عرض للطباعة
مرحبا أعضاااء مبتعث
أنا عندي تساؤل هل فيه أحد منكم مبتعث للدكتوراه في أمريكا ومعه خمس أطفال؟
وياليت اللي يجاوبني يبلغني هو مبتعث والا مبتعثه؟
هل هو والمرافق يدرسون؟
هل قادرين ينظمون أوقاتهم؟ وميزانيتهم؟
هل تشجعون اللي بنفس الظروف وتسهلت له البعثة انه يجي؟
والا صعبه عليييه؟ لأاني أسمع ان الدكتوراه في أمريكا موسهله والشغل فيها يحتاج شخص متفرغ؟
مشكووووريييييييين
أعرف رجل مبتعث دكتوراه
وزوجته تدرس بالمعهد
وعنده 4 أطفال
كلها تهون مع العلم إنكم راح تتعبون شوي
بس راح تشوفون النتيجة مستقبلا
أكبر عقدة في الموضوع هو الحصول على قبول الدكتوراه فقط
انا مثلك طفلين و شايلة هم لاني عارفة قد ايش الاطفال متعبين...وخصوصا اني من النوع الحريص بكل شي و دقيقة و هذا الشي يتعب اكثر
لكن اشوف حولي ماشاء الله امهات يدرسون صباحا مدرسات يعني و المساء يدرسون ماجستير وماشين
فأن شاء الله تتيسر
مشكورييين على الرد ما قصرتوا
ياليت أي أحد عنده رأي ما يبخل علي بالمعلومه
حتى لو يقول لي اجلسي ظروفك ما تناسبها البعثة
لأن اللي جربوااا غيييير
الله يعافيكم لازم أتخذ قرااار قرييييب
وانا ما ودي أجي وأفشللللللل
الله في عون العبد ما كان العبد في عون أخيه
إذا إنك حصلتي على قبول الدكتوراه فإستخيري وإستشيري
وانا رأيي تتوكلين على الله وتطلعين أمريكا
الله يعينك ..
الوضع أبدا أبدا مو سهل .. بس مو مستحيل .. إذا في عزيمة و هدف و تحمل ..
و أكيد راح يكون هناك بعض التضحيات ..
و إذا العيال كبار شوي يعني يعتمدون على نفسهم ببعض الأمور بيخف الوضع إن شاء الله .. يبقى التربية الجزء الأصعب و التدريس خصوصاً إذا ماعندهم إنجلش .. يعني الميزانية تقدرون تروحون ولاية رخيصة نوعاً ما .. الوقت من الممكن تنظميه إلا إذا في أطفال سنة و نص و أقل بيصير صعب شوي .. يبقى الأهم و هو الحرص على الأطفال من ناحية الأكل ، الصحبة ، الدراسة ، الأخلاقيات ، تدريسهم المنهج العربي و الدين ، الصحة ..
و ممكن تختارون جامعات مو صعبة مرة ،،و أيضاً تتعلم الأم السواقة لمساعدة الأب على مشاوير المدارس و الحضانات و المواعيد خصوصاً إذا كانت جداولهم مختلفة ..
في نظري الموضوع يبغاله صبر و تحمل .. و إلي عنده هدف بإذن الله راح يحققه رغم الصعاب و تصير ذكريات حلوة الواحد يفتخر فيها :)
وفقك الله و سدد خطاك ... و لاتنسين الاستخارة ..
جزاكم الله كل خير
يااللي رديتوا...
وألف شكر على النصاااائح
الله يوفقكم وييسر لكم أموركم
بس الواضح من تجربة اللي اطلعوا على الموضوع انه ما فيه أحد صادف وحده
ظروفها نفس ظروفي
والحقيقة هذا شي مقلق....
may allah help you
اقتباس:
المشاركة الأصلية كتبت بواسطة Tay
فعلا بعد ردك هذا حسيت إنه شي مقلق
ولكن
هل زوجك راح يدرس؟؟؟ وهذي نقطة جدا هامة؟؟
وكم عمر أصغر أبناءك؟؟؟
وفوق كل شي عليك بالإستخارة وهي من سيحدد بعد إرادة الله ماذا سيحدث لك
اختي انا اعرف وحدة تدرس دكتوراة هي وزوجها وما شاء الله ماشية أمورها ما أقولج الأمر سهل بس اللي يبا الشي يتحمل عندها أربعة الله ايحفظهم و مقسمة توصيلاتهم هي وزوجها أنا كنت جارتها لما كانت بالماستر مسكينة اتغيب كثير عن أغلب الجمعات اللي اتصير بس في المناسبات انشوفها واذا حست انه عيالها محتاجين ايشوفون العيال وايغيرون جو حضرت
الله ايوفقج اختي
اهلا اختي العزيزه :
ساتكلم بوضوح تااااااااام وما ابي منك الا الدعاء لي بالتوفيق وان يكون الله خير معييييين لي والا اريد سواه وفعل الاسباب بعباده . اتفقنا اختي العزيزه -
اولا : هل علاقتك بزوجك صداقه او روتيين الزوجيه السعودي المعروووف . اذا كانت صداقه فتوكلي على الله واعزمي وان كان خلاف ذلك فشدي ارضك .
