هندسة الكهرباء بين الابتعاث و جامعة البترول (قراءة الموضوع بالكامل)

السلام عليكم
كيفكم اخواني واخواتي؟؟ ان شاء الله بخير كيف الجو عندكم<<<وش دخلك احم احم المهم:
بغيت اسأل :ماهي انواع الهندسات اللي يمكن الابتعاث لدراستها؟؟؟
وماهي افضل هندسة يعني لو اتقنتها رجعت البلد وراح تلقى وظيفة والراتب حلو وممتاز والحمد لله ؟؟؟؟
وهل للهندسة الكهربائية مستقبل يعني تحتاج شركات كثيرة هذي الهندية اللي هيه الهندسة الكهربائية؟؟؟؟
والسؤال المهم هو:لو درست هندسة كهربائية بجامعة البترول هل هي زي الابتعاث يعني قوية وممكن احصل شغل ممتاز؟؟؟؟وكم سنة واخلصها ؟؟
واتمنى اللي عنده جواب يجاوب واللي ماعنده لا يحط ردود رجاءاً .

اعرف لك شباب خريجين البترول والله عايشين ملووك يعني جامعة قووية ولغة انجليزية قووية لو تحصل لك البترول رووح وانت مغمض بالنسبة للابتعاث وتخصصات الهندسة الي ماشي بالسوق السعودي هندسة الكهرباء وهندسة المكانيكا ..

بالتووفيق للجميع ..

جميع الهندسات اللي تتعلق بالمصانع تعتبر مهمه وعليها طلب كثير منها ( هندسه كهربائيه - هندسه كيميائيه - هندسه الات دقيقه - هندسه ميكانيكيه - هندسه امن وسلامه - هندسه صناعيه )

تخصص الهندسه بشكل عام هو المرغوب والمطلوب هالفتره كلها ،، مثل شركه ارامكو وسابك وشيفرون وشمبرجير وغيرهم

<< كنت بكليه الجبيل الصناعيه وتخرجت هندسه كيميائيه ،، وعندي خلفيه عن المرغوب بالمصانع والشركات

اتمنى افدتك ،، موفق انشالله

بس على علمي ان اللي يدرسون في جامعة البترول لازم يدرسوهم انجليزي قبل التخصص وهم يعانون كثير بالانجليزي لانهم عايشين في بلد عربي مو انجليزي فهذي المشكلة ان تعلم الانجليزي في بلد عربي صعب!

با العكس جامعه البترول افضل من بعض جامعات امريكا

ولو واحد بغى يبتعث او يدرس الهندسة الكهربائية هل يوجد تخصص داخل الهندسة الكهربائية(يتخصص فيه) ولا لازم اللي يبي يدرسها يدرس كل شي فيها؟؟؟

?????؟؟؟؟؟؟؟........؟........

نصيحتي لا تشوف ايش السوق يبي ، شوف انت ايش تبي ، ايش تميل له

للمعلوميه الهندسه عموما تتخرج تتوظف في مصانع ، معامل ، آو قد تكون في مناطق نائيه اذا توظفت في ارامكو او سابك مثلا*

اذا مالك في الشقا :) تخصص اداره اعمال ، ماليه ، نظم معلومات، علوم حاسب ..... و غالبا وظايف مضمونه و راتب ممتاز و شغل في البنوك او في مكاتب بالفيصليه او المملكه :)

السلام عليكم ورحمة الله وبركاته
اخوي العزيز اذا كان تفكريك من الابتعاث الوظيفه والراتب فتقدر تدرس في اي جامعه سعوديه وراح تحصل على مبتغاك اما اذا كان تفكير علم وتكتسب خبره وتعيش مجتمع نظامي وعلمي وفوق كل هذا متقدم فانصحك بالابتعاث بس لازم تحط في بالك لا تغرك السمعه وكلام الناس ترى الابتعاث مو سهل غربه دين ووطن يعني لا تفكر لما تسافر بره انك بتعيش في وناسه وفله ترى فيها كرف وموت حمر يعني فكر الف مره واستخير الله وربي يسرلك الي فيه الخير لك يارب

الهندسه: ٤ سنوات + سنه اورينتيشن / "لغه" = ٥ سنوات

كل تخصص اخر سنه تتخصص زياده عن طريق اختيار المواد الاختياريه اللي تميل لها

بس 5 سنوات اغيب عن اهلي ومنطقتي اللي اشتاق الى حرها هههههههههه كثير طبععا الكل يدري ان في الغربة مشاكل وتعب وقلق كثير فانا لو كذا بستحمل سنتين بس 4 سنين هندسة كثير والله
من فيكم راح ابتعاث 4 او 5 سنوات؟؟؟
وهل يمكن الرجوع الى البلد بين كل سنة وسنة ؟؟؟؟

اذا درست برا بتنسا كل اهلك و ديرتك لوووول امزح ،،،،،،

عزيزي اذا حاس انك ماتقدر عالغربه ،، خلاص خلك بجامعه البترول >> اقوى جامعه بالسعوديه بلا منازع

عموما حتى كليه الجبيل الصناعيه دراستها كلها بالانجليزي ،، يعني المفروض كذا ولا كذا لازم تدرس انجليزي

شوف الي يناسبك وقرر