طبيعه الحياة في أمريكا !! ومرحله تعلم اللغه .. الكوابيس السوداء !!
أهلا شباب .. انا بحثت في النت عن الموظووع اللي بتكلم فيه .. بحثت في المنتديات وأيظا في اليوتيوب بس مالقيييت اللي ادور عليه .. نفسي اعرف كيف الحياه الطبيعيه في أمريكا ؟؟ وكيف الواحد يقووم ويرووح للمعهد او الجامعه وكيف الناس يتعاملون معه او العكس اذا ما يعرف انجليزي ؟؟ كيف اتفاهم مع العائله ؟ كيف اعرف قوانينهم كيف اظحك معهم كيف طبيعه حياتهم كيف اطلع معهم؟؟
والله اني شايل هم مرحله تعلم اللغه الانجليزي يلخبط متى احط of بين الكلام ؟؟ ومتى استخدم do او did في كلمات ما افهمها ..واترجمها واعرف معناتها .. يعني مو معقوله أي كلمه بتواجهني بترجمها .. بتعب كذا مرره ..والمشكله الكلمات اللي ترجمتها نسيتها !!
عندي استفسارات وعندي كلام كثيير بقلبي مس مني عارف كييف طالعه
رد: طبيعه الحياة في أمريكا !! ومرحله تعلم اللغه .. الكوابيس السوداء !!
مو بس انت يااخوي كلنا نفس الحاال الله ييسر امورنا ان شاء الله
رد: طبيعه الحياة في أمريكا !! ومرحله تعلم اللغه .. الكوابيس السوداء !!
مرحبا اخوي بقولك على نصيحه اللي يخاف من المغامره عمره ما راح يحس بطعم النجاح او حتى الفشل مجرد انك تفشل بعد الجازفه افضل واخير من انك ما تجرب المغامره ابد وانت قاعد تسوي لنفسك جسر نفسي من الخوف كل اللي راحو واللي بيروحون ما يعرفون شي وانا اولهم غيرك جازف بوظيفه وتركها علشان هذي الفرصه وانا كنت بفتره مثلك اي خطوه اخذلها الف حساب وما تتخيل كيف اتوتر واسأل وابحث عن الاستفسارات لحد ما نصحتني وحده من صديقاتي وقالت (الشي اللي ما يؤدي الى موتك خوضيه ) ومن بعدها خلاص تغيرت يعني بالنهايه اسوء الامور الي بتحصلك هناك ايش اسوء الامور هي انك بتستفيد لغه وبترجع لاسمح الله وبتكمل حياتك ...... اعقلها وتوكل
رد: طبيعه الحياة في أمريكا !! ومرحله تعلم اللغه .. الكوابيس السوداء !!
يارجال فيه ناس ابتعثوا مايدري الانجليزي يكتب من اليسار الى اليمين او العكس ومشوا وتخرجوا من الجامعة , مافيه احد يولد متعلم
رد: طبيعه الحياة في أمريكا !! ومرحله تعلم اللغه .. الكوابيس السوداء !!
