شباب احذركم من مكتب تجسير الي في الرياض

السلام عليكم ورحمه الله وبركاته


انا احذر جميع الطلاب المبتعثين وانصحهم من اخ جرب وانكب في تجربته المريره من مكتب تجسير هذا المكتب ينصب علي الطلاب والي ابي اقوله لكم قصتي معااه.

هذا يا شباب انا طلبت قبول جامعي منهم من شهر 2010\8 وانتظرت القبول الين 2010\11 ولا وصلني منهم شئ

بعد ذي الفتره الطويله وكثره الاتصالات والرسائل

قالو لقينا معهد لك سالتهم وش المعهد قالو ويلكس وتابع للجامعه وبالفم المليان يقولونها لي ومستانسين

سالتهم قبول جامعه ومعهد فاجاب المدير حق تجسير نعم قبول معهد وجامعه قال لي ادفع 375 ريال علشان نكمل اجرائات القبول دفعت علي طول


واخذ شهر كامل وقصل القبول المعهد فقط . وسالتهم وقبول الجامعه قالو لي نعم نعم وصل وضع لي قبول الجامعه الي هو اصلا ماهو قبول جامعه بس خدعه منهم لاني كنت ماعرف انجليز ولا اعرف وش معنااه قبول الجامعه

المهم بعد ما اخذت قبول المعهد ودفعت 375 قالو لي ادفع 950 ريال للجامعه قالت لهم انا منتظر اكثر من ثلاث شهور علشان تجيبون قبول الجامعه وبعد ما طفشت منهم ولا جاني في ثلاث شهور خاطبت الجامعه مباشر وطلبت من مكتب تجسير يوصف المخاطبه لان كان معاي شخص يعرف انجليز وساعدني جزاء ربي الف خير

وبعدها دفعت وعندي الوصل ومصور ولو تبون انزله اثبت لكم هذا انزله الحين وهم كاتبين قبول المعهد وقبول حق الجامعه


قلت لهم ما راح ادفع لكم 950 لاني انا الي مخاطبهم ومسرع العمليه قالو ما راح نعطيك قبولك قلت لهم خلاص بعطيكم 500 بس هاتو قبولي قالو خلاص

وقعت علي وصل بهذا والوصل مصور عندي وجاهز

بعد كذا سافرت لامريكا وانا موقعت ان عندي قبول جامعه وقبول معهد

وبعد ما وصلت اخذت شهر ادرس في المعهد ورحت صدفه للشؤن الطلاب الدولين الي هم اسمه انترنشلن اوفس


كلمتهم وقلت لهم عندي قبول جامعه وابي اسوي له سكان قبول حقكم

قالو وقف هذا مو حقنا القبول قلت هذا مو اسم شركتكم قالت لا مو اسمها قلت كيف قالت لا ما عندنا لك قبول جامعي

ذلك اللحظه انصدمت في محلي ولا قدرت اتحرك وانصدمت حتى المسكينه الي كانت تساعدني في التصوير قالت ما تدري انه ماهو قبول هذا قلت ماعرف اقراء انجليز

قال هذا مو اسم اصلا الجامعه شف وتاكد وقالت شف مو مكتب انك مقبول في اي شئ اصلا

وسالتها وش ذا القبول طيب الي يقول مكتب تجسير انه قبول جامعي قالت هذا شركه متعاقده معاها مكتب تجسير ويسوي كذا لجميع الطلاب واذا راح هناك ينصدم بالواقع المر

انا يا جمااعه وربي انصدمت بعد هذا وطلبت منها تساعدني والحمد لله فضل ربي قدرت تساعدني الموظفه في عمليه القبول في الجامعه والحمد لله وصلني قبولي في الجامعه بس المصيبه الحين
مكتب تجسير هذا لازم يوقفه احد وانا كتبت وراح اكتب بالخط العريض انتبهو من مكتب تجسير
واذا تبون اثبتات علي كلامي عندي كلامهم بالايميل وصور اوصال وصور القبول
واذا طلبو اداره المنتدى انزلها راح انزلها لهم
انا شكيت للجامعه الي حصل لي والجامعه تعاطفت معااي وقالت راح نكلم المكتب بهذا الخصوص وراح ونعطيه العين الحمراء بس والله لا حياه لمن تنادي
اليوم الثاني مرسل المكتب لي يقولون راح نرجع لك 500 الي دفعتها بس اسكت وراح اوريكم الايميل
انا الان قلت لكم قصتي كاامله مع المكتب وانا متاكد كم طالب حصل له هذا الكلام بس مو فاضين يكتبون
وانا الحين لقيت نفسي فاضي واليوم عندي ويكند وقلت ليش ما كتب الي صار لي علشان الطلاب وحنى معروفين اذا حصل شئ مو فاضين لوجع راس وقلق ونخرب بيوت الناس بس انسان يخرب بيتك لا والله ما اسكت عنه لاخذ حقي كامل

