-
ليه يا ماجد صار اسمك John ... قصة حقيقة حصلت في المعهد ... النصيحه واجبه
القصة انقلها لكم على لسان أحد أصدقائي في أحد الولايات الأمريكية
عند نجاحي من المستوى الثاني وانتقالي إلى المستوى الثالث في اللغة ... وفي أول يوم لي في المستوى الجديد وكالعادة تحضر أستاذة المادة في أول محاضرة كالعادة بكشف الأسماء ... عرفت بنفسها وقالت أرجوكم نادوني باسمي " كاثي " بدون أية ألقاب "أستاذ" أو " دكتور" ... ثم بدأت بمقدمات لطيفة في مواضيع مختلفة عن المادة اللي راح تدرسها و عن النجاح وعن مواضيع متفرقه وعن أمور الحياة ... كنا 7 سعوديين و 2 كويتيين و5 شرق أسيويين و 4 لاتينيين
أخذت كاثي كشف الأسماء وبدأت بالمناداة بالأسماء ... كانت تنادي كل شخص باسمه وتتعرف عليه من أي دولة وترحب فيه ثم تسأله بماذا تحب أن أناديك ... ونظرا لصعوبة أسماء الأسيويين ... فالغالب منهم يختار لنفسه اسم مستعار nickname لسهولة التواصل معه ... تم التعرف على جميع الطلاب ... وجاء الدور على ماجد في الحوار التالي
كاثي: ماجد ماجد هل هو هنا
ماجد: نعم
كاثي: من أين أنت
ماجد: من السعودية
كاثي: رحبت فيه وقالت كلام جميل وطويل
كاثي: ماجد بماذا تحب أن أناديك
ماجد : ناديني بجون john
الطلاب السعوديين + الكويتيين: ضحك لمن تسدحنا في الأرض
كاثي: "مبتسمة" اسمه جميل أليس كذلك
الطلاب السعوديين + الكويتيين: ضحك متواصل
ماجد "آسف" جون: يطالع فينا وهو حاقد
الاسيويين واللاتينيين: ما يدرون وش السالفه لكنهم مستغربين ومبتسمين
كاثي: "لازالت مبتسمة" جالسة تتكلم وأنا كاتم الضحكة فما ركزت معاها
طالب سعودي: قام رقع السالفة وبعد شوي انهت كاثي كلامها وقالت نشوفكم في الدرس القادم
جون: من جد حاقد علينا
مشكلة جون انه صغير بالعمر اتوقع ما يعدي 20 الى 22
اعتذرنا لجون ورضيناه بوجبة غداء وصرنا سمن على عسل ... ويبنا له الموقف ... مع الأيام ذاب الجليد
شكرا جون لتفهمك موقفنا
وشكرا جون لتغيير اسمك الى مآيد
تعليقي على القصة
بغض النظر عن سخافة القصة او لأ
ما عندي كلام كثير اقوله
اللي جالس يصير هذا غلط ... غير اني لا زلت مستغرب من تصرفات بعض الطلاب
ودك تروح عنده وتقول ايش قاعد تسوي انت هنا
اذا كلمته قال احنا في بلد الحرية وكل واحد حر بنفسه
واذا خليته فوالله شيء يحز بالخاطر انك تشوف واحد زي كذا وفي طريق الغلط ولا فيه احد على الأقل يدله على الطريق الصحيح
مجرد نصيحة منك اخي المبتعث لا تكلفك الكثير الى أخيك المبتعث بالإلتزم بالحد الأدنى للأخلاق الإسلامية
تغيير أسمك لا يمثل لي مشكله كبيرة او موقف شخصي منك ... لكن ايش ممكن تغيره انت بنفسك في الأيام الجايه
لا تنظر للأمور دايما بعدم مبالاة او بنظرية الحريات الشخصية
فيه مقطع كل ما اشوفه اضحك ... كنت أظن ان صاحب هالمقطع بس يستهبل ويطقطق على العالم ... لكني مع الأيام ادركت انه يتكلم بشيء من الواقع
لكن الله الهادي الى سواء السبيل
تحياتي وبالتوفيق
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
صراحة متخلفين هو ماغير اسمه مجرد نيك نيم زيه زي اي طالب .. انا الي اعرفه ان البزر هو الي يضحك بدون سبب
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
امممم ~
والله اذا هو يبي ياخذ نك نيم كذا ,, مافيها شي ~
بس اذا يبي يسوي فيها كوول ومدري ايش ,, اقوله ارتاح بس ~
وبصراحه مالها داعي الضحك على الرجال XDD
+ شكرا عـ"المقطع المضحك يارجل :] ~
ااممم معليش عندي ملاحظه !! تقول صغير بالعمر 20-22 سنه ..؟ طيب كم متوسط الاعمار اللي هناك..؟ ~
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
عندي ملاحظة قد تكون خارج الموضوع لكن related :
جون هو اسم النبي يحيى عليه السلام في الانجيل .
