اقتراح ... اتمنى ان يطبق ( بخصوص المكافات )
بسم الله
اغلب الطلاب هنا في امريكا يعانون من قلة المكافاة ..... ربما تكون لا تكفي ابدا او تكون ( قد بقد )
الطلاب الذين لا يعانون ... هم الطلاب الذين يدرسون في ولايات رخصية ولا يملكون مركبة ومنهم من يشارك السكن مع اخرين ..
لذلك اقتراحي هو ان الطالب الذي يملك سيارة يجب زيادة مكافاته بمقدار معين .. والطالب الذي يسكن لوحده ايضا يجب زيادته ... والطالب الذي يملك عقد اجار بأكثر من 1000 دولار يجب زيادته ..
كل هذا يتم بالتنسيق مع المشرف ..... مثلا الطالب الي عنده سيارة ياخذ مكافاة زيادة 200 دولار ( تامين وبنزين ) وهكذا
الغرض من الموضوع ان في طلاب يعيشون باقتصاد مع ذلك المكافاة يا دوب تكفي حق الاشياء الاساسية .... ولو حصل طارئ راح يضيع الطالب
لا نريد ان نعيش برفاهية مثل بعض اخواننا الخليجيين لكن نريد المعقول
( كتبت الموضوع بعجالة وبالفصحى بعد ) تقبلوامني ..
رد: اقتراح ... اتمنى ان يطبق ( بخصوص المكافات )
طيب سؤال
واحد ما يقدر يجيب سياره وش ذنبه
علما ان السياره توفرلك
اذكر اول نص مكافئتي على التكاسي
فانك تقول اللي معه سياره شي واللي مامعه ظلم
مسالة الشقه تقولي اللي شقته غاليه يعطونه تعويض ع حسب سعر الشقه
اوك اول ما يطبقون هالنظام عطني خبر بروح ادور شقه جديده قيمتها 5000
والا اقول بروح نيويورك واسكن بالتايمز سكوير بشقه قيمتها 20 الف
اللي يقول ع حسب المدينه
لو ع حسب المدينه كلنا يالسعوديين شفتنا فنيويورك
حط في بالك اللي فمدينه غاليه مستفيد انه فمدينه فيها كل الخدمات
واللي فمدينه صغيره ما عنده خدمات لان فيه ناس تظطر تسافر عشان تتقضى
فيا زياده للجميع او نفس المكافئه للجميع هذا العدل
مع اني فمدينه غاليه واكثر واحد ما تكفيه مكافئته
انا فمدينه المتوسط لاسعار الشقق 1500
سعر الدخان 11 دولار
البنزين 4 وشوي
واقدر اروح مدينه صغيره احسنلي ونهاية كل شهر يبقالي 500 اسافربها
فيعني المساواه احسن شي
رد: اقتراح ... اتمنى ان يطبق ( بخصوص المكافات )
أنا لست ضد الزيادة , ولكن التفرقة صعبة
كلنا عارفين معنى 60,000 سعودي في امريكا (مبتعثين ومرافقيهم) فصعب جداً
رد: اقتراح ... اتمنى ان يطبق ( بخصوص المكافات )
( اخ محتار ) اتمنى ان تنتهي حيرتك في اقرب وقت ممكن :)
بخصوص زيادة المكافات بالنسبة للسكن ... الزيادة تكون بمقدار معين ( مثلا الى 300 دولار )
اما بخصوص السيارة .. تحتاج بنزين وصيانة وتامين وو
ومو بس السيارة ... ترى في اشياء كثيرة ممكن تصير
اما بخصوص اقتراحك .. صحيح زيادة المكافات لكل الطلاب راح تكون افضل حل ..
والظاهر ان ولا شي راح يتغير
رد: اقتراح ... اتمنى ان يطبق ( بخصوص المكافات )
المكافاه احسها جدا كافيه
سوا للعزوبي او للمتزوج
ياخي عزوبي دور لك ولد حلال واسكن معاه الاجاويد واجد ولا خذ لك غرفه مع روميت اجنبي وخلصنا
اما مسالت اللي شقته ب 1000 يزود كان اخذ بيت واعيش ملك يا شيخ
ولا اسوي عقد بشقه لحالي واجيب الشباب عندي وقطه
لا لا شف يا يزوددونها للكل او خلها زي ماهي
رد: اقتراح ... اتمنى ان يطبق ( بخصوص المكافات )
اهلا عزيزي ...
بالنسبة لكلامك ان المكافاة كافية ... انا وضحت انها تكفي منو .. ومنو ما تكفي ..
وهذا غير الاحتياجات التي تجيك فجأة .. ساعات تصير في وضع محرج ..... مثلا اثاث او كتب او تصليح ترفيه او او او ....
الزبدة .. ان المكافاة الحمد لله حليوة ..... لكن احنا ما نبيها ( قد بقد )
والحمد لله على كل حال ..
رد: اقتراح ... اتمنى ان يطبق ( بخصوص المكافات )
الحين هم ماسمعو كلام الملك وكسرو كلمته وقالو اجتهاد والغو زيادة المرافقين
تبيهم يسمعونا حنا
حنا مايسمعنا الا مخنوق مثلنا
خلونا نتكلم
حلو الاماني تعطي الناس راحه
رد: اقتراح ... اتمنى ان يطبق ( بخصوص المكافات )
انا بعد اشوفها غير كافية
خاصة اني راح اعيش في ولاية غالية نوعا ما
وودي اسكن في سكن مع بنت عشان اوفر بس اتوقع انه شي صعب
انا اقول اللي معه سيارة يتفق مع اصحابه اللي من نفس الجامعه وماعندهم سياره
وينقلهم للجامعه يوميا ب 50 دولار في الشهر للشخص الواحد ويصرفها على بنزين وتامين وتصليح سيارة
واتمنى انهم يزيدوا المكافاه شوي لان فعلا في بعض الولايات المكافأة تعتبر قليله ولاتكفي
رد: اقتراح ... اتمنى ان يطبق ( بخصوص المكافات )
طيب واللي ساكن مع اصحابه بآجار اكثر من 1000 دولار ومعاه سياره وفي ديره رخيصه ؟
سؤال لولبي على قوله بوحه :D
رد: اقتراح ... اتمنى ان يطبق ( بخصوص المكافات )
اقتباس:
المشاركة الأصلية كتبت بواسطة dreamful
أنا لست ضد الزيادة , ولكن التفرقة صعبة
كلنا عارفين معنى 60,000 سعودي في امريكا (مبتعثين ومرافقيهم) فصعب جداً
حتى لو كان عدد المبتعثين ومرافقيهم 60 الف عادي ايش المشكلة في الزيادة ، عادي جدا والدوله غيرها كثير مشاء الله ، ونحن ابنائها مو خساره فينا كل واحد يأخذ 2000 دولار ، لو كل واحد اخذ هذا الملبغ شهريا 120 مليون دولار يعني 450 مليون ريال شهريا ، ومزانية الملحقية السنة الماضيه 10 مليار ريال يعني 10 الاف مليون ريال ، يزودوها 20 مليار وخلاص . وخلي الطلاب يدرسون وهم مرتاحين ، مو شايلين هم المصاريف وينتظرون متى احد يحولهم من السعوديه ، الزيادة مو لناس اغراب لابناء البلد ، وما اعتقد احد يبخل على ولده .