-
أفضل الجامعات والولايات للدراسة وطريقة اختيار التخصص المناسب
بسم الله الرحمن الرحيم
السلام عليكم ورحمة الله وبركاته ,
بداية احب أن اهني اخواني والشعب السعودي الغالي على قلوبنا لسلامة سيدي خادم الحرمين الشرفين الملك عبدالله بن عبدالعزيز ال سعود حفظه الله ورعاه
معاكم أخوكم / فلاح المطيري
من الكويت وأنا ان شاء على صدد القبول في بعثة على حساب وزارة التعليم العالي في الكويت
وبعد بحث طال لأيام وأشهر وجدت موضوع بالصدفة وحبيت انني انقله لكم لتعم الاستفادة
وللأمانة هذا الموضوع منقول من أحد المنتديات حتى ابرى ذمتي :)
أول مرة اكتب موضوع هنا ! .. واتمنى انه يعطي المهتمين في الابتعاث والسفر لامريكا ولو لمحة بسيطة عن بعض الولايات والجامعات الامريكية !. .. وخاصة مع قرب نتائج الدفعة الجاية من الابتعاث ! .. وخاصة ان أمريكا قارة ! .. وكل ولاية تختلف عن الثانية في كثير من الامور !
خبرتي في أمريكا تولدت بسبب وظيفتي الاكاديمية ! .. الي تحتم علي اني اختار جامعة قوية في مجال تخصصي ! .. انا تخرجت ماجستير عام 2007 وظليت اقل من سنة في مرحلة البحث عن الجامعات لدراسة الدكتوراة في امريكا وكندا ! .. وسالت كثير من الدكاترة الي درسوا في امريكا وكندا ! .. وقريت في النت وبحثت وبحثت لما تولدت عندي خبرة بسيطة وقناعة كبيرة ! ... يظل الكلام الي راح اكتبه يعتبر رأي شخصي اكثر منه واقع ! .. بس فعلا ما راح تتصورون كمية الجهد والمعلومات الي جمعتها خلال الفترة الي فاتت قبل لا أجي امريكا ! ... اتمنى ان هالمعلومات تكون مفيدة واتمنى من الجميع المشاركة في طرح خبراتهم وارائهم بشكل عام !
تنبيه مهم ! ... بحثي عن الجامعات والولايات كان لدرجة الدكتوراة في الهندسة! .. خبرتي في الجامعات هي خبرة هندسية واغلب الجامعات الي اذكرها هنا قوية في الهندسة وغالبا قوية في اغلب التخصصات وراح انوه بهالشي متى ما توفرت المعلومات لهالشي !
اولا
الابتعاث !
الابتعاث الى الان للاسف مو مرتب بشكل محترف وجيد ! .. واتمنى من الجميع اخذ الحذر لان الابتعاث الي شفته مؤخرا يكون على دراسة المعهد فقط !! .. دراسة المعهد التابع لجامعة معينة ما يعني باي شكل من الاشكال انك تدرس في هالجامعة ! ... وهذا الشي المخيف والشي الي غالبا ما يحسبون الطلاب حسابه !
قابلت طلاب كثيرين مو فاهمين الفرق حتى بعد وصولهم لامريكا ! ... للاسف الملحقية او الوزارة تبتعثك لدراسة اللغة لمعهد معين في جامعة معينة ! .. بس فعليا انت ما تعتبر مقبول في هالجامعة ! .. والمفروض منك انك تجيب درجات عالية وغالبا درجة توفل قوية وبعدها تقدم على الجامعة للقبول ! ... كان في السابق في شي اسمه قبول مشروط بمعنى انك انت مقبول في الجامعة بس تعدي هالدرجة المعينة في المعهد او تجيب درجة معينة في اختبار التوفل ! ... ما ادري اذا هالشي مستمر للحين او لا لاني من زمان ما سمعت بهالشي وعلى حد علمي ان هالشي توقف خاصة للطلاب السعوديين في الجامعات الامريكية ! ... لازم كل طالب ياخذ الحذر ! .. لان هالشي بيسبب له قلق بعد ما يخلص المعهد ويجلس يسجل او ينتظر الملحقية تسجله في جامعة و و و !
انا افضل ان الطالب يختبر توفل قبل لا يجي امريكا ويحاول يسجل قبل لا حتى يقدم على الابتعاث ويحصل قبول في جامعة معينة بعدها يبتعث على اساس انه يدرس في الجامعة على طول ! ... هالشي افضل واضمن بس قليل جدا الي يسووه ! .. مع ان هالشي اضمن وفائدته انك تختار جامعتك بنفسك وولايتك بنفسك بدل ما يختاروا لك الملحقية !
على الاقل الطالب اول ما يوصل امريكا يحاول يشتغل على قبوله في الجامعة اول ما يدرس معهد لغة لان قبول الجامعات للماستر والدكتوراة يطول كثير ويمكن يوصل ل8 شهور على حسب قوة الجامعة وحجمها !
:
:
ثانيا
اختيار الجامعة والتسجيل ؟!
طبعا اختيار الجامعة يختلف باختلاف الدرجة العلمية المطلوبة ! ... اختيار درجة البكالريوس يختلف عن الماستر والدكتوراة ! ... البكالريوس يهمك في المقام الاول قوة الجامعة ككل ! .. ومن بعدها قوة القسم الي مخطط تدرسه ! .. بس في الماستر يختلف الوضع اشوي لان في المقام الاول يهمك قوة القسم في الدراسات العليا وبعدها قوة الجامعة ! ... في الدكتوراة يختلف برضو نوعا ما يهمك انك تلاقي دكاترة في نفس المجال الي اشتغلت فيه او حاب تكمل فيه في الدكتوراة ويكون القسم قوي في تخصصك الدقيق في المقام الثاني وبعدها يكون القسم قوي في الدراسات العليا في المقام الثالث وبعدها ان الجامعة تكون قوية !
