عرض للطباعة
يالربع تكفون الحقوني ...
ضيعت جواز السفر وبطاقة البنك حقت بنك اوف امريكا .. وغير كذا جوالي بطل يشتغل الايفون ..
كيف الحل يالربع اهم شي الجواز ..
ايش اسووووي
تكفوووووووووووووون يالربع .. تكفووووووووووووون يالربع ..
المصدر: http://www.mbt3th.us/vb/forum60/thre...#ixzz1T5k4736k
حفاظاً على حقوق الكاتب نرجو عدم حذف المصدر مبتعث
الجواز ،، كلم السفاره السعوديه ،، راسلهم وكلمهم ،،
والبنك ماتقدر تطلع صرافه الا بإثبات اذا عندك رخصة قياده السعوديه تعتبر اثبات لك ،،
وين ضيعته؟
اول شي كلم البنك يلغي البطاقة
ثاني شيء راسل السفارة وبلغهم عن فقدان الجواز .
الله ييسر لك امورك
واي شيء ترى حاضرين تحت امرك
كيف اكلم السفارة ..
وكيف اكلم البنك ..
اتصلت على البنك .. لان الباسوورد نفس تاريخ ميلادي والبطاقة حقت الصراف كانت مع الجواز ..
ايش اسوي ..
والله خلاص ماعاد فيني حييييييييل ..
انا ايش جابني امرررررررررريكا ..
البعثة من جهه .. والالحاق من جهه .. وفي النهاية الجواز يضيع ..
حسبي الله ونعم الوكيل
http://www.sacm.org/ArabicSACM/emergency/emergency.aspx
حط ولايتك ودق على القنصل الاقرب لك ,,
ولاتنسى الدعاء :
اللهم رب الضالة هادي الضالة، تهدي من الضلالة رد علي ضالتي بقدرتك وسلطانك فإنها من عطائك وفضلك.
ـ يا جامع الناس ليوم لا ريب فيه رد علي ضالتي.
أو يتوضأ ويصلي ركعتين، ثم يتشهد، ثم يقول: اللهم راد الضالة، هادي الضالة، تهدي من الضلال رد علي ضالتي بعزك وسلطانك فإنها من فضلك وعطائك.
رددها وربي يرد ضالتك إن شاء الله
هدي اعصابك وروقاقتباس:
المشاركة الأصلية كتبت بواسطة البعثة حلمي
انت ضيعتها في البيت او بره البيت؟
يمكن بالسيارة يمكن عند زميل لك ناسيها؟
ان قفلت مرة الصبح روح البنك وبلغ عن ضياعها.
بيعطوك بدالها بطاقة مؤقته الى ان تصلك البطاقة الجديدة.
السفارة شوف ايميلاتهم وارسلهم.
انا دقيت على البنك والغيتها ..
بس الجواز .. انا خايف .. لاني انا على حسابي ورجعتي للسعودية بعد شهر ونص .. وابغا اطلع جوازي في الشهر والنص اقدر والا لا ..
وانا قدمت على الملحقية .. يارب يضموني عشان لو ضموني اقدر اطلعه من هنا .. انا خايف اروح السعوديه واتمرمط هناك .. والفيزا مدتها خمس سنوات اخاف مايطلعولي وحده ..
والله ١٠٠ هم وسوال فراسي .. وانا جديد هنا .. لا صديق ولاسيارة ولا شي ..
..
من كثر حرصي عليه ضاع الجواز .. اااااااااه ياررربي .. والله جاني صداااااااع ..
مع اني مفصل سديري ينلبس تحت الملابس كله للجواز والفلوس ..