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
أنا ما أشوف بأن فيه أي شئ غلط سواه ماجد ... ومن الواضح من القصه بأن ماجد كان يمزح .. وجون هو اسم النبي "يحي عليه السلام"
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
والله وانا خوووك.
لا تشكي فأبكي << على قول المثل.
أولا ً: السلام عليكم ورحمة الله وبركاته.
ثانيا ً: يا رجال ياليت إنها وقفت على تغيير الاسم وبس, شي سلاسل , وشي حلق , وشي خارقن حاجبه , وشي خارقن خشمه تقول ثور.
والله أنا ما أتكلم من منطلق كلام شيااااب أنا شبابي جدا ً لكن يا اخوي المبتعث روووح وصلح اللي تبي وتكلم باللي تبي لكن مثل ما قال اخوي تمسك ببعض الاخلاق الدينيه.
ونسيت بعد وشي اوشااااااااااااااااااااام. أعرف لكم واحد كاتب اسم على صدره وظهره وعلى يدينه راسم قلوب.
قابلته قلت سلامات يابووو , قال الحب وانا اخوووك ,, قلت اهااااا << وش تبون اقول له ذا.
والمشكله اللي كاتب اسمها يحلف لي بعدين ان اللي شافه بس صوره واللي يزيد الطين بله متعرف عليها بالشات <<< ابووووو جوووووك با شيخ.
الحمد لله على نعمة الإسلام ثم على نعمة العقل أولا ً وآخرا ً.
تحياتي لموضوعك المميز وأشكرك على clip
nice one homieee <<<<<< لوووووووووووووووووووول
يالله تقبل تحيات أخوك : الـ ـذيـ ـب يـ ـفـ ـهـ ـم !!!
ملاحظة: قررت اغير اسمي الى altheeeeb <<< تهقون يوافقوووون :)
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
صراحه مو متخلفين الا انت وربعك الي ضحكوا .. بدون زعل
ماحطمنا وخلانا نسوي نفسنا فاهمين الا هالاشكال في المدرسه .. يضحكون اذا تسأل الاستاذ !!! .. ياخي الرجال حر ..غير اسمه او ماغير ..عنده عقل وحر بتصرفاته ولو خطا ربي راح يتصرف معاه
قسم بالله معي طلاب في الكلاس سعودين وبجد فيهم نفس حركاتكم ... لما اشارك وابغى اسأل يضحكون .. طيب ليش؟؟؟ وش فيها لما اسأل؟؟ .. عسى تسوي شيء ضحكوا وعاد ياليتهم فاهمين عن الي اسأل عنه .. اذا جاء الاختبار راح يغش ... او يجلس يصيح عند المدرسين يطر درجات .. بذمتك وش المواقف الي تضحك اكثر .. انك تخلي الناس تضحك عليك وانت تطر درجات او المشاركة بالكلاس؟؟؟
والله اسمح لي ذليتوا الرجال بهذا الغدا .. جيت وشهرت فيه هنا .. وش هالزماله؟
انا كقارئ وش بستفيد من هالقصه؟؟ بس استفيد ان الحرية الشخصه مابرحت محدوده ليش لان معاي في الكلاس شويه سعوديين تعنو وجاوا من السعوديه عشان هالتحطيم
ادري ان كلامي مو حلو .. بس كل الي سويته حطيت نفسي مكان ماجد!.. وجرب حط نفسك مكانه وشف وش شعورة
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
والله السخيفين اللي ضحكوو ......
