مسافر مرافق مع زوجتي المبتعثه وحااااايس

السلام عليكم ورحمة الله

يا أخوان زوجتي بإذن الله مبتعثه وأنا مرافق معها وأبغى أكمل دراستي معها وكلنا بندرس ماجستير

يا اخوان والله العظيم إني حايس من فتره ماندري وين نروح وش نختار ومانعرف في أمريكا ولا شيء

أبغى منكم خدمة تكفون وش الولاية اللي كويسة من ناحية العوائل والأمان ومن ناحية الاسعار والمصاريف والحياة بصفه عامه

سمعت ان الولايات اللي في الوسط حلوه ..؟؟؟

والله متلخبط عل الاخررررر تكفون تكفون تكفون ساعدونا ولكم الداعاء يا أخوان


معلومة :
زوجتي بتبتعث عن طريق الجامعة لأنها معيده وتخصصها رياض أطفال وتقديرها جيد جداوأنا تخصصي إنجليزي بس تقديري مقبول

انا مثلك زوجتي مبتعثه ولازال البحث مستمر عن ولايه ممتازه للعوائل
وفيها معهد ممتاز وايضا حضانه اطفال

اعتقد ولايه اوهايو وكنتيكي هم الافضل الي الان

السلام عليكم .....


اخواني اول شيء جيبوا لكم قبول جامعات بالتخصص اللي تبون تدرسونه وبعدين اذا جاكم القبول من اكثر من جامعه فكروا وين تروحون

مو تضيعون وقتكم وين الولايه وبعد وقت طويل لمى تروح تقدم يقول لك والله اسفين ماعندنا التخصص هذا او يقولون فلل

..جب لك اكثر من قبول وبعدها اسال عن الولايات اللي معك قبول جامعه منهن واختار بعدها



الله يوفقكم يارب ويسهل اموركم

والله ياخي هو يعتمد على التخصص

انا الان في شمال نيويورك و محد مدح المدينة الي انا فيها
لكن عني شخصيا ارتحت فيها و الحمدلله و كل الامور تمام
اهم شي عندي المنطقة تكون امنة و الخدمات موجودة

السلام عليكم
انا في ولاية كونكتيكت وبدرس في جامعة الولاية نفسها
وساكن في مدينة ويليمانتك وبيني وبين الجامعه
تقريبا ربع ساعه. المدينه الحمد لله كويسه وجدا امنه
والكل مرتاح فيها بس مشكلتها ان الولايه بشكل
عام غاليه شوي بسبب ارتفاع الضرائب
والجو في الشتاء بارد جدا والحين عندنا ثلوج لها كم يوم
والله يعين ويسهل واي استفسار انا جاهز

انا مع سلمان......اذا رتبتو امور قبولكم....فكروا بالمكان ولايضيع وقتكم

وامريكا كلها زينة

بالتوفيييق ان شاء الله
طيب وتخصص علم اللغة الدقيق وش افضل مكان
له؟؟

شوف بعطيك ولآيآت منآسبة للعوآئل وصفآت الولآيآت بنفس الوقت ,

ولآية كلورآدو مدينة دنفر ( المدينه اغلبهآ عوآئل سعوديين لدرجة ان فيهآ آول مطعم سعودي في امريكآ ) لكن المدينة باردة وغالية شوي ,

ولآية تكسآس مدينة هيوستن أو دلآس أو أوستن كلهآ فيهآ عوآئل سعودية كثيرة والولآية اجوآءهآ قريبه من السعودية واسعآرهآ مو رخيصه لكن معقوله .,

وفي ولآيآت كثيررر بس خلك حذر في الاختيار , وبالتوفيق يآرب
ه

يا اخواني

أول شي فكروا بجامعات فيها تخصصكم انتوا الإثنين
واحصروها
مثلاً لقيتوا 3 أو 4 جامعات وكل وحده بولايه

ادرسوا كل وحده على حده وادرسوا ولاية الجامعة والمدينة ومن ناحية الأمان وغلاء الأسعار والمعيشة
وبعدين قارنوا واختاروا الأفضل من بين هالجامعات

انا هذا رايي
وبالتوفيق لكم ياربّ

اولا ادخل موقع وزارة التعليم العالي وشوف الجامعات المعتمدة التخصصين انت وزوجتك في نفس الجامعة

واستقر على اقل شي ٣ جامعات وبعد كدا ابدا بالبحث عن الولايات اللي حصلت فيها الجامعات وقارن وانشاءلله تتيسر

وهاذا موقع وزارة التعليم العالي شوف فيه الجامعات المعتمدة لدي الوزارة :
نظام الجامعا الموصى بها - تنبيهات

بالتوفيق

بيض الله وجيهكم ياأخوان والله انكم ماقصرتوا

طيب يا اخوان بما أنكم قلتوا جيب قبول جامعات ..