ثانيا :هل زوجك عنده اي حماس من ناحية السفر . يعني عنده اهداف سعوووديه شامخه دينصوريه أو متكل عليك ويحب الطلعه والدخله بالعربي الفصيح اعتمادي ومتكل على الغير خصوصا الزوجه في رعاية الاولاد وتدبير امور المنزل .....الخ فاذا كان متحمس ويده بيدك فتوكلي على الله واعزمي والا فشدي ارضك .
ثالثا : قد قلتي لكم خمسة ابناء - ماشاءالله تبارك الله - السؤال : هل ابناءك متعوديين على ابيهم وهو له صبر عليهم في طلباتهم وصياحهم وشقاوتهم .فاذا كانوا محبين لابيهم في جلسة معه وذهاب واياب وماكل ومشرب وحالة مرض وارق وتعب فتوكلي على الله واعزمي والا فشدي ارضك .
رابعا :وهذه لكي (( اذا كنت امرأه تتمتعين بصفة التاقلم والانسجام مع الاماكن الجديده والاجواء المتغيره وتحمل كركمة العفش واغراضك الخاصه وممكن تنكشف بعض الخصوصيه لزوجك وابناءك فاذا كنتي كذلك فاعزمي وتوكلي على الله والا فشدي ارضك .
خامسا :ارجوا التركيز على زوجك خصوصا وابائك عموما لان في زوجك مفتاح نجاحك الدراسي والدنيوي وفي رضاه قبولك عند ربك عز وجل - اختي العزيزه : حاولي الالحاح في زوجك برغبته في ذهابه فاذا كان ممن يرغب ويلح عليك فتوكلي على الله بعد التفاهم عن مسألة الابناء في الحفاظ عليهم والاهتمام بهم ليس في جلوسهم بالبيت فقط وانما في الذهاب بهم للحضانه والعوده بهم لان منهم من يريد المدرسه ومنهم من يريد الذهاب الى الحضانه .فسوف يكون هناك تضحيه منه ليس بالسهله لانكي ستكونيين مشغوله في مقتبل الدراسه خصوصا وانها ستكون مختلفه كليا عن ارض الحرمين .اعلم ان من حق المرافق الدراسه والملحقيه الثقافيه ستكون اول معين في ذلك ولكن اعلمي ان المرافق سيضحي بايام واسابيع ليست بالقليله هذه للمعلوميه .
بالرجوع لشرح البنود السابقه فساوفيها لكي في سطور قليله :
تعلمين تمام العلم ان في الازواج السعوديين سرعة الغضب والعناد التام خصوصا من الازواج شديدي الشخصيه ويعمد بعض الازواج في تدخل القريبين من اهله لحل المشكلات ولو كانت عليه لوجد الحل في الطلاق لا سمح الله .
وفي قولي هل زوجك له اي ميول او حماس للسفر((طلب العلم السعودي))هههه .لانه في اقرب محنه او مشكله لكم جميعا سيلغي ما سوف تبنونه وليس لكي حق الاعتراض وانتي تعلمينى لماذا ؟؟؟
اما في قولي في ابنائك نفع الله بهم دينه : انتي امرأة ولكي ابناء وليس هناك شي في هذه الدنيا يساويهم فان كانوا سلسين و متقبلين للغير ويعتمدووون على انفسهم ولو قليلا فهذه فرصة ليست بالسهله ولا تضيعينها .
في قولي لكي :اذا كنت امرأه لكي طموح وتنضرين في نفسك انكي باستطاعتك ان تفيدي وتستفيدي فالمملكه مستقبلها العلمي والعملي في النساء وذلك بنظرك في المباني العملاقه بالرياضوغيرها من المناطق الاخرى
قلت قلت لكي لابد ان لاتقل الميزانيه عن مبلغ 60 الف ريال سعودي لانه يتوجب عليكم امور اساسيه واهتمي بها جدا ولا تتهاوني بها :حسب تجربتي :اجار المسكن بقربه من الخدمات وقربه من مكان دراستك ومدارسهم والتمين الصحي وهو الاهم الاهم .
