مشرفتي تسألني عن موعد رحلتي عشان تسويلي هووووولد !
السلام عليكم
بغيت اسألكم حبايبي هل لو رجعت السعوديه بأجازه رسميه من المعهد وبتذاكر من الملحقيه
هل يحق للمشرفه وضعي في الهولد !!!
السالفه ومافيها ان مشرفتي راسله لي رساله تقول الي بيروح اجازه رمضانيه خله يرسلنا اسمه عشان اسويله هولد لين ما يرجع من السعوديه !
فسؤالي هنا الهولد فقط لعدم احتساب الشهر الي قضيته في السعوديه من بعثتي
او لأيقاف راااااااااتبي خلال فترة اجازتي بالسعوديه فقط ؟
تكفون محتاج ردودكم بأسرع وقت لأن رحلتي بعد كم يوم فياليت الي عنده خبره يقلي وش صار معه !
رد: مشرفتي تسألني عن موعد رحلتي عشان تسويلي هووووولد !
يتوقف ثم يحتسب بعد رجوعك
يعني اذا رجعت لامريكا ينزللك راتبين القديم والجديد
الله يوفقك ويوصلك بالسلامه
رد: مشرفتي تسألني عن موعد رحلتي عشان تسويلي هووووولد !
مافهمت اخوي شلون تبلغهم ويسوون هولد
واذا رجعت يعطونك راتبين؟!
رد: مشرفتي تسألني عن موعد رحلتي عشان تسويلي هووووولد !
رد: مشرفتي تسألني عن موعد رحلتي عشان تسويلي هووووولد !
والله ياخوي انا وضعوني على الهولد وانا لسى في امريكا وراتب شهر مانزل لي
لكن الله يعين
رد: مشرفتي تسألني عن موعد رحلتي عشان تسويلي هووووولد !
يعني لجيت نازل للوطن اجازه شهر ,,,بلغهم انك نازل وهم يحطوك هولد عشان مايحتسب هذا الشهر من مدة البعثه ....طبعا الراتب تبع الشهر الإجازه *الي فيه هولد*يتوقف
بعدها يوم ترجع تخبرهم وهما يلغو الهولد ويعطوك راتب هذا الشهر مع الشهر الجاي....
رد: مشرفتي تسألني عن موعد رحلتي عشان تسويلي هووووولد !
اذ الواحد قبل ماينزل إجازه للسعوديه ... يطلب هولد ويعطونه
هذه تعتبر ميزه ممتاااااازه في ملحقية امريكا ... لانه غالبية الملحقيات الاخرى مايعطون هولد ل إجازه فقط .. وبالتالي تحسب من مدة البعثه
رد: مشرفتي تسألني عن موعد رحلتي عشان تسويلي هووووولد !
اسمع مني ي اخوي انا مبتعث ولي فترة طويلة ( خبرة ومجرب ) اذا حطوك بالهولد معناته ماينزلك راتب واذا رجعت لأمريكا ماينزلك راتب إجازتك الي وقتها حطو عليك هولد .. أنت انزل للسعودية ولا تعلمهم تراهم ماهم داريين عنك
رد: مشرفتي تسألني عن موعد رحلتي عشان تسويلي هووووولد !
شوف الموضوع بسيط
تاخد تزاكر من الملحقية يحطوك هـولـد يعني مافي راتب
تدفع التزاكر على حسابك وتروح السعودية بدون ما تقول لهم فيه راتــــب!
رد: مشرفتي تسألني عن موعد رحلتي عشان تسويلي هووووولد !
لا حول ولا قوة الا بالله وش هالتضارب بالكلام !!
الملحقية صرفت لي تذكرة وسوت لي هولد ولاعطوني المكافاة وانا بالسعودية ولما رجعت عطوني راتبين !! راتب القديم والجديد كــلـها !!
هذا اللي صار معي ما ادري عن النظام تجربة شخصية فقط
رد: مشرفتي تسألني عن موعد رحلتي عشان تسويلي هووووولد !
هي حالات تختلف ومن مشرف لمشرف ومن وضع لوضع ومن لمن والخ
الي صار معي الملحقية اصرفوا لي تذكرة ونزلي راتبين بالسعودية لا هولد ولا شي
رد: مشرفتي تسألني عن موعد رحلتي عشان تسويلي هووووولد !
أنا صراحه أشوف انها ميزه
حنا هنا في كندا مايسوون هولد إلا إذا طلبت ويكون سبب مقنع
والإجازات محسوبه من مده البعثه
رد: مشرفتي تسألني عن موعد رحلتي عشان تسويلي هووووولد !
وعليكم السلام
نعم صحيح يعطونك هولد لمن تجي ويصرفون لك مدة اجازتك في السعوديه مع راتبك وانت موجود في امريكا
بس السبب في الهولد عشان ما تنحسب عليك أشهر البعثه وإنت ما تدرس وفي إجازه
بالتوفيٌ ..,
رد: مشرفتي تسألني عن موعد رحلتي عشان تسويلي هووووولد !
والله ياشباب اني احترت ,, كل واحد يأكد لي كلامه
ونفس الحال مع الشباب الي بالمعهد ,, كل واحد يقلي ان كلامه الصحيح
الله يسعدكم ,, ما ابي احد يقلي كلام سمعه ,, ابي الي جربوا أو يعرفون احد قريب لهم صار معه نفس الشي
مو المقصد اني اكذبككم ولاكن انتوا عارفين كيف غالبية الطلاب يطيرون بالعجه بكلام مغلوط وكل ما سألت واحد قال الكل يقوله ومن هالكلام !!
رد: مشرفتي تسألني عن موعد رحلتي عشان تسويلي هووووولد !
اقتباس:
المشاركة الأصلية كتبت بواسطة al3ndlib
السلام عليكم
بغيت اسألكم حبايبي هل لو رجعت السعوديه بأجازه رسميه من المعهد وبتذاكر من الملحقيه
هل يحق للمشرفه وضعي في الهولد !!!
السالفه ومافيها ان مشرفتي راسله لي رساله تقول الي بيروح اجازه رمضانيه خله يرسلنا اسمه عشان اسويله هولد لين ما يرجع من السعوديه !
فسؤالي هنا الهولد فقط لعدم احتساب الشهر الي قضيته في السعوديه من بعثتي
او لأيقاف راااااااااتبي خلال فترة اجازتي بالسعوديه فقط ؟
تكفون محتاج ردودكم بأسرع وقت لأن رحلتي بعد كم يوم فياليت الي عنده خبره يقلي وش صار معه !
إذا وضعوا عليك هولد و انت خارج امريكا
لا يتم الصرف عليك إلا من تاريخ رجوعك إلا أمريكا
هذا من موقف شخصي صار لي أنا
رد: مشرفتي تسألني عن موعد رحلتي عشان تسويلي هووووولد !
^
طيب لو رجعت امريكا هل يصرفون لي حق الشهر الي كنت ماخده اجازه !!