يسعدك ربي لا تعقد الامور قدامك ... ايش الي كيف اضحك معاهم ؟ عادي ياخي زي دايما صار شي يضحك اضحك... بس
و بالنسبه لـ اللغه و متى تستخدم اوف و مدري ايش
هاذي ان شاء الله حتاخدها في درساتك لـ اللغه و مع الوقت راح تمسك معاك
وانا الحمدلله انقبلت في الجامعه والين دحين مع الاسف يعني ماني قادر ازبطها
بس ماهي مشكله لانه مع الوقت راح تتعود
و نصيحتي لك حاول انك توزن بين الدراسه و بين الترفيه عن النفس لانه لو خليت كل تركيزك في الدراسه راح تقعد بعد فتره معقد نفسيا و الدليل البروفيسور حقي يلبس نظارتين نظر يعني ما ابغاك تصير زيه و برضك لا تشغل نفسك بالخروج و لعب الكوره مثلا لفترات طويله يعني بإختصار.. احسبها صح
و بالنسبه للامور الثانيه ان شاء الله مع الوقت تعرفها و انت خليك محترم و محد راح يتعرضلك ( الا المدمنين :P ) بس ما عليك منهم ما يسوو شي بس يتكلموا
و نصيحه مني لك .. لو انت حتستخدم مواصلات عامه خلي عندك اما آيفون أو بلاك بيري ..... راح يسهلو حياتك مررره يقلك متى يجي الباص و من فين تاخده و متى موعد الوصول ( بالايفون شوف برنامج خرائط او maps ) و البلاك بيري ما اعرف بس صاحبي كان يستخدمه )
وبالنهايه الله يوفق الجميع و يوفقنا
واي استفسار ان شاء الله اقدر اساعدك فيه
رد: طبيعه الحياة في أمريكا !! ومرحله تعلم اللغه .. الكوابيس السوداء !!
النصــائح كثيــرهـ في ذلك::.
لكن عليــك بقــراءة المــواضيع التــي تخبــرك عن طبيعــة الأبتعــاث هنــاك...
بالنسبــه للغــه..فنصيحة الســابقين والآخــرين لا تأتــي الــى بلــد الأبتعــاث صفــراً في اللغــه..لأنــك ستجنيــه لا حقــاً في أول الأبتعــاث بصعوبــة الأستيعــاب والتأقلــم بسرعــه ..لكن أبــدأ بتعلــم اللغــه من الآن بدورة أو بدراسة كوورس...الخ
واستغــل الوقــت قبــل أن يذهــب حتــى تنطلــق هنــاك في اللغــه وتبــدع وتجتــازهـا بســلام::.
مشكلــة أغلبيــة الطــلاب يأتــون الى الدولة وخلفيتهم باللغــه هــي:Yes And No فقط ويظــن نفســه ملك الكثيــر..وعندمــا يأتــي الـى هناا يعــاني في اللغــه لضعف خلفيتــه فيهــا فيمكــث الى ماشاء الله في سبيل استيعابهاا فقط ثم يتدارك بالفهــم...فيتداركــه الوقــت..فيكون مـع سبــاق محمــوم لئــلا تنتهــي مرحلــة اللغــه وهــو لــم يجتــازهــا::.
في أمان الله..
رد: طبيعه الحياة في أمريكا !! ومرحله تعلم اللغه .. الكوابيس السوداء !!
شوف انا مو مبتعثة .. دعواتك تتيسر اموري وابتعث ...
لكني استفدت من موقع ..
هو اجنبي لكن طريقته واسلوبه في التعليم روعة ..
بصراحة كنت مسجلة في معهد في السعودية وسحبت عليهم لاني لقيت الموقع افضل بكثير من تعليمهم
فكرة الموقع البداية من الصفر للنهاية ...
ما اعرف مستواك في الانجليزي لكن اظنك راح تفهم له ...
هذا الموقع :
http://www.usalearns.org
بالنسبة لتأقلم مع الشعب حسب ماسمعت مره انت غريب بكرة تكون من اهل الدار ... بس عط نفسك وقت ..
ولا تنساني بدعوة ..
رد: طبيعه الحياة في أمريكا !! ومرحله تعلم اللغه .. الكوابيس السوداء !!