خلو الاوادمـ براحتها خلااص كفايه عقد ونفسيات ماخذينها معاكمـ الى امريكا انت قلتها بنفسكـ حتى الاسيوين مستغربين من تصرفاتكمـ يعني ...استحو شوي :)
الله يهدي الجميع بس :)
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
أول شي مو شغلك أنت وغيرك في أي إنسان إنشاء الله يروح للمعهد بدون ملابس
ثاني شي هالعينات من السعوديين تجيب المرض نعرفهم بالجامعات السعوديه ولاحقين بسخافتهم بأمريكا
غثيثين ويسوي نفسه بيطيح الميانه وانه خفيف دم ويستهبل ع المدرسين وفي الأخير مجرد شله حثاله جاي أمريكا وهو مو داري وين الله حاطه
وعلى فكره لو مكان الطالب لادوس ببطنك أنت وياه ليش تتمسخر على الرجال انت وياه
وبجد المعهد اللي مافيه سعودين أفضل شي منها تتعلم لغه ممتازه ومنها تفتك من هالعينات اللي على أي سبب يضحك وهو أصلا اللي شكله وأسلوبه يضحك
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
هم لو ينطقون الاسم زي الناس ماقلنا شي بس تعال شوف نطقهم للأسامي العربيه ابدوولاه <<حسيت اني من السنقال فاضطريت اديهم نك نيم اللي هوا الاست نيم بعد فتره حسيت انهم لعنو ابو نطق القبيله احترت فيهم وبعدين لما يجي واحد بالكلاس نفس اسمك قسم بالله تتعقد وانواع الكسحات
مره واحد عندنا اسمه محمد قال للمدرس ناديني مايكل ...حزت بخاطري شويتين ياليت اسمي محمد
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
يا اخي أشوفها عآآدي
ما فيها شيء
واحد يحب التغيير
هذه من الطرق الي تنسيك عآآلم الجهل والفضاوة الي كنت تمارسها ببلدك
بأمانة لو أنا في مكانه لفعلت مثله لكن يكون نيك نيم حقي في امريكا فقط
والله حلوة منك يا ماجد
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
الحمد لله والشكر بس
هالحين جبت رأس خليص يا بعدي بهالموضوع ؟
والله يا اختي منعطف كلامك صحيييح
المشاهدات أكثر من الردود في الاستفسارات , وفي المواضيع التافهه الردود أكثر من المشاهدات هع
بس انا أقترح على الإداره
أول موضوع غبي من العضو تنبيه , ثاني موضوع يشوتونه برى الملتقى حنا نبي نستفيد ترى مو نشوف مسخره
حتى النصيحه تقلبونها لسب وشتم وما أدري إيش وهالكلام اللي ما لأمه دااعي
أقسم بالله كرهنا الملتقى من بعض العينات اللي فيها غباء مستفحل
ترى ما طلبنا مواضيعكم وردودكم تخلونها رسميه ولا تصنعون صواريخ فيها , خلوها مفيده ومحترمه بس هذا اللي نبيه
أتمنى نشوف مواضيع جميله تتكلم عن الابتعاث مو عن ماذا يفعل الآخرون ...,
بالتوفيق
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة منعطف خطير
هذي مشكلتكم هداكم الله الحكي والكلام الفاضي جون اسم نبي هداكم الله وبعد ماتلاحظون كثرة مواضيع الانتقاد من الفضاوى انا مني قادرة الحق على الناس المحتاجة احد يساعدهم
وانتم المصيبه تقرون مواضيعهم وتخرجون وتبون مواضيع التعليقات وتدخل بالناس
ياويلكم من الله الناس تسئل ولا احد يجاوب الله يعين ويسخر لهالناس من يساعدهم يارب
أما يا ويلنا من الله ... عن نفسي انا قد ما اقدر احاول اجاوب على اسألة الناس وممكن تشوفي مشاركاتي
وبعدين
John= يحيي عليه السلام
Jesus=عيسي عليه السلام
David=داود عليه السلام
Jacob=يعقوب عليه السلام
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة K. S. A
صراحه مو متخلفين الا انت وربعك الي ضحكوا .. بدون زعل
ماحطمنا وخلانا نسوي نفسنا فاهمين الا هالاشكال في المدرسه .. يضحكون اذا تسأل الاستاذ !!! .. ياخي الرجال حر ..غير اسمه او ماغير ..عنده عقل وحر بتصرفاته ولو خطا ربي راح يتصرف معاه
قسم بالله معي طلاب في الكلاس سعودين وبجد فيهم نفس حركاتكم ... لما اشارك وابغى اسأل يضحكون .. طيب ليش؟؟؟ وش فيها لما اسأل؟؟ .. عسى تسوي شيء ضحكوا وعاد ياليتهم فاهمين عن الي اسأل عنه .. اذا جاء الاختبار راح يغش ... او يجلس يصيح عند المدرسين يطر درجات .. بذمتك وش المواقف الي تضحك اكثر .. انك تخلي الناس تضحك عليك وانت تطر درجات او المشاركة بالكلاس؟؟؟
