تنبيه للمبتعثين والمبتعثات (كل العالم يدرون عن بعثاتنا)

صباح الخير عالكل

موضوع بسيط وحبيت اطرحه لان صراحه صارت هالمشكله بكل مكان ،، وهي مشكله ان كل الجامعات والمعاهد تدري بابتعاث السعوديين والسعوديات للخارج

وهالمشكله للاسف صارت تزعج الكل ،، لان من كلامهم باين حقدهم علينا

اول قصه هي قصه ولد خالي >> درس الانجليزي على حسابه بفيلادلفيا وخلصها وكان منتظر الشهاده فقط ،، ورجع وقتها لاهله فتره اجازه ولما انتهت فتره اجازته ورجع عالمعهد تفاجأ بأنهم مسقطينه ويرجع من ليفل 7 .

طبعا ما قدر يتحمل وتكلم مع المديره وقالها انكم غلطانين وانا المفروض كذا وكذا ،، وهي ماعندها اي مبرر غير انها قالت ( انت ليش معصب ،، يارب انك على حساب حكومتك ويعطونك راتب اعلى من موظفين بامريكا ) وهو اصلن على حسابه
---------------------------------------------------------------------------------------------------
القصه الثانيه لاخي الاكبر >> يدرس الماستر نظم معلومات اداريه ببريطانيا وشارف عالانتهاء وبقى البحث فقط ،، الدكتور اجبره هو وزملائه على تسليم البحث خلال 3 شهور فقط ولما سلم البحث ،، لم ينجحه وطلب بارجاع استلام البحث بعد 5 شهور اخرى ( مع العلم ان اخوي قد كلم الملحقيه على اساس ان بعد 3 شهور بيسلم البحث ،، يعني خلال 4 شهور فقط تنتهي بعثته ،، فاضطر انه يرجع يكلم الملحقيه ويطلب تمديد 7 شهور اخرى وهالشي مش سهل يصير )

ولما كلم الدكتور وراجع معاه البحث ،، رد الدكتور كان غير مبرر ويقول ماعجبني البحث وطلبت اعاده له ،، واخوي يقوله ان تعبنا فيه وانت اصلن اصريت على تسليمه خلال 3 شهور ولما الملحقيه درت ان تخرجي بعد 3 شهور وتوقف بعثتي ،، تجي الحين وتبيها بعد 5 شهور

وكالعاده رد الدكتور ( انت ليش منفعل ومعصب ،، يارب انك على حساب الحكومه ويجيك راتبك لعندك )
--------------------------------------------------------------------------------------------

فصراحه هالموضوع صاير بكل مكان ،، كل من هب ودب صار يعرف ببعثاتنا وحاقدين علينا

فاللي اتمناه من الجميع ،، ياليت تجتتهدو وماتخلو اي احد يخرب عليكم واتمنى انكم تنتبهو لدرجاتكم ،، لان البعض من يحصل انه رسب يرجع يعيد ويقول حصل خير >> وهو مايدري يمكن يكون ناجح وهم مرسبينه تحت مبدأ ( انت اش حارق رزّك ،، يارب انك على حساب حكومتك )

والله يبعد عنا عين الحساد يارب ،،

ماهو شي غريب اخوي هذي مشكله بكل مكان ولا اللومهم المشكله من بعض الشباب يبذخون ويعلنون قدام الناس اننا مبتعثين وهذه
اللي خلاهم يحسدونا وبعضم يستخفون فينا.. كذلك عندنا في نيوزلندا استلكاع واستهطاف في الطلاب تخيل 7 شهور على ليفيل واحد!!! والله لو مجنون تعلم

بس كل هذه علشان ياخذون عليك السنه والسته شهور كامله!! مع العلم تلاقي معك بالكلاس كوري لايعرف يتكلم ولاعنده كلمات كثيره والكتابه ضعيفه ويصعد ليفيل ثاني لانه على حسابه

^^^^
انا مو باط جبدي الا هالامور ،، كثير حولك يعدون وانت واقف ،، مع انك احسن منهم بالانجليزي

الله يعين بس ،، منور الموضوع اخوي

أخوي أبو داحم مقالك في محله وصراحة جسيت النبض عندي ف
في بداية بعثتي ( يعني كنت جاهل فهالأمور ) كنت أشيك على مبتعث بين فترة وفترة وأقرى على المواضيع يوم اقرى موضوع واحد أو وحده يتكلمون عن الترسيب عمداً وكذا كنت ما اصدق وكنت اظلمهم وأقولهم ياخي أنت ماتذاكر وفاشل وتجي هنا تطرح موضوع وحاسد أخوياك الي نجحوا وإلخ ، وأقسم لكم بالله العظيم والله ثم والله إني انصدمت قبل أسبوع يوم قالولي أنت تعيد الليفل !!!!!!!!!!
قلت سلامات !!!!!! قلت معليش فلان وفلان وفلانه يعيدون ولا انجحوا ؟ قالوا لا انجحوا يطلعون لليفل الي بعده !!! انا انجنيـــــــــــــــــــــــــت خلاص بيطق فيني عرق والله
اقسم لكم بالله إنهم ماهم جمب الإنجليزي لا سبيكنق ولا رايتنق ولا قرامر والله العظيم إني اكتب صفحتين ومرة عند التيتشر كتبت لها خمس صفحات في خمس دقايق !!!!!!
وكلامي مزبوط الحمدلله كيـــــــــــــف اعيد الليفل كييييييييييييييف !!!!!!!!!!!!!!!!!!!!!!!!!
المهم حاولت من هنا ومن هنا رافضين رفض تااااااااااام والي مخليني بهالمعهد إنه كويس جداً بصراحة انصدمت جداً يوم سوو معي كذا وأنا والله قلبي يعورني مو حلوة اضيع شهرين ونص على الفاضي الحين والله مدري شسوي ياعيال مقهور وما انام اللليل الحين 3 ونص ولا نمت والله حاله بالله شسوي قلت للمدرس ابي اختبر اختبار تحديد مستوى قالي ما تختبره إلا اذا كل علاماتك A !!!!!!
شسوي الله يرحم أبوكم

^^^

الله يعينك انشالله ،، وحاول من قبل انك تدور معهد مايكون فيه سعوديين ،، لان اذا فيه سعوديين كثير اعرف انهم عارفين بعثاتنا وقوانينا وكل شي

وانشالله تنحل امورك يارب

يالله اعوذ بالله منهم ,,,,شيء طبيعي تصير هالاشياء , مايدرون انه كل مبتعث/هـ لازم يتعذب ويتعب عشان يوصل للي يبيه
انا لسى ماسافرت وخايفه من هالشيء وبأذن الله ماراح أتعرض للمواقف هذي وجميع المبتعثين يارب

^^^^
انشالله ،، الله ييسرلك كل خير

^^^^
انشالله ،، الله ييسرلك كل خير