للاخوان الي فتحوا ملفات يوم 22 و 23 و 24 فبراير الرجاء الدخول

السلام عليكم ورحمة الله وبركاتة

هذا اول استفسار لي واتمني الاقي تفاعل منكم

انا فتحت ملف يوم 23 فبراير 2011 ، لكن الي الان ما ارسلوا لي رقم الملف ؟ راسلت الملحق الثقافي نفسة لكن للاسف ما اعطاني اجابة و حولني لشخص اخر و هذا الشخص اعطاني رابط ؟؟ و الرابط هذا ( اشعار وصول مبتعث جديد ) مدري وش قصدة ؟؟

علي العموم يا اخوان الي استلم رقم الملف يرد و يقول لي وش سوا ... و بعدين انا ابي استفسر عن المكرمه الي يقولوا شملت طلاب امريكا كلهم ؟ انا شفت واحد معاي بالمعهد انظم الاسبوع الي راح يعني بعد 3 اسابيع من فتح الملف ( فتح ملفة بتاريخ 14/2/12011 )

ياريت الي عنده خلفية يفيدني لاني محتار بسبب هذا الموضوع و خايف اني ارسل اوراقي مرة ثانية و يقولوا لي انت فتحت ملف الحين يعني المكرمة ماتشملك

شكرا لكم

الله يوفقك يارب انا والله ماعندي خلفيه عن هالشـي لآآكن ماتستاهل الا كل خير والله ياياد افدتنا كثير بمواضيعك وتشكر عليها .. : )

+

للـرفع

شكرا لك و بارك الله فيك

دعواتي الصادقة بالتوفيق لك ، وان شاء الله تنضم للبعثة في اقرب وقت باذن الله.

بالتوفيق يا أخوي إياد..ودّى أفيدك بس العين بصيرة والإيد قصيرة
ما أقول إلا ياليتني الملحقية بس ولا الوزارة عشان أقدر أساعدك :)

^^^^^^^^

الله يعطيك العافية

مو معقول يا شباب هذا الكم من المشاهدات ولا احد يرد ؟

انا سويت اوراقي وجلست يومين ارسلوا الضمان المالي وفيه رقم الطالب وارسلو لي رساله ثانيه
ادخل على معلوماتي وبروفابلي الي بالملحقيه
كلم المرشد او المرشده الي مكتوب اسمه بالورقة الضمان المالي وقلهم


والله يوفقك

اذا انك جاي قبل المكرمه لو بيوم او نفس اليوم يضمونك

بس اذا بعدها لو بيوم الله اعلم

يابناخي يابناخي عبود معور صماخي



هلا إياد حبيبي
محاتيسك وصل يوم 24/2
وسلمت اوراقي بالفندق
الزبده قالو لي مايحتاج ملحقيه وحركات
ورحت لولايتي وقبل يومين او 3 ايام بعد الإزعاج بالإتصال والإيملات ارسلو لي رقم بدايته sr0000000


وبس
عاد انا كل يوم اكلمهم يقولون لي انتظر الطلاب كثار ومدري ايش
على العلم انهم فتحو لي ملف بتاريخ 9/3 < شفت كيف التأخير

طيب يا اخوان انا لي ٣ اسابيع ( هذا اسبوعي الثالث ) واحد من الاخوان ضموة خلال ٣ اسابيع و انا اصلا جيت قبل المكرمة الي كانت يوم ٢٤/٢ ( ٢٤ فبراير ) والي الان ماجاني شي وهذا الي مخوفني انه ايميلي مو واضح عندهم او شي من هذا القبيل ؟

هل فية رقم محدد اتصلل علية لانه الوضع هذا جاب لي الكفية بصراحة

اخوي اياد العنزي
اتمنى لك التوفيق وتتيسر امورك
لكن اتصل على الملحقية وحاول
ولابد ان تنتظر اقل شيء نصف ساعة
وباذن الله بتحصل فايدة
ابلشهم بالاتصال والايميلات
وبيردون انشاء الله
اتمنى لك والتوفيق والسداد

إياد معناتو إني انا وياك جينا بنفس اليوم اللي هو تاريخ 24/2
وحاليآ انا عطوني رقم بدايته sr00000000
بس بعد الإيملات والإتصالات
لاتتركهم اتصل كل شوي كلم السنترال

اخاف يجي يوم وتطير الطيور بأرزاقها < ولاتنسى ربعنا بالواسطه

^^^^^^^

تكفي لا هنت افزع لي بالارقام و الايميلات

تدري
اذا ما طلعت بنتيجه روح عندهم للملحقيه ... والله ذولا ما ينفع معاهم شغل الايميلات

فيه ناس راحو عندهم تقريبا في بداية مارس ... وقالو لهم ما وصلنا شيء واحنا اصلا بامريكا ... طبعا صر هالكلام في الفندق في الصباح
وجاهم الضمان المالي اليوم الثاني قبل المغرب ... مع ان المصري وعدهم انه يجيبه لهم بنفس اليوم

وبضو فيه ناس راحو لهم في مبنى الملحقيه ... وقالو لهم الموظفين كان انتظرتو بالفندق ... قالو ما حصلنا احد ( تعرف عاد النصب ) المهم طلعو فوق ونزلو تحت وطلعو فوق ونزلو تحت
حتى طلعو من الملحقيه والضمان المالي بيدهم

يمكن التذكرة من ولايتك لواشنطن بحدود 200 الى 250 دولار والسكن ليلتين تقريبا ب 190 دولار ... بس على الاقل الواحد يرتاح نفسيا

الله يعطيكم العافية يا اخوان .. اليوم دخلت على الموقع و ماخليت جهه ما ارسلت لها .. من الملحق الثقافي الي الادارة المالية الي شؤون المبتعثين ولا وش اسمها ، اضن حتي البواب ارسلت له .. و قلت لهم ابغى رقم ملفي .

و الحمد لله ربي رزقني بواحد ابن حلال في الادارة المالية و ارسل لي جميع اوراقي ( الضمان المالي - التامين الصحي - وورقة ثالثة مدري ايش تبي ) و الحمد لله طلع اني ملتحق من 11 يوم . يعني 11 يوم وانا على اعصابي

الحمد لله

( من لا يشكر الناس لا يشكر الله ) فشكر لكم جميعا

alslam 3lykom ..
sorry ma3ndy keyboard 3arby

ana geet m3k bnfs alyom
tare5 (23-2-2011) wa al7mdllh an9'meet gable 7 ayam
la t5af ra7 ygek alen9'mam en shallah