اعلم انني اطلت عليك لكن اريد الدعاء منكي ومن كل من يقرأ كلامي - ولم اقل هذا الكلام الا من تجربه شخصيه ، ويعلم الله انني لم اكتب لكي هذا الا لحرصي التام على عائلتك ومستقبلكي التعليمي خصوصا اذا كان هناك زوج طيب ووظيفة تاكلين منها عيشك وعيش اسرتك ،
المهم لاتنسينا من دعائك اتوقع انا متفقين في البدايه
وتمنياتي لنا ولكي التوفيق في الدنيا والاخره .
محامي عصره
أنا ردي بعد رؤيتي لثلاثة من زميلاتي لديهم أبناء بين 4 و 5 و يدرسون الدكتوراة و لكل منهم قصة .. لكنهم مازلوا مستمرين رغم كل الصعوبات إلي يواجهونها ماشاء الله تبارك الله عليهم ..اقتباس:
المشاركة الأصلية كتبت بواسطة Tay
و أتفق مع الأخ الحكيم العادل فيما يتعلق بالزوج يجب أن يكون متعاااااون و غير أناني .. و متقبل أن يفعل أمور كثير قد تكون مختصة بالأم في بلادنا كالطبخ أحيانا مقاسمة السهر مع الأبناء خصوصاً الأطفال أو عند المرض ، تدريسهم ، التنظيف و غيره ..
سهل الله أمرك و كتب لك الخير حيث كان ..
صلي الاستخاره لأن هالشي يختلف من وحده للثانيه ومافيه شي صعب
الله يوفقك أختي ويسهل أمورك
جزاك الله كل خيراقتباس:
المشاركة الأصلية كتبت بواسطة الحكيم العادل
أسأل الله ان يبارك في وقتك
ويكون لك خير معيييين ويكتب لك التوفيييييق في كل خطوه
وييسر لك كل أمر عسير
ويسخر لك العباد
ويفتحها في وجهك...
ويحقق لك ما تتمنى في الدنيا والاخره اللهم امييييييييييييين
يا حي يا قيوم برحمتك أستغيث أصلح للحكيم العالدل أمره كله ولا تكله الى نفسه طرفة عين
الله أحسن عاقبه في الامور كلها وأجره من خزي الدنيا وعذااااب الاخره...
لا أله الا انت سبحانك اني كنت من الظالميييين
نورتني برأيك وأفدتني...
زوجي متحمس للسفر ولديه أهداف وهو أيضا متعاون
...
أطفالي... يحتاجون وقت للتخلص من نظام الاتكاليه على الخادات
ومن البلاده التي خلفها نظام التقييم المستمر في المدارس
أعطيتيني بصييييييييييييييييص أمل...اقتباس:
المشاركة الأصلية كتبت بواسطة م. كيميائية
ولازلت خائفة من التجربة....
لازلت بانتظار القبوووول شكرا على مرووووركاقتباس:
المشاركة الأصلية كتبت بواسطة alhaime
اقتباس:
المشاركة الأصلية كتبت بواسطة alhaime
تسلم على تفاعلك وردكاقتباس:
المشاركة الأصلية كتبت بواسطة alhaime
نعم زوجي راح يدرس
ودكتوراه بعد:dry:
الله يسههههههههههل
أصغر أطفالي عمره سنه
Challange
بنت ابوها
omhamid
مايا
شكرا على مرووووركم
وارائكم وتفاااعلكم
مورتوا الموضوووووع
السلام عليكم
الله يسهل امر دراستك ويعينك
انا بعد دكتوراه وشايل هم وعندي بنوته<<<< بس شقيه
والله حاسة فيك بكل كلمة قلتيها
المهم هذي فرصة لك لا تفوتينها ابدا
وتجربة راح الكل يستفيد منها انتي وزوجك وفيها تطوير لك ومعايشة حضارة ثانية غير كذا اذا رجعتوا بيكون المستقبل قدامكم حلوو
وابناءك راح يتعلمون اشياء كثيرة وصفات حلوة بالاضافة الى اللغة
وتتاكدي مافي شي سهل
واذا قدرتي تصرفين ولدك الصغير وتحطينه عند اهلك في السعودية اريح لك شوي و اذا جيتي زيارة للسعودية اخذيه معك<<<< اذا كنتي تقدرين على الفراق هههههههه
والله يوفق
اختي الفاضلة
انا اعرف وحدة عندها 3 اطفال وجات للبعثة (لوحدها من غير الزوج)
