UNIVERSITY OF WASHINGTON SEATTLE

ماعرف عنها شي
بس حبيت ارفع موضوعك
وانشاءالله الاخوان ما يقصرون معاك

والله يوفقك يارب

up - همتكم يا اخوان

وعليكم السلآم .,

السؤال الاول والثاني ما عندي علم صرآحةً .,

اسسعـآر السكن : انا ما اعرف اسعار اورلاندو , بس بعطيك عدة امثله بالاسعار .. استديو بحمامه الخاص ( 600 ) كمتوسط .. الشقه بغرفه ( 950 ) كمتوسط .. بغرفتين ( 1200 ) كمتوسط
الاكل : يعتبر نوعـاً مـآ غالـي , ولكن اذا كنت تطبخ في البيت راح توفر كثيـر .,

وحاول تبحث بالملتقى عن باقي المعلومات لأن الملتقى ملـيـآن بالمعلومات التفصيليه عن كل شي في سسياتل ولكن بالصفحات القديمه شوي .,

يعطيك العافيه اخوي

هل معهد يوداب موقف من قبل الملحقيه ؟
ولا وش النظام فيه ناس يقولون موقف وفيه ناس تقول لا
وهل هو معترف فيه من قبل الوازره ؟

وبالتوفيق ان شاء الله اخوي

يعطيك الف عافيه والله يسعدك يارب
عندي بس استفسار بسيط هل تكفي 90 الف في سياتل الى حين الانظمام للبعثه ؟

يعافيك ربي اخوي
اخوي بالنسبه لهذه النقطه .. لا أحد يستطيع تحديدها بشكل قطعي ونهائي لأنها تعتمد على متى تنضم الى البعثه
بعض الناس تنضم بعد شهر شهرين .. وبعض الناس بعد فترات اطول / يعني توافيق من الله

لكن اذا جيت تحسبها حساب منطقي وبحسبة أوليه فاليك التالي :

معهد واشنطن للفصل الدراسي الواحد ( شهرين ونصف ) .. يكلف تقريباً على ما أذكر 15 الف ريال سعودي
السكن تقريباً للشخص الواحد ممكن تلقاه بـ 600 دولار شهرياً يعني تساوي 2250 ريال سعودي
المصاريف الشخصيه المنطقيه بمتوسط 800 دولار يعني تساوي 3000 ريال سعودي

هذي أهم المصاريف الشهريه .. ومن هذه الأرقام احسب كم تغطي معك من شهر [ التسعين ألف ] ومصاريف المعهد للفصول القادمه وكم يستغرق انضمامك للبعثه وراح تعرف اذا تكفيك أو لا ؟
ومن وجهة نظري الشخصيه .. إذا كان صرفك معتدل ومثل ما هو مذكور بالاعلى .. راح تكفيك التسعين ألف لقرابة الـ 7-9 شهور ان شاء الله

فقط حاول تسعى الى الإنضمام بسرعه وخلال هذه الفترة [ 7-9 شهور ] كاقصى حد
والله يوفقك اخوي

لو نقول يعني تكفي لـ7 شهور تقريبا كأقصى حد نقول
واغلب الطلاب المبتعثين بمآ يقارب نسبة 70 بالميه انضمو في خلال 3 الى 4 شهور
ادري اني اشغلتك بس تحملني شوي وان شاء الله تكون بميزان حسناتك

ياليت اذا كان عندك خلفيه عن معاهد سياتل يعني تعطيني معهدين الى 3 معاهد كويسين
والي قريته من المنتدى انهم يقولون اول المستويات تكون في الداون تاون بعدين ينقلونك عل حسب رغبتك لليوداب ؟
وهل اليوداب يؤهلك للتوفل ام لا ؟

ان شاء الله اخوي اذا شديت حيلك , و راسلت جامعات للقبول الجامعي ان شاء الله وباذن الله امورك تمشي تمام بتوفيق الله سبحانه وتعالى قبل السبع شهور حتى ,,

وبالنسبه للمعاهد بسياتل ماعندي معلومات اكيده عنها سوا معهد اليوداب , وفيه اسمع معهدين ويجونهم سعوديين لكن ماعندي معلومات كافيه عنهم والله , وهم معهد جامعة سياتل ومعهد الباسفيك على ما اظن .. اقرا عنهم اخوي [ لكن اذا بغيت نصيحتي ] حاول انك تجيب قبول من اليوداب .. وهو على ما قلت .. للي ماعندهم انجليزي مره يبدون من الداون تاون .. وبعدين ينقلون للكامبس وفيه خمس مستويات , كل مستوى فصل دراسي .. ومعهد اليوداب اذا وصلت المستويات العليا فيه بتكون باذن الله قادر على اجتياز التوفل , وفيه ايضاً كورسات تعينك على ذلك من المعهد ..

والله يوفقك اخوي ,,