هـــل الملحقية تكون فاتحة في أواخر رمضـان ، ضروري

السلام عليكم ورحمة الله وبركاته ,,

يا جماعه سؤال عن الملحقية انا رحــلتي في 23 رمضان يعني 23اغسطس

هل الملحقية تكون فاتحة والا لا ؟؟

جزاكم الله خيـــر

نعم تكون فآتحه وبالتوفيق لك

ساعات العمل الرسمي خلال شهر رمضان المبارك وعطلة عيد الفطر السعيد



بمناسبة حلول شهر رمضان الكريم لعام 1432هـ، تهنئ الملحقية السعودية أبنائها وبناتها الطلاب ونسأل المولى عز وجل أن يجعله شهر خير وبركه على الجميع، علما بأن ساعات الدوام الرسمي خلال شهر رمضان حسب تعليمات سفارة خادم الحرمين الشريفين بأمريكا ستكون من الساعة الحادية عشرة صباحاً الى الساعة الرابعة بعد الظهر (بدون ساعة غذاء) ، وإجازة عيد الفطر المبارك ستبدأ اعتباراً من يوم الاثنين 29/8/2011م . وسيستأنف الدوام الرسمي يوم الاثنين 5/9/2011م في نفس الأوقات المعتادة .

وكل عام وأنتم بخير ،،،،
Working Hours and Eid Elfiter's Holidays
According to the letter from his excellency the Ambassador of Saudi Arabia to the United States, the working hours during Ramadan 1432H will be from 11:00 AM to 4:00 PM with no lunch hour.Eid Elfiter's holidays will begin on Monday August 29, 2011. The Mission will reopen on Monday September 5, 2011 with regular working hours.
Wishing you a blessed Ramadan and a happy Eid


المصدر: http://www.mbt3th.us/vb/forum8/threa...#ixzz1TsAMIAar
حفاظاً على حقوق الكاتب نرجو عدم حذف المصدر مبتعث

وعليكم السلام ورحمة الله وبركاته

نعم راح تكون تعمل ,, أنا رحلتي بعدك بيوم فقط من الرياض

موفق ...,

سهيل ستار ، بيض الله وجهك على الجواب المفـيد الوافي


نـايت داندي الله يوفقنا واياك ، كان ودي نتخاوى لكن ظروفنا عيـت عليـنا :)

الا متى تـبدأ دراستك

ايه الملحقية بتكون فاتحة

واذا انت على الخطوط القطرية تراني معك يعني اي واحد لابس بدلة رسمية اكيد انت ههههه

وداندي يلحقنا اليوم الي بعده اذا تبي نحجزلك بالفندق والا شي حاظرين

كيف اللغة عندك اذا انت داج مثلي خلنا ندورلنا واحد يضبطنا ههههههه

رحلتي الداخلية اخليها 26 والا 25 ياشباب ..؟!

اي ولاية يا كوكو ؟

بالنسبة لي خليتها 25 الخميس ، بس للحـين ما حجزت ولا شىء

وبالنسبة للانغلش لا تبلش افهم عليه بس ما اتكلم معاه ،، حلها

ولاية ويسكنسن

خلاص انا بخليها مثلك 25 بس مابعد احجز هههه

خلاص ماعلية انت ترجملي الي فهمت وانا اتكلم << والله الي رحنا فيها

انت على الخطوط القطرية والا لا ..؟ << وش رايك يعني هههه

أنا ولاية أوهــايو


الخطوط القطرية ، الرحلة من الدمام 05:20الى الدوحة06:30 ومن الدوحة 08:30 الى واشنطن 15:05
الثلاثاء 23 / 8 / 2011

كـيف تحجز الداخلي ؟؟

بالنسبة لي سألت عن أفضل الشركات في الطيران الداخلي وكان من أفضلهن شركة دلـتا

واذا ماني واهم كأني لمحت لوحة مكتبهم بالخـبر بشارع الملك عبد العزيز. سوف أشقر عليهم وأرى ما لدى القوم من أسعار وأخبار

شوف الأسعار لي هنا في موقع دلتا
في معظم الأحيان المكاتب تزيد
www.delta.com

^^^

شكرا ولا هنـــتي

السلام عليكم اتمنى انك لقيت الاجابة على استفسارك ولكن انا عندي كم استفسار

اخواني انا خلصت الفيزا وطلعت ولله الحمد ودراستي تبداء في تاريخ2011-9-20

وش يبقى قدامي مع العلم اني طالع منحة مو على حسابي وش الاجراءات الي بعد الفيزا؟

متى تنصحوني اطلع واسافر من هنا هل اسافر الحين ولا بعد العيد ولا عندكم نصائح لي؟

وشكراً مقدماً.. واسمح لي على المرور يا صاحب الموضوع..

