ايش افضل خطوط السعودية ولا الاماراتية ولا القطرية ولا ايش ؟؟؟؟

يا اخوان سؤال

ايش افضل خطوط ؟؟؟؟

لاني بأحجز عند الطيار في الوزارة في الرياض

وابغى رحلة من جدة الى .........

فماني عارف افضل خطوط القطرية ولا الاماراتية ولا السعودية ولا ايش ؟؟؟

اتكل على الله واحجز على الأتحاد.

اماراتيه وقطرية جيدين .. السعودية سمعتها بالحضيض الايام هذي

اول شيء توصل بالسلامه ان شاء الله وحياك الله في بلاد العم سام
افضل شيء تشوف الخطوط اللي تروح لولايتك مباشره لانه مافيه فايده تمر واشنطن عشان فتح الملف الا اذا انت طالب مبتعث الى واشنطن
يعني دور ع الخطوط اللي وجهتها ولايتك او قريبه منها عشان لا تتعب في الوزن في الرحلات الداخليه لانهم بياخذون فلوس ع الوزن الزايد والمسموح لك بس شنطه وحده ولو انت جاي من رحله دوليه
هذي نصيحتي لك. افضل خطوط هي الالمانيه والبريطانيه والقطريه. الاماراتيه الناس مختلفه فيها اما السعوديه فحسنتها الوحيده انها مباشره
يعني بدون توقف

ازا تبغى تنزل على واشنطن افضلك الخطوط السعوديه واهم شي فيها المسجد

اذا بتروح على واشنطن او نيورك السعودية غير كدا الاماراتية والقطرية تنزل في ولايات كثيرة

انا طالع على واشنطن وبالتحديد فرجينيا

بس ابغى اسأل السعودية كيف الطيارات تبعها ؟؟

هل فيه شاشات وشي اقدر من خلاله اني استمتع طوال الرحلة ؟؟؟

^^^^

نفس السؤااااااال ؟؟

ياخوي اذا طالع على واشنطن دايركت مالك الا السعوديه

واذا رايح ولايات ثانيه مثل تكساس وفلوريدا وغيرها شوف لك غير السعوديه

و دائما ركز على مسار الرحله والترانزيت مايزيد اكثر من ساعتين

والاماراتيه والاتحاد افضل طيران في الخليج

انا جربت القطرية والسعودية ودلتآ وكم شركة :D
الافضل واللي مستحيل راح اغيرها القطرية :)

هيا الافضل بلآ منازع , واهم شي الراحة في الطيارة ..

لان الرحلة طويلة ولازم تكون الطيارة مريحة ..

انت تبغي توصل بالسلامة ولا تلعب داخل الطيارة ...

الواحد مايصدق تغمض عيونه عشان ينام انت تقول شاشه ... من رجه الاطفال

اقتباس:

---

المشاركة الأصلية كتبت بواسطة شاطي الاحلام

انت تبغي توصل بالسلامة ولا تلعب داخل الطيارة ...

الواحد مايصدق تغمض عيونه عشان ينام انت تقول شاشه ... من رجه الاطفال

---

معليش 13 ساعة راح تنام داخل الطيارة ؟؟؟؟؟ جاوبني على سؤالي !!!!

لازم ادور على الراحة والشي الي ممكن يبسطني وبإذن الله كلنا نوصل بالسلامة لو رحت على الخطوط الصومالية !!!!

وبلاش تقول اطفال لاننا كلنا هنا رجال وان شاء الله نكسبك صديق في يوم من الايام

من وجهة نظري فهي القطرية

بس المشكله اللي اواجهها دائما هي الترانزيت واللطعات في المطارات ...
لو انت من جده
لازم يكون خط السير جده الدوحه ثم الى امريكا ... وممكن ناس في ولايات ما توصل لها القطريه مباشره

مثلا لو انت في فلوريدا
وحصلت الخطوط الفرنسية توصل الى فلوريدا
مثلا جده باريس ميامي او اورلاندو ... اكيد اني راح اختار الخطوط الفرنسية واريح راسي
احسن ما تكون مثلا من جده الدوحه واشنطن ميامي

شف يا غالي:

أنا جربت السعودية (الرياض- لندن) و (مانشستر- الرياض) مرتين.
القطرية (مانشستر- دبي- الرياض) مرتين.
الإماراتية (برمنهقاهم- دبي- الرياض) أكثر من سبع مرات.

الإماراتية أفضل في تصوري، ولذلك ما عمري فكرت أغيرها إلا لو فرضاً بأسافر على السنغفورينة ممكن !

انت فهمت كلمه اطفال غلط انا مو قصدي علي احد انة طفل اقصد الاطفال نفسهم يعني مافي راحه بالمرة ...

تبغي اطلع علي الاماراتيه عيوبها الوافدين الاجانب الهنود

الالمانيه عيبها الانتظار الطويل

القطريه عيبها الهنود

الفرنسيه عيبها صغر الحجم

كل طايرة لها عيوب

حبيبي صقرر توصل بالسلامه إن شاء الله

بصراحه جربت السعوديه أكثر من مره خصوصا إلى لندن وأوروبا وجربت المره الاخيره القطريه من جده الدوحه واشنطن دي سي.

