تعبت من البعثه

انا هالحين في الوطن ولا ودي ارجع
تعبت من الغربه وتغير حالي انا الحمدلله متزوج ومعي زوجتي وولدي في امريكا بس ماهو كافي
ذبحني الحنين للوطن والاهل والاصدقاء والعمل والبيت وكل شي بس ماذبحني الا اني قطعت نصف الشوط راح الكثير بس خلاص مافيني اكمل بالذات اني رجعت وارتحت شوي هنا ماعد ودي ارجع والله
الله العالم اني اكتب وانا فيني ضيقه لان رجعتي يوم الجمعه واحتمال اكنسل خلاص لاني ذقت الراحه بعد التعب
وشفت الاهل والاحباب بعد التغرب
بس وش السواه ساعدوني لو بكلمه انا بحاجه اي كلمه لااحد يتهاون بالموضوع
من مده وانا اقرا مشاكل الغربه وابي اكتب او ارد بس كاره كل شي حتى هذا المنتدى
ياضيقة الصدر لامتى

يا رجال احمد ربك ان اهلك معك ..
وش تقول بالي لحالهم
وسع صدرك و استمتع بحياتك , يمكن نمط حياتك في السابق هو الي خلاك تكره الغربه
انا مع اني لحالي لكن نهاية كل اسبوع اطلع مع الشباب و اقابل الكلاس ميتس واطلع معهم

بالتوفيق واعرف ان التعب كل بيزول لارجعت بالشهاده

اللهم يا شاهد كل غائب ويا قريبا غير بعيد ، و يا غالبا ليس مغلوب ، اجعل من امر اخي فرجا ومخرجا و ثبت رجاءه في قلبه واقطعنه عمن سواك حتى لا يرجو غيرك
ياخي انا لوحدي مغتربه هنا من شهور اخوي كان معاي وسافر لانه مرض وجلس في المستشفى قرابة اسبوعين وتعذبت معاه ودحين انا لوحدي هنا لا عندي سياره ولا اعرف اسوق اصلا ولا اعرف اي شي انحرج من الناس عشان اطلبهم يوصلوني للمعهد ساعات والله العظيم يمر يوم كامل ما كل فيه شي احنا السعوديات مدللات لابعد حد كل شي قدامنا ابويه يعمله او اخوي ياخي احمد ربك انت معاك زوجتك وابنك وزيد ربك حمد انك مخلص نص الشوط خلاص مابقى الا القليل وربي يسهلك باذن الله

ياخوي حرام عليك دامك قطعت نص شوط خلاص كمل والله يسهل عليك

قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

لا ياخووي كلها الا انك ترجع الاهل ماهم بطايرين ان شاء الله دام رااح الكثير مابقي الا القليل استمر وانا اختك
وربي في نااس يحوفون حوووف عشان الابتعاث

استمر ياخوي وزين انو معك زوجتك وولدك احسن مننا اللي رايحين لحالهم لاانيس ولا ونيس
كمل الله يعطيك العافيه وتذكر منت رايح تهايط انت راايح ترفع الراس
الله يقدم لك اللي فيلو الخير يارب

والله يوفقك بذن واحد احد

ياطويل العمر والله حرام الي جالس تفكر فيه
صدقني هذي فرصه مو سهله وأنت انجزت انجاز مو سهل كمان بحكم انك قطعت نص المسافه
لاتفكر الآن في حالك ... فكر في مستقبلك وشوف ايش الي راح يتغير من جميع النواحي
فكر ع الاقل لو الآن قررت عدم الرجوع ... بعد سنتين من الآن راح تتحسف طول عمرك وتقول ليتني كملت كان تتغير حياتي وحياة اولادي
راح تذكر تغلبك على نفسك لأولادك وأولاد اولادك وراح تحس بإنتصار على النفس
وغير هذا كله صدقني ياخوي ياسرعها السنين تمشي ومايبقى منها الا الثوابت
شد حيلك وتعوذ من الشيطان ولاتتهاون وأنا أخوك

الله يسهل عليك و يفقك كربتك و يفرج همك ..

