مايحولون الا اذا اترفضت تاشيرتك لكن انت روح الوزارة وحاول معاهم وترى الوزارة الآن أصيحت سهله في التحويل

أما بالنسبة للدول فعندك كندا الصراحة جدا ممتازه الدراسه فيها وجامعاتها جدا قوية على مستوى العالم وهي تعتبر من أفضل الدول للإقامة فيها والله يوفقك وين ماتروح

الله يوفقك ويعينك أخوي .......!

اتوقع اجراءات نقلك اختصاص الوزاره .. وماعندهم حق يرفضوا تغيير الدوله المبتعث لها في وضعك الحالي .

الله يعينك واتمنى من الله عز وجل ان يعوضك بالافضل ويعطيك على قد نيتك.

على قولتك ماليزيا دوله اسلاميه قد تشتري راحه البال اللي ممكن تكون شبه معدومه في امريكا. خصوصا ومعك عائله.

وبالنسبه لدراسه اللغه .. تعتمد على متطلبات الجامعه اللي راح تقدم عليها .. اذا انت حاصل على درجه في التوفل او على الأقل تقدم لهم ترانسكربت من جامعتك في امريكا .. المفروض انها تعفيك من دراسه اللغه وتضييع وقتك

اطيب الامنيات

والله اخوي احسن شي سويته انك كملت نصف دينك والله راح يسهلها عليك انشاء الله

وانا رايحه امريكا والله يستر علينا منها كان مايطفشونا بس اذا نفسيتك تعبانه منهم وفي مجال

لتغير غير لانك استحاله انك تقدر تدرس ومنت حاب المكان او انك ترضى بالي يقسمه لك رب

العالمين ادعي ربك وانشاء الله تجي سهاله من رب العالمين

الماسه

اخوي لا تدور غير كندا , دوله حلوه وجدا وشعب طيب الى ابعد درجه والفيزا تأخذها خلال 3 اسبايع .

واي خدمات ارسل لي رساله على الخاص

أهلين أخوي,
مثل ماقالو لك الأخوان
التحويل سهل بإذن الله وطالما توضح للوزارة انك متأخر ومتعطل حالك بسبب الفيزا

الف مبروك عليك انك اتزوجت والله يرزقك وزوجتك ويوفقكم ببلد أحسن من أمريكا
شوف كندا ولا نيوزيند ممتازة
والفيزا بسرعة تطلع والله يوفقك

فيه مييييزة بالنسبة لأستراليا ... << كل واحد بيسوي دعاية :D

ألا وهي ..

ان الفيزا تطلعها مرة وحدة .. حقت سنوات دراستك كلها
وتقدر تروح وتجي فيها قد ما تبي

وطبعا استراليا دولة حلوة وشعبها أحلى
وجامعاتها قوية

عالعموم انت استخير وربي يختار لك الأفضل

والله يوفقك

ومبرووووووووووك الزوااااااج :D

السلام عليكم ورحمه الله وبركاته

في البدايه اخوي الغالي ابارك لك على اكمال نصف دينك والله يوفقك يا رب انت وزوجتك ويرزقكم بالذريه الصالحه فديت راسك
وثانيا بالنسبه لموضوع الفيزا ___ حسبي الله عليهم ونعم الوكيل__ وعلى كل اللي يسوونه في حقنا وعارف هالشي يضيق الصدر ولكن على قولهم جت من الله عزوجل والحمد لله على كل حال مهما صار
ثق اخوي العزيز ان تعبك ماراح يروح هدر ..وان الله عزوجل ماراح يضيع لك تعب ولا راح يضيع لك تحمل السنه والنص في امريكا ...واللي سهل لك امور البعثه والزواج راح يسهل لك باذن الله امور الفيزا او الانتقال لدوله اخرى
كثير من الشباب اعرفهم نفس قضيتك ونفس المده اللي جلستها انت في امريكا جلسوها هم وما كان عليهم اي مخالفات...بس هذي الحركات اللي نشوفها من موظفين السفارات الامريكيه غريبه جدا ولا ندري ما هو السبب ..فقط تاخير على الفاضي ...ولعلمك ان التاخير الحاصل في السفاره الامريكيه بالرياض تجده في اكثر السفارات الامريكيه حول العالم...وانااذكر صديق لي من دوله بلغاريا وصديق اخر من دوله قطر حصل لهم هذا الشي وتاخرو عن الدراسه ولكن الجامعه قدرت هذا الشي لهم وفي الاخير حصلو على الفيزا ..
اخي العزيز لااريد ان اطيل عليك بالكلام ولكن هذي بعض نصائحي لك التي اتمنى من الله ان تساعدك و اعانك الله وسدد خطاك وعجل لك بما هو خير لك
راسل الجامعه بامريكا واخبرهم بما حصل وسوف يوجهونك ويهتمون بامرك وربما يخاطبون السفاره من اجلك ...الفائده منها ان الجامعه يوجد لديها خبر بسبب تاخرك اذا حصل تاخير لحضور موعد الدراسه ومنها كذلك ربما تصيب معك وتمشي امورك في السفاره بسبب الجامعه ومخاطبتها لهم
من ناحيه اخرى اخي الغالي...قم بمراسله بعض الجامعات في دول اخرى وذلك للاحتياط..ومنها كندا واستراليا وماليزيا ...فهم معروفين بقوه جامعاتهم ورقي شعوبهم وسهوله امورهم في اجرائات الدخول والخروج..واريد ان اخبرك ويشهد الله على مااقول بانني طالب في امريكا وانتظر من هولاء اي سبب يضايقني لكي انتقل الى احد الدول التي اخبرتك عنها ولكي ارتاح من هذا القلق النفسي الذي لاادري ما هو نهايته..
بالنسبه للوزاره في الرياض...فهم من هذي الناحيه متفاهمين جدا ...عندما يقومون برفضك السفاره الامريكيه او غيرها فانه يتم نقلك باسرع وقت الى اي دوله اخرى تحصل على القبول منها ...
بعثتك في يدك....لا تكترث لها ابدا ...هي مسئله وقت وربك كفيل بحلها