اقتباس:
المشاركة الأصلية كتبت بواسطة همتي سحاب
مرحبا اخوي بقولك على نصيحه اللي يخاف من المغامره عمره ما راح يحس بطعم النجاح او حتى الفشل مجرد انك تفشل بعد الجازفه افضل واخير من انك ما تجرب المغامره ابد وانت قاعد تسوي لنفسك جسر نفسي من الخوف كل اللي راحو واللي بيروحون ما يعرفون شي وانا اولهم غيرك جازف بوظيفه وتركها علشان هذي الفرصه وانا كنت بفتره مثلك اي خطوه اخذلها الف حساب وما تتخيل كيف اتوتر واسأل وابحث عن الاستفسارات لحد ما نصحتني وحده من صديقاتي وقالت (الشي اللي ما يؤدي الى موتك خوضيه ) ومن بعدها خلاص تغيرت يعني بالنهايه اسوء الامور الي بتحصلك هناك ايش اسوء الامور هي انك بتستفيد لغه وبترجع لاسمح الله وبتكمل حياتك ...... اعقلها وتوكل
كلاامك راااائع ،،
والمفروض نطبق هالكلام في جميع الأمور حتى مو بس الدراسه
رد: طبيعه الحياة في أمريكا !! ومرحله تعلم اللغه .. الكوابيس السوداء !!
اقتباس:
المشاركة الأصلية كتبت بواسطة someone in somewhere
والله اني شايل هم مرحله تعلم اللغه الانجليزي يلخبط متى احط of بين الكلام ؟؟ ومتى استخدم do او did في كلمات ما افهمها ..واترجمها واعرف معناتها
السلام عليكم ..
تستخدم OF في الجمله للملكيه وكذالك s' يعني بتقول [ صديق احمد ] تقدر تقول Friend of ahmed او Ahmed's Friend
وتستخدم Do للسؤال يعني مثآل .. do you like this ? يعني هل ترغب هذا او تحب هذا
وتستخدم Did للسؤال ايضاً لكن في صيغة الماضي مثال .. Did you make a food ? يعني هل اعددت الطعام ؟
اسف لان فيه ناس افهم مني باللغه لكن حبيت اساعدك وان شاء الله توصل لك المعلومه ..
رد: طبيعه الحياة في أمريكا !! ومرحله تعلم اللغه .. الكوابيس السوداء !!
سوري بس عندي سؤال متى انت رايح هيناك
رد: طبيعه الحياة في أمريكا !! ومرحله تعلم اللغه .. الكوابيس السوداء !!
اقتباس:
المشاركة الأصلية كتبت بواسطة بنت بابا حمودي
ياااااااااه هذا الموقه يجنن وصلت فيه لمستويات عاليه روعه بمعنى الكلمه
وعندي لك هذا احسه حيكون حلو لك وخفيف
Word Power Topicals: Bicycle, English Lessons for Beginners | Hello Channel
واذا تبي زود ترى عندي قائمه كلها روعه
رد: طبيعه الحياة في أمريكا !! ومرحله تعلم اللغه .. الكوابيس السوداء !!
اقتباس:
المشاركة الأصلية كتبت بواسطة prestige10
النصــائح كثيــرهـ في ذلك::.
لكن عليــك بقــراءة المــواضيع التــي تخبــرك عن طبيعــة الأبتعــاث هنــاك...
بالنسبــه للغــه..فنصيحة الســابقين والآخــرين لا تأتــي الــى بلــد الأبتعــاث صفــراً في اللغــه..لأنــك ستجنيــه لا حقــاً في أول الأبتعــاث بصعوبــة الأستيعــاب والتأقلــم بسرعــه ..لكن أبــدأ بتعلــم اللغــه من الآن بدورة أو بدراسة كوورس...الخ
واستغــل الوقــت قبــل أن يذهــب حتــى تنطلــق هنــاك في اللغــه وتبــدع وتجتــازهـا بســلام::.
مشكلــة أغلبيــة الطــلاب يأتــون الى الدولة وخلفيتهم باللغــه هــي:Yes And No فقط ويظــن نفســه ملك الكثيــر..وعندمــا يأتــي الـى هناا يعــاني في اللغــه لضعف خلفيتــه فيهــا فيمكــث الى ماشاء الله في سبيل استيعابهاا فقط ثم يتدارك بالفهــم...فيتداركــه الوقــت..فيكون مـع سبــاق محمــوم لئــلا تنتهــي مرحلــة اللغــه وهــو لــم يجتــازهــا::.