استغفر الله واتوب اليه من كل ذنب

وصدقوني والله العلي العظيم ولا كلمه قلتها تحريف او كذب وكل الكلام الي قلته طالع من كل قلبي الي القهر الي حصل ولو واحد يحط نفسه في موقفي راح يعرف الورطه الي طاح فيها

الله يعينكم على المكاتب هذي

الله يعينك وربي الله رحمك لحظتها!

اصلا انا بنفس اليوم الي وصلني فيه قبول منهم وماعجبني قلت خل ارسل لهم رساله عشان اقول عن نفسي حاولت ههههههه وبنفس اليوم راسلت المعهد الي انا ابيه والقبول الان بين ايديني
ومن هذاك يوم من قبل 3شهور للحين ماشفت رساله من تجسير

هو فيه أحد اصلاً لحد الآن يرجى من هالمكتب خير ..

تخيل لحد الآن ما وصلني شي منهم لا قبول ولا اي اشعار ثاني ..

لكن ، سحبت عليهم ، وجبت القبول بنفسي ..

والله يعين من تأمل في تجسير خير ..

تجربتي الشخصية مع تجسير النصابين
جاني منهم مسج في 28 اكتوبر 2010 يباركولي على الابتعاث ويبلغوني ان بياناتي عندهم بيجيبون لي قبول
وكاتبين ان القبولات بيوزعونها في 9 / 12 / 2010 يعني في يوم عيد الاضحى الله المستعان
ماصدقت المسج وقلت نصبر ونشوف
صبرت اسبوع بعد العيد واسبوعين وثلاثة ندق محد يرد نرسل محد يجاوب
وتفاجئت ان معهد امريكي مرسل على ايميلي يبغى بياناتي
في نهاية الايميل رقم دقيت على الرقم وابتلشت مااعرف كلمة انجليزية وحولوني على وحده تتكلم عربي
قالت محتاجين بياناتك محد يرد علينا وقلنا نراسلك هي تدري اني مبتعثة
وكان باقي ايام على الملتقى
واليوم الثاني من الملتقى وصلني القبول على ايميلي من المعهد وتجسير لاعبين في التاريخ
يعني اسافر خلال 14 يوم وانا بالملتقى لاطلعت فيزا ولا شي
اخذت جوالي ورحت انا والوالد وقابلنا مستشار خادم الحرمين للابتعاث الخارجي الدكتور محفوظ الزهراني الله يجزاه خير
وفتحت بريدي من الجوال وشاف القبول قال بكلملك الفندق تستخدمين جهاز كمبيوتر وتطبعين القبول وتجيبينه لي انتظرك
وجبته له وكتب عليه بخط يده يأجل التاريخ باسمة وتوقيعه وعطاني ايميل صاحب تجسير وقال ترسلينه
ارسلته وجاء رد على طول جاري التعديل
وانتظرت اسبوع وتفاجئت برقم من امريكا موظف بنفس المعهد يبي بياناتي يقول محد يرد علينا
وارسلولي القبول والاي تونتي وتجسير للحين نايمين وطلعت فيزتي وتذكرتي
وانتظر السفر وللحين آخر رساله منهم انهم يوزعون القبولات في ديسمبر 2010
ارسلت رسالة نصية لصاحب تجسير على جواله ولكل الفروع
غسلت شراعهم وناويه عليهم لان فيه طلاب كثير على اعصابهم يرسلون ويدقون محد يجاوبهم وينتظرون من سنه 2010

لا حول ولا قوة الا بالله
حسبي الله عليهم يستغلون الطلاب هالمكاتب

ولا احد يحاسبهم لا احد يراقبهم ..!

انا من شفت تجارب العالم وانا شايله من بالي موضوع المكاتب وجالسه اشتغل بنفسي اراسل الجامعات والمعاهد
والله يعنين ..