و انا اخوك الدنيآإ كفآح ..

و الدنيإآ مآ بتشمي على كيفنآإ ..

و صدقني محد بينفعك غير شهآدتك ..

هذآإ انت قلتهآإ قطعة نصف الشوط و بآقي نص

حرآم عليكك تضيع جهودك إلي رآحت كذآإ

اطلع غير جو تنفسس عن نفسك

و ان شاء الله ربي يفك كربتك ..

بالتوفيق

الله يعينك ويثيتك ويسهل امرك وتتخرج بسرعة وتفوق

لو قلنا انك درست سنتين ونصف
يعني يبقالك سنتين ونص

الله يطول بعمرك ان شاء الله
قدامك ان شاء الله اكثر من 40 سنه مع الاهل والوطن والاصدقاء ... عطهم كل ما عندك

هذي فرصه ما راح تكرر لك كل شوي ... لا تضيعها ... إلا اذا ما تفرق معاك الشهادة

خييي
فكر مستقبلا ...
صدقني لاتسويها بتندم ..

اخي لازم تتعود العمل تحت الضغط وبعدين لازم تشوف ايش اسباب عدم تكيفك مع مكان الابتعاث وحاول تحلها على قد ما تستطيع.
الشيء الثاني لنفرض انك كنسلت البعثة وانبسطت في الروحات والجيات والسهرات, وبعدها بترجع تفكر في البعثة اللي خسرتها.
انت ما تحملت الغربة لفترة مهما طالت تضل محدده فكيف رح تتحمل الفشل.
ولا تنسى انك قدوة لولدك فخلي ولدك يفتخر فيك.
انا متاكد انك مارح تفرط في البعثة لانك ما رشحت للبعثة والا انت شخص مميز ومن النخبة...

اسال الله العلي العظيم ان يفرج همك وهمنا وهم كل المسلمين

اعطيك الخلاصه

مع احترامي للوطن والاهل والاصدقاء على العين والرااس - -

لكن هل حينفعوك لو رجعت من غير شهاده ؟ او رجعت ومالقيت وظيفه ؟ او اتبعثرت كل احلااامك ؟

ومانيل المطالب بالتمني - -وصحيح ياخويه ان الغربه مو سهله لكن لااازم تتعب عشاان توصل - وحاول تقوي قلبك حبتين -

وانتا جيت اجازه ماشاء الله استمتع بوقتك مع اهلك ودا الشي يعطيك حااافز عشان ترجع بطاقه جديده -



واسال الله لنا ولك التوفييق

اخوي مع اني لسه طالبة في ثاني ثنوي ...........لكن احس وضعك يخوف
توكل على الله.....و لا تخلي روحك هناك فترة طويلة ..........حاول ترجع بالاجازات

شف انت مراح تتحسف الحين انك تركت دراستك بس بتتحسف بعد ١٠ سنين
بتقول لو اني كملت دراستي الي مابقيلي فيها الى شوي كان الحين انا .............