ييييارب يارب
أخوي هد شوي بس ,, أعرف موقفك بس روق شوي حتى تعرف تتكلم مع الأشخاص وتفهم منهم
شوف السفاره السعوديه ,, كلمهم وقول لهم أنا حصل معي كذا وكذا ,, وأبي اطلع الجواز ضروري لو سمحتوا لأنه مهم ومن هالكلام
وهم راح يساعدونك ,, مستحيل يخلونك زي كذا
الاستفسارات اللي برأسك حطها كلها هنا وما أحد يعرف شيء عنها وراح يقصر معاك
خاطب الملحقيه وقول لهم وضعك ,, أبي رقم السفاره وإيميلهم أبي أخاطبهم
ويا ليت الأخوان هنا لو أحد عنده رقم السفراه السعوديه أو إيميلهم يفيدك
بالتوفيق ...,
حلو دام اللغيتها يعني بكره من الساعه 9 سنتر قدام البنك بعطوك بطاقة مؤقته تصرف فيها امورك الى ان تصلك بطاقة جديدة.اقتباس:
المشاركة الأصلية كتبت بواسطة Knight Dandy
السفارة او القنصلية بطلعوا لك جواز جديد بس قبل كل شيء عشان موضوع الفيزا روح بلغ في اقرب مركز شرطة بانك فقدت جوازك بدقة المكان والزمان.
لانك لما تقدم على فيزا جديدة بيطلبوا منك مايثبت انك فقدتها فتعطيهم صورة من البلاغ.
الله يوفقك ويسهل امورك اخوي
طيب .. ان شاءاالله ..
بكرا الصباح بروح اول شي ادورها بالطريق ..
ثاني شي اروح البنك ..
ثالث شي ابلغ الشرطة واقولهم ضيعتها ..
رابع شي ابلغ السفارة ..
----
طيب بالنسبة لموضوع الفيزا الي في الجواز .. وال i94 كلها في الجواز .. بيطلعولي فيزا جديدة ؟؟
امم لو الحقت ويارب اني الحق هل احتاج جواز السفر ..؟
طيب انا الويكند الجاي كنت بروح واشنطن عشان يلحقوني .. لازم جواز السفر والا لا ؟؟
السفارة او القنصليه يطلعولي جواز سفر جديد من هنا .. والا لازم ارجع السعودية وابدا باجراءت جواز السفر ..؟؟
البلاغ يغنيك عنها كلها فلا تخاف (فيزا+I94(اقتباس:
المشاركة الأصلية كتبت بواسطة البعثة حلمي
ما بتتاذى ان شاء الله من كون الجواز ضاع او انسرق
بالتوفيق لك اخوي
الله يعينك ويسهلها عليك وتلاقي جميع اوراقك في الشرطة لقاها أبن حلال وسلمها للشرطة بس قول يارب وخلي الوالده تدعوا لك
السلام عليكم
خذني على قد عقلي وقوم صلي ركعتين ولاتسألني ليش انت لو تجلس تروح وتجي بنفس المكان بتجلس ساعه الركعتين وقتها اذا كنت بتخشع مره وتقرى كثير بالكثير 5 دقايق
ابي منك طلب قوم صل ركعتين وحاول تخشع فيها وصل اي فرض قريب
ابشر يا ابو دالين ..
والله انا احس اني منحوووس .. ما ادري ليش ...؟؟
كل شي نحس في نحس ..
حبيبي يامستانسين .. لا الوالده الي فيها مكفيها .. كيف لو قلتلها جواز سفري ضاع والله راح ينشغل بالهم علي ..
انا ماني قايل لاحد .. من اهلي .. ان شاءءالله ارجع السعودية ونتفاهم مع الجوازات هناك ..
