قبول طلب ايقاف صرف؟؟انا مارفعت عشان يقبلونه؟؟؟ياجماعه فهموني متلخبطه

احد يفهمني وش صاير؟

ماني فاهمه
فتحت المسن ولقيت عندي رساله قبول طلب
اي طلب؟؟
انا مارفعت طلبات
قبول طلب ايقاف صرف
ماني فاهمه وش صاير وش المطلوب ومن رفع اشياء كثيره ماني عارفه افكر
والملاحظات هذي:

FINISHED 18 MONTHS OF ESL PROG.

Future hold

شكلك انهيتي سنة و نصف في مرحلة اللغه

انا توني جيت؟؟؟؟؟
لي شهرين بس
ومن بديت الدراسه شهر ونص

الحين طبيعي ان يرفع طلب باسمي ؟؟؟؟
ومن المخول له بالرفع بدالي؟؟؟
وليش؟؟؟

ابي افهم وش السااااااااااااااااااااالفه

الله يعينك يا اختي ويوفقك .. اصبري فانتي على اجر ومن له حق ماضاع
الواضح من الكلام انه مكتوب انك انهيتي سنه ونصف لغه..فأكيد انه خلل فني
كلمي المشرف تلفون وايميل وكلمي حقين القسم المالي ولاتسكتين عن حقك

اكيد انه غلط منهم

كلميييييييييهم او روحي لهم شوفي وش السالفه

طيب جاوبوني الله يحفظكم
احد يقدر يرفع طلب بدل الطالب ولا لا؟
واذا فيه وش هي الاسباب اذا كان الطالب ماشي زي الساااعه

الملاحظة تقول انتهت 18 شهر لبرنامج اللغة..وش يصير بعدها مدري..

لكن وفقاً إلى أنك تقولين مالك غير شهرين، راجعيهم خطأ ويتعدل لو كنتي توك جايه..

بخصوص رفع الطلبات قبل كم يوم لقيت طلب مرفوع تسديد رسوم، أنا مارفعته بس يظهر لي انه تسديد رسوم للمعهد أو شيء من هالقبيل، أنا رفعت قبله طلب تذكرة على المدينة الجديدة..

فقلت يمكن طلب مساعد بواسطة المشرف، يعني يسدد رسوم المعهد لحد آخر يوم لي في المعهد، يعني اجراء احترازي عشان ما يآخذون فلوس زيادة..

المشكلة البوابة ليست بالكفاءة المطلوبة رغم أنها تسهل كثير من الأمور..

يعني بالله ادخلوا على تسديد رسوم الاختبارات وشوفوا أسماء الأماكن، تلقون هالكلمات من ضمن الخيارات

" تجريبي" "تجريبي ههههههههههي"

يعني بالله عليكم هذا واحد جالس يشتغل على النظام وبهالإستهبال..؟

وأيضاً لاحظت ان النسخة الإنجليزية بها خيارات أكثر من العربية!!

ليتهم عطوا التنظيم من البداية لأمريكان يعرفون يشتغلون..

يبيلكم صبر على ربعنا ياجماعة توهم يتعلمون :P من وظفهم بس!!

ايه المشرف يقدر يرفع طلب نيابة عن الطالب.. كلمي مشرفك واخذي العلم الأكيد..

الله يسهل عليك ويسر أمورك :(

الله يجزاكم خير يا اخواني

اتوقع خلل فني

روقي المنقى

وكلمي مشرفك ايميل وجوال وكل شي

اذا مره ما مشى معاك

ادخلي علي العيسى

اقتباس:

---

المشاركة الأصلية كتبت بواسطة الاكتفاء بالمزيد

طيب جاوبوني الله يحفظكم
احد يقدر يرفع طلب بدل الطالب ولا لا؟
واذا فيه وش هي الاسباب اذا كان الطالب ماشي زي الساااعه

---

اعتقد المشرف يحق له يرفع طلب للطالب..مثل انا مشرفتي رفعت طلب صرف فروقات لي بدون ما اطلب
فيمكن مشرفك الدراسي رفع الطلب بالغلط او يمكن خلل تقني
لكن حقك ما راح يضيع وهونيها وتهون

الظاهر ان المشرف هو اللي رافع الطلب ...يعني بعد 18 شهر في اللغه يوضع عليك هولد ... يعني تلقائيا يصير عليك هولد بعد 18 شهر اذا كنت لازلت في اللغه..