وبتتذكر كلامي في السطرين الي فوق

للفائده يا مبتعثثين
ترى كل ما كثرتو فتره اجازتكم في السعوديه

كل ما تكيسلتوووووووو
رحم الله امر زار وخفف

هذا الكلاااااااااااام من واقع تجربه

اخوي انا انصحك كأخ لاتفرط بدراستك ماقول غير كذا وربي يوفقك

هههههههههههههههههه والله انك روعه وموضوعك روعه تصدق اني كنت احس اني انا الوحيد في امريكا الي ذابحته الغربه ، لكن اثاري قلبك رهيف ، انا احس فيك كثير والله ودي اني رديت من بدري، على العموم خلني اقلك سالفتي مدري تقراها ولا لا
انا متزوج وعندي بنتين ولله الحمد والله يحفظهم لي ان شاء الله وهم معي من يوم حطيت رجلي في امريكا على العموم كنت مدلل ووظيفه راقيه وفلوس وسفريات في كل بلد ونعمه من الله الي الحين ويوما جيت هنا قلت اش الي صار كل شي تغير علي ، دراسه بعد دلال والله ما تجي تعبت مره وصدقني كنت ابكي يوميا وما فيه يوم الا اقرر اني ارجع وكل الشباب يقولو هذا الهوم سك يلطمه تلطيم لكن اكتشفت بعدين اني انا الي جبت المشاكل ذي لنفسي كل يوم اكلم اهلي وزملائي ومزمز جريدة عكاظ والرياضيه على كيفيك ، وتجي اول اجازة لي واروح السعوديه ويوم نزلت المطار قمت اسلم على كل موظفين الجوازات من الفرحه ودي اشوف لوحة مطعم بخاري بس احس بالراحه وقبل ما ارجع حزنت كثير لكن اول ما جيت نسيت كل شي اهلي ما اتصل عليهم صارو هم يدور علي ما يلقوني ونسيت اني في غربه مرهههههههه
على العموم : لازم ترجع تكمل دراستك اولا وانس الغربه مره من راسك ولا تفكر تكلم احد لمدة اسبوع وبتشوف ، ركز شوي في دراستك وابسط مع زملائك وانصحك العب كوره دائما واذا انبسطبت قل الحمد لله وبتشوف السنه تمر عليك كيف . وانبسطططططططططط تراها ايام وتروح وتصبح من الذكريات اهم شي اذا جيت لا تفكر تكلم اهلك انك وصلت تحياتي لك

انا عايش على قانون جلد الذات ,, عزوبي
ولي الحين تقريبآ 7 شهور بـ امريكا من شقتي للجامعه ومن الجامعه للشقه
سيارتي 3 شهور ماتحركت بس ادفع حق التأمين ع الفاضي
وول قرين جنبي اتقضى ع رجولي و الجامعه جنبي اروح ع رجولي
كل اللي اعرفهم علاقه سطحيه هاي هاو ار يو وانت ماشي
يعني حياتي مثال للحياة البائسة ..
من بعد ماكنت عايش احلى حياة بالسعوديه شباب وفله وسفريات
.. و اهلي الله يسعد اهلي ان شاء الله
المهم مو انت وحدك حاس بالغربه
وضعك احسن من وضعي بكثير :(
انا الف مره فكرت اني ارجع رغم ان ماصار لي 7 شهور
بس قلت لا ,, اضغط على نفسي فـ شي لصالحي .. و احاول اغير حياتي مع الوقت
ولا اخلي اللي يسوى و اللي مايسوى يقول عني فاشل اذا رجعت .

الحين انت متزوج وعندك ولد وتقول متغرب طيب وش تقول اللي يروح اعزب وبروح وما يعرف احد اقول خلك ساكت بس

اسئل الله تعالى لك التوفيق وان يلهمك الصبر وان يزيدك علما

حبيبي
أوعه وانتبه وصحى
انك تفكر ترجع بلا شهادة اول شي ضعيت وقت ومالك ومستقبلك مع انه كل شي بيد الله المستقبل
انا اخوي له شهر في امريكا وقبل مايسافرمسكته قلت ان رحت لاترجع الا بشهادة بكالوريس
يعني مارح اهلي يشفونك لمدة ٥سنوات على الاقل
لانك لو رحت ورجعت ولاجبت الشهادة نظرة الناس لك بتكون نظرة شفقة
فياخوي مدام بديت فلازم تكمل
انا بمشي بعد شهرين والله يوفق الجميع على كل مايحبه ونجي نرفع راس اهلنا واحبابنا

تذكر رسالتي ( لو ترجع لسعودية للأبد راح تتذكر هل الايام للى عشتها في أمريكا وتقول ليتها ترجع) استمتع في وقتك دام كل الاهل والاقارب بخير :)