كل ما زادت الدرجة العلمية كل ما كان اصعب في البحث عن الجامعة واصعب في القبول برضو ! .. قبول البكالريوس غالبا ما يمر على القسم ويكون تبع مكاتب القبول في الجامعة ومتطلباته سهلة نوعا ما ! ... قبول الماستر يمر على القسم ويتم التدقيق فيه وبعدها يقبل الطالب ! .. قبول الدكتوراة اصعب لانه يمر على القسم ولازم مجلس القسم يشوف في الطالب امكانية بحثية واشراف من احد الدكاترة علشان يقبلونه ! .. علشان كذا من الافضل لطلاب الدراسات العليا انهم يبدأون في مراسلة الدكاترة للاشراف عليهم قبل التسجيل الرسمي في الجامعة ! .. لان قبول دكتور على الاشراف عليك يسهل القبول بشكل كبير
طبعا الوقت برضو يختلف في القبول ! .. قبول البكالريوس ياخذ وقت قليل والماستر اكثر والدكتوراة غالبا تطول كثير ! .. اغلب الجامعات الامريكية تقبل اغلب الطلاب وخاصة الاجانب في الـ FALL وقليل الي تقبلهم في الـ SPRING .. واغلبهم يقفلون باب التسجيل للقبول قبل بداية الترم باكثر من 6 شهور وبعضهم قبل 10 شهور ! ... فلازم يبدأ الشخص التسجيل بدري ويستعد له !
من خبرة وسؤال ... الجامعات القوية هي الي تتأخر في القبول لان عملية الفرز فيها صعبة ولان عدد المتقدمين كثير ! .. فتشوفها ممكن تتاخر لما مايو او جون للقبول ! .. الجامعات الضعيفة نسبيا تقبلك بعد ما ترسل لها بشهر شهرين ! .. مو اول جامعة تقبلك تروح لها ! .. لا لا انتظر لما اخر جامعة ترد عليك !
عدد الجامعات الي ممكن يسجل فيها الطالب يعتمد على تخصصه والدرجة المطلوبة وغيره ! .. بس غالبا وخاصة في امريكا لان القبول صعب في الجامعات القوية من الافضل ان الشخص يسجل في عدد كبير ! .. علشان يجيه قبول في جامعتين ثلاثة ويختار منها ! ... للماستر اعتقد ان عدد 6-8 جامعات مقبول نوعا ما ! .. لان اقل من نصفها بس راح يقبلك ... والافضل ان الواحد ينوع في قوة الجامعات الي يسجل فيها ما بين ترتيب عالي جدا وما بيت ترتيب وسط ! ... للدكتوراة الافضل ان الواحد يسجل في عدد اكبر .. من 8-10 جامعات لان ممكن جامعة او جامعتين تقبلك بس ! .. قبول الدكتوراة صعب جدا جدا ولازم الواحد يستعد له لو حاب انه يروح جامعة قوية ! .. القبول تقريبا يتم بشكل غير متوقع ! .. ممكن ترفض من جامعة ضعيفة وتقبل في جامعة قوية جدا وممكن العكس ! .. المسالة مسألة توفيق ومثل ما قلت يعتمد على اهتمامات الدكاترة في القسم في الجامعة !
:
:
ثالثا
أمريكا او كندا ؟!
خذوها مني وبدون ادني تردد ... أمريكا طبعا ! .. مو لاني فيها ! .. بس لانها افضل مكان تعليمي في العالم كله ! ... مو معنى هالشي ان كندا ما فيها جامعات قوية ! .. لا بالعكس في جامعات في كندا قوية كثير .. بس عموما وبشكل عام امريكا كمستوى وكجامعات افضل بكثير بكثير ! ... تكاد تكون ما في مقارنة بين الدولتين !
في كندا تقريبا مو اكثر من 90 جامعة على حد علمي وبعضها جامعات فرنسية ! ...
في امريكا تقريبا 2500 جامعة !!
عدد الجامعات ومستواها وحتى عراقتها ترجح كفة امريكا ! ... النظام التعليمي في امريكا قوي جدا ! ... علشان كذا يمكن ناس تفضل انها تروح كندا لانها اسهل في القبول والدراسة !
القبول في كندا وخاصة في التخصصات الهندسية ما يتطلب اختبار GRE .. بعكس امريكا ! .. وهالاختبار مسبب خوف لاغلب الناس الي تاخذه علشان كذا بعضهم يسجل في كندا لانه ما قدر يجيب درجة للقبول في امريكا !
المعيشة في كندا افضل لانها مجتمع مختلط من شتى الثقافات وعملي ! .. وهالشي يعطي ميزة لكندا وخاصة لمعيشة العوائل عند البعض !
الجو في كندا عموما يعتبر باااااااارد ... كانك في ثلاجة ! .. يعني الصيف عندهم كانه الشتاء عندنا ! .. ورجاء لا احد يستهين بالبرد هناك لانه فعلا قوي وناس كثيرة ما تقدر تتحمله لان اجسامنا متأقلمة مع الحرارة اكثر من البرودة ! ... درجة الحرارة في الشتاء ممكن تنزل تحت -15 او -20 وبعض المناطق -30 !! .. لازم تحطون هالشي في الحسبان ! ... طبعا افضل منطقة في كندا من ناحية الجو هي B.C (بريتيش كولومبيا) وخاصة فانكوفر ! .. يعتبر جوها اخف من البقية والثلج نادر فيها بس برضو مشكلتها انها دايما مطررر طول ايام السنة ! .. وهالشي برضو لا احد يستهين فيه لان ممكن يجيك اكتئاب من المطر ( ما امزح!)
الجامعات الي فعلا تعتبر قوية في كندا وتستاهل ان احد يروح لها هي :
University of British Columbia
University of Toronto McMaster University McGill University بس http://www.mbt3th.us/vb/imgcache/122258.png طبعا في جامعات مثل : University of Alberta Queen's University ! .. بس الاربع جامعات الي فوق هم الي يعتبرون قمة في كندا ! في جامعتين انصحكم تبتعدون عنهم لكثرة عدد السعوديين فيهم ولان مستواهم مو هذاك الزود علشان كذا قبولهم سهل ! .. هم: University of Waterloo Dalhousie University الجامعتين بصراحة مستواهم وعدد السعوديين فيهم مبالغ فيه ! .. ما عمري سمعت احد قدم فيها وما انقبل ! .. هذا غير ان واترلو منطقة بااااردة ودالهاوسي في هاليفاكس منطقة جوها مضطرب لانها على المحيط وانواع الامطار والعواصف !