ان شاء الله ما يجي ذاك الوقت الا وانتي مخلصه اول ترم في الجامعه .............. بالتوفيق

انا ارسلت استفسار للمشرفه وان شاء الله يكون مثل ماتفضل الاخ المحيط الهادي
بس هم يتكلمون عن شي صار finishad
اليوم شفتها عورقة التاست وحليتها وانا متطمنه
القدر يداعبني

والله وأنا أخوك البوابه الالكترونيه مشاكلها وااااجده
أنا مالي أسبوع فتحت ملف , وطلبت انضمام وكل أموري تمام , واليوم أدخل على حسابي ما فيه أمل , أرسلت للدعم الفني يقول دخلت على حسابك وما فيه أي مشكله
قلت يلا ممكن المشكله من اللاب بكره أفتح حسابي في الملحقيه من المعهد وإن شاء الله يطلع الخطأ من اللاب مو منهم عشان لا نكون أحد الضحايا الجدد

وربي يعينك على هالهولد اللي ما أدري إيش يحسون فيه , وإن شاء الله ما تتعسر أمورك بسببه ويرفعونه عنك قبل المكافأه

بالتوفيق ...,

روقي ولاتخافي بما انه غلط فراح تاخذي حقك ان شاءالله والمشرفه سوتلي قبل كذا طلب ايقاف صرف بس خبرتني قبلها وفيه سبب للايقاف
لكن ان شاءالله تنحل انتي ارسلي لها ايميلات لان مشرفتي ترد على الايميلات اسرع من الاستفسار وجربي الثنتين وان شاءالله راح تشيله عنك
بالتوفيق واذا حصل جديد خبرينا(^_^)ولاتنسي الدعاء قلبي الله يوفقك...

هههههههه نفس الشي صار معي الشهر الماضي ونفس الرساله اني خلص سنه وستة شهور بالرغم ما صار لي 4 شهور في امريكا

المهم سويت طلب استفسار وبعدها بكم يوم نزلي الراتب عادي

اتوقع لخبطة في النظام >>>>ما جات على النظام الملحقيه كلها ملخبطه

الشكوى لله

تمت الجابه من المشرفه:

ارجو ترجمة الملاحظة كي تعرفي معنى ايقاف الصرف ليه
o_O :headbonk:x_O
عموما
دمتم بود

FINISHED 18 MONTHS OF ESL PROG.

Future hold

الله يصلحكم ..
كلكم ترجمتوا ان الهولد بسبب انهاء فترة اللغة ومقريتوا تحت انه في المستقبل ^_^
هذا طبيعي اختي كلنا عندنا هالمعلومة سواء طالبة معهد او جامعه سيتم وضع هولد بتاريخ انتهاء برنامج ..

وفقك الله ..

هلا اختي انا صارتلي نفس الحركة اول ماصلت
بسبب اني ما ارسلتلهم ورقت تسجيل المعهد
لازم ترسليلهم ورقة التسجيل الي تاخذينها من المعهد
لازم تسوين طلب ضمان مالي وترفقين الورقة الي من المعهد مع الطلب بأذن الله يومين ويروح

تحياتي

اقتباس:

---

المشاركة الأصلية كتبت بواسطة naharr

هلا اختي انا صارتلي نفس الحركة اول ماصلت
بسبب اني ما ارسلتلهم ورقت تسجيل المعهد
لازم ترسليلهم ورقة التسجيل الي تاخذينها من المعهد
لازم تسوين طلب ضمان مالي وترفقين الورقة الي من المعهد مع الطلب بأذن الله يومين ويروح

تحياتي

---

اخوي هذي مالها دخل بتسجيل والا شي ..

هذا شي كلنا نعرفه انه بعد سنه ونص بتنتهي فترة اللغة عندك ويعطونك هولد ..
بعض المشرفين ينبهك من البداية كتذكير لا اكر والبعض ماينبهك باعتبار انك عارف هالشي ..

وفقك الله .

