عرض للطباعة
ياحلوين
انا ادرس في لويزيانا على البعثه وكلموني الملحقية علشان اعمل عندهم بوظيفة رسمية يعني استمر في امريكا بس بشكل موظف رسمي
ايش رايكم ابغى على بعثتي او اخذ الوظيفة الرسمية .
لاتبخلوا على بالنصيحـــــــــــــــــــــــــــــــــــــــــــ ـــــــه:85:
أتمنى لك التوفيق اخوي .. أنا من رأيي انك تستفسر منهم إذا فيه مجال انك تجمع الوظيفه والدراسه ... يعني يوظفونك عندهم وبعدين يحتسبون لك الدراسه ابتعاث أو شي مثل هذا القبيل .. وإذا رفضوا قارن بين دراستك ومستقبلها الوظيفي ووظيفة الملحقيه .. الله يوفقك ولا تنسى الاستخاره.
بصراحه انا اتوقع ان البعثه افضل لانك مغترب مغترب
والوظيفه ملحوق عليها الله يوفقك
كمل دراستك اول
وبعدين يحلها الف حلال
اخي العزيز اتمني للك التوفيق من اعناق قلبي ولاكن مثل ماتفضل الاخوان الوضيفه ملحق عليها
ولاتنسي ان الشهاده سلاحك مستقبلي لاتفكر في يومك بل في مستقبل
ولاتنسي الاستخاره
واذا تريد الاستفاده من شخص مجرب وترا انك تريد الاستفاده ارجو ا ان تتواصل معي علي الاميل
@zse4zse4
الله يوفقك انا من رايي انك تقبل بالوظيفة اذا سمحو لك بالدراسة والوظيفة مع اني ما اعتقد انهم يرفضو واذا قبلو فالافضل لك لانو وكما سمعت انو المصاريف هناك زايدة وزي ما قالو الاخوان استخير والله يكتبلك الخير تقبل مروري
الله يسعدكم ياشباب هذا صاحبي ويكتب بإسمي بس قالوا له ممكن اذا اديناك الوظيفة الرسمية ممكن تروح منك البعثه وسئلني وقلت له نأخذ راي الشباب ...
الله لايحرمنا منكم ومن ارائكم
والله ياعزيزي اذا على كلام الملحقية بيسحبون منه البعثه , فا أنا من رأيي انه يبقى على دراسته لان الشهاده زي ماتفضلوا الاخوان سلاح يحمله وين مايروح , فانا أرى ان دراسته أهم والوظيفه لاحقين عليها , تقبل مروري وتحياتي العطره
حبايبي ليش يسحبون منه البعثه رداً على الاخ فوق
القرار الملكي واضح اي واحد متعاقد مع الممثليات في الخارج يحق له الانضمام في البعثه وبعدين تم الحاقه مثلاً قبل قرار الترسيم معناته هو ما اتحايل عليهم ولا كذب وبعدين فلنفرض انه قبل الترسيم كان عليه ديون هل الترسيم راح راح يخلص ديونه طبعا لا لان الدين قبل الترسيم وملتزم بسداده ...
يحتاج ارائكم
مضنيت ان القرار الملكي يخص المتعاقد الي اعرفه ان القرار يخص اولاد المتعاقد
وبعدين انا رايي اذا كان الراتب يسوى والمرتبة تسوى فالافضل ان تعمل في الملحقية
صدقني ترى حلم الجميع ويوجد انواع الواسطات لعمل في احد القنصليات الدبلوماسية في امريكا .
لاتفوت الفرصة عليك والدراسة هي لك لعقلك اما العمل فهي تعود بالنفع على حياتك وعلى اطفالك .
أنا كتبت لك الرد في موضوعك الثاني ..وهذا هو ..
في بلد الإبتعاث ورسمية يعني تبع الملحقية ؟ أو شركة ؟
إذا كانت رسمية فأقترح تأجلها ترم وتبدأ الدراسة ..ثم تشوف لو الدراسة أفضل ممكن تحاول تخفف ساعات الدراسة وتدرس وتشتغل ..
ياليت تفيدني بمعلومات الأكثر..
<< الأخ أخصائي توظيف وله خبرة ههه
يعني مثلا:
كم الراتب المعروض؟
كم الراتب اللي تتوقعه إذا أخذت البعثة والدراسة ؟ يعني العمل بعد البعثة ؟
مامميزات العمل؟ وهل تطمح إنك تواصل فيه سنوات ؟وإلى أي منصب ترمق path career?
و هل أنت من التوع اللي تتحمل ضغط العمل والدراسة ؟ أو تحب تتفرغ للدراسة ؟
لاتشره عندي أسئلة أكثر راح تفيد بالجواب لكن ماحبيت أكثر ، بحكم خبرتي كمختص توظيف,,أفهم يالمجال شوي ..
لكن مادامه تبع الملحقية / اللي أعرفه الملحقية تسمح لك تدرس لكن مو كبعثة .. يعني حتى لو راحت عليك ..بس أنت دارس دارس .
تأكد من الملحقية عن إمكانية الإكمال ..
راي ثاني ... إذا فيه مجال تنقل دراستك للمدينه اللي فيها الملحقيه يكون ضربت عصفورين بحجر .. أو إذا شفت ان الوظيفه أفضل ممكن تكمل على حسابك بنفس التخصص في الجامعة بنفس مدينة الملحقيه إذا كان الاخوان عندهم علم بأن البعثه تسحب منك ... أو خذ شهادتك من خلال التعليم عن طريق النت ... أتمنى لك التوفيق.
حبايبي
بارك الله في نصحكم ونفع بكم اما بعد فقد قرر صاحبي البقاء كطالب بعثه وذلك حسب رأيه مع انني لم اتفق معاه ولكن الله يوفكم ويوفقه ويكتب لنا الخير جميعاً
لقد شرفني مروركم العطر دمتم على الود وبالتوفيق
محبكم