استفسار مهم لدراسة المجالات الطبيه ارجو الرد

السلام عليكم ورحمة الله وبركاته
إخواني وخواتي حبيت اسأل عن الجامعات اللي تدرس مجالات طبيه (مثل صيدله اكنيليكيه او طب اسنان او احد فروع الطب ) لدراسة البكلوريوس في احد الجامعات المعترف بها وتكون الجامعه في ولايه حلوه من حيث الطبيعه والجو والشعب واهم شي لا تكون الولايه غاليه من حيث الاسعار.
وانا متخرج من الثانويه بنسبة 94 علمي
واهم شي لا تكون الجامعه صعبه في تدريسها فياريت تساعدوني وتعطوني اسماء جامعات تدرس احد المجالات الطبيه علشان اقدر اتواصل معها واجيب لي قبول منها.
علما بأني بدرس على حسابي الخاص الى ان يتم تحوي تحويلي
ارجو الرد على موضوعي في اقرب وقت يا إخوان ويا خوات.

وشكرا.

السلام عليكم ورحمة الله وبركاته
للاستفسار عن موضوعك اخي الاتصال بمندوبنا بالرياض على الرقم التالي 00966561751176
والله المستعان

مشكوره اخت global على ردك وانشاء الله بتصل على مندوبكم في اقرب وقت
والله يوفقك في الدنيا و الآخره

يا اخوان ويا خوات ارجو الرد على موضوعي في اقرب وقت تكفووووووووون لمن لديه المعلومات ان يفيدني
ترى بجد انا محتاج للمعلومات

هذآ رآبط للجامعات الموصى بهآ .. في أمريكآ أدخل واختار اللي يعجبك : )

نظام الجامعا الموصى بها - تنبيهات


هذي جآمعآت تدرس الصيدلة Pharm D

بالتوفيق للجميع .. دعواتكم لي تتسهل أموري وتتحقق أمآني

مشكور اخوي البروفيسور الهلالي على ردك بس حبيت أتأكد من شي هل دراسة الصيدله دايركت بعد اللغه ولا يبقى لي ادرس مواد عامه مثل الكيمياء او الاحياء لمدة اربع سنوات وبعدها ادرس الصيدله
وحبيت اعرف شي ثاني اذا ما عليك امر ابقى اسم جامعه مش صعبه في تدريسها ومتطلباتها بحسب خبرتك في مجال الصيدله

تكفوووووووووون ابي معلومات اكثر عن الموضوع

انتظر ردودكم بفارغ الصبر

يالربع للحين ما حصلت كامل المعلومات اللي ابيها فتكفوووووووووووووون اللي عنده اي معلومه لا يبخل علي

لآلآ على حسب علمي بالصيدلة بقولك بنقطتين .

* أول نقطه في بعض المعلومات اللي حصلتها بالنت إنه بتدرس اول سنه كيمياء وما الى ذلك .. إن عديتهآ أكملت الصيدلة
* النقطه الثانيه واللي انا مقتنع فيها .. كلآم دكتور مصري معي بالصيدلية .. ودراستهم للصيدلة في مصر إنها 5 سنوات .. والكيمياء وكل المواد مع الخمس سنوات تدرسهم كامله



أي سؤال امر بس

والله ما قصرت اخوي البروفيسور الهلالي لمساعدتك لي والله يجزيك الف خير على كل هذي المعلومات .
بس يا حبيب قلبي ابقى اعرف اذ عندك معلومات عن الجامعات الامريكيه بالنسبه لدراسة الصيدله ايهم اسهل من حيث الدراسه وتكون في ولايه مش غاليه من حيث المعيشه والاجواء العامه للولايه تكون حلوه

بتعبك معي اخوي البروفيسور بس والله اني محتاج لبعض المعلومات .

لان بصراحه الرابط اللي عطيتني اياه شكثر الجامعات اللي فيه بس بصراحه ما اعرف ايهم الجامعه الكويسه ومش صعبه في نفس الوقت فياريت تساعدني في اختيار الجامعه

ياشباب ويا شابات وين الفزعه اخوكم في حوسه
please I need help as soon as possible
Every moment I lost my time , For that I need your information about my subject.

بصرآحه أي الجامعات أسهل بالدراسه او اصعب .. هذي اللي مآعرفهآ لآن للحين انا انتظر القبول ولآ وصل للحين دعواتك يقبلوني :)

طبعاً اذا بتقدم لنفسك .. يبيلك تسأل احد يدرس هناك او احد تكون عنده خبره على الاقل .. أما اذا عن طريق المكاتب .. ( اكثر المكاتب او تقدر تقول كلها يجبرونك على جامعات متعاقدين معها )

أنا مثلآ كنت ابي جامعه وعطيتهم اسمهآ وكل شي عنها واخر شي قآلو لي في جامعه متعاقدين معها والقبول اسهل فيهآ وأسرع بيجي

المدن والولايات الرخيصه كثيرة .. انا داخله مزاجي ولآية نبرآسكآ - مدينة لينكولن من الصور والتقارير اللي عليها

الله يوفقك ويسهل أمرك وأي شي رآسلني على الخاص عشان ارد عليك أسرع

مشكور اخوي البروفيسور الهلالي على ردك وانشاء الله بتواصل معك على الخاص

............ شباب تكفون اللي يعرف اسماء جامعات تدرس طب اسنان او صيدله اكلينيكيه او اي مجال طبي كويس لدراسة البكالوريوس يخبرني علشان اخلص اموري بسرعه تكفووووووووووووووون ....................

شباب حبيت اعرف رايكم في تخصص C.P.R يعني انعاش القلب والرئتين؟
يعني هل هذا التخصص حلو من حيث الدراسه والتوظيف وهل السعوديه محتاجه لهذا التخصص؟
علما بأن الدراسه بتكون لمرحلة البكالوريوس
ارجو الرد يا شباب وياشابات

شباب تعرفون شي عن هذا التخصص؟؟؟؟؟؟؟؟؟؟؟؟؟