والله اسمح لي ذليتوا الرجال بهذا الغدا .. جيت وشهرت فيه هنا .. وش هالزماله؟
انا كقارئ وش بستفيد من هالقصه؟؟ بس استفيد ان الحرية الشخصه مابرحت محدوده ليش لان معاي في الكلاس شويه سعوديين تعنو وجاوا من السعوديه عشان هالتحطيم
ادري ان كلامي مو حلو .. بس كل الي سويته حطيت نفسي مكان ماجد!.. وجرب حط نفسك مكانه وشف وش شعورة
قلنا لكم الضحك جاء بدون قصد وعلى فكره كلنا السعوديين ما نعرف بعض ... وزي ما قلت لكم فوق
اعتذرنا لجون ورضيناه بوجبة غداء وصرنا سمن على عسل ... ويبنا له الموقف ... مع الأيام ذاب الجليد
شكرا جون لتفهمك موقفنا
وشكرا جون لتغيير اسمك الى مآيد
معترفين الشباب الحمد لله بالخطأ يعني ما فيه مكابره منهم... والرجال تفهم موقفهم
بس انتم دايما تنظرون للجانب السلبي
بعدين عمرنا ما ضحكنا على اي طالب حتى لو سأل اي سؤال غبي ... لاننا كلنا مرينا في هالمواقف ايام المدرسة والجامعه ... فمستحيل اننا نوقع في نفس المشكله
وخاصة وإحنا في المعهد ... يمكن الواحد يسال سؤال ماله دخل بالموضوع او يجاوب جواب ماله اي دخل بالجواب ... بالعكس كلنا متفهمين للشيء هذا
ارجو انك تتفهم إننا عمرنا ما ضحكنا على اي طالب يشارك في الكلاس
ذلينا الرجال وإلا ما ذليناه ... انت اطلع منها ... لان الرجال صار راضي علينا ... بعدين انا ما كتبت اسمه الرباعي حتى اني شرهته هنا او لأ
ولواني بداله اكيد راح يكون الموقف محرج لي
بس شكل اللي معاك بالمعهد من النوع المحطمين ... على الاقل الشباب خلال يومين انحلت المشكله
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
ان كنت ترى ذلك مضحكا لا ارادي فلا حجة عليك ولكن لما تذكر لنا مالا تراه جميلا!! لانكم انتم المذنبون وليس جون>>>اهنئه على الاختيار الموفق
بلغه احترامنا جميعا واعلمه ان يفعل مايريد بحكمه وان لا يداري افكار الاخرين لانه لن يستمتع بافكاره
قل له كن كماتريد وليس كما نحن نريد
ودي
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة aboood_08
والله السخيفين اللي ضحكوو ......
خلو الاوادمـ براحتها خلااص كفايه عقد ونفسيات ماخذينها معاكمـ الى امريكا انت قلتها بنفسكـ حتى الاسيوين مستغربين من تصرفاتكمـ يعني ...استحو شوي :)
الله يهدي الجميع بس :)
ما تقدر تقول سخيفين ... تقدر تقول انهم تفاجؤ من الأسم ... وللأمانه الشباب عدلو من خطأئهم واعتذرو من الرجال
وطبعا الاسيويين مستغربين ما فهمو الهرجه
وبالعكس لا عقد نفسية ولا اي شيء ... كل واحد حر بنفسه ... وانا ضد التدخل في حريات الاشخاص ... مع انه في ناس مسوين الشنايع هنا
بس عمري ما تدخلت في اي واحد وكل واحد حر بنفسه ... وكل اللي معي والحمد لله نفس الفكره
وان كان في نصيحه مني لاي واحد اروح انصحه بالسر ...غير كذا الله يستر علينا وعلى جميع المسلمين
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة أسلوب
أول شي مو شغلك أنت وغيرك في أي إنسان إنشاء الله يروح للمعهد بدون ملابس
ثاني شي هالعينات من السعوديين تجيب المرض نعرفهم بالجامعات السعوديه ولاحقين بسخافتهم بأمريكا
غثيثين ويسوي نفسه بيطيح الميانه وانه خفيف دم ويستهبل ع المدرسين وفي الأخير مجرد شله حثاله جاي أمريكا وهو مو داري وين الله حاطه
وعلى فكره لو مكان الطالب لادوس ببطنك أنت وياه ليش تتمسخر على الرجال انت وياه
وبجد المعهد اللي مافيه سعودين أفضل شي منها تتعلم لغه ممتازه ومنها تفتك من هالعينات اللي على أي سبب يضحك وهو أصلا اللي شكله وأسلوبه يضحك
ومسمي نفسك اسلوب بعد
اسلوب والله
ع العموم ما احب ارد بنفس اسلوبك ... لكن ولا اي من الكلام اللي انت قلته في الشباب ... مع العلم ان الشباب ما يعرفو بعض وحتى الكويتيين
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة إلى المستقبل
يا اخي أشوفها عآآدي
ما فيها شيء
واحد يحب التغيير
هذه من الطرق الي تنسيك عآآلم الجهل والفضاوة الي كنت تمارسها ببلدك