الله يعين ياجماعه ويصبرنا علي ما بلانا هذا في النهايه اختبار من الله سبحانه

واخبرنا في هذي المكاتب وماقدر الا اقول حسبي الله ونعم الوكيل علي الظالمين


يا جماعه ابي تقييم الموضوع علشان يكون للناس اجمع ويشوفونه الناس كلهم


. وانتظر تقيمكم

انا اصدقك لأن ذقت منهم انواع التعب النفسي ,,,, واغلب الطلاب هم اللي دبرو انفسهم بالقبولات
العتب مو عليهم ,,,,العتب على الوزاره اللي المراحل القادمه راح يتعبون من هالشيء
لكن ربك كريم ,,مايضيع حق وراه مطالب

حسبي الله ونعم الوكيييل

والله حتى انا صارت لي مشكله مع مكتب مستقبلي النصاب الله لاي وفققه والكل يشتكي منننه وحسبي الله عليه

لاتعليق ..وحسبي الله ونعم الوكيل ..

والحمدلله تيسرت امورك ياخوي ..

اخواني فيي مكتب اسمهـ بعثتي والله تعامل راقي وموظف تتفاهمـ معهـ جنب وزاره التعليمـ العالي اللي بالغدير ( بالرياض طبعا )
وفي عقد وكل شي ما جاب لكـ قبولكـ يرجع لكـ الفلوس وبوووسهـ كمان انا تعاملت معهمـ المعهد جابهـ لي بأسبوعين ونص وبعده الجامعهـ

ياعمي ليومك هذا ما وصلنا شي من تدمير الله يحرقهم

خيرونا بين معهدين اخترنا معهد (سان بيرناردينو) وللحين انقطعت الاخبار تماما وجالسين انا وزوجتي نغني على ليلاه

الله يعطيك العافيه ويوفقك ويعوضك

ولايهون مكتب مستقبلي اللي حاط اعلان نصاب مثله مثلهم

افا .. طيب يا ناس وين نروح .. !

انا الي ابيه الحين احد يدلني ع ولاية وجامعة كويسه .. !

طفشت من الدوجان .. !

مستقبلي كنت بروح له بس هونت .. !
بعثتي الهندي رفع ضغطي .. ! ما يعطيك خبر.. اقوله وش رياك بأوريقون .. يقول مسيسببي كويس .. ><"

يا الله .. الله يعديها ع خير .. بس

فيه مكتب كويس تنصحوني فيه ؟

انا انصحك بنفسك تراسل الجامعه ترا والله ما يبي لها شئ حنى مصعبينها علي انفسنا ولا الدعوه جدا سهله

استخدم قوقل واكتب باللغه الفصحى
ويطلع لك كل الي تبيه باللغه الانجليزه ومع القرمر


دور الجامعات هنا في مبتعث مع نصائح الشباب وان شاء الله ما يقصرون


.. وتحياتي

انا اضم صوتي لصوتك اخوي واحذر كل المبتعثين الجدد احذروااااااا منهم
والله انا من قريت اول سطر بالموضوع رديت
لانني اننكبت نكبة البرامكة منهم

الله يردها لهم امييين

طيب وش اسوي دحين انا استنى الضمان من الوزاره
ولا اعرف انجليزي علشان اراسل المعهد ولا اعرف كيف ادفع رسوم المعهد
والازم قبول معهد وجامعه ............يارب والله مو فاهمه
احد يساعدني او اذ في موضوع عن خطوات مراسله المعهد ينزله او يرسله ع الخاص

انا جاني قبول من تجسير لغه فقط ولي لين الحين شهرين ونص انتظر القبول تبع الجامعه

باقي على رحلتي اسبوع يقولون تقدر تمشي حالك بقبول اللغه

المشكله اني بقدم عالبعثه لازم قبول جامعه

: (

يا حبيبي

اليوم مراسلهم عيال اللذين

بس الحمد لله ما دفعت لهم شي ولا سلمتهم أي أوراق أو وثائق

لكن معصي

بشوف واحد من الشباب يعرف انجلش ونراسل انا وياه أون لاين

ألف شكر يا صاحب الموضوع

و لك مني صادق الدعاء

يا اخوان موضوع القبولات امر يتوقف عليه حياه و مستقبل الطلاب و ما يجوز ابدا اللعب على هذا الموضوع. ايه يعني تأخير او الاهمال بطلب ؟! ايه يعني الكذب على طالب باني مستبله عليه؟! ايه يعني التضليل و المخادعه في هذا الموضو؟! الشكوى لله و لا حوله ولا قوه الا بالله.
لا يجوز الخداع و الكذب و الاحتيال في مستقبل و حياه الناس.