يا اخوان انا في مصيبة تكفون ردوا علي ضروووووري

السلام عليكم

اولا اعتذر عن كتابتي لهذا الموضوع في اقسام كثيرة وذلك لاني قد اصاب من الجنون ان لم اجد رد شافي منكم الله يجزاكم خير

يا اخوان ويا اخوات انا قدمت ع جامعة جنوب فلوريدا قبل حوالي 3 شهور وجاني قبول ولله الحمد قبل حوالي شهر طبعا الجامعة عند مراسلتي لها كانت مفتوحة ولم تكن مغلقة من قبل الوزارة حتى قبل اسبوع كانت غير مغلقة لكن الان دخلت ع موقع الوزارة ورأيت الجامعة مغلقة !!!!!!!!!!!!!!!1 وسفرتي الاسبوع الجاي ودراستي في 17 يناير

وش الحل هل الغي سفرتي ولا وش اسوي ؟؟؟؟؟؟؟؟؟

الله لا يهينكم ردوا علي لان الوزراة حسبي الله عليها بتجيبلي اما جلطة او جنون والله يستر

للتوضيح انا ادرس على حسابي الخاص

انتظر ردودكم

القبول الي معك لغة؟
والا قبول جامعي؟

اشوف انك الافضل تراسل الملحقية او الوزارة وتسألهم عبر الايميل

قبول لغة وقبول جامعي ايضا

عليكم السلام

انا ما قريت وش مشكلتك بالضبط لكن لا تقول انا في مصيبه احمد ربك ازين من غيرك وهاذي مو مصيبه الله يهديك بس والله دخلت قلت الله يستر وش فيه ذا

انا فصلوني المعهد قبل امس وبعثتي توقفت ووقفو الصرف عني وايجار السكن حل علي الحين ١٤٠٠ دولار والمشرف بيحولني لولايه ثانيه وانا توي ناقل لهالولايه وهالسكن وتوي دافع اثاث وسكن وتكلف ما يقارب ٤٠٠٠ دولار والحين بطلع وبترك اغراضي وبدفع ١٤٠٠ دولار اذا كسرت العقد وش رايك بمشكلتي ^ـ^ غير مصاريف النقل .

ما عندك مشكله ادرس الغه عندهم
ولمن توصل امريكا دور عل قبول جامعه مفتوحه

الله يعينك يا ونتيد ويعين الجميع

انا المشكلة اني جهزت كل اموري وبعت سيارتي واستلمت فيزتي وحجزت على خطوط طيران وما بقي على السفرة الا اسبوع فصعب اسحب ع الجامعة هذي تحديدا

مواساس مشكور ع الرد واقتراحك باخذه بعين الاعتبار بس بعد ما اتأكد استحالة دراستي في هالجامعة

حبيبي لو جامعه مفتوحه وتخصصك معترف فيه ... ماعليك من المعهد لو انه مكدس اهم شي انة عندك قبول جامعه في يدك انا اضمن لك بنسبه 90 % انهم يمشون معاملتك

صاحبي حصل علي قبول جامعي ومعهد في البدايه ترفض المعهد بسبب التكدس وتقفيل بعد ما رفع قبول الجامعه مع المعهد تم قبوله ...

ربي ييسر أموركم وخيرة إن شاء الله
طيب إحتمال فلورايد قفلوها بس لطلاب برنامج خادم الحرمين أفضل شي تراسل الملحقية مثل ما قالوا وتتأكد.

شاطئ الاحلام انا اتكلم عن الجامعة نفسها كانت معتمده الى الاسبوع الماضي وتخصص التمويل كذلك لكن اليوم شيكت للمرة الالف وصدمت بأن الجامعة مقفولة !!!

اخوي ايثار كلامك بأضعه في عين الاعتبار وان شاء الله كلامك يكون صحيح

شكرا لكما ع الرد

والله مشكله.. أنا فاهمك انت قدمت على معهد الجامعه عشان تاخذ قبول جامعه مشروط وانصدمت بأنهم قفلوها.. أنا اقلك ارسل رساله إلى الدكتور فالح الحقباني عن الجامعه هل هي مقفله أم لا fhogbani@sacm.org وان شاءالله اكون افدتك..

واذا كانت مقفله الله يعينك تكمل في المعهد من دون الجامعه وتحاول تجيب التوفل أو الايلس وتقدم على جامعات اخرى.. أو تدرس ترم في المعهد وتحول .. خياات كثيره ولاتخاف...

دعوه منك في ظهر الغيب...