اخوي ابن ابيه يعطيك العافيه
عندي سؤال الله يسلمك
يعني انا الحين مايحتاج امدد بعد السنه؟

اختي تعوذي من ابليس الامور ابسط مما تتصورين
هذي ايميل عادي جدا وجودة زي عدمه
يقولك future hold
يعني ايقاف في المستقبل مو الحين
وبحكم انه 18 شهر يعني يقولك بعد 18 شهر بيجيك ايقاف
والمقصد من السالفة كلها انك في السستم احد دخل بداية دراستك ومتى اخر حد عشان تخلصين
جاني انا وجاء لاصحابي وولا واحد فينا انقطع عليه راتب ولا اي شي ابد .. خلصت اللغة وطلعت واالحمدالله مافي الا الخير

اقتباس:

---

المشاركة الأصلية كتبت بواسطة الاكتفاء بالمزيد

اخوي ابن ابيه يعطيك العافيه
عندي سؤال الله يسلمك
يعني انا الحين مايحتاج امدد بعد السنه؟

---

هلا اختي ..
حسب الضمان المالي اللي معك انا ضماني للمعهد كان سنة ومددت لان المعهد طلبني ضمان مالي بعد انتهت السنة . وتمت الموافقة من الملحقية وجاني ضمان لمدة ستة اشهر ..

اما اذا كان قصدك بس المكافاة فالمكافاة ماتوقف الا إذا عليك هولد وانتي مكتوب لك الهولد بعد سنة ونص ..

بس للافضل انه بعد 11 شهر اذا ربي عطانا عمر وعطاك عمر ترسلين للمشرفة للتاكيد لا اكثر ..

موفقة اختي ..

وانا صارت لي نفس المشكله
اليوم ارسلوا لي الملحقيه رساله تفيد بايقاف الصرف مع العلم انه لي في امريكا 4 شهور

^^ الله يهديك وانتي جاية على طول كذا متحسمه
اقري الردود اللي في الصفحة هذي وتطمني مافي لا ايقاف ولا شي

يعطيك العافيه اختي لا تخافين تم تجديد ضمانك يقولك سوف يعطونك هولد بعد هذه المده انا نفس الوضع

السلام عليكم ورحمته الله وبركاته

الذي قام به المشرف اجراء صحيح لانه يجب عمل لذلك فهو اجراء روتني حيث اذا قاربت المده للمحدده للغة على الانتها يقوم النظام تنبيه لكي وللمشرف حتي يقوم بمخاطبتك ويستفسر عن وضعك الاكاديمي لا تقلقي فهو اجراء طبيعي
المهم شدي حيلك بالدراسه وبالتوفيق

لا تحرمونا بالدعاء لمريضنا بالشفاء ومرضي المسلمين

انا صارت معاي من اسبوعين وانا لسى مالي ثلاث شهور

طار قلبي ماقدرت انام رحت الملحقية ثاني يوم على طول

قالي المشرف عشان السستم تلقائي يوقف الصرف عنك لا اكثر ولا اقل


وماكنت مصدق او بالاحرى ما اقتنعت

بس الحمدالله نزل لي الراتب هالشهر واقتنعت

على العموم لا تخافين والامور سهالة

الله يجزاكم خير ويسهل اموركم
ترا الموضوع قديم
شكر الله سعيكم وشافى مرضاكم

انا قريب من الملحقيه ويمقن اروح لهم الاثنين
اذا احد يبي شي يعطيني بننننننننننننننننننننننننننننننق

اقتباس:

---

المشاركة الأصلية كتبت بواسطة الاكتفاء بالمزيد

الله يجزاكم خير ويسهل اموركم
ترا الموضوع قديم
شكر الله سعيكم وشافى مرضاكم

---

ادري ان الموضوع قديم بس علشان ما ينفتح موضوع جديد بنفس المضمون وبالتالي يحصل تكرار المواضيع
شكرا علي الدعاء الصالح

الله يكون في عونك الملحقيه اسهل شي عندها تسويه ايقاف الصرف في 5 دقايق فقط يجي القبول .. لكن لو طلبتي امر ثاني ياخد 3ايام الي اسبوع هذا لو ما طول الموضوع ...

ارسلي طلب الي الادفايزر تبعك .. ارفعي طلب للماليه .. ارفعي طلب صرف فروقات ... ارسلي اميلات لهم العني خيرهم