اتمنى ان لم اطل عليك ...واتمنى من الله عزوجل ان يسهل امورك انت والطلبه الاخرون الذين يواجهون نفس المشكله ...اعانكم الله وسدد خطاكم

اجمل وارق التحيات من اخوك انديانا بوليس

الله يبارك فيكم جميعا
اليوم مريت الوزارة التعليم العالي وتكلمت مع الدكتور هشام والدكتور ناصر الفوزان
وكانو قدامي ناس واجد ينتظرون مقابلتهم
وكثير منهم يريدون التحويل منهم يقوول اولادي وبناتي في نيزولاندا يلقون مضايقات والجامعة حقتهم قاعده تصفي من السعودين وعنصرية فيهم
والثاني يدرس تخصص قوي في العلوم مادري شنهي ومتزوج وصار له سنتين اهناك وكذالك لقيته يتكلم مع الدكتور ناصر بموضوع المضايقات في امريكا وانهم مو مرتاحين وكذالك ان السفارة معقدتهم صار لهم شهرين ينتضرون التجديد ودراستهم راحت
والدكتور يقول موضوع النقل صعب جدا جدا ومن هالكلام وقال خلاص جيب قبووول من اي دولة وتروح معاملتك للجنة
وجيت انا قابلته وكلمته بهالموضوع وقلت له كل مضايقاتي في امريكا وعن سالفة اف بي اي وكذالك عن السفارة وتأخريهم ومماطلتهم وان كورس كامل بيطير يعني نص سنه وانا ماني ضامن التجديد بعد وقلت ابي احول على ماليزيا قالي ماليزيا موقفة الابتعاث فيها قالي شوف كندا والا استراليا او دولة ثانية قلت مابي الا ماليزيا انا مانضرت للدول الكبيرة على طول ناضرت لدولة صغيره واسلامية علشاني ذقت مرارة العيش في امريكا وماني اتحمل اذوقها في مكان ثاني الا وانا ضامن دولة تريحني بكل شي وبعد الاصرار على ماليزيا قال جيب قبول منهم وان شاء الله يصير خير
وانا حاليا احاول الحصووول على قبول من ماليزيا بأقصى سرعه وبنزل موضوع في قسم ماليزيا يمكن احد يقدر يدبر لي قبووول بسرعه قبل بداية اقوسطس لان الدراسة تبدأ فيها

وانتم يأخواني ماقصرتوا واللله يوفقكم جميعا
وانصحكم نصيحة اللي بأمريكا بوقت التجديد خله بأمريكا يجلس ألين يخلص الدراسه افضله واحسله

وشكرا لكم مره ثانية

اهلين أخوي سلطان ... انا الصراحه ودي أغير امريكا لكن كيف ..؟

انت كلمت مين ورحت عند مين انا الحين لي 3 شهور انتظر الفيزا ..

تكفى عطني التفاصيل هنا او برساله خاصه ..

