محتاج منكم المساعده يااهل نيويورك
اخواني السلام عليكم ورحمة الله وبركاته
وكل عام وانتم بخير .........
يااخوان انا جاي على نيويورك في بداية شهر يناير 2012 وهذي اول مرة لي انزل في نيويورك والمشكلة معاي زوجتي ومعانا بنوته عمرها شهرين الله يخليها ويصلحها
مابطول عليكم انا حاب استفسر وش افضل الاماكن كي استاجر فيها لاني ابغى اجلس يومين ان شا الله وبعدين امشي على ولايتي وهل مطار جون اف كندي بعيد عن الفنادق
انا صراحة ماني عارف وش الاماكن بس اللي عنده اي معلومه لايبخل علينا خصوصا ان الوقت راح يكون بررررررد والبنوته خايف عليها والله يوفقكم جميعا
.............. لكم اطيب تحية....
رد: محتاج منكم المساعده يااهل نيويورك
معقوله ماهو هذا اللي بيننا
تكفووووووووووووووووووون افيدوني الله يجزاكم بالخير
رد: محتاج منكم المساعده يااهل نيويورك
هلا أخوي ونيويورك منورة بتشريفكم..
طبعا اذا بتجلسون يومين أفضل مكان هي الفنادق. مطار JFK بعيدة عن منهاتن والأماكن السياحية بحوالي 30 دقيقة. اذا عطيتني معلومات أكثر عن طبيعة زيارتكم لنيويورك (يعني مثلا هل بتجون سياحة وتدورون فندق قريب من الأماكن السياحية ، هل تدورون فنادق معتدلة الأسعار أو فنادق فخمة ، الخ) أقدر أفيدك باذن الله..
رد: محتاج منكم المساعده يااهل نيويورك
ياهلا والله اخوي فيصل انا ان شاء الله جاي على نيويورك بقصد ان الرحله من السعودية دايركت وابغى اجلس يومين راحة في نيويورك وبعدها امشي على ولايتي واللي ابغاه وين احصل فنادق حلوة واسعارها معتدله واهم شي تكون امنة لاني صراحة اول مرة انزل على نيويورك اتمنى تفيدني والله يوفقك ان شا الله .... تحياتي
رد: محتاج منكم المساعده يااهل نيويورك
ياهلا وغلا..
من وجهة نظري منطقة وسط منهاتن (Midtown) منطقة حلوة و مناسبة جدا. كل الأماكن السياحية قريبة منها (السنترال بارك ، أماكن التسوق ، الفيفث أفنيو ، الخ) والمنطقة آمنة جدا جدا جدا في النهار والليل لأنها منطقة سياحية ودائما زحمة ومليانة شرطة ورجال أمن وأمن سري الخ.
بالنسبة للجو ، غالبا بيكون بارد مرة وفيه ثلوج كثيرة في يناير. السبت الماضي مثلا كان فيه ثلوج كثيرة بس اليوم الجو دافي وحلو.
بالنسبة للفنادق ، هذا الرابط تلقى فيه الفنادق القريبة من ال Midtown وأسعارها. طبعا لاتنسى تدخل على المواقع وتتأكد من الأسعار خلال فترة زيارتكم لأنها يمكن تزيد.
New York (and vicinity) hotels
وأي خدمة أنا تحت أمرك..