شوركم يا اخواني

اول شي ربي يوفقك ويكتبلك الخير ...
الشي اللي يريحك ويريحها هوا الصح واذا انت تبغاها هيا بالذات فالله يعينك تنتظر الين تخلص ان شاءالله وترجع تتزوجها .....
بس شد حيلك ولا تخلي العواطف والشوق ياثر عليك وع دراستك لاني اعرف ناس كثير ما قدروا يكملون ورجعوا .....
.
اولا واخيرا استخارة الله هيا اللي بتريحك ان شاءالله

كلام من ذهب محاسبة المستقبل

الله يوفقك ويعينك على الحب يا خااالي .......

شف طال عمرك ان كان معاك شهاده دبلووم او بكالوريوس من السعوديه ورايح امريكا بتكمل اللغه وتواصل الدراسه فهذا شي جيد .. اما ان كنت ثانوي حااف ومعاك اتقان اللغه فهذا بعد شي جيد وتاكد انك افضل من16,000,000مواطن
وصدقني الحب شي جميييل ورائع ويله شد حيلك وخلص اللغه وراتبك على راتب المدام اوووووووووووه بحر راح يكفيكم ان شاالله وزياده .. والله يكتب اللي فيه الخير

وبالاخير الموضوع راجع لك لاكن هذه من وجهت نظري

ايه يا اخواني والله اني فحيره وانا اللحين الحمدلله فالمستوى الرابع باقي الخامس والسادس وباقي لي في فتره اللغه حدود السنه وشوي يعني اكيد يمديني بأذن الله

وانا عندي دبلوم محاسبه وكنت ناوي اكمل بس اه على الحظ اللي رماني وانا صراحه مابي اكون اناني كثير واعاند نفسي صحيح البنات كثار بس الحب وانا اخوكم وانا مو خسران يعني لو ارجع بأذن الله اتوظف براتب حليو بنقدر نعيش خصوصاً ان المشكله الكبرى وهي السكن موجود ولله الحمد

عليك بالاستخارة اولاً ومن ثم طلب المشورة من الاهل وممن تثق بحكمتهم وبعلمهم , والله يكتب لنا ولك اللي فيه الخير

ياااخااالي حيرتني بامرك ,,,

اللحين انت ماشاالله عليك معاك دبلوم حاسب + اتقان اللغه من امريكا .. والحب موظفه في القطاع الصحي ... وتقول لي السكن موجود ..... ماشاالله تبارك الله عليكم .

وش تبي زيااده احلى وظيفه واحلى راتب يا حبيبي انا مثلك دبلوم جاتني وظايف كثيره متوسط الرواتب 6000 .... لاكن رايح اكمل اللغه والبكالوريوس بامريكا بس انا ما عندي (حب) مثلك .. ولا لو عندي درست اللغه وسيدا ع الرياض احلى وظيفه واحلى زوااج يا حبيبي

شوف اخوي

بتقولي البنت احبها وما ادري ايش اقول لك اخطبها الحين وسوي لك ملكة واذا هي تحبك ومالها خاطر بـ السفر بتنتظرك هالسنتين ثلاث اللي بتكون فيها برى
السعودية وتقدر تتواصل معاها بـ الاجازات وتكلمها حتى
لكن انك تترك مستقبلك عشانها موظفة اسمح لي الكلام هذا مو صح
بكرة النهار يجيها اولاد وتضطر انها تترك وظيفتها او تاخذ اجازة طويــــــــــــــــــــــــــــــــلة منها انت كيف بتعيش وقتها براتب واحد ؟!
هذا احتمال لا تغفل عنه ,, ولا تنسى ان الحب مو شرط لـ استمرار الزواج ,, ممكن لا قدر الله ما تتفاهموا بعدين
تكون ضيعت نفسك عشان ايش ؟! غير انه اذا هيه تحبك رح تروح معاك لـ اخر الدنيا لو بعثتك على افريقيا مو على امريكا !!!

