رد: من منكم يندم على وجوده في أمريـــــــــــــكا حاليا ؟؟؟
والله انا ندمت وندمت وساظل اندم لو اجلس لفترة بعد في امريكا
انا لي 5 اشهر بس والله اني جيت امريكا وانا ما ابغاها لهذا السبب ولكن الحين حولت الدوله ولله الحمد
انا سبب ندمي ان امريكا لا يوجد بها تخصص الطب دايركت لذالك السبب ندمان
لكن للامانه لو انا ابغى تخصص ثاني غير الطب ما رح ادرسه الا في امريكا
بتوفيق للجميع
رد: من منكم يندم على وجوده في أمريـــــــــــــكا حاليا ؟؟؟
لا ماندمت أبد ولا رااااااح أندم
رد: من منكم يندم على وجوده في أمريـــــــــــــكا حاليا ؟؟؟
موضوعك حلو .. لكن يا الي تقولو افتدقنا الاهل والاخوان وندمانين ..
المفروض قبل ماتجو تحطو الفكرة هاذي في بالكم .. انه راح تفارق اهلك وناسك واحبابك ..
انصحكم نصيحه لاتجلس تتذكر كل شوي اهلك واصحابك وحياتك في السعودية .. راح تتعب صدقني ..
انا الحمدالله حاط لي قاعده صح انه في اوقات غصب عنك بس خلاص اشغل نفسي باي شي .. لاني من قبل ما اجي وانا ادري اني راح افارقهم ..
بالعربي (( عيش حياتك ويومك هنا )) لاتفكر بالي راح .. فكر بالي جاي .. كيف ترفع راس اهلك واخوانك وناسك ..
انا الحمدالله احس اني قريب منهم (( اول ماجيت شريحه من تي موبيل مع النت )) السكايب طول الوقت شغال ...
ما اعطيت احد السكايب حقي عشان لا انشغل يعني مسوي اكاونت في السكايب بس لامريكا .. مافيه الا ٣ انفار (( ٢ في امريكا والثالث اكاونت مسوية لاهلي ))
والحمدالله اكلمهم وكل شي احس انهم قريبن مني .. اما بالنسبة لانه ارجع البيت وما الاقيهم كالعاده .. ممكن انا يعني الوضع عندي اسهل منكم لاني قبل ما اجي امريكا
سنتين كنت في السعودية في مدينة غير الي انا فيها يعني متعود على الحياه تخلص من الجامعه ترجع للبيت تتغدا نت مذاكرة وتنام ..
والحمدالله ماشية اموري زي العسل .. (( طبعا من ناحية الحياه هنا ))
وسوري طولت عليكم بس حبيت اقولكم وانصحكم ..
رد: من منكم يندم على وجوده في أمريـــــــــــــكا حاليا ؟؟؟
أبد يا أخوان والله أنا مو ندمان على جية أمريكا وإن كنت في البداية جيت مغصوب لأن بإمكاني أدرس بجامعات السعودية بس الحين خلاص . عاااااااااادي عاااااااادي جدا .
وبعدين اللي يقولي مشتاق لأهله وإخوانه وأصحابه .. سلامات وش تحس فيه . .. والا أقولك نسوي قرار جديد مرافقين مع المبتعث( العايلة الكريمة / وإثنين من الأصدقاء ويا حبذا من عيال الجيران .....) .... سلامات .
يا أخي هذه فرصة الحياة إستمتع بحياتك بعيد عن الأهل ووجع الراس والأصدقاء اللي من وجهة نظري ما لهم لزمة .... الأصدقاء راح تتعرف على أصدقاء جدد وهذه طبع الحياة ...
أما بالنسبة لرمضان اللي يسمعك يقول كل النهار والليل صلاة وصوم . ... ما دروا أنك نايم النهار كله لا صلاة ولا هم يحزنون وما تقوم الا مع الفطور وبالغصب بعد .
أما بالنسبة للعيد اللي يسمعك يقول العيد عندنا له شله ورنه وووناسة ترى الزبدة في العيد أول 3 ساعات في النهار وبعد كذا إنسى شي إسمه عيد وأصلا ما تحس إن فيه عيد أبد ... اللي يسمعك يقول ما تترك أحد الا تعيد عليه والا ما فيه أحد الا هو معيد عليك .... خلونا من المشاعر والأحاسيس اللي ما لها لزمة وأدعس على قلبك ولا تتركله أي فرصة يتنفس . خل قلبك جامد .. وبعدين إذا دل يدل على الدلع والتربية اللي ما تخلي الواحد يصمل وقت الشدايد . .... شد نفسك وأدعس على قلبك ولا تشيل هم شي .
أخوك عبدالرحمن .
رد: من منكم يندم على وجوده في أمريـــــــــــــكا حاليا ؟؟؟
يااااارب لك الحمد، ما ندمت أبداً على الابتعاث لأمريكا، وجداً سعيدة ومبسوطة.. يا رب لك الحمد..