بصراحة كانت حالتها غير مرضية لانها لم تكن منظمة, فمثلا الاطقال يظلون صاحين الى وقت متاخر 11 او 12 بالليل
بالتالي في الصباح عندما ياتي الباص يركضون حوله بطريقة مزعجة (للاسف)
المهم في هذه القصة هو انه
اذا انت انسانة منظمه وذات عزيمه عاليه وملتزمه بتحقبق هدفك وتضعين حرف ال دال نصب عينيك فتوكلي على الله
الاطفال امبر من 5 ستوات سيذهبون الى المدرسه عن طريق الباص الذي سياخذهم الساعة 8 صباحا ويعيدهم بحفظ الله الساعه 3 ونصف, ولكن يجب ان تكوني بانتظارهم عند نقطه التنزيل او توكلي احد باستلاهم, لان هذا هو القانون هنا بالنسبة لمن هم في المراحل الدنيا 1,2, 3
فس الصباح انت لو عندك مععهد رحتي وجيتي وذاكرتي بعد
ولو كنت على طول دراسات عليا, فما عندك محاضرات في الصباح (عندها تخلصين قراءاتك ووواجباتك), وتستقبلين اولادك وتدخلينهم البيت,
طيب لو عندك محاضرات من 5 الى 8 مساء , كيف تسيبي الاولاد لحالهم؟ ما يبنفغ
في حال ما في احد جاي معاك (زوج, اخ, اخت) ما عليك الا طلب بيبي ستر , والله يعينك على الدفع بالساعه (10$ بالساعة) والحسابة بتحسب
ايش بعد بيجي الويكاند
تريحي اعصابك , وتستمتعي بالجو الجميل وممكن تاخدي اولادك (عزوتك وقرة عينك) وتروحي سينما تشوفو افلام ديزني وتاكلو فشار
ويوم الاحد ترجعو للمذاكرة , ويبدأ الاسبوع من جديد
وبالنسبة لشغل البيت (غسالة ملابس ونشافة اوتومتك وغساله صحون بعد)
اانا اكلمك عن تجربتي كام لطفلين / وتمكنت بفضل الله ثم بالعزيمة ودعم زوجي المعنوي وبكثير من الجهد والتعب من النجاح بتفوق في كورسات الدكتوراه/ انا الان انتهيت من سنه ونصف من الكورسات ويبقى لي ترم واحد ثم ابدا الرسالة
ان شاء الله
وعقبالك
الله يوفقك ان شاء الله
يارا... ام انمار
الله يوفقنا وايااااكم
اللهم اميييين
totitoti
شكرا على عرض تجربتك...
وتجربة زميييلتك...
طبعا كلنا نتمنى نكون منظميييين
لكن بعض الاطفال مطواعيييين وبعضهم لا...
والتوفيق بيد الله
الله يوفقك ويسهل عليك وييسر لك دربك
بصراحة بالإضافة لتجارب زميلاتي فإني استفدت كثيرًا من التجارب المذكورة في الموضوع .. لأني مقبلة بإذن الله على نفس المرحلة و يعتريني خوف من القادم ..
شكراً أختي Tay وفق الله الجميع لما فيه الخير ..
انتي تعالي جربي ومانتي خسرانة شي
ان مشت امورك وتاقلمتي كويس
وان ماقدرتي تسيطرين على الوضع عادي ترجعيين
وكل شي صعب بالبداية
وبالتوفيق
صحيح كلاااامك اخي ابو حوط
لكن والله صعبه الوااحد يشيل العايله كلها
ويحووووس حوسه
وبعدين يرجع بخفي حنييييييييييين
أشد أرضي أحسن على قولة اخونا الحكيم العادل
هههههه
الله يوفقك
وكلها تهوووووووون
شكرا مهندسة كيميائية
أسالأ الله ان يوفقك وتفرحييين بالداااال قريييبا
أنا بعد استفدت من تجاربكم شي مهم
وهو أن الأرزااااق بيد الله
أشوف ناس يشتكون من التوفل
والبعض من ال جي ار اي
وبعضهم من القبول
والبعض من الوقت
وشكرا أخوي ولد ساره الله يوفقك للي تتمناه
شكرا على دعواتك الطيبه
لنذهب لعقد اتفاق آخر في مجال الدعاء التي اخذ في خاطري وقلبي حيز ليس بالساهل - ههههه- لكن بجد ممكن احصل على دعوات اكثر لكي اقراها واعطيك اكثر ويقرأها غيري ولعل من الممكن ان الله يستجيب منهم .
قلت قلتي في افادتك لي ((
زوجي متحمس للسفر ولديه أهداف وهو أيضا متعاون
...