ايش هوه المكتب اللي ممكن يساعدني ويدلني لأني ما حسيت أنه هناك مكتب مميز وأنا بصراحه ما عندي خبره بالمراسله

معليش ياشباب محتاج مساعدتكم والله يوفقكم وييسر لكم يارب

حبيبي

اترك المكاتب و النصب و السرق

و قدم انت بنفسك ترى ماهي صعبه ولا يبلها اختراع

شوي بس لغه و تراسلهم و تقدم اوراقك و بس

المكتب راح يماطل فيكم و بيسرقكم عيني عينك

وابحث في المواضيع القديمه تلاقيه الشباب كيف معانين من المكاتب

وبالتوفيق

السلام عليكم الله يوفقكم دوم بس اسمعوها مني قبل المكان والمدينة وكل شي شوفوا نظام المعهد في دراسة اللغة زي مثلا معهدي بولاية تكساس مدينة هيوستن اسمه lcc نظامه سئ جدا جدا تدرس المستوى بس لما تختبر النهائي تختبر في اختبار يشبه اختبار كفايات اللغة في السعودية مالو اي علاقة باللي درسته في المستوى واذا نجحت بدرجة معينة تروح للمستوى اللي بعده واسم الاختبار المتشقن صعب ومعقد بس الله يعيننا خلاص تدبسنا فيه
بس صراحة زميلتي في دنفر والله انصح الكل فيها المدينة هاديه رائعة وآمنة والدراسة عادلة تدرس وتختبر في المنهج اللي درستو وتريح بالك ودراستهم جامدة ومنهجهم رائع لو بيدي حولت بس الله يكتب اللي فيه الخير اسم الجامعة جامعة دنفر ومعهدها اذا خلصت نخمس مستويات يقبلك مباشرة في الجامعة بلا توفل ولا غيره بس عيبها الوحيد القبول نفسه في جامعة دنفر مو سهل بس تأسيس اللغة صح مافيها كلام وربي يكتب لكن الخير

نسيت اقولكم اذا محتاجين قبول في معهدي بهيوستن اللي ملاينة عرب ومسلمين وهذي ميزتها الوحيدة الحريم والله والله يمشون بعبيات راس انا اصلا البس عباية ومغطية وانا في الجامعة وعاااادي بس عموما لو تحتاجون قبول اجيبه لكن بدون اي مقابل غير دعوة صادقة بأني اعدي اختبار المتشقن

والله متلخبط عل الاخررررر تكفون تكفون تكفون ساعدونا ولكم الداعاء يا أخوان

( بس عشان تكفون تكفون تكفون أبشر ولا يهمك بعطيك أول الطريق وانت كمل الباقي ولا تنسانا من خالص دعائك )

هدئ أعصابك وإنشاء الله تحصل اللي تبيه
شوف ياكابتن :

أولآ على حسب علمي إن مبتعثي الإعاده ( المعيدين في الجامعات ) يتم تحديد أو إجبارهم على جامعات معينه فالخارج تحددها لهم الجامعه التي يعملون بها / اذا كانوا أهلك لهم حرية الإختيار في الجامعه الأجنبيه فأنآ أنصحك بولاية كلورادو ويليها ولاية تونا وأخيرآ ولاية أوهايو وهذه الولايات تقريبآ هي نقوة النقوه ويوجد ولايات مقاربه لها في وسط أمريكيآ والجنوب الشرقي من أمريكيا

هنا مربط الخيل : أيضآ إذا كانت لديك لغه إنجليزيه مقبوله فقم أنت شخصيآ بفتح مواقع هذه الجامعات التي في هذه الولايات ومراسلتها جميعآ ( ترسل لهم جميع أوراقكم بعد تحميلها على صيغة PDF وسوف يقومون بالرد عليك عآجلآ لأنه لاتوجد لديهم ثقافة الطنش مثلما هي مستفحله فينآ ونعتز بها للأسف وأحيآنآ نفسرها بحفظ الكرامه) لإحظار القبولات اللازمه من قبول معهد وقبول أكاديمي

أتمنى لك التوفيق من أعماق دهاليز قلبي
وآسف على الإطاله

ملاحظه : الأخت السابقه جزاها الله كل خير أشارت وأشادت بمدينة دنفر وجامعتها وهذه المدينه بولاية كلورادو (وهي غنيه عن التعريف وسبب عدم إقتناع الناس بهذه الولايه هو جهلهم بها وعدم معرفتهم لها)

الله يوفقكم وييسر لكم أموركم والله العظيم إني أعتز وأفتخر وينشرح صدري يوم أقراء ردودكم..