اقتباس:

---

المشاركة الأصلية كتبت بواسطة نثر عطره ورحل

أنا ولاية أوهــايو


الخطوط القطرية ، الرحلة من الدمام 05:20الى الدوحة06:30 ومن الدوحة 08:30 الى واشنطن 15:05
الثلاثاء 23 / 8 / 2011

كـيف تحجز الداخلي ؟؟

بالنسبة لي سألت عن أفضل الشركات في الطيران الداخلي وكان من أفضلهن شركة دلـتا

واذا ماني واهم كأني لمحت لوحة مكتبهم بالخـبر بشارع الملك عبد العزيز. سوف أشقر عليهم وأرى ما لدى القوم من أسعار وأخبار

---

معك في نفس مسار الرحلة

بالنسبة للداخلي والله مدري احجز عن طريق النت والا اذا وصلت لواشنطن احجز والا اجي الخبر واحجز محتار للحين ههههه

افضلك تاخذها من عندك في الخبر وتريح نفسك وانا والعلم عند الله اني بسوي مثلك واريح نفسي اخاف احجزها من النت واجيب العيد هههه

^^^

هلا كوكو ، الحجز الداخلي من اما من النــت او مكـتب لا تخليـها هنـاك ما تدري وش قدامك من ظروف وعلوم

اجل بنفس الرحلة يا لـيل النشب والله ههههههههههههههههههههههه

قصدي حـياك الله والساعة المباركة

كيف جهـزت أمورك والشناط والا بـاقي ؟

لازم نراجع سوا ، والا زين ،، الاغراض وامور الشنطة

نسوي جرد وش قلت

اقتباس:

---

المشاركة الأصلية كتبت بواسطة نثر عطره ورحل

^^^

هلا كوكو ، الحجز الداخلي من اما من النــت او مكـتب لا تخليـها هنـاك ما تدري وش قدامك من ظروف وعلوم

هاذا الي انا خايف منه :p لامعليك بحجز من هنا وبريح نفسي

اجل بنفس الرحلة يا لـيل النشب والله ههههههههههههههههههههههه

وش نسوي عاد :o ;)

قصدي حـياك الله والساعة المباركة

بدري :mad: :D

كيف جهـزت أمورك والشناط والا بـاقي ؟

لا والله كل يوم ناوي اجهزها ولححين ماجهزتها :p

لازم نراجع سوا ، والا زين ،، الاغراض وامور الشنطة

لا تعال ادخل بشنطتي بعد :mad: ههههههه

نسوي جرد وش قلت

ماعندي اي مشكلة ;)

---

...............

انا قبلك بيوم ان شاء الله

^^
الله يسهـل أمورك يا محـسن

والله يعين ع الوزن والشنط بس

اقتباس:

---

المشاركة الأصلية كتبت بواسطة mamdoh alyousef

السلام عليكم اتمنى انك لقيت الاجابة على استفسارك ولكن انا عندي كم استفسار

اخواني انا خلصت الفيزا وطلعت ولله الحمد ودراستي تبداء في تاريخ2011-9-20

وش يبقى قدامي مع العلم اني طالع منحة مو على حسابي وش الاجراءات الي بعد الفيزا؟

متى تنصحوني اطلع واسافر من هنا هل اسافر الحين ولا بعد العيد ولا عندكم نصائح لي؟

وشكراً مقدماً.. واسمح لي على المرور يا صاحب الموضوع..

---

هـلا بممـدوح
اذكر اني بعد ما طلعت الفيزا سالت نفس سؤالك هنـا فكان جواب الشعب الكريم
انه ما بقى لك الا تجهز شنطـتك ،، وصراحه هذا اللي سويته

لان ما يبقى بعد الفيزا الا أمور بسيطة الشنطة ما شنطة ، أو امور ليس من النكبة في شىء نسيانها

وبما ان دراستك 20 سبتمـبر ، أنصحك وبقوة السـفر بعد العـيد أكيــد بس احجز من الان

انا دراستي واحد سبتمبـر وجالس اعدل ابدل ابي السفرة بعد العيد بس ما جـت

الله يوفقنا واياكم

يا اخوان علمونا وش الطريقه

انا الحمد لله طلعت الفيزا يوم الخميس..

وبروح الرياض عشان اخذ قرار الابتعاث..يقولون اني على الابتعاث مادري بصراحه هههههههه


الان لما نروح الملحقيه ونحجز..الرحله و السكن في الفنجق ألخ.. على حسابنا ولا على حساب طويلين العمر...

^^^

يا مستر بيشي ، اسمع وفقك الله

الطالب على حسابه الخاص يدفع نصف تكاليف الفندق

أما المبتعـث يا أنه ما يدفع شـىء ،وفي اسوا الحالات انه راح يدفع مثل الطالب ع حسابه الخاص ، نصف السعـر

وان شاء الله ان السعـر بسيط ماهو ذاك الغـلا ، مية وخمسين دولار من وراهم يومـين بعد

هذا اللي أعرفه عسى الله يسهل أمورك

مشكور والله يوفقك وتتسهل لك امورك يارب

يعني على كذا ما عاد قدامنا الا اننا نروح نجيب امر الاركاب

واجهز الشنطة واحجز لبعد العيد اوكي جزاك الله خير وصلت الفكرة الله يسلمك..

السلام عليكم

انا رحلتي على الخطوط القطرية يوم 21 اغسطس
اوصل الساعة 3 الظهر تقريبا

استفساري يا اخووان هل الملحقية تستقبلني اذا انا على الخطوط القطرية ؟؟؟