بأمانة لو أنا في مكانه لفعلت مثله لكن يكون نيك نيم حقي في امريكا فقط
والله حلوة منك يا ماجد
والله انك ذوق ...والله انا مؤيد لكلامك
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة الاكتفاء بالمزيد
ان كنت ترى ذلك مضحكا لا ارادي فلا حجة عليك ولكن لما تذكر لنا مالا تراه جميلا !!!! لانكم هنا المذنبون وليس جون >>>اهنئه على الاختيار الموفق
بلغه احترامنا جميعا واعلمه ان يفعل مايريد بحكمه وان لا يداري افكار الاخرين لانه لن يستمتع بافكاره
قل له كن كماتريد وليس كما نحن نريد
شكرا على ذوقك في الطرح ورايك ع العين والراس
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
شباب الي يبغى ياخذ اسم مستعار من اسماء الانبياء
تفضلوو
¥¥
¥
¥
Adam
ادم عليه السلام
Eve
حواء عليها السلام
Idris
ادريس عليه السلام
Noah
نوح عليه السلام
Hud
هود عليه السلام
saleh
صالح عليه السلام
shoaieb
شعيب عليه السلام
Abraham
ابراهيم عليه السلام
Ishmael
اسماعيل عليه السلام
Isaac
اسحاق عليه السلام
Jacob
يعقوب عليه السلام
Joseph
يوسف عليه السلام
Lut
لوط عليه السلام
Johnan
يونس عليه السلام
job
ايوب عليه السلام
David
داود عليه السلام
solomon
سليمان عليه السلام
Moses
موسي عليه السلام
Aaron
هارون عليه السلام
zakaria
زكريا عليه السلام
John
يحيي عليه السلام
Elias
الياس عليه السلام
Eliasaa
اليسع عليه السلام
Jesus
عيسي عليه السلام
Muhammed
محمد صلى الله عليه وسلم
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
الله يخلف على اميمة جون خخخخخ ....اذا انت متحمس تبي تقلد الامريكان لا تقلدهم باساميهم ولا بلبسهم قلدهم بادبهم وتعاملهم واجتهادهم بالدراسه ياجون ....
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
موضوع جمــيل طرحه يا اوسكا
يعــني افهم ان ماجد اختار اسم جــون على شان ان جون بالانجـيل هو يحـيى ؟
ما شاء الله .
هههههههههههههههههههههههههههههههههههههههههههه
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اخواني اللي يؤيدون الموضوع ...
متى يجب ان يغير الإنسان نفسه ؟
التغير يكون للشخص " الناقص " محاولة " للكمال او مقاربة الكمال " ...
ليش الامريكي يجي السعودية " مايغير لبسه - مايغير مظهره - مايغير اسمه " ....
رغم ان الامريكان بالسعودية اقل بكثير من السعوديين بامريكا الا ان الامريكان بالسعودية محافظين على ماتوا به والسعوديين عندهم شراهه للتغيير !!
اخي في الله ...
تــاكد ان الامريكي يحب الشخص المحافظ على عاداته " واسال اي امريكي اذا مانت مصدقني "
عندما تغير معناته انك ناقص تحاول الوصول للكمال ..
اخيرا هالموضوع يطول نقاشه والحين يجي واحد يسب ويتكلم كالعاده عشان كذا هذا ردي .
" انك لاتهدي من احببت والله يهدي من يشاء "
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة Son his father
اخواني اللي يؤيدون الموضوع ...
متى يجب ان يغير الإنسان نفسه ؟
التغير يكون للشخص " الناقص " محاولة " للكمال او مقاربة الكمال " ...
ليش الامريكي يجي السعودية " مايغير لبسه - مايغير مظهره - مايغير اسمه " ....
رغم ان الامريكان بالسعودية اقل بكثير من السعوديين بامريكا الا ان الامريكان بالسعودية محافظين على ماتوا به والسعوديين عندهم شراهه للتغيير !!
اخي في الله ...
تــاكد ان الامريكي يحب الشخص المحافظ على عاداته " واسال اي امريكي اذا مانت مصدقني "
عندما تغير معناته انك ناقص تحاول الوصول للكمال ..
اخيرا هالموضوع يطول نقاشه والحين يجي واحد يسب ويتكلم كالعاده عشان كذا هذا ردي .
" انك لاتهدي من احببت والله يهدي من يشاء "
اخوي أنا كنت ادرس في جامعة القصيم
موجود عدد دكاترة من الخوجات يلبسون ثوب. وشماغ
وفي بعضهم يلبس ثوب فقط
اما في واحد والله يا عليه لووك يلبس بدلة وغترة وعقال اصفر
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اجل يبون اسماء انبياء هههههههههههههههههههههههههههههههههههههههههههههههههه هههه .
