رد: وشو احسن طيران للحامل في الشهر السابع.. اللي مجربين و اللي يعرفون تكفون خبروني...
نصيحة انا جاي على القطرية قبل شهرين " على السياحية "
تعب ووجع و انواع الرواح الزكيه من بعض الاسيوين الله يهديهم .. ومعي واحد وزوجته زوجته جلست شهر كامل من التعب و الاجواع ...
يا تـأخذ درجة احسن او انحش عن السياحي ..
و الله يرزقكم بالذريه الصالحة ..
رد: وشو احسن طيران للحامل في الشهر السابع.. اللي مجربين و اللي يعرفون تكفون خبروني...
متى بتزوج عشان يجيني بزر اسطره والعب فيه
تبآ للعزوبيه
رد: وشو احسن طيران للحامل في الشهر السابع.. اللي مجربين و اللي يعرفون تكفون خبروني...
اذا تبغي الراحه التامه عندك الخطوط الامارتيه على طائرات ايرباص A380 الدرجه الاولي ذهاب بس 25 الف ريال سعودي ، بس قمة الراحه جدا جدا كانك في غرفة نووم ولا تحس ابدا انك في الجــو .
رد: وشو احسن طيران للحامل في الشهر السابع.. اللي مجربين و اللي يعرفون تكفون خبروني...
عند الحجز تأكدي من نوعيه الطياره لان باعتقادي الطيارات تختلف وكلما كبر حجم الطائره كلما كانت اريح والله اعلم...
توصلون بالسلامه ...
رد: وشو احسن طيران للحامل في الشهر السابع.. اللي مجربين و اللي يعرفون تكفون خبروني...
اخوي عبود يقول المثل مالك الا خشمك لو كان عوج
انصحك بالخطوط السعودية عشانها بتكون شدة وحدة الى امريكا مباشرة صح مقاعدة ضيقة شوي بس احسن من الترانزيت اللي تتعب الشاب النشيط وشلون المرأة الحامل وبعدين ترا ربعنا نشامى انت بس اصبر لين تطير الطيارة وقول لهم زوجتي حامل نبيكم تحطونها درجة اولى ماراح يقصرون بيحطونها لو افق ويمكن يحطونك معها بعد
الله يتمم لها بخير ويهون عليها ويرزقكم الذرية الصالحة
رد: وشو احسن طيران للحامل في الشهر السابع.. اللي مجربين و اللي يعرفون تكفون خبروني...
تحية كبيرة للي شارك برأيه و فادني في هالموضوع ..
بناءا على شوركم، و بناء على الصلاحيات الممنوحة لمعالي عبود تم اتخاذ ما يلي :
حجزنا على الخطوط القطرية ، و بناخذ تقرير من مستشفى حكومي ومثل ما قالوا لازم حكومي..
و بفضل دعاكم انشاء الله راح نوصل بالسلامة ... شكرا لكم جميعا
و السلام.