يااااعرب كم مره نزلت مساعده ولا احد دق صدره وساعدني ماهقيتها منكم يا نشامه

السلام عليكم ورحمة الله وبركاته

انا اخترت جامعه فيها معهد وقلت اوك وبعد اسبوع قالوا لي انها ماهي ذاك الزود معهد

وانا ضعيفه باللغه تكفون الضمان المالي معي بس ابغاكم تعطوني معهد بالجامعه تكون قويه وحلوه وفي ولايه متوسطه باسعارها
لان ماعندي دخل الا حق الملحقيه

تكفون من فرج هم لاخيه فرج الله له كربه من كرب يوم القيامه

اختي ماقلتي ايش تخصصك ؟ او ايش ناويه تدرسين ؟

الله يفرج هــ م ــكــ وهموم الجميع / علمينا واحنا نحاول نساعدك باللي نقدر عليه

الله يفرج همك يا رب
ان شاء الله تلاقي اللي يساعدك

انا تخصصي احياء وابغى اكمل ماجستير في نفس التخصص

اختاري أي جامعة في ولاية أوهايو

روحي موقع الوزاره وادخلي على الجامعات الموصى بها اختاري البلد امريكا وسوي سيرش على الجامعات اللي فيها التخصص هذا وراح تطلع لك اكثر من جامعه فيها نفس التخصص وتحصلين بجانب كل جامعه موقعها بالانترنت وعبي الابلكيشن بعد ماتقررين اي جامعه واي ولايه تناسبك

ونصيحه ادخلي بنفسك لاتعتمدين على كلام احد

موفقه

موفقه الله يسهلك

الله ييسر لك""""""""""""""""""ط أوهايو كويسة

شوفي جامعة ويسترن الينوي افتكر فيها تخصص احياء معهدها ٣ اترام وتعطي قبول مشروط تخلصين المعهد وتدخلين الجامعه المدينه جامعيه صغيرره قريبه من شيكاغو ٤ ساعات بالقطار وبالتوفيق

نفسك انا لازلت تائهه وللحين ماعندي ضمان مالي وما ردوا علي الوزاره؟؟؟؟؟؟؟؟؟؟؟؟؟

المشكله في قضيه السكن في شقه خاصه شي واحد
انك لا زم تدفعين تامين من شهر ونص الى شهرين
يعني اول شهرين لازم يكون معكم مبلغ احتياطي عشان تقدرين تاخذين شقه ,
لو فرضا الشقه اجارها 1000 دولار , راح تدفعين اول شهر 2500 دولار
1500 تامين (( نظام في كل امريكا ))
و 1000 دولار اجار اول شهر ..

اذا ما عندك مشكله تسكنين في سكن خاص بالمعهد وسعره بيكون من 560 لغرفه مشتركه
ويكون روميتك بنت شي اكيد , منها تستفيدين ممارسه قويه للغه , وفيه منطقه جدا هادئه وراقيه
وفي احد ضواحي نيويورك ,, عطيني خبر وادلك على المعهد ,, درست فيه انا واختي فتره طويله جدا وكنا ساكنين بنفس السكن حق المعهد
الميزه ,, ان قيمة السكن تغطي وجبتين اكل + ما يحتاج مواصلات
وعندهم برنامج اعداد اكاديمي قوي جدا , وكذلك برنامج اعداد التوفل عندهم جدا جدا قوي
ومعهد صارم بقوانينه ولا يرضون بالمخالفات ابد ,, ونسبه البنات فيه كثير

او تدرسين في نيويورك فيه معاهد كثير قويه بالتعليم
ومعتمده من الملحقيه , ونظامها نظام اترام ولا تصلح للكسلانين صراحه

او عندك جامعه في ولاية نيوجيرسي ,, عدد السعوديين فيها بلا مبالغه رجل وزوجته
الجامعه فوق 70 % بنات , جامعه كاثلوكيه , لكن موب متشددين ابدا بالقوانين ولا شي
قيمة السكن فيها من 1000 دولار للشقه غرفه وصاله الى او 800 للاستديو

كنصيحه ,, انصحك بمعهد خاص بالبدايه , بعدين فكري بقضيه الجامعه بعد ما تشوفين الوضع ويكون اختيارك للجامعه بعد فتره من دراسه اللغه على اساسا تاخذين معلومات كافيه ,,
اي مساعده في نطاق ولايه نيويورك ونيوجيزسي انا حاضر , سواء معهد او جامعه
موفقه اختي

I think Colorado is better there are many school

السلام عليكم ورحمه الله

اختي تايهه .. هو فعلا الظاهر انك تاييه مانتي عارفه اي جامعه تبينها او اي ولايه

لكن انا اعطيك نصيحه في الولايه الي انا فيها والجامعه الي انا فيها لاني جربتها واقدر افيدك بالمعلومات من هذي الناحيه
وهي العاصمه دي سي .. جامعه جورج تاون
وهي من افضل الجامعات وخاصه اذا تخصصك احياء
وبالنسبه لمعهد اللغه بالجامعه فهو افضل من الممتاز ولكن يشرط عليك الايلس او التوفل بعد اللغه لدخول الجامعه
وبالنسبه للاسعار .. اقولك دي سي وجورج تاون بالاخص اسعارها غاليه بس مو لدرجه ان الراتب مايكفيك
يعني السكن على حسب مافي شي ثابت .. والمواصلات بالنسبه للجامعه والمعهد مجانا عن طريق الباص الخاص بالجامعه

واي استفسار انا حاضر

وبالتوفيق

يالبيه هذا اللي خبري فيه في اخواااني

الله يجزاكم الجنه جميعااااا

ويفرج همكم يااارب زي ماتحاولون تفرجون همي

تحيااااتي للجميع