-
رد: أفضل الجامعات والولايات للدراسة وطريقة اختيار التخصص المناسب
رابعا جامعات الولايات المتحدة الامريكية ! http://www.mbt3th.us/vb/imgcache/122264.png راح اتكلم هنا عن كل ولاية لوحدها .. لان كل ولايه تختلف عن الثانية في كل شي ! .. وما راح اتكلم طبعا عن كل الولايات ! راح احاول اني اتكلم عن كل ولاية بالي اعرفه وعن افضل الجامعات الي فيها من وجهة نظري ! ... راح اقسم الولايات على حسب المناطق : : ولايات الشمال الشرقي ! Northeast http://www.mbt3th.us/vb/imgcache/122265.png تتكون من الولايات : Maine New Hampshire Vermont Massachusetts Rhode Island Connecticut New York Pennsylvania New Jersey هالولايات عموما اقتصادها قوي جدا جدا ... الكثافة السكانية كبيرة وغالبا المعيشة هناك عالية مقارنة بالولايات الاخرى ! الجو برضو يعتبر باااارد في هالولايات وخصوصا في شمال نيويورك وبينسلفانيا ! .. لان هالمناطق تقع تحت تاثير البحيرات العظمى ! طبعا اكبر الولايات هم نيوجيرسي وبينسلفانيا ونيويورك .. اما البقية تعتبر ولايات صغيرة ! Maine Vermont ولايات صغيرة ورااااايقة بس للاسف ما فيها جامعات عليها القيمة ! انصح كثير ان الواحد يروح يتعلم لغة هناك لان عدد العرب يعتبر قليل ! سمعت انها غالية وشعبها ما يحب يختلط باحد بس مو متاكد من هالشي New Hampshire فيها جامعة مشهورة وعريقة الي هي : Dartmouth College بس على حد علمي تخصصاتها قليلة مو كثيرة ! Rhode Island برضو فيها جامعة مشهووورة وقوية الي هي : Brown University مشهورة جدا وتعتبر من الجامعات العريقة مثل يال وبيركلي وكورنيل Massachusetts طبعا هالولاية معروفة للجميع ! .. هي ولاية تعتبر صغيرة بس يمكن تعتبر افضل الولايات في امريكا من ناحية الاقتصاد والقوانين والخدمات والصحة و و و اهم مدينة فيها طبعا هي .. بوسطن ! .. وهي من افضل المدن في امريكا ككل بس عيبها انها غاااااااااااااااااالية جدا جدا ! .. يمكن هي من اغلى المدن في امريكا مع نيويورك وسان فرانسيسكو ! ان ما كانت اغلاهم ! طبعا فيها جامعتين من اقوى جامعات العالم Harvard University Massachusetts Institute of Technology ..MIT هالجامعتين ما اتوقع احد ما يعرف قوتهم وافضليتهم على جامعات العالم ككل ! وهم الي رافعين اسهم الولاية ككل ! .. طبعا القبول صعب بس مو مستحيل ! والدراسة فيها صعبة ومشتته لكثرة الطلاب وانشغال الدكاترة فيها ! الولاية برضو فيها جامعات قوية كثير ومن اشهرها : Northeastern University Tufts University Worcester Polytechnic Institute Boston University Amherst College وفيها برضو فرع او كلية تبع كامبريدج ! .. بس مو متأكد من التخصصات المتوفرة او الدرجات او قوتها ! الولاية على صغر حجمها بس تعتبر افضل الولايات للدراسة لقوة جامعاتها ! .. طبعا من اشهر التخصصات فيها هي الطب والمحاماة والهندسة ! : : Connecticut فيها جامعة يااال العريقة جدا Yale University يعني هذي جامعة الناس المطخطخين في امريكا والاغنياء ! شروطها في القبول صعبة جدا لانها تحافظ على مستوى معين من نوعية الطلاب سواء المادية او الفكرية ! لدرجة ان عدد طلابها البكالريوس 5 الاف بس !! وعدد خريجيها من تاسست من 400 سنة تقريبا ما يزيد عن 150 الف خريج !!! وهو عدد قلييييييييل جدا طبعا مقارنة بغيرها !! طبعا هي مشهور جدا جدا في المحاماة والادارة والطب والفنون ! الحرم الجامعي فيها يعتبر من احلى واعرق الجامعات في العالم ككل مو بس في امريكا ! .. كانك داخل قصر اسطوري ! New Jersey نيوجيرسي برضو فيها جامعة تعتبر خوية يااال في العراقة والشهرة الي هي : Princeton University تشتهر برضو بالفنون والاداب والتاريخ والاقتصاد عدد طلابها قليييييييل مثل جامعة يال لانها بنفس مستواها وعراقتها ونوعية طلابها ! هي وجامعة يال وجامعة هارفرد من اصعببب الجامعات قبول في العالم ! : : Pennsylvania ولاية كبيييييرة ومشهورة وخاصة بمدينة فيلادلفيا ! .. بس فيها سلبيات كثيرة ! نسبة السود مرتفعة نوعا ما وهالنسبة ضرورية لمعرفة المستوى المعيشي او مستوى الجرايم في مكان معين ! والجو فيها باااااااااارد خاصة كل ما اتجهنا شمال غرب باتجاه البحيرات ! معروف ان مدن الولاية والولاية ككل كئيبة وتجيب المرض ! .. ما احد يقدر يعيش فيها كثير ! فيها جامعات كويسة وهي : Carnegie Mellon University Lehigh University Pennsylvania State University هذي افضل ثلاث جامعات فيها وجامعة Carnegie Mellon جامعة مشهورة وقوية بس مشكلتها انها في مدينة بيتسبرغ http://www.mbt3th.us/vb/imgcache/122266.png .. هالمدينة كئيبة كئيبة لما تتعب http://www.mbt3th.us/vb/imgcache/122266.png من المدن الي كانت من قبل مدينة صناعية مثل فيلادلفيا تقريبا وبعدها بعد ما انتهت الثورة الصناعية صارت مدينة اشباح مثل ما يقولون ! مدينة بيتسبرغ من المدن الباااااردة ومن المدن الي المعيشة فيها صعبة ومملة وكئيبة ! في فيلادلفيا جامعتين مشهورتين ومستواهم مقبول الي هم : University of Pennsylvania Drexel University جامعة دريكسل مستواها كويس بس مشهورة في امريكا انها اكثر جامعة معقدة !!! .. دكاترتها معقدين وطلابها ضايق صدرهم ومعقدين ومكتئبين .. ومباني الجامعة تحوم الكبد وضيقة وهي من اكثر الجامعات الي الطلاب يشتكووا منها ! والله الولاية ككل ما انصح احد يروحها ! .. ما عمري شفت احد يمدح فيها شي واحد !!! : : New York طبعا اشهر من نار على علم ! .. بس خبرتي فيها بسيطة مع اني رحتها بس ما اهتميت اني ادور فيها جامعات لاني اعرف ان المعيشة فيها شبه مستحيييييييييلة وصعبة جدا ومكلفة جدا ! ونيويورك كولاية فيها مناطق باااردة لدرجة التجمد ! ... وخاصة في غرب الولاية الي درجة الحرارة تنزل لمستوى قوي بجد من اشهر جامعات الولاية : Columbia University Cornell University Rensselaer Polytechnic Institute Rochester Institute of Technology Syracuse University طبعا جامعة كولومبيا ما اعتقد احد ما يعرفها ! .. جامعة قوية قوية وخاصة في الصحااافة والحقوق والطب والفنون جامعة كورنيل جامعة برضو مشهورة جدا وقوية ومن الجامعات الي انقبلت فيهم بس ما كملت اجراءات والقبول لانو عيبها الكبير جدا والي ما تصلح لي ابدا انها في مدينة متجمدة اسمها ايثاكا Ithaca .. الجامعة قوية والحرم الجامعي والطبيعة الي هناك خلااااااااابه وحلوة كثير ... بس درجة الحرارة في شهور الشتاء ما بين الصفر و-15 وهالشي ما اقدر اتحمله صحيا !
