مدينة فرجينيا .. أرلنغتون

الســـلام عليكم ورحمة الله وبركاته

أخواني .. انا الحمد لله جبت قبول لمعهد & الجامعه
ف عندي كذا استفسار وياليت تفيدوني

اول شيء اذا رحت للمقابله الاسبوع الجاي اعطيهم قبول المعهد × ومعاه قبول الجامعه سوا ؟

ثاني شيء بغيت اسم مطار في مدينة فرجينيا .. أرلنغتون ؟
واذا مافيه مطار وش المدينه الاقرب لها مثلاً .. واول ما اوصل هناك اخذ شنو عشان اروح لمدينتي ( مترو ؟ سياره ؟ " ماني عارف شيء ) ؟
لاني ناوي احجز تذكرة سفر واخذها معي للمقابله واوريها لهم ، شرايكم انتم ؟


محتاج معلومات منكم - ي ليت ماتحرموني من هالشيء

.
.
.
.
[ معقوله مافيه والا رد ]
.
.
؟

اخوي اقرب مدينه له
واشنطن العاصمه
وترها مدينه جميله بس شوي غاليه
وثلوج يعني جوها بارد حالياً

ana ma adre esh aljam3ah 78k bs fe m6aar t8reeba yb3d 10minutes to Arlington elle howa
Regan airport (DCA)
mn alm6aar ta5od al metro al station fe nfs alm6ar w roo7 3la ballstan station orange line
ballstan station fe ws6 Arlington
mwaf8

وين منطقة معهدك
او وش اسم معهدك

بعدين وش دخل قبولك الجامعي اذا جيتهم عطهم الاي توني حق المعهد فقط وتعال قبل الدراسه باسبوع علشان تزبط وضعك

اسم المعهد inlingua english center
في ارلنغتون

يعني ما اعطيهم قبول الجامعي ؟ بس اعطيهم قبول المعهد ؟

اقتباس:

---

المشاركة الأصلية كتبت بواسطة سمرون

ana ma adre esh aljam3ah 78k bs fe m6aar t8reeba yb3d 10minutes to Arlington elle howa
Regan airport (DCA)
mn alm6aar ta5od al metro al station fe nfs alm6ar w roo7 3la ballstan station orange line
ballstan station fe ws6 Arlington
mwaf8

---

الله يسلمك اخوي

الله يهديك بعض الكلمات حفرت اعرف وشنهي
ي ليت تتكلم عربي وتشرح لي كويس - اذا تفضلت :(

الله يوفقك اخوي الكريم
لو تكرمت القبول من جابه لك معهد والا انت بنفسك
ودي اعرف الطريقه وكم الوقت اللي اخذته فيه

اقتباس:

---

المشاركة الأصلية كتبت بواسطة دهيكل!!!

الله يوفقك اخوي الكريم

لو تكرمت القبول من جابه لك معهد والا انت بنفسك

ودي اعرف الطريقه وكم الوقت اللي اخذته فيه

---

والاجمعين ي رب

انا اسف ي خوي حاولت ارسل لك كذا مره على الخاص بس ماش .. ما يجي معاي
على العموم
انا راسلت المعهد عن طريق الفيدكس وجبت القبول منهم
وطبعاً المعهد تجاري ماتتبعه اي جامعه
وبالنسبه للوقت .. اخذ معي تقريباً اسبوعين

..

تحيه

هلا بك اخوي بالنسبه للمقابله ورهم قبول المعهد واذا سألوك وش بتدرس قل لغة وجامعه وتخصصك وما فيه داعي للتذكره بالمقابله .

عموما انت بتجي على مطار دالاس بفرجينيا اتوقع وهناك مافيه محطة مترو قريبه لكن فيه باص اسمه E2 ياخذك من المطار لين منطقة روزلين من موقف الباص بتشوف ماك قبالك والمعهد قبال ماك وانا برسل لك ع الخاص اذا احتجت شي امر ..
انا ادرس بنفس المعهد من 5 شهور تقريبا
بس اخوي ابيك تتأكد من معلومه لاني سمعت ان المعهد بعد شهر 5 اللي هو مايو بيكون مو معترف فيه وما ادري هل هالكلام صح ولا لا على العموم حتى لو طلع صح تقدر تغير المهم اي خدمات يالغالي انا حاظر...

