لازم يكون معاكي عذر مكتوب مثل تقرير المستشفى...الخ
عرض للطباعة
لازم يكون معاكي عذر مكتوب مثل تقرير المستشفى...الخ
انا سالت لك جارتي هي امريكيه مسلمه
تقول صح بعض المدرسين في المدارس يفرقوا في المعامله اذا كان الطفل مسلم
تقول اول شئ كلمي مديره المدرسه
واذا ماسوت شئ اتصلي على 311
واشتكيها ..
الله يعينك .. طمنينا ..
كل عمري يرفع فيني بالمدرسه واقول لبوي وابوي يقول تستاهل ويقوم يزود علي بالعقال لين اعض الارض
المهم انا بقولك اذا كنتي واثقه بكلام طفلك روحي لمديره المدرسسه لاكن تكدي من كلام طفلك _ الله يوفقك
أختي الكريمة انتي اعطيتي الموضوع أكبر من حجمة .
طبعاً من واقع تجربة يحصل هذا مع كل الطلاب وخاصة ابناءنا عندما يأتون لأمريكا وهم بالطبع لا يعرفون اللغة الانجليزية وهذا يعتبر حاجز كبير جداً لهم وراح يكون لة التأثير النفسي السلبي على طفلك لو ما أحتويتية وتواصلتي شخصياً أو والدة مع المدرسة لمعرفة الأسلوب المتبع لديهم مع الأطفال أمثال طفلك.
على العموم المفروض ان المدرسة يكون فيها مدرسة عربية أو تعرف تتكلم عربي والمفروض ايضاً ان يدرس طفلك لديها كل يوم على الأقل ساعة .
أنتبهي تأخذي الموضوع بوجهة نظرك من ناحية العنصرية وخلافة لأن الموضوع ليس بالشيء السهل في أمريكا وفي القانون الأمريكي ، صحيح فية مدرسين لديهم الشيء هذا ولكن لايمكن ولا بأي شكل من الأشكال يظهرونة ، تأكدي قبل كل شيء قبل تقرري .
ثقي أن الأطفال يختلقون الأعذار ويألفون القصص حتى مايذهبوا للمدرسة والسبب تلاقينة شيء بسيط جداً وأنا اتوقع ان السبب بيكون شيء من اثنيين الأول ان طفلك حس بانة معزول عن الأطفال والسبب اللغة ، أو ان طفلك صار لة مشكلة مع أحد الأطفال .
اتمنى تزوري مديرة المدرسة وتجلسي معاها ولا تتطرقي للموضوع وخلي كلامك معاها بشكل عام عنكم وأنكم جايين لأمريكا طلاب تدرسون وأنكم سوف ترجعون فور حصولكم على الشهادة ان شاء الله ، وبعد ذلك حاولي الأجتماع مع معلمة طفلك للتعرف عليها عن كثب والتحدث معاها وخذي واعطي معاها عن وضع طفلك من ناحية اللغة وصعوبة تكيفة مع الاطفال في هذة المرحلة وحاولي يكون بينك وبينها تعاون بالايميل او بالاتصال .
على فكرة واقولها لك من واقع تجربة المعليمن هنا متعاونيين جداً .
ريحي بالك ولا تأخذك الأفكار في تيارات متناقضة ، حاولي ان يتعرف طفلك على أطفال معاكم بالسكن ليختلط معهم ويتعلم اللغة منهم بسرعة .
وبالتوفيق
الله يصلحك ويصلح الجميع ,, بالله من جدك يعني هالطفل يعرف يستقصد أحد من باب للطاقه ,, كيف تتأكد من ولدها , الولد صغير ما قال هالشيء إلا إنه حصل لهاقتباس:
المشاركة الأصلية كتبت بواسطة my ambition
الله يوفقنا وياك ويصلحنا جميع
من ناحيتك أختي , فروحي تكلمي مع المديره زي ما قالوا الأخوان والأخوات هنا , طالما إن الطفل عندهم تعرض لشيء فهنا كااارثه وراح تتحاسب صدقيني
والله يعينك على مديرة المعهد
مووفقه إن شاء الله وطمنينا إيش يصير معاك من ناحية ابنك ...,
انا لو شاكه واحد بالميه ان ولدي يختلق الامر مافكرت حتى افتح موضوع
لاني اعتدت منه التماس الاعذار لمن حوله
الان بدا يقول بالحرف الواحد استاذتي تكرهني ؟ هذي الكلمه تذبح يحس بالذنب؟؟؟؟؟؟اتجاه شي ماله شغل فيه؟؟؟؟
لما تحس ان في احد مايتقبلك تقول اكيد انا فيني شي فكيف بطفل؟؟؟؟
ولكن ليس مع المدرسه الاخرى حيث انه قال تلك المدرسه تمسك يدي بخفه ووتبتسم في وجهي بعكس تلك المدرسه التي حين ابتسم لها تنظر الي بغضب؟
والله يجزاكم خير اخواني
انا افضل الذهاب اليهم شخصيا ليكون للموضع اكثر جديه وساتحين الفرصه باذن الله فالظروف التي تصيبني بالعجز لمساعدة ابني تشعرني بالذنب
وطبعا الموضوع تكرر حتى اليوم
اسئل الله ان ييسر امورك ويعينيك ..
بالنسبة لوجهة نظري بالموضوع حاولي انك تروحين بأقرب فرصة الى المدرسة وقابلي المدرسة شخصيا .. لاتفتحين معها اي موضوع بخصوص المشكلة ولا اي شي مجرد انك تروحين وخليك مبتسمه وسولفي معها على اساس
تسوين جس نبض للموضوع هل فعلا هذي المدرسة شرانية او وراها بلا او لا اسئلي عن ابنك وعن درجاته على اساس انك مثل اي ام مهتمه بأبنها.. واثناء حديثك اضيفي ملاحظه بسيطه ان الولد تغير نوعا ما واحس انه ماعنده تقبل للمدرسه هل هذا الشي طبيعي ؟ >>> هذا نوع من الإستغباء وهذا دائما يخلق فيها شوية ربكة وعادي خلي الموضوع بسيط وكل شي تمام واذا اي شي حصل كلموني وهذا رقمي ..
بعدها بفترة اذا استمر نفس الشي توجهي للمديرة مباشره واشرحي لها كل الموضوع وانك راح ترفعين دعوة قضائية على هذي المدرسة في حال استمر التعامل مع ولدك بهذه الطريقة .. وهنا فيه نقطه مهمه جدا وهي انو خليك واثقه جدا وقولي لها راح اعين افضل المحامين بأمريكا ( حاولي تتطرقين لموضوع السعودية ) هنا في هذي الحالة راح المديره تضطر انها تسوي معاك deal لأنه آخر شي تبغاه انو تقع في مشكلة قضائية .. بأسهل الأحوال انها راح تفصل المدرسة لأنو كما تعرفين التوظيف سهل جدا هنا والفصل اسهل ..
بالتوفيق ان شاء الله : )