-
رد: أفضل الجامعات والولايات للدراسة وطريقة اختيار التخصص المناسب
ولايات الوسط الغربي! Midwest http://upload.wikimedia.org/wikipedi...5/Midwest6.jpg Wisconsin Michigan Illinois Indiana Ohio North Dakota South Dakota Nebraska Kansas Minnesota Iowa Missouri هالولايات يغلب عليها الطابع الزراعي ! .. الولايات اغلبها في هالمنطقة سيئة !! الا كم ولاية بس ! اغلب هالولايات ينزح منها سكانها للجنوب او للشرق او الغرب !! .. الحياة فيها صعبة وكئيبة ! اولا نبدأ بالولايات الي ابدا ابدا ما انصح احد يقرب جنبها http://www.mbt3th.us/vb/imgcache/122268.png North Dakota South Dakota Nebraska Kansas Missouri Wisconsin Iowa Minnesota هالولايات لو تناظروا الخريطة تلاقوهم جنب بعض http://www.mbt3th.us/vb/imgcache/122268.png .. الامريكان نفسهم ينحاشون منها ويحاولون يروحون ولايات المعيشة فيها افضل واحلى ! جوها ما يساعد .. اقتصادها ضعييف ! .. خدماتهم الصحية بعضها جيد مثل Minnesota بس عموما الولايات هذي شينه بقوة !! .. كلها مزارع وحظاير خنازير وجماعات دينية متشددة !! ... هذا مو بس كلامي حتى بعض الامريكان الي كلمتهم هنا يقولون مثل كذا ! حتى جامعات زي الناس ما في ! ... في Washington University in Saint Louis الي مشهورة في ميسوري
ولا باقي جامعاتهم من اضعف جامعات امريكا عموماااا ... فانتبهوا منها ! Minnesota مشهورة بدراسة الطب لان مايو كلينك فيها ! .. اما من اي شي ثانية فهي سيئة ! : : Michigan نفس الولايات الي فوق ! .. بس هنا المشكلة ان الولاية مليانة سعوديين !! ما ادري على ايش ؟! الجو ثلوج وبرد ! .. الولاية فقيرة وقذرة ومليانة سود ومجرمين وعصابات ! .. وخاصة ديترويت لانها مدينة صناعية وكثير من مصانع السيارات فيها ! وفيها على فكرة عرب كثير كثير ! .. بس مع ذلك من اسوء المدن من ناحية الامن في امريكا كلها ! .. الي عاشوا فيها يقولون لي هالمدينة تخاف تطلع فيها في النهار وفي الليل !!! الولاية فيها جامعة ممتازة الي هي University of Michigan -Ann Arbor
بس فعلا ما تسوى ان احد يروح لها ابدا ابدا Ohio فيها سعوديين وعرب كثير ! .. بس للامانة جامعاتها مستواها مو هذاك الزود ! ما فيها الا جامعة وحيدة الي تستاهل والي هي: Ohio State University-Columbus Indiana هي اهم ولاية بينهم لوجود شيكاغو فيها الولاية كولاية فما تختلف كثير عن البقية من ناحية الزراعة وتربية الخنازير والجماعات الدينية المتشددة ! بس الي يميزها وجود شيكاغو فيها وجامعات عريقة وقوية ! هالولاية هو المكان الوحيد الي اشوفه يستاهل انك تروحه ما بين ولايات الوسط الغربي كله وانا رحت شيكاغو وبصراحة فهي مكان حلو وتستاهل الواحد يعيش فيها من اشهر الجامعات في هالولاية : University of Chicago University of Illinois System Urbana-Champaign Northwestern University Illinois Institute of Technology جامعة شيكاغو انا رحتها في جنوب شيكاغو ! .. طبعا هالجامعة تصنيفها من العشرة الاوائل على العالم !! وبصراحة مبانيها والحرم الجامعي اتعب وانا اقول خطييييييييييييييير ! والجامعة نفسها مشهورة بقوة وخاصة في الطب ! مستشفى الجامعة يعتبر من اشهر واقوى المستشفيات في العالم ! .. انا شفته بصراحة منشاة ضخمة ضخمة ! برضو شفت Northwestern University و Illinois Institute of Technology
لانهم في شيكاغو ومعهد ايلونوي للتكنولوجيا مشهور بالهندسة !
جامعات هالولاية هم الوحيدين الي انصح فيهم من بين كل الولايات المذكورة هنا في ولايات الوسط الغربي لكن من ناحية الأمن هالولاية تخوف !!
-
رد: أفضل الجامعات والولايات للدراسة وطريقة اختيار التخصص المناسب
الولايات الجنوبية
South
http://www.mbt3th.us/vb/imgcache/122269.png
Delaware
Maryland
District of Columbia
Virginia
West Virginia
North Carolina
South Carolina
Georgia
Florida
Kentucky
Tennessee
Mississippi
Alabama
Oklahoma
Texas
Arkansas
Louisiana
هالولايات برضو ما يختلفون من ناحية ولايات الوسط الغربي من ناحية السلبيات وان كانت اقل !
اولا راح اذكر الولايات الي ما انصح احد يقرب جنبها ابداااا
West Virginia
South Carolina
Kentucky
Tennessee
Mississippi
Alabama
Arkansas
Louisiana
Oklahoma
تقريبا برضو هالولايات لو تشبكونها مع الولايات الي ما نصحت فيها في الوسط الغربي راح تلاقونهم قريبين من بعض !