ماعندك اي مشكله ولا تكبر الموضوع

اول شيء ارجع ادخل على الموقع حق الوزارة وشوف هل تخصصك موقف
لان سالفة تكدس يقصد بها التخصصات
ثاني شي انت خلاص جبت القبول وطلعت الفيزا على اساسه
وماراح يعقدونك بالموضوع ولو نفرض تخصصك موقف ادرس لغة في هالمعهد وخلال ههالفتره دور لك قبول غير مشروط في جامعه ثانيه
سافر وتوكل على الله

بالتوفيق

الله يعطيكم العافيه يا اخوان ومشكورين ع الردود وبإذن الله راح اراسل الدكتور فالح

شكرا نبيله & نودي

يا اخوان الدكتور فالح الحقباني رد علي الرد التالي

You are fine you go there.

اتمنى منكم الترجمة مشكورين

تكملة الرد
Faleh Alhogbani, Ph.D
Director of ESL Institutes and Academic Placement Department
Cultural Mission of the Royal Embassy of Saudi Arabia
8500 Hilltop Road
Fairfax, VA 22031
Phone #: (571) 327-2313

يقول ما عندك مشكلة روح
اما الباقي تعريف به ورقم تلفونة ومكانه بس

بالتوفيق

ان شالله ماهي مشكلة ولاشي
حتكمل عندهم اتوقع اللغة او بس الكوارتر هذا الجي وبعدين تدورلك على جامعة ثانية
يعني روح وتوكل على الله وادرس الكوارتر هذا وبعده تدورلك على جامعة ثانية

اتمنى اني افدتك

انا اشوف مشكلتك باذن الله بسيطه

ومدامك ما بقى الا السفر توكل على الله واذا المعهد مو معتمد تقدر تغيره وانت هناك

لكن في هذي الحاله لا تستاجر شقة الا نظام شهري وبلغ صاحب الشقة بموضوعك انك ممكن تطلع في نهاية اي شهر

العلم تري مش كل فلوريدا مغقل
إن جاني القبول في مدينه فورت فيفلوريدا
الله يسهل امرك أخوي

شيك على الجامعة عن طريق طارق الشيخ فالح الحقباني مسؤل المعاهد فقط .. لو إني أنصحك من الحين تشوف لك قبول جامعي لإن فلوريدا قفلوها .

والله الجامعة رهيبة حتى ولايه ومدينه..
لكن سمعت ان ولاية فلوريدا تكدس..

لكن انتم دفعتكم اعتقد واالله اعلم اللي قبلوك2010 انه بتدرسون فيها لكن مغلقه من سنه الجديده 2011 يعني دفعة ذي مايقبلونهم قبول متقدميمن من تاريخ 2011

لكن عادي ترى تساهيل يعني حتى لو بعت سييارتك وجمعت فلوس مش ضاعات يحولون لك في ولاية اخرى بسرعه..

أنا أنصحك عشان ماتتورط
حاول تدرس اللغة في نفس الجامعة اللي بتدرس فيها فهمت يعني لاتدرس اللغة فمعهد مو مرتبط بالجامعة والسبب عشان ماتكثر عليك الشروط وانت تدور جامعة يعني يبون توفل ولا مدري وش
الشي الثاني اللي أعرفه والله أعلم ان اللي عندهم قبول من جامعة وخلصو اوراقهم والسفارة على نفس الجامعة ثم قفلتها الملحقية ان ماعندهم مشكله يواصلن ع نفس الجامعه وقرار التقفيل يكون على اللي لسه ماقدم

وانت حاول يكون تراسلك مع الملحقية مكتوب بالايميل مو اتصال لانه لو صار شي بعدين تقدر تثبتلهم بالرسائل

اتمنالك التوفيق والله

لاتلخبطون الرجال

خلاص توكل على الله وسافر
انت ضبطت امورك قبل قرارهم أصلاً وجاهز من كله
مايقدر احد يلغي عنك شيء

لاتسلم امرك للوسوسة واللخبطة .. الاستقرار اهم شيء

ربي ييسر امرك ويوفقك ..

الله ييسر لك ويوفقك نفس مشكلتي لكن انا مبتعثه وراحت علي والحمدلله على كل حاال
ميين جامعه بامريكا تعطي قبول مشروط باللغه تخصص مختبرات تعبت وانا ادور :(:(:(

القرارات تطبق بدون اثر رجعي يعني تكون من تاريخ صدور القرار وما بعد, وبما انه معك قبول قبل ايقاف الجامعه على حسب ما اعرف ما عندك مشكله لا باللغه ولا بالجامعه ان شاء الله

و وضح للملحقيه انك حاصل على قبول قبل ان توقف الجامعه

شكرا يا اخوان ع تفاعلكم مع موضوعي واسف لاني ما قدرت ارد على كل واحد

الف شكر لكم جميعا