ومايكل وش هو عسى ماهو اسم صحابي بالانجليزي ؟
والشعر وحركة اليد والاخلاق والكلام الوسخ اللي بكل جملة انجليزية وش مبرراتها ؟
اخواني احنا ماحنا في محكمة احنا في نقاش ؟
مسموح انك تقول نعم في طلاب الله يهديهم يغلطون بهالشي .
او قول ماقد شفت ..
اما تقول لي يبغون يتكنون باسماء انبياء اقول لك اسمح لي راح زمن هالإدعاءات ...
موفقين.
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة إلى المستقبل
اخوي أنا كنت ادرس في جامعة القصيم
موجود عدد دكاترة من الخوجات يلبسون ثوب. وشماغ
وفي بعضهم يلبس ثوب فقط
اما في واحد والله يا عليه لووك يلبس بدلة وغترة وعقال اصفر
اخوي ..
انا في سكن عسكري 20% منه امريكان في جــدة ..
جميعهم متقيدين بما اتوا عليه لم يغيروا شي ..
وإن كان انت شفت من غير اللوك للوك السعودي ماكذبك ولكن اقول لك " هم ناقصين .... ولكن نحن شرفنا الله بالإسلام " ..
ابوك وامك سموك باسم ضعه على صدرك ماحييت وتفاخر فيه ...
وتاكد ان الله اوجب على اهلك انهم يحسنون تسميتك ..
من يسلم من الامريكان يغير اسمه لاسم له معنى اسلامي ..... نجي احنا بس درسنا في امريكا كم سنه نغير اسامينا ؟؟؟؟؟!!!!!!!!!!!!!!!!!!!!!!!!
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
الامر بالمعروف والنهي عن المنكر واجب على كل مسلم لكن ما تصول انك تحط موضوع عن احد زملائك في منتدى وتشهر فيه اذا غير اسمو ولا غير جلدو عليك النصحيه والجزاء من عند لله وفقنا الله لكل ما يحب ويرضاه
تقبل مروري اخوك يوسف لبان ابو اسيل
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة يوسف لبان
الامر بالمعروف والنهي عن المنكر واجب على كل مسلم لكن ما تصول انك تحط موضوع عن احد زملائك في منتدى وتشهر فيه اذا غير اسمو ولا غير جلدو عليك النصحيه والجزاء من عند لله وفقنا الله لكل ما يحب ويرضاه
تقبل مروري اخوك يوسف لبان ابو اسيل
اخوي يوسف ..
التشهير اخوي يوسف مفهوم لم اجد مايدل عليه هنا .
التشهير يكون فيه ذكر الذنب وذكر المذنب بشكل واضح لايحتمل تخمين .
اذا ذكر اخونا هنا في موضوعه جميع مايدلل على من هو الشخص المقصود هنا يكون ذلك تشهير .
الاخ هنا قال ماجد وامريكا فيها مليون ماجد .
( لم يذكر اسمه كامل - لك يذكر اسم المعهد - لم يذكر العضو الذي وضع الموضوع اسمه الشخصي حتى قول انه ممكن من خلاله التوصل لمن هو ماجد ) ...
هنا ماراه هو امر بمعروف ونهي عن منكر ..
لا اجد هنا تشهير ولو بنسبة 3% .
والله ورسوله اعلم .
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
الاستهزاء بالاخرين يولد الحقد والكراهية والانطوائية والخجل لاكن تغير الاسم ليس موضع جدل يمكن ان الطالب يبغى يتحدى نفسة وويبغى يتعلم كل شي على حسب فهمه وتفكيرة
اما الفيديو رائع بصراحة شكرا لك
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
:biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2:
هههههههههههه والله القطع هلكني من الضحك
اخواني اراكم جلدتوا كاتبوا وبعضكم من رد ردود اقل ماتقال انه سخيفة وليس بسبب وجهة النظر ولكن فيه تلفظ بكلام بذيء لكن احيي كاتب الموضوع على هدوءه واتزانه
اولا :بصراحة اتفق مع بعض من ذكروا ان ماكان له داعي تضحكون عليه ولكن ربما الإندهاش كان السبب ولكن ليس لدرجة الضحك الكبير اللي وصفتها لنا ولكن احييكم على تداركم خطأكم ولو ببعض الشيء في عزيمتكم للشاب