هالولايات صحيح ان طبيعتها تعتبر حلوة وجوها ادفى من ولايات الوسط الغربي ! .. بس الولايات هذي سيئة من نواحي كثيرة
اولها اقتصاديات الولاية ضعيفة جدا وخدماتها الصحية سيئة ... من ناحية الامن تعتبر هالولايات من اسوء الولايات في الجرائم والتفرقة العنصرية !
يكثر في هالولايات نوعين ! ... السود ! .. والوايت تراش ! .. وفيهم عنصرية قوية جدا تجاه الاقليات !
ويكثر برضو في هالولايات الـ kkk اختصار Ku Klux Klan ! ... والي ما يعرفهم فهم الجماعات الدينية المتعصبة الي كانوا يلبسون ابيض فوق روسهم ويحرقون السود !!!
الجو في هالولايات سيء جدا من ناحية العواصف والامطار والتورنيدوز وغيره !! .. وخاصة اوكلاهوما ولويزيانا !
من اكثر المناطق في امريكا الي يضربها البرق والاعاصير !
بجانب هالشي فان جامعات هالولايات كلها تعتبر سيئة الا جامعتين وهم :
Clemson University في South Carolina
Vanderbilt University في Tennessee
بس http://www.mbt3th.us/vb/imgcache/122270.png
:
:
Delaware
Maryland
ولايتين صغار وظريفين جدا
ماريلاند هي الي فيها جامعتين كويسيتين ! وهم :
Johns Hopkins University
University of Maryland
المعيشة في هالولايتين حلوة كثير وخاصة انهم قريبين من واشنطن وقريبين من نيويورك
:
:
North Carolina
ولاية تعتبر من احلى وافضل ولايات الجنوب
وفيها جامعتين قويتين الي هم :
Duke University
North Carolina State University
District of Columbia
Virginia
طبعا انا حطيتهم مع بعض لانهم جغرافيا يعتبرون مع بعض
واشنطن معروفة انها من افضل الاماكن معيشة بس مشكلتها انها غاااالية والعرب فيها كثير طبعا لاهميتها الدبلوماسية !
جامعات واشنطن المشهورة هي :
George Washington University
Georgetown University
فيرجينيا ولاية مشهورة بطبيعتها الخلابة جدا وبانك تقدر تشوف الفصول الاربعة فيها !
بس فيها مشكلة تشبه مشاكل الولايات الجنوبية الاخرى !... الي هي التفرقة العنصرية !
تنقسم الى جزئين .. الشرق الاغلبية فيه من السود والغرب الاغلبية فيه من العنصريين البيض!
نظامها صااارم جدا ومن اكثر الاماكن الي سمعت عنها ان فيها عنصرية للاقليات وخاصة المسلمين !
يتكلم لي سواق تاكسي في نيويورك .. يقول احنا نكره هالولاية وحتى اذا اضطرينا نمر منها نمر بسرعة لانهم ممكن على مخالفة سواقة يسجنونك ويبهدلونك !
بس ما يمنع ان فيها جامعات كويسة منها :
George Mason University
Virginia Polytechnic Institute and State University
طبعا فيرجينيا تيك (Virginia Tech) يمكن اغلبكم يتذكرها لما كان فيها الاعتداء المسلح وماتوا فيها طلاب كثير قبل كم سنة
بس هي مشهورة في الهندسة والعلوم وقوية كثير .. انا انقبلت فيها برضو بس ما رحت !.. بس للامانة انا انصح فيها وبقوووة ... لولا امراضي الي فيني وتجبرني اني اروح لولايات حارة ولا كان رحت لها!
عيبها الوحيد انها في منقطة بعيدة عن الاماكن الترفيهية ! .. الجامعة لوحدها ما في اي مدن كبيرة قريبة الا على بعد ساعة او اكثر !
يعني ممكن الواحد يكتئب فيها ويحس بالملل ! .. بس ميزتها انها قريبة من واشنطن يعني مشوار 3 ساعات ! .. تقدر تروح في اي وقت !
:
:
Georgia
الولاية ككل ما فيها الا اتلانتا ! .. ومع ان نسبة السود كبيرة فيها (فوق 70 بالمية) بس فعلا يعتبرونها مكان معقول !!
واكثر من واحد قابلته عاش فيها ويعتبرها مكان جيد
فيها جامعتين قويتين الي هم :
Emory University
Georgia Institute of Technology
طبعا جورجيا تيك (Georgia Tech) اشهر من نار على علم في الهندسة والتكنولوجيا على مستوى العالم ككل !
وتعتبر من افضل عشر جامعات على العالم في الهندسة والعلوم ! .. جامعة قوية جدا جدا وما تتفوت !
:
:
Florida
ولاية السعوديين !!!
للاسف ان اغلب السعوديين لي يروحونها هم الي على حسابهم الخاص وحاط في باله انه بيروح وبيوسع صدره وبيفلها على الشواطيء وهالخرابيط !!
الولاية من وجهة نظري سيئة للدراسة ! ... وجوها كلله اعاصير وتورنيدوز وامطار !!
والمشكلة ان ما فيها جامعات عليها القيمة !! ... الجامعة الوحيدة القوية هي :
University of Florida
اما الباقي فمستواهم اقل من عادي بقوة !! .. نصيحة لا احد يفكر فيها لان كثرة السعوديين هناك والي رايحين سياحة (دراسة) على حسابهم او على حساب الدولة شوهت منظر السعوديين في الولاية وحتى في الولايات الثانية ! .. وفي ناس انصدمت بالوضع وحولت لولايات ثانية !
:
:
Texas
من افضل الولايات في امريكا عموما ! .. يعيبها شي واحد فقط الي هو الجو العاصف الي فيها والاعاصير !!
ولا الولاية كولاية فهي حلوة واقتصادها قوي جداااا والخدمات الي فيها ممتازة ! .. طبعا اقتصاد الولاية قائم على النفط علشان كذا هي قوية !
جامعاتها تعتبر بشكل عام جيدة ومستواها عالي ومنها : Rice University
Texas A&M University
University of Texas-Austin
University of Houston
بصراحة انصح في هالولاية الا هيوستن لان جوها ما يساعد ولانها مدينة مزعجة http://www.mbt3th.us/vb/imgcache/122270.png
وغير أمنة وانقبلت برضو في جامعة هيوستن بس ما رحتها !
