الفرق بين أن أقدم بنفسي للجامعه والا عن طرق مكتب

الله يحيكم جميعا







انا ابحث عن قبول ماجستير وراسلت الجامعات بنفسي بحكم ان عندي لغه و تعبت وانا احاول في جامعتين أمريكيتين انهم يقبلوني , الاولى قالت مالك عندنا الا تدرس بكالوريس ثاني علشان نقبلك في الماجستير وحاولت فيهم بشتى الطرق لكن مافيه فايده والسبب لعدم قبولي هو انخفاض معدلي التراكمي

الجامعه الثانيه تطلب ان المعدل 3 من 4 واجتبار جي آر أي ودرجة ايلتس 7,5 , وانا معدلي 2.5 وما معي جي ار اي والآيلتس معي 6

المهم والزبده هل مكاتب القبول بيدها تسوي لي شي ؟ هل قدمت عن طريق المكاتب والا انا بنفسي نفس الشيء ؟ هل الجامعات تعاملها مع المكاتب افضل؟

خذه من قاصرها ورح دور على جامعات ثانيه

أخوي eng amer

الله محييك

انا عندي قبول نهائي من جامعه في ولاية واشنطن والمدينه بارده والبرنامج 36 ساعه وفيه اختبارات نهائيه, لكن الجامعات اللي ابيها الاولى في ولاية كنتاكي المعيشه فيها رخيصه وبرنامجها سهل 34 ساعه وبدون اختبارات نهائيه وجربها واحد من الشباب في نفس البرنامج ويمدحها, والثانيه في ولاية انديانا وبرنامجها بس 30 ساعه وفي مدينه حلوه وبدون اختبارات نهائيه وجامعه قويه ولها سمعه

انا ابي قبول باللي هيبه من احد الجامعتين كنتاكي والا انديانا , هل المكاتب تقدر تدبر لي قبول فيهن حتى لو انطبقت علي الشروط؟ هل الجامعات تتعامل بشكل مختلف مع المكاتب ( يعني هل للمكاتب تسهيلات غير اللي تعطيها للمتقدمين بأنفسهم ) ؟؟؟

ما اقول الا كما قال الشاعر :

اللي يبينا عيت النفس تبغيه واللي نبيه عيا البخت لا يجيبه
:lolabove::lolabove::lolabove::lolabove::lolabove: :lolabove::lolabove::lolabove::lolabove:

سؤالي الى هذي الدرجه صعببببببببببببببببببببب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يوفقك ..

جرب تقدم في جامعات ثانيه .. المكاتب تتعامل مع جامعات معينه .. يعني تجبلك قبول غير الي تبيه

بالتوفيق,,,,

حسب اعتقادي

نعم أتوقع تعامل الجامعات مع المكاتب افضل من انها تتعامل مع الطلاب

اتوقع ان هناك اتفاقيات بين الجامعات والمكاتب

يعني المكتب يسايس الجامعه ويقول اجيب لك طلاب وانتم ضامنين الفلوس لأن الملحقية هي من تدفع التكاليف.

اعرف واحد معه قبول ماجستير قانون ومعدله 2.5 في جامعة بوسطن..

سألته المكتب كم كلف قال كلف 3 آلاف ريال

لكن من رأيي انك تراسل جامعات اكثر واتوقع إنك ان شاء الله تلقى قبول مناسب..

يعني لازمك شوية صبر في المراسلات..

وانت ضبط لك قائمة بالجامعات الي تبي تراسلها حسب الأفضلية بالنسبة لك..

بالتوفيق :)

الحزبي

حياك الله نورت الموضوع


أجمت السا

عليك نوووووووووووووور هذي اللي ابي آصله يعني المكاتب لها تسهيلات ماهي عندي وعندك , واللي فهمته من قصة خويك ان المكتب هو من احضر له قبول والا لو انها عليه كان بلط بحر !!!!!!!!

طيب كيف أعرف المكتب اللي له علاقات مع الجامعه اللي ابيها ؟؟؟؟؟؟؟؟؟؟؟؟ تعرفون هالمكاتب كل واحد يطق صدره ويقول الحل عندي وانا ابو هندي

والله ياخوك مدري اي مكتب لأن مالي خبره :)

بس راح اسأله لك واعطيك اسم المكتب..

اذا تبي تعرف الجامعات سير على المكاتب واسألهم عن أقوى الجامعات الي يتعاملون معها..

بالتوفيق :)

الله يعينك اخوي
انا معدلي مثلك 2.5 من 4 وجبت قبول الحمدلله بنفسي من جامعة ميدل تنسي بولاية تنسي
ومن University of Tennessee at Martin خلال اسبوع واحد فقط UTM Office of Admissions
وفيه ايضا جامعة بتنسي ايضا اسمها
Tennessee Tech University وايضا سهلة قبوله بس تشترط للقبول المشروط تدرس بمعهدها New Freshmen Coming From Abroad | Tennessee Tech University