وزارة التعليم العالي لاترد على اسبوعين من الأتصالات المتتالية!!
السلام عليكم
كما هو واضح من العنوان لي اسبوعين اتصل على الوزارة ولا من مجيب ماخليت تحويلة ولا رقم الا وتصلت عليه ولا احد يرد حتى قسم المساعدة لايردون انا ودي اسافر لهم لكن المشكلة والله العظيم ماتسوى
انا كل الي ابيه شخص يرد علي واستفسر منه عن من هو المسؤول عن تجديد قرار الابتعاث يعني فقط يعطيني ايميله عشان ارسل اوراقي عليه وهو يرفعها للجنة
لأن المسؤول الوحيد الي اعرفه هي موظفة من القسم النسائي راسلتها من قبل استفسر منها وكان رده سريع مشاءالله وارسلتلي الخطوات الي لازم اسويها على اساس ارسلها على ايميله وهي بدورها ترفع الطلب وبعد يومين ترسلي رقم الطلب وانا اتابعها من موقع الوزارة فكنت استنى قبول الجامعة حتى يوصل لأنه من ضمن الاوراق المطلوبة ولم وصل ارسلته على ايميله مباشرة ولي اسبوعين الان ولاردت على ايميلي وارسلتله اكثر من مرة ولاكن بدون فائدة
والقهر اني ماودي اسافر اضرب مشوار بس عشان اقول السلام عليكم من الموظف المسؤول عن قرار الابتعاث لا بس حبيت ارسله اوراقي... ي لله مع السلامة ودق الدوار وارجع يعني والله ماتسوى
فعشان كيذا حبيت اشاركم في الموضوع لعل وعسى يكون فيه احد في المنتدى يعرف ايميل الموظف المسؤول عن تجديد قرار الابتعاث او أي موظف يرد على الاتصالات اقدر استفسر منه
وراح اكون شاكر ومقدر
نسأل الله التوفيق لي ولكم.
رد: وزارة التعليم العالي لاترد على اسبوعين من الأتصالات المتتالية!!
حسبنا الله ونعم الوكيل عشان تستفسر بس يبيلك تسافر عشان تلقى افادة وخصوصا ان البعض يقطع حوالي 1000 كم فعلا هذي الحقيقة
رد: وزارة التعليم العالي لاترد على اسبوعين من الأتصالات المتتالية!!
فســـــــــــــــــــــــــــــــــــــــــاد
الله يكون في عونك
رد: وزارة التعليم العالي لاترد على اسبوعين من الأتصالات المتتالية!!
الله يعينك يااخوي
الواحد منهم موحاس بهمك
وانت مو جاي عن طريق واسطه
ولايقربلك
اذا علشان مافيه رقابه او جهه رقابيه عادي مشت امورك او مامشت ماتهمهم ياصاحبي
رد: وزارة التعليم العالي لاترد على اسبوعين من الأتصالات المتتالية!!
لكن شف احد يقرب لك ينشب لهم هنا
رد: وزارة التعليم العالي لاترد على اسبوعين من الأتصالات المتتالية!!
اقصد في الوطن في المملكه العربيه السعوديه