-
رد: أفضل الجامعات والولايات للدراسة وطريقة اختيار التخصص المناسب
ولايات الغرب
West
http://www.mbt3th.us/vb/imgcache/122271.png
Idaho
Montana
Wyoming
Nevada
Utah
Colorado
Arizona
New Mexico
Washington
Oregon
California
الولايات الغربية والولايات الشمالية الشرقية هي يمكن افضل الاماكن الي يحبونها الامريكان (ولايات الجنوب الغربي والساحلية) ! .. والي تعتبر مناطق جذب للسكان
بعكس ولايات الوسط الغربي والجنوب الي تعتبر طاردة للسكان !!
طبعا بعض الولايات الغربية برضو ما انصح احد يروحها ومنها :
Idaho
Montana
Wyoming
Nevada
New Mexico
طبعا هالولايات ما فيهم احد ! .. يعني الي بيروحها بيجلس لحاله !!! http://www.mbt3th.us/vb/imgcache/122272.png
ولايات فاضية تقريبا لان اغلبها يا صحاري يا اماكن قاحلة !!!
لا احد يفكر ولو مجرد التفكير انها يروحها ! .. اصلا ما فيهم جامعة ولا ربع كويسة !
:
:
Utah
فيها جامعة وحده يعتبروها كويسة الي هي :
University of Utah
بس بصراحة ما عندي معلومات كفاية عن هالولاية !!
:
:
Colorado
السعوديين كثير هناك بس ما ادري ليه بصراحة !
فيها جامعتين ممتازتين الي هم : Colorado School of Mines
University of Colorado-Boulder
:
:
Arizona
من الولايات الصحراوية في امريكا بس اقتصادها قوي جدا والصناعة فيها قوية !
يميزها موقعها الاستراتيجي جنب كاليفورنيا ولاس فيغاس والمكسيك !
جوها قريب من السعودية وان كان الطف نوعا ما ... وفيها جامعتين مشهورتين :
Arizona State University
University of Arizona
الجامعة الاولى في تيمبي قريب فينيكس وهي من اشهر الجامعات في امريكا من ناحية عدد الطلاب وانها بارتي سكوول !!
يعني مشهورة ان طلابها دائما يحتفلون ودايم فيها بنات حلوات ومن هالاشياء !
انا ادرس فيها الحين ! .. بس ما اخترتها الا لاني اعرف انها في الهندسة وخاصة الكهربائية تعتبر من اقوى جامعات امريكا !! وخاصة في تخصصي الدقيق !
بس اني من المطار في واشنطن كل ما سالني موظف لاي جامعة بتروح واقول له هالجامعة يقووول اوووه حظك جامعة حلوة وبنات وبارتيز ومن هالحكي !
في الهندسة الجامعة قوية جدا والحرم الجامعي والمنطقة الي هي فيه من ارقى واجمل مناطق امريكا ! ... انصح فيها لاي واحد يبغى يدرس هندسة لانها قوية فعلا وتاكدت من هالشي لما جيتها !
الجامعة الثانية في توسان في جنوب اريزونا ... فيها سعوديين برضو كثير بس ما املك معلومات كثيرة عنها للاسف !
الولاية جيدة جدا وموقعها مميز مثل ما ذكرت بس عيبها انها صحراوية نوعا ما وحاااارة في الصيف وشمس في اغلب ايام السنة !
:
:
Washington
من احلى ولايات امريكا طبيعة ونظام وشعب ! .. بس عيبها الوحيد الامطاااار وخاصة في سياتل !
انا كنت اظن ان هالشي مو عيب بس سمعت من ناس فيها ان خلااااااص طقهم اكتئاب من المطر وكرهوا حياتهم ! .. يبون الشمس !
لان اغلب ايام السنة امطار في سياتل بشكل مبالغ فيه ! ... بس عموما انا سياتل تعجبني جدا ومن الاماكن الي مخطط ازورها قريب !
فيها جامعة وحده قوية ومشهورة الي هي University of Washington
وهي جامعة معروفة في الطب والفنون واشوية هندسة !
:
:
Oregon
ولاية السعوديين رقم 2 ! http://www.mbt3th.us/vb/imgcache/122272.png
ما فيها اي جامعة ممكن نقول عنها جامعة قوية ! .. يمكن جامعة Portland State University الي تعتبر افضل جامعة في الولاية
بس عموما الولاية صحيح انها ما فيها ضرائب وطبيعتها حلوة بس جامعاتها مستواهم نازل وما انصح فيها
:
:
California
اشهر ولاية امريكية واهمها على الاطلاق ! ... مزدحمة بشكل كبير جدا وهالشي هو اسوء سلبياتها !
المعيشة فيها صعبة وغالية والمواصلات صعبة جدا !
بس ما يمنع ان فيها جامعات من افضل جامعات امريكا منهم :
California Institute of Technology
Stanford University
University of California-Berkeley
University of Southern California
طبعا هالجامعات الي فوق معروف انهم من اقوى جامعات العالم ! ... اعتقد ما في احد ما يعرف بيركلي ومعهد كليفورنيا للتكنولوجيها وجامعة ستانفورد
وفي برضو جامعتين معروفتين الي هم :
University of California-San Diego
University of California-San Francisco
University of California-Los Angeles بس عموما المعيشة في كاليفورنيا جدا صعبة وللاسف في ناس يروحون يدرسون في كاليفورنيا علشان بس انها كاليفورنيا !!!
ويدرسون في جامعات مستواها جدا سيء ! .. هذ غير التكلفة القوية للمعيشة !
نصيحة لا حد يسكن فيها ويدرس الا لو انقبل في جامعة قوية مثل الي ذكرتهم !
:
:
:
http://www.mbt3th.us/vb/imgcache/122273.png
-
رد: أفضل الجامعات والولايات للدراسة وطريقة اختيار التخصص المناسب
خاتمة !
اتمنى ان الموضوع يكون اضافة مفيدة وبسيطة لاي طالب ومهتم ! ... طبعا كل الي كتبته هو من تجربة شخصية وبحث ومن تجارب الاخرين !
وانبه مرة ثانية ان بحثي كان على اساس البحث عن جامعة لدراسة الدكتوراة في الهندسة الكهربائية !!! .. وان كانت اغلب الجامعات الي ذكرتها قوية في كل شي مو بس في الهندسة ! ... البحث عن جامعة لغرض دراسة الدكتوراة يختلف عن البحث عن اي جامعة لدراسة تخصص او درجة ثانية وشرحت هالشي في الموضوع ! .. ممكن تكون جامعة قوية في تخصص معين بس ضعيفة في تخصصات اخرى ! .. اتمنى ان هالشي يؤخذ في الاعتبار !
