عااااجل جداً,بعثتي احتمال تنلغي ! أرجو التجاوب

السلام عليكم ورحمة الله وبركاته..
باختصار وحتى ما آخذ كثير من وقتكم..
لو المعهد رفض يسجلني في السيشن الحالي (اللي بدأ 23 يناير) وقبل يسجلني في السيشن الجاي (19 مارس).. هل إذا ظليت بالبيت بدون دراسة الملحقية والهجرة تحاسبني؟
لأني بصراحة كنت أدرس بالمعهد في السمستر الأخير وجت إجازة الكرسمس وولدت في آخرها قبل 4 أسابيع ,ولظروفي الصحية ما قدرت أداوم إلا مؤخراً..فاجئووني بالرفض
وأنا ماكنا عندي علم إنه لازم أسجل لكل سمستر لحاله ..
كان في بالي الآي تويني يكفيني حتى أخلص المعهدكله.

معقول مافي حل في ظل رفض مدير المعهد لتسجيلي !
وكيف أقدر أتصرف الآن؟
خاصة إن قبولي للماستر وبرنامجي ماراح يبدأ إلا أوقست الجاي..على شوال يعني.
أرجوكم اللي عنده خبرة أو معرفة يفيدني..قبل ما تسوء الأمور أكثر.

أشكركم من قلبي..

اول شيء مبروووووووووووووك والله يجعله من حفظة كتاب الله الكريم
ثاني شيء
والله الحاله هذي مدري عنها بس راح افيدك باللي اقدر عليه اللي هو ان المبتعث غير مسموح له انه يجلس عاطل يوم واحد في امريكا واذا جلس عاطل يعتبر مخالف نظام الهجره وراح يمنعون دخول الاراضي الامريكيه او اعطاءه فيزه مستقبلا
لذالك دام في شهر شوال انصحك ترجعين السعوديه وتربين ولدك حتى يجي موعد دراستك وتعدلين تاريخ قرار الابتعاث بكل اريحيه وتصدرين قرار تاجيل وتصدرين ايتوني جديد

١٠٠٠ مبروك المولود ، ويتربى في عزكم يا رب.
اسألي مكتب الانترناششيونال عن وضعك القانوني بدون دراسة حتى لا يتم إلغاء الفيزا.
الملحقية متساهلين في هذا الجانب ، لكن المدة محسوبة من البعثة.
١٠٠٠ سلامة عليك وما تشوفي شر بإذن الله

السلام عليكم ورحمته الله وبركاته
انا ايد كلام اخوي رصيف الشمس الحل الوحيد هو الاتصال فورا على مكتب الانترناشونال هم الوحيدون الذين يستطيعون الاجابه على تساؤلك
الف مبروك على المولود والله يجعله من مواليد السعاده

ما عندي علم بس حبيت ابارك لك على المولود

جعله ان شاء الله من الصالحين

اقتباس:

---

المشاركة الأصلية كتبت بواسطة مهندس عبدالله

اول شيء مبروووووووووووووك والله يجعله من حفظة كتاب الله الكريم
ثاني شيء
والله الحاله هذي مدري عنها بس راح افيدك باللي اقدر عليه اللي هو ان المبتعث غير مسموح له انه يجلس عاطل يوم واحد في امريكا واذا جلس عاطل يعتبر مخالف نظام الهجره وراح يمنعون دخول الاراضي الامريكيه او اعطاءه فيزه مستقبلا
لذالك دام في شهر شوال انصحك ترجعين السعوديه وتربين ولدك حتى يجي موعد دراستك وتعدلين تاريخ قرار الابتعاث بكل اريحيه وتصدرين قرار تاجيل وتصدرين ايتوني جديد

---

الله يبارك في عمرك ويحقق لك كل أمانيك ويدخلك الجنة من غير حساب ولا عقاب..
أنا هذا اللي سمعته فعلا..
بس على فكرة ..أقدر أسجل السيشن الجاي session 2
يبدأ في مارس 19..
يعني ماراح أقعد حتى شوال للماستر..
هل المدة هذي غير نظامية؟ والملحقية والهجرة راح تحاسبني على شهرين بدون دراسة.
بنقلكم رد واحد يحضر دكتوراة ..قال لي :
عادي ..سجلي للسشن الجاي واجلسي بالبيت حتى بداية موعد الدراسة..الملحقية ماراح تدري..لان النتائج ترسل لهم آخر كل سمستر.
ولا تبلغي الانترناشونال عشان مايسووا لك مشكلة أو يكبروا الموضوع..