السعوديه بشكل عام حلووه ويكفي يا أخي ان فيها مسجد وأي شي تطلبه يجيك على طول سواءا عصائر أو حتى قهوة عربيه وتمر وحتى إن شاء الله انك في الدرجه الاخيره بصراحه يجيبوه لك.

القطريه طلعت عليها المره الاخيره في سبتمبر الماضي بصراحه وبأمانه ما شفت فيها أي فرق عن السعوديه إلا أنها جديده نوعا ما ومقاعدها أنيقه ولكنها صغيره الحجم وأصغر من مقاعد الخطوط السعوديه وهذا ما يعيبها. ايضا لا يوجد مسجد وحاولت اصلي حتى في المطبخ الأخير ورفضوا عل الرغم انه وقت هدوء ولا يوجد فيه احد وقالوا تصلي على كرسيك وممنوع الصلاة في المطبخ او اي مكان ثاني وبعدها اضظررت اصلي عل كرسيي.

الشباب يمدحون الاتحاد والاماراتيه وبصراحه ما جربتها لكن بطلع عليها الصيف القادم.

نصيحتي السعوديه ورح لاهلك. بالسلامه توصل

جربت القطرية خخطييييرة

تنزل في واشنطن واخذنا طيران داخلي لمدينتنا


القطرية باتفاق الجميع ررررروووعة

الاتحاد فيه ناس تمدح وفيه قالوا انها ما اعجبتهم

بالتوفيق

جدة الي .... << وش نفهم منها ؟

شوف يا عزيزي ، بعد ما فهمت الموضوع و فهمت كيف اوصل للمحلقية او فندقها و كيف اعتمد على بطاقة الفيزة تبعي ، ماعاد صرت احتاج انحشر في الباص المعفن تبع الفندق او اني اقابل الموظف .

لكن انصح كل الطلاب الجدد انهم يجوا مع السعوديه و يتحملوا قرفها 14 ساعة كله علشان الملحقية و موظفها .

الافضل القطريه << افضل طيران بالعالم حسب تصنيف ستار اختار يا القطريه او الاماراتيه وراح تدعي لي

وبعدها الامراتيه << قمه الفله انواع الاستمتاع باحدث الافلام
وبعدها تسافر على رجولك

وبعدها تروح بالخطوط السعوديه

يا جماعه متأكدين اني اقدر اسافر على اي خطوط ؟؟؟
طبعا للمبتعثين ..
واحد من الشباب يقول لازم الخطوط السعودية وبما ان هذي اول مره تدخل فيها امريكا لازم تروح واشنطن اول ..؟

بالنسبة لي أفضل الخطوط السعودية
تقلع من بلدك لامريكا مباشرة
اما الخطوط الاخرى تصلح للي يحب التنقل
تقلع من جده لدبي وتقعد 6 او 9 ساعات بعدين على امريكا
هذا اذا ماوقفت في دولة ثانية

افضل خطوط اللي تكون مباشرة من مقر اقامتك الى امريكا

القطرية أفضل خطوط طيران بوجهة نظري

اخوان انا نفس حالة اخوي صقررر

انا مبتعث و اول مره اروح لامريكا فهل لازم اروح على طيران السعودية.
وهل لازم اروح لواشنطن . علما ان ولايتي هي اريزونا ,,,

٨ ٨ وانا بعد ودي اعرف الجواب

والله شف انا حاجز عن طريق الخطوط السعودية وبطلع لواشنطن ومن واشنطن لسان فرانسيسكو
ونصيحة وانا اخوك لاتسوي مثل ماسويت .. احجز على القطرية دايركت لولايتك .. احسن لك من التعب

وموفق يالغلا

الشباب اللي جايين جدد
مو لازم تروح واشنطن لانك لو رحت بيرسلوك لغرفه فيها سكانر وكمبيوتر
وبيقولو لك ارفع بياناتك
يعني ماراح تستفيد شئ لان هالشئ تقدر تسوية في ولايتك
كل شئ صار الكتروني

احجز مباشرة الى ولايتك

السعوديه حلوه و خدماتها لامريكا واوربا ممتازه.
الاماراتيه رائعه ومشكلتها اللطعات الغريبه.
القطريه كراسيها مريحه وخدمتها 5 نجوم بس المشكله في الطيران الداخلي المتعاون معاها.
الاتحاد زي فريق الاتحاد ...ناس يمدحوه وناس يعايبو عليه.

انا والله اتنرفز لمن اسمع فلان قلي وفلان قلي انه اول مرة ما تسافر الا علي السعودية كانه محكوم عليك بقصاص ليس السعودية عشان يحببوك فيها مثلا ..

يا حبيبي سافر علي ايت خطوط تحب

بصراحه القطريه ماعجبتني كثير ولا الاماراتيه

لان مشكلتي تعودت على السنغفوريه فاحس انها افضل الطيران بالعالم

على العموم القطريه والاماراتيه كلهم نفس الشي اختار اي وحده فيهم بس ابعد عن السعوديه

الاماراتيه والقطريه افضل

يا اخوان اهم شي الوزن لاتقول قطرية وصومالية
الامارتية معروفة بخدماتها والقطرية ..........لكن انتبهوا لنقطة مهمة جدا

(العفـــــــــــــــــــــش) قهوه وهيل واغراضك الثانية الخ تاخذ وزن ويدفعونك

انا انصح بالسعودية لانهم يعطونك شحن شنطتين ....