في أمان الله..
كلامك ووجهة نظرك صحيحه 100% . وانا خير مثال
جيت وانا ما أعرف اي شئ نهائيا وواجهة صعوبه بالغه جدا يعني حل الواجب اللي هو از وأر اجلس عليه 4 ساعات انهكني التعب وأضناني الهم والغم . تعبت جدا بشكل ماتتصور
التيتشر يقول لي لو سمحت افتح الكتاب على صفحة عشره وانا مطير عيوني عليه هههههههه ما أدري وش يقول . مواقف وطرائف تعرضت لها . حتى ان بعض السعوديين الله يهديهم
يضحكون واحيانا يتشمتون لكن انا ماعلي منهم . احاول يائسا مرارا وتكرارا . لاني ماجيت وتركت اهلي وناسي الأ عشان اتعلم .
ولي الان اربعة اشهر ولله الحمد استطيع ان اتكلم بشكل بسيط وافهم ايضا . واعرف تماما ان امامي مشوار طويل مليئ بالصعاب والحواجز . لكن سأتغلب عليه بالطموح والمثابره والعزيمه
وبالتسلح بالدعاء والصلاة .
بالبيت التلفزيون يشتغل وبالسياره الراديو على مدار الوقت . اخذ كتاب واحاول فهمه اترجم الكلمات التي لا أعرفها واضعها في نوته واحفضها وأقرأ مرات ومرات حتى افهم
اذهب للسوبر ماركت وأحاول عبثا التكلم مع الموضفين لالشئ وانما لا اتكلم معه واقيس مدى فهمي وايضا اتكلم مع جاري قليلا عن الجو وعن العمل وهكذا .
وانا مازلت في طور البدايه .
رد: طبيعه الحياة في أمريكا !! ومرحله تعلم اللغه .. الكوابيس السوداء !!
وررررربي اني امرر بكل مخااااوفك
انا صفرررررررررررررر بلانجلش
وطرعمت اليوم للمعهد اول يوم لي
من الصباااح لحد الساع ثلاث العصر وهمممممم ررررررطن ررررررطن وانا مادري ايش الطبببخه احتريهم بس يقولون باي مستواا. جلسونا بقاعه ومدرس داخل ومدرس طالع وانا ماعندي الامبلهمه ببس
ومحاضرات وسوالف وميتن ضحك مع سوالفهم وانا دمعتي ع البباب
بس امشي واجلس معهم وانا كاني جدااار
وعطوونا اختبار وانا ماعرف الاختبار زي التوفل ثلاث مراحل
وانا بس ماسكه الوررقه وضلللت خيار يعني ولا اجابه كل الورقه 77 فقرره كلهن خيار واحد
الله يفرجها ياااارب
رد: طبيعه الحياة في أمريكا !! ومرحله تعلم اللغه .. الكوابيس السوداء !!
اخوي بما ن مستواك مبتدأ، خلك من حروف الجر حالياً و الاشياء الثانية، مخاوفك بتخلي تعلمك ابطأ، حط في بالك ان مافي شي صعب عليك، بما ان في ناس قدروا يتعلمون اللغة انت تقدر بعد، و لا تحط لنفسك حدود و تقول فلان تعلم اللغة في سنة او سنة ونص انا رح اكون مثله. ابدأ الآن مثل ما قال احد من الاخوان سجل في دورة لغة و خل تركيزك على الكلمات لانها هي مفاتيح اللغة.
الوصفة السحرية لتعلم اللغة لا توقف تعلمها ليوم واحد، كل يوم استمع لمحادثة، اقرأ شي، مارسة الكتابة يومياً.
بالتوفيق
رد: طبيعه الحياة في أمريكا !! ومرحله تعلم اللغه .. الكوابيس السوداء !!
أتمني مزيد من المشاركة ؛)