مشكور يالغالي

الحمد لله على كل شيء وان شاء الله يطلع الكلام خآطى ، واذا كان صحيح ماهي مشكله نحول من معهد لمعهد ثاني
وياليت تتأكد من معلومتك

شآكر لك مره ثانيه

اقتباس:

---

المشاركة الأصلية كتبت بواسطة دهيكل!!!

الله يوفقك اخوي الكريم

لو تكرمت القبول من جابه لك معهد والا انت بنفسك

ودي اعرف الطريقه وكم الوقت اللي اخذته فيه

---

الله يوفقكم جميع يا اخواني

انا حصلت على قبول في هذا المعهد عن طريق واحد بنفس المعهد وماعنده مانع يجيب لأي احد قبول ..

لكن لا اعلم هل وضع ايميله في الموضوع يعتبر مخالفه او لاء علما بأنه لا يقبل بدفع شيء له لانه يقدمه خدمه لأبنا الوطن واحتساب للأجر .. اي انه لا يعتبر تجاره ..

اهلين ..

خالد ما قصر جزاة الله خير .. شرح لك

لكن المعهد سيئ

من واقع تجربه ..

فية معاهد افضل بكثير منه

واذا عندك اسالة ابشر

مرحبا ب طهر الماء

سعدت بتواجدك -
شنو النقاط اللي شايفتها بالمعهد ؟

اقتباس:

---

المشاركة الأصلية كتبت بواسطة khalid66

هلا بك اخوي بالنسبه للمقابله ورهم قبول المعهد واذا سألوك وش بتدرس قل لغة وجامعه وتخصصك وما فيه داعي للتذكره بالمقابله .

عموما انت بتجي على مطار دالاس بفرجينيا اتوقع وهناك مافيه محطة مترو قريبه لكن فيه باص اسمه E2 ياخذك من المطار لين منطقة روزلين من موقف الباص بتشوف ماك قبالك والمعهد قبال ماك وانا برسل لك ع الخاص اذا احتجت شي امر ..
انا ادرس بنفس المعهد من 5 شهور تقريبا
بس اخوي ابيك تتأكد من معلومه لاني سمعت ان المعهد بعد شهر 5 اللي هو مايو بيكون مو معترف فيه وما ادري هل هالكلام صح ولا لا على العموم حتى لو طلع صح تقدر تغير المهم اي خدمات يالغالي انا حاظر...

---

الباص رقم A5 وليس كما ذكرت

بالنسبة للمعهد فالمعهد مغلق لدى الملحقية

اهلين
كثره السعوديين فيه
سوء التعامل من قبل الاداره
الكلاس الواحد لايقل عن ١٥ طالب ثلاثه ارباعهم سعوديين
كذا ما راح تتحسن لغتك كثير اذا كان اغلب الطلاب سعوديين
بصراحه اسميه ( معهد نيهورازين ) خخخخ كاني بالرياض

فيه عندك معاهد كثيره غير انلنقوا

نوفا .. فرجينيا تك وغيره كثير

المعهد راح يغلق في شهر خمسه والكلام من الملحقيه
الله يكتب لك الخيره وأنا أخوك

طيب .. بهالوقت وش اسوي انا ؟
المقابله كانت قبل يومين .. يوم السبت وقدمت اوراقي واخذوا جوازي وقالوا لي راح نرد جوازك في اقرب وقت
.
اغير من الحين والا اذا وصلت هناك ؟.

ي ليت احصل اجابات واضحه وكافيه



دمتم سالمين

والله ما ادري عنك لكن مدام سويت مقابله بالسفاره
توكل علي الله

واول ما توصل هنا جب لك قبول من معهد ثاني
وحول له عادي

مشكور اختي .. طهر الماء

اذا بوه اضافات من احد ي ليت يتفضل

انا رايحه على نفس المعهد ودراستي في 11 ابريل وطالعه على حسابي
سمعت ان المعهد مو بذاك الشي بس ايش اسوي ما اقدر اروح لواحد ثاني غالي
واذا حصل وانضميت للبعثه حغير المعهد على طووووول