المشاركة الأصلية كتبت بواسطة shOoRy Al7aRbI
أوكي إنت شايف انو انا مستر ..
يشرفني أكون بنت عن ألف رجال وبنت رجال ومن ظهر رجال وأخت رجال كمان ..
تدري ليش ؟
لأنو الرجوله مو بإنو الواحد يكون ذكر ..
الرجولة بالاتزان والعقل ودماثة الأخلاق والحكمة .. هذي هي الرجوله ..
وفي بنات عن مية رجال لما تواجه الناس .. وبينها وبين أهلها وصديقاتها أنثى عن ألف أنثى ,,
أنا رديت عليك لأنك ذكر دخل عصه في الي مايخصه يعني واضح من العنوان انو البنت تبغى صاحبات بنات يعني مالو داعي الرجال عفواً أقصد الذكر يدخل ويرد ..
لا ويجلس يقول حلال وحرام ..
البنت واضح تبغى صاحبات ومن غير محرم عشان يمكن يسكنوا سوا عشان ماتجلس لحالها وتجيب الشبهه من اولاد البلد هناك لنفسها ونظراتهم اللي تجيب المرض وعشان مايجي واحد زي حضرتك يتكلم معاها بدي الطريقة ..
الناس ظروف مختلفه .. مو كل بنت عندها أخوان والا عندها أب والا زوج والا محرم تاني يسافر معاها واضطرت تسافر لحالها ..
وعلى فكره ترا الوحده لما تسافر لحالها مو حرام .. لأنو مافي خلوه .. حتروح مطار مليان بشر حتركب طياره مليانه ناس
وتنزل مطار مليان ناس والباص وكل شي مليان ناس .. المكان الوحيد الفاضي بيتها اللي بتسكن فيه .. ومافيها شي تسكن لحالها اذا هي تقدر تحافظ على نفسها وماتخاف ..
انا وحده لما أكون مضطره أسافر لوحدي أسافر ..
على فكره انا لما تكلمت قلت انو انا رايحه مع اخوية .. الحمدلله .. بس انت ماتدري ايش ظروف الناس عشان تعطيهم محاضرة في الدين والأخلاق وانت لاتعرفهم ولا تعرف ظروفهم ..
وعلى فكره رديت عليك لأنو البنت في غربه ومو ناقصها هم تقرأ كلام يحطمها ويكسر مجاديفها
كدا والا كدا الغربه كربه وهم للركبه ..
ولاني معقده نفسيا ولا شي ولو ابغى اتزوج كان تزوجت بس للأسف الرجال عيال الناس واللي من جد رجال مو ذكور
انقرضوا ومستحيل اربط حياتي بانسان يعقدني.. الله يعزني ويعز بابا اللي معيشني أحسن عيشه اشلي واشل الهم مع واحد لسى باعرف ايش اخلاقو وايش شخصيتو خليني في بيتي على راحتي أحسن ..
على فكره هذا تفكير كثير من البنات الحين ..
عدلوا اهتماماتكم وتفكيركم ونظفوهم ولاتنظروا للناس بنظرة الشك خصوصا القريبين منكم يمكن سبحان الله توافق وحده وتتنازل تتزوجكم
الله يعين زوجتك بس ..
يعني ياتقول خير والا تسكت أحسن لك وأحسن للناس اللي تقرأ ..