بس انا سمعت انو اول ما اوصل يحققو معايا في المطار وشغلة طويلة عريضة
استعذ بالله من الشيطان الرجيم وش فيه حظك يازينه
هذا انت تدرس وان شاء الله اللحاقك في البعثة قريب
يعني ما عندك مشكله باذن الله
وقوم صلي واذا فيك نوم نام شوي ولا تشيل هم اخوي
ترى امورك سهالات باذن الله
كان الله في عونك اخووي لا تخاف ولا شئ روق وان شاء الله راح تتسهل اموورك وتلقى الجواز
في واحد من الشباب ضيع جوازه يومين وهو يحوس بس يدور جوازه اليوم الثالث اجو الشرطه لين بيته وعطوه الجوازز
اخوي تفائل بالاخير ولا تخاف والله يكون في عونك
شوف اخوي الله سبحانه وتعالى يقول انا على حسب ظن عبدي بي
تفائل بالخير وان شاء الله يصير بدال ماتقول اوصل للجوازات هناك قول انك راح تلقى جوازك وهذا من باب الرجاء لاتستهين بالامر لانه طلب رحمة الله شي مو بسيط والقنوط منها شي عظيم وتعوذ الشيطان وتتيسر الامور علما ان كثرة الاستغفار لها دور فعال
واهم شي ترى كلنا مشغولين عليك طمننا اذا استجد شي بالموضوع مع اني افضل انك تكتب ولايتك ع شان الشباب يوقفون معك في محنتك
الله يعطيك العافية يامستانسين .. اول كنت زي المجنون ... والله اخرج من البيت اوقف عند الباب اطالع يمين يسار .. لحد ما اتسدحت في الزرع حقهم ذا خلاص فقدت الامل .. لكن انت الحين هونتلي الامر يابعد قلبي انت فديتك والله ..
هههه المشكلة انا كنت جالس احاول اصلح الايفون حقي خرب الهاردوير وشغله وقاعد اكلم الوالده في السكايب قلت والله يا امي جوالي خرب وكذا .. واضحك معاها .. الا قالت ياولدي قوم اخرج اتمشي ..
حرك نفسك شوي .. لان الوقت كان عصر .. وكنت خامل وكسلان .. قلت طيب منها يلا اروح اصلح الجوال ..
طبعن انا ماعندي سيارة .. اخدت سيكل حق الروميت حقي ورحت فيه .. قبل ما اخرج من البيت طالعت في الجواز قلت اخذة والا لا اخذة والا لا .. قلت يلا اخذة ممكن احتاجه في الابل ستور والا في مكان ثاني ..
وخرجت وروحت ولقيت المحل مقفل ورجعت البيت .. ساعه ونص رايح جاي بالسيكل رجعت البيت .. مالقيتة دور ياولد يمين يسار .. رحت بالسيكل نفس طريقي بس كان الوقت ليل .. يعني ..
ولكن الحمدالله قدر الله وماشاء فعل .. الحمدالله على كل حال ..
.
انا مو جايني النوم لان وراي سفر للديره بكره !اقتباس:
المشاركة الأصلية كتبت بواسطة البعثة حلمي
انت جالس للحين ليش؟
ما عندك دوام بكرة؟
ما وراك شغلات تسويه من بلاغ ومراجعة البنك؟
قم نام
بسالك انت من المدينة المنورة؟
بالتوفيق لك اخوي
والله احاول انام ولكن .. للاسف الموضوع مشغلني ..
قلت خلاص استنا للنور مايطلع واقوم ادورة قبل الناس ماتصحا .. وان شاءالله الاقيه ..
اي ياخوي انا من المدينة المنورة ..
الله يسهل امورك ياحي ياقيوم
بأذن الله انك تلقاها عما قريب وتقر عينك
اسأل الله رب العرش العظيم ماينتهي يومك الا وجوازك قد وجدته بقدرته سبحانه
بالتوفيق يا (البعثه حلمي)
اقتباس:
المشاركة الأصلية كتبت بواسطة ابو دالين
حبيبي وتاج راسي يا ابو دالين ..
انا وكلت امري لله .. واكيد الله معاي ..
يعطيك العافيه .. وانا في كاليفورنيا في لوس انجلوس ..
