الفزعه تكفون سؤال عن واشنطن دي سي
السلام عليكم كيف حالكم ان شاء الله باحسن حال يا طيبين
راح ادخل على الموضوع على طول
بصرحه انا عندي موضوع ولازم اروح للملحقيه ضرورررررررى
والمشكله ما اعرف ولا شي في واشنطن عندي كم سؤال
انا ابي اسكن في الداون تاون حق واشنطن ولا عارفه راح تكون المسافه قريبه او بعيده وايت افضل اسكن في الدون تاون او شارع الام ستريت يعني ايت اقرب للمحلقيه
ثاني شي لا خلصت من الملحقيه كيف احصل تاكسى لانه بصراحه شفت موقع الملحقيه على النت حسيته على خط سريع شي يخوف
وادا تعرفوا رقم سواق عربي ياريت تعطوني هو
تكفون ساعدوني
رد: الفزعه تكفون سؤال عن واشنطن دي سي
الملحقيه بفرجينيا القريبه من دي سي
هذا عنوانهم
8500 Hilltop Rd • Fairfax, Virginia, 22031
خلي التاكسي يدور لك فندق قريب من هالعنوان وفيه فنادق هناك وبالعكس موقع الملحقيه بمنطقه راقيه جدا
رد: الفزعه تكفون سؤال عن واشنطن دي سي
الله يجزك كل خير اخوي حمد
لا انا ابي اسكن في الدون تاون دي سي
بس اخوي حميد لا خلصت من الملحقيه كيف ارجع يعني كيف احصل تاكسي هنا المشكله
رد: الفزعه تكفون سؤال عن واشنطن دي سي
فيه تكاسي وافقه عند الملحقيه لما تطلعين تلقينهم إن شاء الله
أهم شيء يكون عنوان الفندق معاك ..,
رد: الفزعه تكفون سؤال عن واشنطن دي سي
الله يجزك كل خير اخوي والله كلامك جدا طمني بس التكاسي اكيد موجوده ولا احيانا تكون موجوده بصراحه لانه انا جدا خايفه
رد: الفزعه تكفون سؤال عن واشنطن دي سي
أنا رحت مرتين للملحقيه كلها وجدت التكاسي واقفه ,, ولو ما حصلتي فاعرفي إنهم راحوا يوصلون أحد ويرجعون
ما تبين تنتظرينهم تقدرين تطلعين على الشارع وتأخذين لك تاكسي ,, إنتِ حره باللي تبينه, لا تشيلين هم من هالناحيه
بالتوفيق ..,
رد: الفزعه تكفون سؤال عن واشنطن دي سي
لاتخافين .. بتلاقين التكاسي بكل مكان في واشنطن
بس اهم شيء احفظي عنوان الفندق زين .. ونصيحة منّي اسكني قريب من المطار او الملحقية
لأأنك كذا راح ياخذ عليك مبلغ كثير لما تروحين من المطار للداون تاون ومن الداون تاون للملحقية ومن الملحقية للداون تاون ومن الداون تاون لـ المطار
بكذا راح يصير عليك فوق الـ 200 دولار ويمكن اكثر
حاولي بقد ماتقدّرين توفّر فلوسك هنا
وراح تعرفين كلامي هذا لمّا تجين هنا وتشوف المعيشة وشلون
وخلي قلبك قوي ولاتخافين .. لأنك لو جيتي خايفة راح تخافين حتى من اجراءات المطار
شد حيلك والله يوفقك يارب
رد: الفزعه تكفون سؤال عن واشنطن دي سي
اقتباس:
المشاركة الأصلية كتبت بواسطة مرام حسن
السلام عليكم كيف حالكم ان شاء الله باحسن حال يا طيبين
راح ادخل على الموضوع على طول
بصرحه انا عندي موضوع ولازم اروح للملحقيه ضرورررررررى
والمشكله ما اعرف ولا شي في واشنطن عندي كم سؤال
انا ابي اسكن في الداون تاون حق واشنطن ولا عارفه راح تكون المسافه قريبه او بعيده وايت افضل اسكن في الدون تاون او شارع الام ستريت يعني ايت اقرب للمحلقيه
ثاني شي لا خلصت من الملحقيه كيف احصل تاكسى لانه بصراحه شفت موقع الملحقيه على النت حسيته على خط سريع شي يخوف
وادا تعرفوا رقم سواق عربي ياريت تعطوني هو
تكفون ساعدوني
^ ^ ^
وعليكم السلام ورحمة الله وبركاته
أول شي حبيبتي الملحقيه مو في واشنطن الحين الملحقية في ولاية فرجينيا
< قريبه مرررره من واشنطن دي سي
ثاني شي لا تسكنين في الداون تاون لأنه بيشفط جيبك ودبل الإيجارات العاديه
وبالتوفيق ..
رد: الفزعه تكفون سؤال عن واشنطن دي سي
الله يجزكم خير كل ابوكم ويريح قلوبكم يارب ويطمنكم دنيا واخره يارب زي ما طمنتوني خلاص ان شاء الله راح اروح يوم ثلاثاء للملحقيه
رد: الفزعه تكفون سؤال عن واشنطن دي سي
2722 gallows Rs, Vienna,VA 22180
هذا عنوان فندق قريب جداً من الملحقيه تقريباً ١٠ دقائق مشي عن الملحقيه
ومن المطار لا تاخذين تكسي ابداً اسعارهم حرام غاليه
انا نصحت واحد من الشباب قبل اسبوع راح يفتح ملف طالب في الملحقيه
وقلت له على الفندق هذا و كمان لما تطلع من المطار قلت له راح تحص شيء اسمه سوبر شـتـل روح فيه و اشتري الذهاب و العوده راح تكون ارخص
وفعلاً كانت با ٤٠ او ٤٥ دولار
والفندق قلت له لا تحجز الا لما توصل لهم و كان ارخص من الانترنت كانت اليومين با ١٥٠ دولار
و جنبك مول كبير جداً و حلو اسمه تايسون كورنر
يعني الامور سهله
با النسبه لل M ستريت و الداون تاون حلو الواحد يروح يتمشئ هناك و يشوفها
با التوفيق