الأخت أسماء الله يوفقك ويبارك فيك لو تقدرين تساعدينا والله ماننسى لك فضلك والله أنا والمدام نفسيتنا سيئة مانعرف روسنا من رجلينا

يعني لو تساعدينا وتجيبين قبول في جامعة دنفر اللي بكولورادو أو أي شيء إنتي تشوفينه كويس لنا كعائلة محافظة

يا اخوان والله رحت كذا مكتب هنا في جده والله ما ارتحت لهم حسيت انهم نصابين والله ما ابغى أمرمط عائلتي ونفسي .

بارك الله فيكم وسدد خطاكم

ابشر اخوي بس انا في جامعة هيوستن ماني في دنفر بس اخلي صاحبتي تسأل عن الطريقة وابشر هيه موجودة في دنفر
واذا انتو عائلة محافظة والله اقولكم هيوستن مريحة من حيث وضع العائلة زي ما وضحتلك انا اغطي والبس عباية وما تعرضت لمشاكل انتو ابحثوا واقرؤا عن هيوستن والمعهد واذا عزمتوا ابشروا باللي يسركم ومالكم الاطيبة الخاطر بأذن الله قبول او سكن اوغيره انا مستعده

مشكورة اخت اسماء

راح اقراء بتمعن ولو احتجتك او للأخوان الباقين اكيد ماراح تقصروا معاي

الله يوفقكم جميعا

أخوي الكريم
أقترح عليكم التقديم في جامعة أريزونا مدينة توسان بولاية أريزونا .. هي مدينة صحراوية.. ولكن ما يجعلني أنصحكم بها عدة أمور:

• أهلها غير عنصريين والحمد لله..
• نسبة الأمان عالية والأمان بالله أولا وأخيرا.
• فيها نسبة جيدة من المسلمين والسعوديين وبها مسجد و بقالات ومطاعم عربية بها معظم الاحتياجات.
• مدينة رخيصة حيث تكفيكم بإذن الله مكافأة الملحقية .. السكن ذو أسعار متوسطة والحضانات أسعارها مناسبة جدا مقارنة بولايات أخرى.
• وجود عدة اختيارات لتخصصكم وتخصص زوجتكم الكريمة.
• بها معهد لغة جيد ويمكنكم من خلاله الحصول على شهادة بوصولكم المستوى الأخير تؤهلكم لدخول الجامعة بدون اختبار التوفل.
• مناسبة للدراسة حيث أنها مدينة هادئة.

طبعا هناك عدة عيوب يجب أخذها بعين الاعتبار ان كانت مهمة لكم:

• المدينة صحراوية كما ذكرت بمعنى أنها صحراء في مجملها ولا يوجد الكثير من المناطق الخضراء.
• لا يوجد بها أماكن أو وسائل ترفيه كثيرة.

بالنسبة للتقديم أقترح الآتي:
أقترح التقديم على معهد الجامعة أولا وسيأتيكم القبول سريعا خلال أسبوعين على ما أذكر.. وعند بدء دراسة اللغة بإمكانكم الذهاب شخصيا لأقسامكم والتحدث معهم عن امكانية التقديم مما يعزز فرصتكم للقبول.
بالنسبة للتخصصات:
أنا أدرس في College of Education حيث يوجد تخصص رياض الأطفال ولكن عند بحثي وجدت أنه فقط لدرجة البكالوريوس ولكن لدي عدة اقتراحات :
Language, Reading and culture
وهو قسمي الحالي ولكن يوجد تحته عدة مسارات أو التخصص الدقيق أو ما تسمى هنا focus areas من ضمنها
Early Literacy and Family Literacy Studies
Children's and Adolescent Literature
ولا تحتاج الى امتحان GRE لدرجة الماجستير في هذا التخصص
هذا بالنسبة لزوجتكم الكريمة أما بالنسبة لكم
فيوجد قسم الانجليزي ولكنه يتبع كلية أخرى بالاختيارات التالية مرفق معها شروط ومتطلبات القبول بالإضافة إلى العناوين للمراسلة:

• English
  Graduate Programs | The University of Arizona Graduate College

English as a Second Language
Graduate Programs | The University of Arizona Graduate College

ولكنهم يتطلبون اختبار GRE
وأيضا هناك اقتراح لتخصصكم وهو نفس التخصص المقترح لزوجتكم الكريمة Language, Reading and Culture

حيث أنه يتضمن التخصصات
Bilingual Education and Biliteracy
Educating English Language Learners
ولا يتطلب GRE لدرجة الماجستير

وهذه الصفحة توضح جميع مسارات التخصص فربما وجدتم شيئا آخر أنسب:
LRC Focus Areas | College of Education

وهذه الصفحة المخصصة للشروط والمتطلبات لهذا القسم:

• Graduate Programs | The University of Arizona Graduate College

وعليكم بالاستخارة أولا , وبالنسبة لزوجتكم فلابد من الحصول على موافقة قسمها بالسعودية على التخصصات أعلاه

أسأل الله لكم التوفيق والنجاح