ثانيا : لا ادخل في النوايا هل تتوقعون مثلا مثل ذكر اخواني نثر عطره ورحل و Son his father ان الطالب كان قصده ان يتسمى بأسم نبي والا ماخذه كأسم كول واذا يبي الأسم الكول ليش يعني ماسمى نفسه حمتو والا محيميد والا محماس :biggrin2:.. على فكرة هذي كلها اسماء دلع لمحمد في الماضي في عدد من مناطق المملكة .. هذي ماندري عنها لأنه ممكن يكون لأاحتمال الأول وممكن يكون الأحتمال الثاني ولكن ممكن كاتب الموضوع يعرف من هيئة هذا الشخص التي رأها
ثالثا : نرجع للحرية وفهم الجميع لها .. نقول الحرية لها حدووووووووووووووووود وليست مطلقة ويجب علينا ان نعتز على الأقل بالأشياء الجميلة لدينا والتقليد للغرب في بعض الجوانب الجميلة لديهم والتي يوجد لدينا نقص فيها مثل الأنضباط والأمانة والصدق
واخير نقول اختلاف الرأي لايفسد للود قضية
بس يجنن المقطع ياحلو
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
والله ما دمرنا الا المواضيع التافهه ورح يدمر المنتدى اذا الادارة سكتت اكثر من كذا
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة محب الرسول
والله ما دمرنا الا المواضيع التافهه ورح يدمر المنتدى اذا الادارة سكتت اكثر من كذا
مع احترامي لك اخي
من تكون انت حتى ترمي بكلمة تافه على موضوع قد يستفيد منه احد الاخوان ؟؟
هل تريد موضوع يعلمك فقط كيف تقدم لجامعه وكيف تحل مشكلة مع معهد وغيره؟
هل تريد موضوع يتحدث عن مايهمك ويترك مايهم الاخرين ؟
هل تريد الكتاب يستاذنون منك ويستشيرونك ماهي المواضيع التي تعجبك والتي تنال استحسانك ؟
هل تريد مواضيع مدح وثناء على الطلاب بدون النظر لمشاكلهم؟
الا تعلم ان هذا القسم يناقش كل قضايا الطلاب في امريكا وانه يرحب بكل طالب ان يضع كل مايراه حوله هنا في امريكا ؟
اتركوا عنكم الانانية فمن الصعب ان يكون المنتدى مخصصا لاهوائكم فقط !
احترموا كاتب الموضوع واتركوا الرمي بالتفاهه على كل موضوع لا يفيدكم بشي!
احترم اسمك اخي " محب الرسول " وكن محب لا خلاق الرسول صلى الله عليه وسلم ايضا .
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
شكرا اخوي بن ابوه على ردك
اولا اتحدى انسان عاقل رح يستفيد من هذا الموضوع وش فيه من فايده
انت شخصيا وش استفدة منه ضحك على خلق الله واستهزاء هذا اكيد اللي استفدته
اخيرا ردك كان منطقي جدا وارجوا من الله ان استفيد منه في المستقبل
رغم انه تخلله بعض الكلام غير الائق لكن جزاك الله خير
وبوركت
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
انا صراحه داخل المعهد ماغيرت اسمي
لانه راح يتعودون عليه مع الايام
لكن برا المعهد غيرته بعد معاناه
خصوصا مع ستار بكس
لانه اذاطلبت كوفي يسئلوني عن اسمي
فاخترت اسم اسهل من اسمي
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اخي العزيز الحين وقفت علشان الاسم
ياخي عاد كل شخص وحر انا اعرف ناس واجد بالسعوديه غيرو اساميهم يحسون انها بايخه يعني كل واحد وله حريه اختيار الاسم يعني هو ماكفر ولا زنا الصراحه انت مكبر الموضوع
BTW the call me BoB ,
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة Son his father
اخوي يوسف ..
التشهير اخوي يوسف مفهوم لم اجد مايدل عليه هنا .
التشهير يكون فيه ذكر الذنب وذكر المذنب بشكل واضح لايحتمل تخمين .
اذا ذكر اخونا هنا في موضوعه جميع مايدلل على من هو الشخص المقصود هنا يكون ذلك تشهير .
الاخ هنا قال ماجد وامريكا فيها مليون ماجد .
( لم يذكر اسمه كامل - لك يذكر اسم المعهد - لم يذكر العضو الذي وضع الموضوع اسمه الشخصي حتى قول انه ممكن من خلاله التوصل لمن هو ماجد ) ...
هنا ماراه هو امر بمعروف ونهي عن منكر ..
لا اجد هنا تشهير ولو بنسبة 3% .
والله ورسوله اعلم .