صحيح تمر علي أيام أبكي فيها من شدة شوقي لأهلي ، وأحياناً أفتقد صديقاتي..
لكني مقدرة النعمة اللي أنا فيها، ولو بس أهلي يكونوا معايا هنا كان ما أفكر أرجع..
لكني راح أرجع بإذن الله وأرفع راس أهلي وأخدم البلد اللي ائتمني ووثق فيني وأعطاني هذي الفرصة لتطوير نفسي ووطني ..
رد: من منكم يندم على وجوده في أمريـــــــــــــكا حاليا ؟؟؟
انا ندمت لاني مااعرف اعيش بدون اهلي ..
بس ان شاءالله فتره وتعدي ...
رد: من منكم يندم على وجوده في أمريـــــــــــــكا حاليا ؟؟؟
اقتباس:
المشاركة الأصلية كتبت بواسطة متخصص تاريخ
أبد يا أخوان والله أنا مو ندمان على جية أمريكا وإن كنت في البداية جيت مغصوب لأن بإمكاني أدرس بجامعات السعودية بس الحين خلاص . عاااااااااادي عاااااااادي جدا .
وبعدين اللي يقولي مشتاق لأهله وإخوانه وأصحابه .. سلامات وش تحس فيه . .. والا أقولك نسوي قرار جديد مرافقين مع المبتعث( العايلة الكريمة / وإثنين من الأصدقاء ويا حبذا من عيال الجيران .....) .... سلامات .
يا أخي هذه فرصة الحياة إستمتع بحياتك بعيد عن الأهل ووجع الراس والأصدقاء اللي من وجهة نظري ما لهم لزمة .... الأصدقاء راح تتعرف على أصدقاء جدد وهذه طبع الحياة ...
أما بالنسبة لرمضان اللي يسمعك يقول كل النهار والليل صلاة وصوم . ... ما دروا أنك نايم النهار كله لا صلاة ولا هم يحزنون وما تقوم الا مع الفطور وبالغصب بعد .
أما بالنسبة للعيد اللي يسمعك يقول العيد عندنا له شله ورنه وووناسة ترى الزبدة في العيد أول 3 ساعات في النهار وبعد كذا إنسى شي إسمه عيد وأصلا ما تحس إن فيه عيد أبد ... اللي يسمعك يقول ما تترك أحد الا تعيد عليه والا ما فيه أحد الا هو معيد عليك .... خلونا من المشاعر والأحاسيس اللي ما لها لزمة وأدعس على قلبك ولا تتركله أي فرصة يتنفس . خل قلبك جامد .. وبعدين إذا دل يدل على الدلع والتربية اللي ما تخلي الواحد يصمل وقت الشدايد . .... شد نفسك وأدعس على قلبك ولا تشيل هم شي .
أخوك عبدالرحمن .
اسمحلي اختلف معك وشو اصدقاء واهل مالهم لزمة سلامات ياحبيبي على قولتك وقت الشدايد ماراح يحتظنك ويوقف معك غير اهلك والاصدقاء الحقيقيين اصدقاء العمر عمرهم مايتعوضون كل شي يتعوض ولاكن الاهل والاصدقاء عمرهم مايتعوضون وماردك لهم في الاول والاخير وبتقضي عمرك كله وياهم بس علاقاتك الي في امريكا هي الي ماراح تدوم مجرد علاقة سفر ودراسة لااقل ولااكثر واغلبها تكسيها المصالح وبعدين انت ليش حكمت على انهم عايشين مثل حياتك وروتينك الاجتماعي!! هذه تبقى حياتك انت ووجهت نظر خاصة فيك انت موشرط تنطبق على غيرك اصابعك ماهي سوا
والعيد يفرق عند ناس وناس كلن ورتينه ورمضان كذلك اذا انت تقضيه نوم وصوم وتلفزيون غيرك يقضونه في قراءة القران والصلاة والجمعات والزيارات يعني حياتك ماتنطبق على كل الناس في الاخير تبقى وجهة نظرك انت ونحترمها.
رد: من منكم يندم على وجوده في أمريـــــــــــــكا حاليا ؟؟؟
امريكا النفسيه وضغوط الحياه اليوميه متعبه ..بس تعتبر تجربه والحياه بمجملها تعب وقلق دايم لونك وين
رد: من منكم يندم على وجوده في أمريـــــــــــــكا حاليا ؟؟؟
سلام عليكم..
موضوع جميل ورائع..
مع اني لسى ما ابتعثت لكن في الطريق ان شاءالله
بس مره طمنتوني يسعد صاحب الموضوع والمشاركين فيه
واضح انه مافيه ندم الا على شي واحد "الغربه" والبعد
عن الاهل والاصدقاء ..
حبيت
اشارككم واتمنى لكم كل التوفيق واليسر..
وعوقبال ماتجون ان شاءالله رافعين راس اهلكم وحبايبكم
ونا معاكم يارب :)
رد: من منكم يندم على وجوده في أمريـــــــــــــكا حاليا ؟؟؟