نـداء هـام وعآجل للشـباب الي كـانو في الملحقيه خـلال اليـومين الـماضيـات !!

ياشباب الله يوفقكم ابغى إجابه كافيه سمعت ان الملحقيه اصدرت قرار بأن كل الإجراءات والاستفسارات التي يريد الطالب الاستفسار عنها اصبحت عن طريق موقع الملحقيه !!
وهناك مجموعه من الطلاب رفضت الملحقيه ادخالهم الى الملحقيه على حسب المواضيع الي قريتها !!
طبعاً انا طالب مبتعث و متــوهق لإن سفري قريب بإذن الله ومشكلتي اني على الهولد وابي افك الهولد وابي ضمان مالي وابغى اسلم الملحقيه كذا ورقه ؟
ومن زود حرصي على الدخوول للمحقيه ماحجزت الرحله الداخليه الى الآن ؟
هل الملحقيه راح تدخلني ولا تطلب مني اني انهي جميع متطلباتي عن طريق موقعهم
او القرار هذا خاص بالطلاب الي بيفتحون ملفات جديده!!
نقطه ثانيه مهمه ...
انا شعري طووويل هل الملحقيه بتسمح لي ادخل ولا لا

ارجووكم جاوبني عساها في موازين حسناتكم هالإجابات الي بتفيدوني فيها وشكراً

مرحبا اخوي ..

انا طالب على حسابي الخاص و رحت للملحقيه يوم الأربعاء و قلت لهم ابي افتح ملف وقالوا لي هذا الاجهزه موجوده و السسكانر موجود افتح ملف طالب ع حسابه الخاص ( اون لاين *) و ارفق الملفات معه المطلوبه

و حاولنا معهم قالوا لنا كل شيء عن طريق الانترنت حتى الاستفسارات عن طريق الانترنت

و الطلاب المبتعثين يفتحون طلب طالب مبتعث و يرفق الاوراق المطلوبه و بعدها يطلع لك رقمك في الملحقيه و اذا طلع لك رقم الملحقيه تقدر تسجل في الموقع الرسمي حق الملحقيه و تعمل الطلب عن طريق الموقع و على حساب كلام الشباب الضمان المالي ياخذ 3 ايام

بالنسبه للشعر ,, مايحتاج اصلا تروح للملحقيه و من ضمن الشروط للدخول الى الملحقيه حسن المظهر و طبعا يدققون على الشعر انا قصيت شعري و ابتلشت وليتني ماقصيته يعني مايحتاج تروح للملحقيه انت اول ماتوصل بـ يودونك الى فندق الشيراتون و بتقابل شباب واجد هناك و استفسر منهم على راحتك

و اتمنى اني افدتك

تقدر تسوي كل شي بالملحقية بس حط في بالك انك بتنظر كثير لاني رحت وانتظرت ولا حصلت كمبيوتر فاضي ومشيت
حط في بالك ان الطلب ياخذ منك وقت طويل عشان كذا الطلاب يطوولون على الكمبيوتر
حط في بالك ان غرفة اللابات فقط طلاب ولا يوجد اي مسؤل للمساعدة اذا واجهتك مشكلة او ما عرفت شي
بالنسبة للشعر ما اتوقع يدققون لان كان معي شباب شعرهم طويل وعادي دخلو الملحقية
يعني تسوي كل شي بالنت تكون لحالك بالسكن وبعيد عن الازعاج وزحمة الطلاب
هناك نت وبالسكن نت
بالتوفيق