طيب دامك في لوس انجلوس
كلم القنصل (سامي البراهيم ) في لوس انجلوس قمه ونموذج في التعامل والاخلاق صدقني ياشيخ بعد الله ليكون لك ظهر وسند هذا القنصل
هذا رقمه13108776062
هلا وغلا بااهل المدينةاقتباس:
المشاركة الأصلية كتبت بواسطة البعثة حلمي
وانا من اهل المدينة اذا تبي شيء من هناك امرني
باذن الله اليوم ماشي
هلا والله باهل المدينة .اقتباس:
المشاركة الأصلية كتبت بواسطة !مستانسين!
انت جاي من المدينة والا رايح للمدينة ..
وفين ولايتك ومدينتك ..؟
سجلت الرقم في جوالي .. وان شاءالله بكرا لو ماسار شي بكلمة ..اقتباس:
المشاركة الأصلية كتبت بواسطة بيت القصيد
رايح للمدينة رايح انعش روحي ونفسي وذهنياقتباس:
المشاركة الأصلية كتبت بواسطة البعثة حلمي
شكلي يوم اوصل هناك ماعاد داخل نت
بولاية كونكتيكت
بالتوفيق لك اخوي
وانتبه لنفسك
سلام عليك .. البعثه الله يعينك
والله مشكله الجواز .. الصرافه منتهي امرها .. بس خلي معك اي ID الرخصه ..حق المعهد اي شي
وخذ معاك صوره للجواز على شان البنك
الجواز سهل ان شاء الله .. لكن خلك معي وصفي ذهنك
دور على كل الخطوط الي مريت عليها ..
المحلات والبقالات والمطاعم مر عليها
يمكن وجه خير لقي جوازك وحطه عند احد المحلات ..
ومر عليهم واحد واحد
وبعدين شوف اطبع ورقه .. وعلقها
انك فاقد جوازك .. وحط صوره له
وعلقها على طريق روحتك .. وصدقني الي اخذ جوازك ويبي يرده لك
ماله غير الورقه يتصل فيك
..
واذا مره اتصل على سامي البراهيم ..الي عطاكيه بيت القصيد
وبلغ الشرطه ..لازم لازم ..مهم .. وقلهم اخر مره شفت جوازك ..اي قبل طلعتك عطهم الساعه والمكان
والله يسرها لك
مدامك جالس هالحين اخر الليل .. صل ركعتين .. وادع ربك ييسر امورك
ولاتنسى الصعاب للرجال بس
وماقصر معك مستانسين ..اشهد انك رجل
ابشركم يالربع ..
الحمدالله الحمدالله الحمدالله الحمدالله ..
لقيت الجواز مرمي في الشارع على بعد ٥ كيلو من البيت حقي .. لا ومدعس كم مرة وغير كذا في وسط شارع رئيسي ..
الحمدالله يارب الحمدالله الحمدالله ..
اشكر اخوي مستانسين وابو دالين وبيت القصيد ومنكسر وصار ..
الله يخليكم اي والله ..
ويعطيكم العافيه .. اخوان من ورا الشاشة .. الله يبارك فيكم دنيا واخرة ...
الحمدالله يارب ... ماصدقت اشوفة الا قمت وسجدت في وسط الشارع ..
الحمدالله الحمدالله
مبروك الف مبروك اخوياقتباس:
المشاركة الأصلية كتبت بواسطة البعثة حلمي
يعلم الله اني فرحت لك بقوة
الوالدة الظاهر راضيه عليك اخوي ورضى الله من رضى الوالدين.
اهم شيء الحين انتبه لنفسك اخوي
بالتوفيق لك
لا تنسانا من الدعاء
الحمد لله يارب .. والله حسيت بمعاناتكاقتباس:
المشاركة الأصلية كتبت بواسطة البعثة حلمي
مبروك والله .. ربك ستر والحمد لله
والله ماقصرو مستانسين وبيت القصيد ..
يالله بالتوفيق ان شاء الله وتنظم للبعثه