ضغوطات تمارس على مجلس الوزارء للغاء الابتعاث

ذكرت مصادر للسعودية اليوم أن هناك ضغوطات داخلية تمارس على مجلس الوزارء ومجلس الشورى للاصدار قرار عاجل في إعادة النظر في برنامج خادم الحرمين الشرفين الملك عبدالله للابتعاث الخارجي

وذكرت مصادر مقربه من وزارة التعليم العالي لديها بالفعل هذا التوجه و أن هذه السنة ربما تكون اخر سنة في البرنامج وبعدها سوف يصدر قرار بتعليق البرنامج للاعادة النظر فيه.


يذكر أن في برنامج خادم الحرمين الشرفين الملك عبدالله للابتعاث الخارجي الذي يضم أكثر من 180 طالب وطالبة يلاقي معارضة شديده من بعض الفئات في المجتمع السعودي منذ تم إقراره عام 2005.

ما اعتقد ان يتم الالتفات لمثل هالمطالب

احنا مو الدوله الوحيده اللي تبتعث مواطنينها

اغلب دول العالم حتى بنغلادش والهند فيها ابتعاث صحيح انه مو بكثرة العدد عندنا

الابتعاث يحقق للدول الناميه تطور اكبر

انا قريت خبر بصحيفة عاجل انو في مسؤول بوزارة التعليم العالي

يقول نخشى البطالة لمبتعثو الدوله عند رجوعهم

ومن هالكلام ..

انا من وجهة نظري ما يبون احد يطلع على حسابه الخاص

ماشبعوا فلوس الظاهر

يبون الناس تخف يبون يطلعون الناس اللي هم يبونهم

الله يفكنا من هالناس بس

اخوي ياليت مصدر الخبر الله لايهينك نبي نعرف من ناشره

اقتباس:

---

المشاركة الأصلية كتبت بواسطة كروس

ذكرت مصادر للسعوديه اليوم أن هناك ضغوطات داخلية تمارس على مجلس الوزارء ومجلس الشورى للاصدار قرار عاجل في إعادة النظر في برنامج خادم الحرمين الشرفين الملك عبدالله للابتعاث الخارجي
من هي المصادر ما احس انه في شي يخلينا نصدق الخبر يعني كيف ضغوطات داخليه من مين مثلا!!!ليه الكلام الغامض والهمز واللمز
وذكرت مصادر مقربه من وزارة التعليم العالي لديها بالفعل هذا التوجه و أن هذه السنة ربما تكون اخر سنة في البرنامج وبعدها سوف يصدر قرار بتعليق البرنامج للاعادة النظر فيه.
يعني كيف مقربه يصيرون للنعقري يعني؟؟

يذكر أن في برنامج خادم الحرمين الشرفين الملك عبدالله للابتعاث الخارجي الذي يضم أكثر من 180 طالب وطالبة يلاقي معارضة شديده من بعض الفئات في المجتمع السعودي منذ تم إقراره عام 2005.

---

ابعرف بس من هالجهات

مدري احس الي اصدر هالخبر عبد مامور لاحدهم فيستطيع بواسطته تحريك المياه الراكده اوتحقيق مئارب اخرى
يعني وش ضغوطاته الملك لما اصدر بالزياده بشهرين بس وكنسلها الوزير بحكم انه اجتهاد!!!!!!
مايحتاج ضغوطات ولا حتى غرفه مغلقه,بكبسة الزر الاخضربالجوال وبشخبطة قلم تنلغي المراحل ولو يبون يرجعونا كلنا بعد مايحتاج لا ضغوطات داخليه ولا خارجيه

ان شاء اللهـ الخبر مو صحيح ... 

امممم ما اتوقع يلغونه .

الا اذا لهم نيه من جد .

الخبر من غير مصدر لا قيمة له.
والبرنامج مستمر وتم تمديده خمس مراحل إضافيه.

المصدر بعديـــن نصدق انا اقدر اكتب اشاعهـ هذا كبرها :)
كل الكلام هذا لشهرهـ الصحيفهـ البرنامج مكمل الى 4 سنوات قداامـ قابلهـ للتجديد
لو كان لهمـ نيهـ كان وقفووهـ من المرحلهـ الخامسهـ
* حدث العاقل بما يعقل * مو كل شي ينشر بالنت يصدق :)

هالخبر انا متأكد انه غير صحيح

لان هالبرنامج باسم خادم الحرمين الشريفين وهو الشخص الوحيد الي يأمر بتمديده او بإلغائه

والرجاء منك ذكر المصدر لتوضيح اكثر

وشكرا لك على نقل الموضوع بنية. الفائده *

حتى انا سمعت انه سيلغى والله اعلم

الله يكتب لنا الخير اينما كنا

الحين ما لقوا يلغونه إلا يوم جيت بسافر ؟َ

اتمنى من جميع الطلاب

ان لايلتفتو لمثل هاذي المواضيع

أتفق مع الأخوآن ..مآ أظن الخبر صحيح

الله يلعن شكلهم بيقطعون رزقنا
الله يحفظه ابو متعب ماقصر والحمدلله انا من المرحله السادسه مالي صلاح بالهرجه الله يعين طلاب المرحله السابعه واللي بعدها
ياخي وش في الابتعاث حلو .. اش بيدفعون من جيوبهم ؟؟ ابو متعب موجود الله لايحرمنا منه

شخبارك ياقديم
بشر
سافرت ولا بعد؟؟
ماتسير علينا هههه معلقين الفيزا واعليا

لماذا يريدون الغائه؟ ومعظم الشركات الكبرى يديرها اجانب؟
كذلك اغلب المرافق الحكومية .
واغلب الدكاتره في الجامعات اجانب