جزاك الله خيرا لكن من القصة وتفاصيل القصه قد تكون انت لا تعرف الشخص لكن كثير غيرك استطاع ان يعرف الشخص وايضا لا تنسا ان هذا القسم من المنتدى خاص بطالب امريكا قد يكون هناك طلاب في ولايات اخرى او مدن اخرى لا يعلمون من هوه الطالب ولكن اذا كان من نفس المدينه وقد لا يكون من طلاب المعهد وقد يكون طالب اكدمي اكيد الان هوه يعلم وبتفصيل ماذا حدث تخيل ان تكون في هذا الموقف هل سوف يكون جميل لك ان ينظر اليك الطلاب في مدينتك نظارات لا تعلم ولا تفسر ما يحدث من حولك وان لمن يكون تشهير بالعين والذات ولكن بالإشاره
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة كلام كليم
:biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2:
هههههههههههه والله القطع هلكني من الضحك
اخواني اراكم جلدتوا كاتبوا وبعضكم من رد ردود اقل ماتقال انه سخيفة وليس بسبب وجهة النظر ولكن فيه تلفظ بكلام بذيء لكن احيي كاتب الموضوع على هدوءه واتزانه
اولا :بصراحة اتفق مع بعض من ذكروا ان ماكان له داعي تضحكون عليه ولكن ربما الإندهاش كان السبب ولكن ليس لدرجة الضحك الكبير اللي وصفتها لنا ولكن احييكم على تداركم خطأكم ولو ببعض الشيء في عزيمتكم للشاب
ثانيا : لا ادخل في النوايا هل تتوقعون مثلا مثل ذكر اخواني نثر عطره ورحل و Son his father ان الطالب كان قصده ان يتسمى بأسم نبي والا ماخذه كأسم كول واذا يبي الأسم الكول ليش يعني ماسمى نفسه حمتو والا محيميد والا محماس :biggrin2:.. على فكرة هذي كلها اسماء دلع لمحمد في الماضي في عدد من مناطق المملكة .. هذي ماندري عنها لأنه ممكن يكون لأاحتمال الأول وممكن يكون الأحتمال الثاني ولكن ممكن كاتب الموضوع يعرف من هيئة هذا الشخص التي رأها
ثالثا : نرجع للحرية وفهم الجميع لها .. نقول الحرية لها حدووووووووووووووووود وليست مطلقة ويجب علينا ان نعتز على الأقل بالأشياء الجميلة لدينا والتقليد للغرب في بعض الجوانب الجميلة لديهم والتي يوجد لدينا نقص فيها مثل الأنضباط والأمانة والصدق
واخير نقول اختلاف الرأي لايفسد للود قضية
بس يجنن المقطع ياحلو
شكرا لك
سبب الضحك زي ما قلت انت بسبب الاندهاش وليس من طبائعنا الاستهزاء على الاخرين ... لانني لا زلت اتذكر نفسي في اول ايامي في امريكا واتذكر كيف انني كنت في مواقف تستاهل ان كل العالم تضحك عليه
لا زلت اتذكرها انا واصحابي بين كل فترة وما خذين الدعوه ضحك ووناسه
بس ما ادري ليه الناس معصبين هنا
اما ان الطلاب يتسمون باسماء انبياء زي جيسس= عيسى ... فهذي عاد كثرو منها واللي يقول زي كذا اسمحولي اقوله لا يكثر
وكل واحد حر بنفسه
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة محب الرسول
والله ما دمرنا الا المواضيع التافهه ورح يدمر المنتدى اذا الادارة سكتت اكثر من كذا
اللي راح تستفيده من الموضوع ... لا تسوي نفسك كول لأن راح يجيلك طقطقه من خلق الله ومن الامريكان نفسهم بعد ... ولا تعيش نفسك في أجواء تافهه وسخيفه
وخلينا احنا نستفيد منك ومن معلوماتك
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة Braveheart &&&&
انا صراحه داخل المعهد ماغيرت اسمي
لانه راح يتعودون عليه مع الايام
لكن برا المعهد غيرته بعد معاناه
خصوصا مع ستار بكس
لانه اذاطلبت كوفي يسئلوني عن اسمي
فاخترت اسم اسهل من اسمي
مشكور على المشاركه
وانت حر بنفسك
بس اللي بغيت اقولة للجميع
ان سبب الضحك سببه ان الطلاب تفاجؤ من الرجال يعني تفاجؤ من طلعته ... ونعوذ بالله من الاستهزاء بالاخرين ... لاني زي ما قلت انا مرت علي مواقف الى الحين اخوياي يذكروني فيها وانا اضحك
-
رد: ليه يا ماجد صار اسمك John ... قصة حقيقة حصلت في المعهد ... النصيحه واجبه
اقتباس:
المشاركة الأصلية كتبت بواسطة s.M.j
اخي العزيز الحين وقفت علشان الاسم
ياخي عاد كل شخص وحر انا اعرف ناس واجد بالسعوديه غيرو اساميهم يحسون انها بايخه يعني كل واحد وله حريه اختيار الاسم يعني هو ماكفر ولا زنا الصراحه انت مكبر الموضوع
BTW the call me BoB ,
>>>>hello BoB<<<<<