متوقع ان بعض المبتعثين ما راح يعجبه كلامي وراح يدافع عن ولايته ويخليها جنة الله في ارضه !!! .. اكرر ان كل الي كتبته من تجربتي وتجربة اعضاء هيئة تدريس واراء بعض الامريكان الي اعرفهم وقابلتهم ! ... ممكن كل واحد يشوف الموضوع بطريقة تختلف عن الاخر !
اتمنى فعلا الي عنده اضافة ورأي عن اي من الولايات انه يذكره علشان كلنا نستفيد والاهم ان الطلاب الجدد يستفيدون !
بالتوفيق للجميع
منقوووووووووووووووووول للفائده
-
رد: أفضل الجامعات والولايات للدراسة وطريقة اختيار التخصص المناسب
يمكنكم الرد الأن
..
يا إخوان أنا ان شاء الله بصدد القبول في خطة التعليم العالي للبعثات الى الولايات المتحدة الأمريكية تخصص هندسة مدنية
والى حد الأن أنا محتار بالأختيار بصراحة بين الولايات وبصراحة محتار بين هذه الولايات
1- أريزونا
2- فلوريدا
3- كولورادو
4- بنسلفانيا
أتمنى تساعدوني بالإختيار وشكرا
تقبلوا تح ـيآتي !
-
رد: أفضل الجامعات والولايات للدراسة وطريقة اختيار التخصص المناسب
نصيحة لا احد يفكر فيها لان كثرة السعوديين هناك والي رايحين سياحة (دراسة) على حسابهم
شوهت منظر السعوديين في الولاية وحتى في الولايات الثانية ! .. وفي ناس انصدمت بالوضع وحولت لولايات ثانية !
في هذي اوافقك فيها با النسبه لفلوريدا اما با قي الموضوع ولا ولايه مدحتها
في ولايات حلوة ذميتها
-
رد: أفضل الجامعات والولايات للدراسة وطريقة اختيار التخصص المناسب
انا حاط بالي على 5 جامعات لكن موضوعك سوى لي ربكة
Purdue University - West Lafayette
University of Michigan - Ann Arbor
The Ohio State University - Columbus
University of Illinois at Urbana-Champaign
University of Minnesota, Twin Cities
ابغى الولاية اكثر عرب ...
يا ليت تساعدوني يا اخوان
-
رد: أفضل الجامعات والولايات للدراسة وطريقة اختيار التخصص المناسب
الله يعطيك العافيه
مجهود تشكر عليه اخوي
بالتوفيق لك في حياتك العمليه والعلميه
وعقبالنا باي قبول بس اهم شي قبول ماستر
لاهنت
-
رد: أفضل الجامعات والولايات للدراسة وطريقة اختيار التخصص المناسب
شكرا للكل ^_^
يا جماعة الخير ترى الموضوع يتكلم عن أفضل الولايات لدراسة الدكتورة
ومايمنع ان في ولايات زينة للدكتورا وسيئة للبكالريوس
-
رد: أفضل الجامعات والولايات للدراسة وطريقة اختيار التخصص المناسب
ولله مدري وش اقولك ياخي كلمه شكرا وكبير قليله بحقك ولله
-
رد: أفضل الجامعات والولايات للدراسة وطريقة اختيار التخصص المناسب
تسلم اخوي بس بصراحه ماعرفت انت اش تنصح
كل الولايات مامدحتها خخ
انا ابغى ادرس بكالوريوس تخصص حاسب اش الولايه اللي تنحصني فيها ابغى ولايه فيها سعوديات كثير
-
رد: أفضل الجامعات والولايات للدراسة وطريقة اختيار التخصص المناسب
up
up
up
up
up
up
up
up
up
up
-
رد: أفضل الجامعات والولايات للدراسة وطريقة اختيار التخصص المناسب
انا مثلك اختي R A M A D
مقبل ع السفر بالكثيير شهر مايو
وطالع على حسابي واذا ربنا كتبلي الابتعاث راح اكمل IT او CS
انا جالس ادوور على ولاية تكون رخيييصة وخاصة المعهد
اذا لقيتي شي كويس ياريت ماتبخلي عليا :d
-
رد: أفضل الجامعات والولايات للدراسة وطريقة اختيار التخصص المناسب
^
^
شوف اخوي ابعد عن المدن الكبيرة لان معروف ان ضربيتها عاليه والمعيشه فيها غاليه مثل نيورك وواشنطن
لاحظت كثير يمدحوا تكساس بس بعد اللي صار مع خالد الدوسري كرهت المنطقه هذي
انا اهم شي عندي جامعه كويسه وبنات سعوديات كثير عشان ما اكون وحيده وسط مجموعه شباب وعشان اقدر اتاقلم عالوضع بسرعه
انت حدد اولوياتك وان شاءالله راح تلاقي ولايه كويسه والاهم انك تبحث عن جامعه كويسه
-
رد: أفضل الجامعات والولايات للدراسة وطريقة اختيار التخصص المناسب
مشكور اخوي ع الموضوع صرااحه نبهتنا لاشياء كثيرة
ملاحظة : ساعدني الموضوع كثير لاني مثل حالتك مااتحمل
المكيف فكيف برد مع ان احب منظر الثلج بس يومين ولايكثر خخخخخخخخخ
تدري من زماان مخططة على سياتل الله يسهل
اخووي ممكن طلب::
بما ان المرحلة الجاية كلها طب ممكن لاهنت تجيب لنا اللست حقت احسن المستشفيات التعليمية
وبايت ولاية
مشكوورة مقدما
-
رد: أفضل الجامعات والولايات للدراسة وطريقة اختيار التخصص المناسب
أنا يا جماعة بدرس هندسة مدنية وبصراحة الكل نصح لي هالولايات
1- اوهايو
2- أريزونا
3- كولورادو
4- كانساس
من كل النواحي المعيشة و و و
اما باقي التخصصات والله ما أعرف
-
رد: أفضل الجامعات والولايات للدراسة وطريقة اختيار التخصص المناسب
نادر غلاها
======
هلا والله أختي
إن شاء الله بحاول أحصلها لك
-
رد: أفضل الجامعات والولايات للدراسة وطريقة اختيار التخصص المناسب
أخوي R A M A D
=====
معروفة الولايات اللي فيها سعوديين هي ولاية فلوريدا
ولاية جميلة وأمنة ولكن هي ولاية سياحية وفيها ديزني لاند و و و و
لكن ما أنصحك فيها لان راح تشغلك هالشغلات بس اذا انت تقدر تمسك نفسك روح لها لووووووووول
و ولاية كولورادو بعد فيها سعوديين .. !!