ياناس الخبر مو صحيح

تدرون ليه؟؟؟؟


لأن لما مددوه خمس سنوات قادمه مو من فراغ جا التمديد كان محسبو له كل شي لمده السنوات القادمه يعني ماطلع قرار التمديد بس طقها والحقها كل شي مظبطينه حتى الميزانيه

لاتنسى ان السعوديه تبيع 800 مليون برميل يوميا والبرميل نقول 65 دولار وعليك الحسبه

كل طالب له برميل ههههههههههههههههههه يخلص بعثته ويتخرج ويرجع

الله يخلي لنا ابو متعب ويحفظه الكلمه كلمته وبامر الله يكمل المشوار لمصلحة الوطن والمواطن

الأبتعاث له ايجابيات وله سلبيات

الحقيقة,اكثر مايقلقني السلبيات ومنها : الأنفتاح الزائد والتجرد من الحياء من قبل الشباب والبنات & تهديد الامن القومي مستقبلاً بعتبارهم متشبعين فكريا ومتأثرين بالنمط الغربي على جميع الأصعدة سواء بالرأي او السياسة , وشاهدنا قبل فترة حينما تم اطلاق مايسمى " نعاق حنين " لها مؤيدين من بعض اشباه الرجال في امريكا وخصوصا من احد فئات المجتمع السعودي, وبأذن الله سوف يتم تقطيع اوصال كل من شارك ضد مليكه ووطنه في الخارج فور وصوله للملكة العربية السعودية

ملف مرفق 12724

اقتباس:

---

المشاركة الأصلية كتبت بواسطة عبدالله را

ياناس الخبر مو صحيح

تدرون ليه؟؟؟؟


لأن لما مددوه خمس سنوات قادمه مو من فراغ جا التمديد كان محسبو له كل شي لمده السنوات القادمه يعني ماطلع قرار التمديد بس طقها والحقها كل شي مظبطينه حتى الميزانيه

لاتنسى ان السعوديه تبيع 800 مليون برميل يوميا والبرميل نقول 65 دولار وعليك الحسبه

كل طالب له برميل ههههههههههههههههههه يخلص بعثته ويتخرج ويرجع

---

اتق الله يرجال ايش 800 مليون برميل

الطاقة الأنتاجية للسعودية ماتتعدا 20 مليون برميل يوميا

ولاكن الأنتاج الفعلي الحالي مايتجاوز 15 مليون برميل

والله ي الربـع ان كانكم بتســمعوون وجـهة نـظري المتـوآضـعة .. بصــرآحة اعداد المبـتعثين كثــيرة جـدن .. وخاصة ان دفعاات 2005 و دفعات 2006 قد تخرجو او من المتوقع تخـرجهم في ديسـمبر
لا تنـسون ان هالدفعات مو بس في امريكا .. فيه في بريطانا وفيه باستراليا ..الخ
الي ابغى اقـوله .. ان هالدفعات اذا رجـعوو للبـلد بشهاداتهم .. راح يشـغلوون اكــثر المناصـب ومـآراح يــبقى الا الشئ القـليل للناس الي قد راحو او باقي بيروحون .. بس هذا ما يعني اني اقول مافيه وضائف .. انا اقصــد ان الوضائف بيصــير فيها نوع من الصـعوبة بعد 5 سنوات من الآن .. ويآخوفي يصـير فيه تكدس طلاب متخرجين من الخارج .. وقاعدين في البيوت مع شهاداتهم !!

انا اقـتـرح اذا والله ان وزارة التعليم ارسلت الدفعة السابعة .. وقاعدة تجهز للثامنة والتاسعة والعاشرة .. انها تدرس الوضع بشكل جدي وتضع لها خطط استراتيجيه للمسـتقــبل .. عشان اذا رجعو هذولا ككلهم .. يتوفقون ويلقون الوظائف الي تناسب تخصصاتهم الي تعبو عشانها ..


مجـرد وجـهة نـظر . . الله يـوفقني ويوفق الجميع


\

اقتباس:

---

المشاركة الأصلية كتبت بواسطة عبدالرحمن العمري

والله ي الربـع ان كانكم بتســمعوون وجـهة نـظري المتـوآضـعة .. بصــرآحة اعداد المبـتعثين كثــيرة جـدن .. وخاصة ان دفعاات 2005 و دفعات 2006 قد تخرجو او من المتوقع تخـرجهم في ديسـمبر
لا تنـسون ان هالدفعات مو بس في امريكا .. فيه في بريطانا وفيه باستراليا ..الخ
الي ابغى اقـوله .. ان هالدفعات اذا رجـعوو للبـلد بشهاداتهم .. راح يشـغلوون اكــثر المناصـب ومـآراح يــبقى الا الشئ القـليل للناس الي قد راحو او باقي بيروحون .. بس هذا ما يعني اني اقول مافيه وضائف .. انا اقصــد ان الوضائف بيصــير فيها نوع من الصـعوبة بعد 5 سنوات من الآن .. ويآخوفي يصـير فيه تكدس طلاب متخرجين من الخارج .. وقاعدين في البيوت مع شهاداتهم !!

انا اقـتـرح اذا والله ان وزارة التعليم ارسلت الدفعة السابعة .. وقاعدة تجهز للثامنة والتاسعة والعاشرة .. انها تدرس الوضع بشكل جدي وتضع لها خطط استراتيجيه للمسـتقــبل .. عشان اذا رجعو هذولا ككلهم .. يتوفقون ويلقون الوظائف الي تناسب تخصصاتهم الي تعبو عشانها ..


مجـرد وجـهة نـظر . . الله يـوفقني ويوفق الجميع


\

---

والله آخوي كلامكـ صحيح عين الصوابـ