انتظر الجواب منكم ,

والله طريقة التحويل قال لي صعبة ولكن اكتب خطاب واشرح فيه الاسباب وجيب قبووول من اي جامعة تبيها وان شاء الله تمشي امووورك
وهم اكيد قدام الناس يقولون كذا بس غصبن عنهم تحوووول انت صار لك اسم مبتعث يعني خلاص تحول على كيفك
انا كلمت الدكتور هشام والدكتور ناصر الفوزان
هشام قالي جيب خطاب واشرح فيه الاسباب وجيب قبول وتمشي امورك
ناصر الفوزان قال لي صعب التحويل ومن هالكلام وتكلمت معه وشرحت له الاسباب وقال جيب قبول وان شاء الله يصير خير
يعني من اللحين انت دورلك على قبوووول بسرعه علشان تلحق على الدراسات اللي تبدأ في اقوسطس او جانوري
انا قاعد ادور مكاتب خاصة لقبول في ماليزيا مالقيت
ماركبت براسي الا ماليزيا
ونصيحة لاتستنى كلام الفوزان او هشام دور قبول ولحق حالك مو بس حنا ترى بنحول والله طلاب كثيرين وشفتهم في مكتب الفوزان

الله يوفقك يالغالي ويعينك على سفارة العلوج :D
انا حاولت اتصل عليهم حتى يعطوني جوازي بدون الفيزا ولكن محد يرد
الله يعين بس

بس ... ليش مسكووك ال FBI
والشي الثاني قلي عن الوضع اللي في امريكا الامان والراحة

والله الاف بي اي مسكوونا وحققوا معنا ولا عارفين شالسالفة سؤلونا كل صغيرة وصغيره كننا مسوين مصايب نقولهم شالسالفة يقولون واحد بلغنا عنكم وحنا نبي بس نبي نتأكد وناخذ الاقوال
ويومين اوقالهم حلوه ذي

والامان على حسب الديرة اللي تدرس فيها
وشعب امريكي كله سكران يعني توقع اي شي يصير
مثلا انا سيارتي تتفقع كفاراتي ويكتبون عليها بالبخاخ شي روتيني هذا عندهم عادي هههههههه

والله ماني عارف كيف متحمل بس خلها على ربك فيه ناس لقوا تعامل العن مني
خليها على ربك

والخوف فينا دايما وقد حصلت سالفة في جامعة فريجينا الاسوي اللي ذبح مجموعة واجد من الطلاب في ال 8 ساعات الاولى ماحددوا منهو اللي سواها وقالوا واحد من اسيا خفنا قلنا يمكن سعووودي وماسكين على قلوبنا لو طلع سعودي كان الدنيا قلبت علينا وتعامل الجامعه والطلاب بيتغيرون وكذا بس الحمدلله ماطلع سعودي طلع كوري الله يخسه ههههههههه
يعني كل حاجة تصير لازم نتخوووف ان تطلع المصيبة على السعودين

خلها على ربك بس

أنصحك باليابان وبس

بلد يحترم العلم بحق
وقادمة بقوة لتكون أقوى بلاد العالم في التعليم

طيب اخوي

ممكن تقولي باي ولايه انت

السلام عليكم ,,

اخوي سلطان تصدق لية الان 106 ايام انتظر الفيزا وقسم بالله مرمطة لابعد درجة .. تصدق انو هذا القنصل اللي في شباك 7 هو اللي سوا معاية المقابلة يوم 9 ابريل , وكمان لابس مناظر ودقنو خفيفة وقلي راح نتصل عليك خلال شهرين والحين 3 شهور واسبوعين الله يعين عليهم ياشيخ .. وان شاءالله يتصلون علينا قريب .

والله وانا اخوك صرت افكر اجيب قبول من كندا واروح على كندا .. اه ياشيخ من ذي السفارة الللي عقدتنا الله يعقدهم .. والله يكتب الي فيه الخير ..

وخذ هذا الرقم سفارة جدة يردون عليك بسرعة 026670080 تحويلة 4600 واتصل عليهم مابين الساعة 2:30 الظهر الين 5 العصر وان شاءالله يردون عليك بسرعة ..

اما عن تحويلك الى ماليزيا فأنا وبصراحة اشوف كل الشباب اللي بالمنتدى ويدرسو في ماليزيا يبغو الخراج منها طفشووو وعنصرية يعني اللي على الماليزي 16 رنجت على السعودي 32 رنجت ... هذا على حسب كلامهم .. انا انصحك بدولة تكون لغتها الاصل الانجليزية .. وانا اشوف انسب دولة هي كندا ..

والله يوفقنا واياكم ان شاءالله

الله يعينك أخوي سلطان وممكن تتفضل وتضيفني بالمسنجر للضروره ولك الشكر.

a-9111@hotmail.com

اسمع اخوي اذا انت مبتعث حول كندا ولا بريطانيا احسن لك

اخوي سلطان كيف الحال بشر وش سويت باوراقك انشاء الله جتك وترا امدحك باستراليا تراها زينه وش قالولك الوزارة عن طريقة التحويل