ترى كل هالكلام اللي أقوله من واقع بحثي بالنت لا أكثر قد أكون غلطان
انا ان شاء الله بروح الصيف هذا يعني للحين ما جربت شي :)
-
رد: أفضل الجامعات والولايات للدراسة وطريقة اختيار التخصص المناسب
تقرير شخصي ولا اروووع
الله يوفقنا وياااااك ..
-
رد: أفضل الجامعات والولايات للدراسة وطريقة اختيار التخصص المناسب
بصرآآآحهـ موضوع يستاهل التثبيت !!!
جزاك الله ألف خير وما قصرت والله ,,,
انا حاط في بالي هالجامعة Arizona state university
انا معايا دبلوم جامعي ومخلص 72 ساعة بمعدل ممتاز ولله الحمد من كلية ينبع الصناعية بتخصص تقنية الهندسة الميكانيكية, وابغى اروح اكمل عندهم بكالورويس لكن أغلب الشباب اللي راحو عندهم ما عادلو لهم الا 30 ساعة بالكثير من أصل 72 ساعة!!
أقدر أستفسر من الجامعة كم ساعة راح يعادلو لي اذا راسلتهم بالايميل بدون تقديم طلب قبول ؟؟
أو ماهي الطريقة الأفضل إني أراسلهم عشان أعرف إذا كان في أمل يعادلو عدد اكبر من الساعات عالأقل 60 او 50 ساعة ,,
للمعلومية , الكلية اللتي أتخرجت منها عندها أعتماد من الـ ABET ,,
-
رد: أفضل الجامعات والولايات للدراسة وطريقة اختيار التخصص المناسب
والله ياخي تشكر الصراحه على مجهودك الاكثرمن رائع
ب بصراحه انت بها التقرير سديت نفسي عن امريكا كلها
بس عندي ملاحظة : ولاية ويسكونسن
فيها جامعة
University of Wisconsin-Madison
تعتبر من الافضل الجامعات الامريكية .... خاصة في الهندسة (دراسات عليا طبعا)
وانت في تقريرك مامدت الولايه , ولا حتى ذكرت الجامعه
انا سألت عنها رئيس قسمي في الكلية
قالي بالحرف الواحد
اذا جبت قبول من ويسكنسن ماديسون , ولا واحد في الكلية يقدر يفتح فمه بكلمة
طبعا يقصد ان الجامعه مسكته.
وعموما لو تشوفوا جامعات ولايات الوسط الغربي اللي تكلم عنها الاخ مشكورا
اغلبها في التوب 20 الى التوب 30.... فما اتوقع ان هذا ينطبق مع كلام الاخ
"جامعات زي الناس مافيه"
واشكرك مرة اخرى
وعذرا عالاطاله
-
رد: أفضل الجامعات والولايات للدراسة وطريقة اختيار التخصص المناسب
موضوع رائع
و ألف شكر على النقل
-
رد: أفضل الجامعات والولايات للدراسة وطريقة اختيار التخصص المناسب
الله يجزاك خير اخوي
واتمنى من الاداره تثبيت الموضوع
-
رد: أفضل الجامعات والولايات للدراسة وطريقة اختيار التخصص المناسب
-
رد: أفضل الجامعات والولايات للدراسة وطريقة اختيار التخصص المناسب
يعطيك العافيه على المجهود
لاكن ياخوي ماخليت ولا ولايه الى ذميتها
-
رد: أفضل الجامعات والولايات للدراسة وطريقة اختيار التخصص المناسب
ممكن ترشح لنا ولايه فيها تخصصات دينيه او تربيه خاصة او تقنيات تعليم ؟؟؟؟؟؟؟؟؟؟؟؟؟؟؟؟؟؟؟؟؟؟
-
رد: أفضل الجامعات والولايات للدراسة وطريقة اختيار التخصص المناسب
Maine
ولايات صغيرة ورااااايقة بس للاسف ما فيها جامعات عليها القيمة !
انصح كثير ان الواحد يروح يتعلم لغة هناك لان عدد العرب يعتبر قليل !
سمعت انها غالية وشعبها ما يحب يختلط باحد بس مو متاكد من هالشي
ولايه maine فيها جامعه عريقه
The University of Maine
ياليت تضيف اسم الجامعه في موضوعك عشان تكتمل روعته ..
-
رد: أفضل الجامعات والولايات للدراسة وطريقة اختيار التخصص المناسب
ارى ان لايتم الاعتماد على هذا الموضوع في التصنيف ... لان كاتب الموضوع اعتمد على العوامل الاجتماعيه والاقتصاديه والترفيهيه واغفل الجانب المهم وهو المعايير والمقاييس العلميه لتصنيف الجامعات .. فجامعات عريقه ومهمه وذات مكانه وثقل علمى لم يتم التطرق لها ... وليس كل ماورد صحيح في وصفه لبعض الولايات من حيث العنصريه العرقيه والدينيه ... الموضوع سيصيب القاريء بالتشتت والحيره ... هذا رأي الشخصي وشكرا لكل من يتقبله وشكرا لكاتب الموضوع على جهده.
-
رد: أفضل الجامعات والولايات للدراسة وطريقة اختيار التخصص المناسب
شكرا بعنف لكاتب الموضوع :)
بس كثيييييييييير معلومات مغلوطة :(
بالعربي ما انصح احد ياخذ بالكلام اللي مكتوب
و شكرا مرة اخرى ...
-
رد: أفضل الجامعات والولايات للدراسة وطريقة اختيار التخصص المناسب
اقتباس:
المشاركة الأصلية كتبت بواسطة abo kamal
شكرا بعنف لكاتب الموضوع :)
بس كثيييييييييير معلومات مغلوطة :(
بالعربي ما انصح احد ياخذ بالكلام اللي مكتوب
و شكرا مرة اخرى ...
مثل ايش المعلومات المغلوطة ... ؟؟
يا ليت تفيدنا ....
-
رد: أفضل الجامعات والولايات للدراسة وطريقة اختيار التخصص المناسب
والله كثييير .. لو بمشي عليها ماخلصت !
مثل ان جامعة شيكاغو في انديانا!!! !!!!!!!!!! و افضل جامعة في اوريغون هي بورتلاند !!!! بالعكس هي فاشلة و متكدسة و مغلقة بعد ! هذا بس مثال !
عشان كذا قلت لاحد يعتمد على هالموضوع .. من الآخر يعني :)
راعي الموضوع بذل جهده .. لكن الحق ينقال
و لا يزعل راعي الموضوع :)