أطفالي... يحتاجون وقت للتخلص من نظام الاتكاليه على الخادات
ومن البلاده التي خلفها نظام التقييم المستمر في المدارس ))
وفي تعليق اخر افدتي الجميع بان زوجك ((حفظه الله لكم )) سيدرس الدكتوراه - يعني مثل ما علقت في الاول عنده احلام دينصوووووووريه - امزح معك - واولادك فيهم نظام الاتكاليه خصوصا من الخادمات . السؤال : هل تريدين اقتراح من عندي وباذن الله تدعي لي وعائلتي في كل صلاة ؟ وش تبين اكثر من كذا - اتفقنا ثاني مره
أولا : الحمدالله على توالي النعم على بلدنا بركة ولاة الامر علينا ومنها نعمة هذه البعثات لابناء الوطن .
اختي العزيزه :
عند وصولك الى بلد الابتعاث سيتعين غليك ارسال صورة من من ختم وصولك بلد الابتعاث ومن قرار قبولك في البعثه وكذلك للمرافقين (( الصحبه الطيبه )) وكذلك يتوجب عليك فتح حساب بنكي واحد خاص لكي في بلد الابتعاث .كذا خلصتي اجراءاتك مع الملحقيه وضمنتي تحويل مبلغ وقدره .......؟ الله يبارك ويطرح البركه - كذا طاح هم كبير - وستظليين تصرفين من المخزون الاحتياطي المتفق عليه في الرساله السابقه - اتفقنا ثالث مره
ثانيا :المسكن الجديد - ممكن يعجب الجميع او بعضهم ، على اي حال - يحتاج الى اغراض تأثيث وانتي ابخص مني واغراض غذائيه .وهذه غالبا تحتاج وقت .
ثالثا : بلد الابتعاث _متنبهرون غالبا ولو ماكاان من الكبار بيكون من الصغار . ولي وقفه هنا :
اعلمي اختي العزيزه انكي ذكرتي ان في ابنائك اتكاليه ففي هذه البلد سيختلفون كليا وسيكون بالتدريج من حيث لا يعلمون خصوصا انهم سيعلمون بعضهم البعض وبتوجيه من ؟ الوالدين - اتفقنا رابع مره
رابعا : سيكون هناك سؤال مهم ؟ متى سابدأ الدراسه ؟
من المعلوم ان الملحقيه ستلحقكم باحد المعاهد الانجليزيه قبل الدخول في الدراسه الاكاديميه وهي مدة ليست بالقليله (( سنه ونصف ))
خصوصا وانكم تدرسون الدكتوراه فانتم في نظر الملحقيه عموما والمشرف خصوصا تحضون بتقدير واحترام ومراعاة ظروف عائليه .
فحاولوا ان تختاروا معهد يراعي حضوركم وعدم حضوركم للمعهد خصوصا في الثلاث الاشهر الاولى من البعثه ومن المعروف ان الملحقيه ستوافق على المعهد طوعا وحبا .هذا من جهه . ومن جهة اخرى : فرغي وقتكي لابنائك وزوجكي كي يتاقلمون على نظام العيش الجديد - واقول من بيئتي السعوديه (( ان استطعتي في تغييرهم فانها انتصار عظيم في حياتك العائليه والعمليه . اتفقنا خامس مره - اعني على الدعاء
خامسا : بعد مرور ثلاثة اشهر او اقل من هذه المده - ستكونين قد اخذتي لغه من الشارع العام من حيث لا تعلمين وحاولي تغيير المعهد الذي لم تدرسي به - هههه - الى معهد اكاديمي وابدأي مشوار حياتك الدراسيه - وموفقه باذن الله
للمعلوميه : في خلال الثلاث الاشهر الاولى حاولوا الاستمتاع خارجا بالتنزه والاستمتاع خارجا - ولا تنسووون الكميراه .
اسال الله العظيم ان يحمينا ويحميكم وان تكون هذه البعث اعانة لنا على فعل الخير وان لا تجعلها وباء علينا وعلى ابنائنا - انه هو السميع العليم
محامي عصره[/B][/B]
أخي الحكيم العادل
شكرا اااااااااا لك
أسأل الله أن ينفعك بعلمك
و يجعله عونا لك على طاعته
ويرزقك من حيث لا تحتسب أنت وعائلتك
ويحفظك من كل شر ومكروووه
اللهم بيض وجهه يوم تبيض وجوه وتسود وجوه
واجعله يوم الفزع من الامنييييييين
لكن انا لا احتاج معهد للغة فماتنفع خطتك
فدرجة التوفل عندي كافية للقبول