واولا واخيرا استخر
ترى ماهي انانية انك تفكر بالامور بعقلانية ,, ولا تنسى انه احنا ناس شرقيين مهما كانت وظيفة الحرمة كويسة ودخلها ممتاز يظل الرجال
هوه اللي مسؤل عن البيت والمصرف والزوجة ممكن تساعد بشيء بسيط او تتحمل معاك جزء

نصيحة لـ وجه الله
الحياة ما تحلى الا بـ الحب ,, بس الدنيا تطلب وانا اختك

هلا بك اختي بصراحه انا ماقدر املك واصبر سنتين او 3 ,,,, الشيئ الثاني وانا حاطها فراسي قبل ماتتوظف ولا بهم عندي وظيفتها وشي طبيعي انا اللي بكون مسؤول عن مصاريفها ومصاريف عيالها بس مايمنع تساعدني لو احتجت ,,, انا قاعد افكر بعقلانيه لو استمريت وش بيصير ولو تركت وشبيصير وهذا جاي اخذ شوركم وهي كل اللي قالته ترجع تتوظف وبنقدر نعيش انا مابي اروح ديره واختلط مع ناس غرب وعادات انا ما اتحملها فيهم هذا كلامها

السلام عليكم ورحمة الله بركاته :

أخوي الحب شيء جميل الحياة بلى تكون جحيم لانستطيع العيش فيها لو أحس احدا أنه لايوجد من يحبه لان يحب أحد وهذ يؤدي إلى أما المرض النفسي أو العدائية والجريمه , الدين الأسلامي دين يحث على الحب

الرسول صلى الله عليه وسلم من خلال السيرة والسنه النبويه زرع فينا وأعطانا دروسا في الحب والمحبه , فقد أحب الأمه الأمه الأسلاميه وبكى وهو لم يلقاهم في الحديث الشهير

قال( أشتقت لأحبابي قالوا : نحن احبابك يارسول لله , قال : أنتم صحابي , قالوا : ومن أحبابك ,قال : من أمنوا ولم يروني , فبكى وبكى الصحابه )

وأحب بلده وأرضه عندما خرج باكيا من مكه يوم الفتح قائلا ( واللهي أنكي أحب البقاعي إلى قلبي ولاكني أوخرجت منكي فخرجت )

وأحب أهله وعائلته قائلا ( خياركم خيركم لأهله وأنا خيركم لأهلي ) اللهم صلي على محمد .

ما أريد أن أقول :

أولا : هناك مفارقه عجيبه تفكر في إنهاء مسقبلك لشخص مجرد لايريد أن لايعيش في أمريكا لا تعجبه الحياه أو الناس , لم تقل معاقه أو ممنوعه من السفر او أي عذر قوي ؟؟؟؟؟؟؟؟

ثانيا: أنت أناني في تفكيرك أناني ( أسمحلي ) , أنا متأكد أن لك أهلا في الوطن يتظرونك تعود ناجحا حصلا على الشهاده لك أب , أو أم ,أو أخت , أو أخ , مسعدون أن

يدفعوا كل مايملكوا مقابل نجاحك ؟؟؟؟؟؟؟؟؟؟

ثالثا: الحب مجاله واسع وكبير لايحصر حبيب وأو حبيبه هناك أحبه أولى بالتضحيه , هذا لو فرضنا أن هناك تضحيه , مره أخرى المفارقه عجيبه .

رابعا : كلام الأخوان على العين والرأس الحب , والحبيب ............إلخ , لاكن أكثر الشباب
السعودي ومعاه شهادة جامعية ونصفهم معاهم لغة , والفرص محدوده والبلد مليانه بطاله

(أنا معي بكلريوس محاسبه ولغتي جيده ومعدلي عالي و أستلم بشركة 4800 ريال , أقسم بالله ) واللحين زهقت وقلت بكمل دراسات عليا وعساني أرجع

وألقى و وضع أفضل ,أنا ما أعرفك وأحس بقهر من كلامك بسبب المفارقه ؟؟؟؟؟؟؟؟؟؟

خامسا و وأولا ودائما : (أسسسسسسسسسسسسسسسسسسسسسسسستخر) .

الخلاصه :

ماقلت سبب مقنع لامنك ولامنها , عندك أهل أولى بتضحياتك , لو تبيك بنفس العزيمه اللي عندك أنك تبيها بتجيك ولا بتصبر وتنتظرك ,

أعدل بين اللي تحبهم , أدري قسيت عليك بس والله أني كني قاعد أكتب لأخوي فكر صح .