ابغى ادرس ثانوية عامة لمدة سنة واحدة هل الملحقية تدفع لي ؟

مرحبا يا اخوان

انا ابغى ادرس ثانوية عامة في امريكا لاني ودي اتخصص في علمي وانا شهادتي ادبي هل يسمحون لي الملحقية ويدفعون لي رسوم الدراسة ؟
لان دراستي في البكالوريوس تحتاج الى فيزياء وكيميا ورياضيات وانا ما ودي انهي اللغة وبعدها اروح على الدارسة واتعثر ؟
ودي لو على الاقل ادرس الثانوية مع سنة اللغة وانا اقدر اوفق بينهم لاني لغتي كويسة ؟

وشكرا

هــهـــهـــهــهاي
احسك جايه ومطفيه النور بعد !!
الحين الي مخلصين الثانويه ويدرسون على حسابهم الخاص ماضموهم تبينهم يضمونك أنتي يالي تبين تدرسي الثانوي!!
الله يوفقك اتمنالك كل خير بس ماتوقع

اقتباس:

---

المشاركة الأصلية كتبت بواسطة رجيتك يارب

هــهـــهـــهــهاي
احسك جايه ومطفيه النور بعد !!
الحين الي مخلصين الثانويه ويدرسون على حسابهم الخاص ماضموهم تبينهم يضمونك أنتي يالي تبين تدرسي الثانوي!!
الله يوفقك اتمنالك كل خير بس ماتوقع

---

طيب الله ينور عليك وعلي ممكن توضح كلامك اكثر ؟؟
لاني ما فهمت منه شيء ؟
انا مبتعثة وتخصصي راح ادرس فيه هيكون علمي وانا شهادتي ادبي فاحتاج اتقوى في المواد العلمية ؟ فهمت علي ؟

اختي تقدرين تسالين الملحقيه وهي راح تجاوبك

وهي الوحيده الي تملك الجواب الصحيح

موفقه خير

اختي الكريمة خذي العلم من اهل العلم

اسالي مشرفك الاكاديمي اولا فهو من سيقول لك الاجابة

وبالمناسبة تستطيعن ان تاخذي مواد علمية بدون داراسة الثانوية

يعني تاخذي كم مادة علمية بالجامعة وبعدها تتخصصي فيما تريدين

لا ما يسمحون, ولكن ممكن تأخذي كلاسات في الجامعة اقل من مستوى 100 (نفس منهج ثانوي) تناسب مستواك في المواد العلمية مثل الرياضيات.

بالتوفيق

شكرا لكل من رد ع الموضوع وموفقين يا رب

اختي
زي ما قال الأخ سلطان
بس للتوضيح اكثر
ماراح يكون هذا الخيار متاح لك وعلى حسب رغبتك
هذا راح يكون من الجامعة اللي تعطبك القبول
انه تشوف المواد اللي درستيها مو كافيه او الدرجات ضعيفه
لذلك ينزلون لك اول سميستر مواد علمية
وبعدها خلاص
بس زي ما قلت لك هذا الشي الجامعة اللي تقرره
وفي حال انهم قرروه لك
راح يكون مدفوع التكاليف من الملحقية
لانه يعتبر ضمن الدراسة الاكاديمية
وبالتوفيق يارب

اقتباس:

---

المشاركة الأصلية كتبت بواسطة انين الفجر

طيب الله ينور عليك وعلي ممكن توضح كلامك اكثر ؟؟
لاني ما فهمت منه شيء ؟
انا مبتعثة وتخصصي راح ادرس فيه هيكون علمي وانا شهادتي ادبي فاحتاج اتقوى في المواد العلمية ؟ فهمت علي ؟

---

اختي للأسف سؤالك مو واضح !!
ياليت تصيغي سؤالك بصيغه افضل عشان نفهم ؟

لكن بنسبه لردودك تحت ورودو الاخوان اعتقد ان عندك قبول من جامعه امريكيه بتخصص فيه كيمياء وفيزياء وانتي تخرجني من الثانوي ادبي ؟
انا اقول طالما قبلوك في التخصص هذا معناته اطلعوا على شهادتك وشافوا درجاتك
لكن انتي تقولي انك مانتي ملمه في الفيزياء والكيمياء وهذي بسيطه مدرسه خصوصيه هنا في السعوديه تكون متمكنه تتفقي معاها تدرسك وتفهمك بعض المواد الي مادرستيها وانشاء الله تنحل مشكلتك بنسبه للملحقيه افضل انك تراسليهم يعطونك الحل وياليت تذكري لنا ايش تخصصك

انا سهران يومين والله سؤال الاخت واضححححححح جدا وانا اشوف يا اختي تاخذين رد الاخ العساف لانة هو الاصح

بكل بساطة، الملحقية تابعة للتعليم العالي، و التعليم العالي هو مابعد الثانوية

الملحقية لا تصرف على طالب في الثانوية

اقتباس:

---

المشاركة الأصلية كتبت بواسطة يارب وفقنيي

انا سهران يومين والله سؤال الاخت واضححححححح جدا وانا اشوف يا اختي تاخذين رد الاخ العساف لانة هو الاصح

---

تدري ليش سؤالها وآضح بنسبه لك
لإنك خآآآروف تمشي بالبرسيم !!!

والله افكرك تستهبلي
ع العموم زي ما قال لاخ عساف
وبالتوفيق

اشكر كل من رد على استفساري ويعطيكم العافية

عندي سؤال لبعض الاعضاء الافاضل اللي ردوا علي بردود ما ودي اوصفها !!!


لو واحد بده يهدي هدية لاحد هل يعطيه الهدية من دون تغلييف ؟
الانسان الشيك والراقي راح يغلف الهدية ويهديها

والبعض الاخر راح يعطي الهدية بدون تغليف

وانا اقول للبعض الاخر شكرا على تكلفكم ودخولكم الموضوع والرد علي ويكون اجمل لو كانت بعض العبارات مغلفة باحسان الظن بالاخرين والتماس الاعذار لهم

يعني مثلا ممكن اكون غلطانة او سؤالي مو واضح لكن ايش الهدف من اني استهبل ؟ او اني اطفي النور ؟

الكلمة الطيبة صدقة والكلمة الطيبة تجد لها مكانا في كل قلب