رده طمني.. بس باقي خايفة ومترددة.. ما أبغى أتساهل بالموضوع ويكبر على رآسي في الأخير!
أبغى مشورتكم كمان..
الله يوفق ويستر من آخرتها..
شكرا مهندس عبدالله..

اقتباس:

---

المشاركة الأصلية كتبت بواسطة رصيف الشمس

١٠٠٠ مبروك المولود ، ويتربى في عزكم يا رب.
اسألي مكتب الانترناششيونال عن وضعك القانوني بدون دراسة حتى لا يتم إلغاء الفيزا.
الملحقية متساهلين في هذا الجانب ، لكن المدة محسوبة من البعثة.
١٠٠٠ سلامة عليك وما تشوفي شر بإذن الله

---

هلا أخوي..يبارك في أيامك ولياليك وذريتك ان شاء الله..
ماعندي مشكلة تنحسب المدة من البعثة..بس خايفة من ردة فعل : الملحقية والهجرة !
الانترناشونال ماراح يجيني ضر منهم..يعني ماراح يبلغوا الهجرة أو الملحقية؟
معليش لودققت بالأسئلة لاني أحس الموضوع خطير وأبغى أعرف وين أحط رجلي بالضبط..
لو الأمور زي ماتقول يعني الحمدلله ..ما تكبر.
ألف الحمد والشكر لك يارب..
مشكور رصيف الشمس..دربك نور يارب.

اقتباس:

---

المشاركة الأصلية كتبت بواسطة بخيت الرشيدي

السلام عليكم ورحمته الله وبركاته
انا ايد كلام اخوي رصيف الشمس الحل الوحيد هو الاتصال فورا على مكتب الانترناشونال هم الوحيدون الذين يستطيعون الاجابه على تساؤلك
الف مبروك على المولود والله يجعله من مواليد السعاده

---

وعليكم السلام والرحمة..
الله يبارك في عمرك يارب ويكتب لك توفيق دائم..
أنا بس مترددة وخايفة من تصرف الانترناشونال !!
هل يعتبروني مقيمة غير نظامية..علما بان زوجي المرافق يدرس بنفس المعهد!
مشكور أخ بخيت..

اقتباس:

---

المشاركة الأصلية كتبت بواسطة Twisted

ما عندي علم بس حبيت ابارك لك على المولود

جعله ان شاء الله من الصالحين

---

والتهنئة شي قليل ؟؟؟؟
يعلم الله أسعدتني..ويارب لك فرح أكبر قريب..
موفق أخوي..

الله يسهل أمرك يا أختي

اللي اعرفه اكتر من شهرين بأمريكا من غير دراسه غير مسموح عند الأمقريشين
اسألي الانترناشونال أوليس بالجامعه او المعهد
بالنسبة الملحقيه عادي مؤ مشكله الجلوس في امريكا بس تنحسب من مدة بعثتك

صحبتي ولدت هنا وكانت فيزتها أف ون وقبل الولادة غيرتها أف تو

عشان الامقريشين ، تراهم اهم من الملحقيه من ناحية الاقامه القانونيه في امريكا

مووووووفقه يارب
ومبروك على البيبي

اهم شي تاخذين تقرير طبي بإجازة ولادتك ورعايتك لمولدك وتعطين معهدك وتخلين صورة عندك
واسألي مدير معهدكم بإمكانية تسجيلك في مادة واحده فقط
وإذا رفض اسأليه عن احقيتك في اخذ بريك هالسمستر مع تواجدك في امريكا لظروفك الصحية السابقة

الحمدلله ع سلامتك أختي ومبرووك ماجاك,,
أول شي لازم تسوينه تتواصلي مع المشرف الدراسي بالملحقيه لأنه أفضل شخص يعرف تفاصيل وضعك والملحقيه موظفتهم لكذا فلا تشتتي نفسك هنا
أما رأيي أنا فأؤيد رأي أخوي المهندس عبدالله لأنه هو الأفضل بمثل حالتك تقدمين تأجيل ويصرفون لك تذكره عشان ماينحسب من مدتك تردين لأهلك تجلسين كم شهر وترجعين على بداية دراستك , هذني أجلت شهر نوفمبر اللي راح ورجعت السعوديه وراجعه بإذن الله الأسبوع اللي جاي
بالتوفيق أختي لك وللجميع

الله يجعله مولود السعاده يارب
ويتربى بعزكم
ماعندي شي ازيده زي مادكرو الشباب
بالتوفيق

الي اعرف ان فيه مسؤل لادارة الهجره في المعهد او الجامعه الي يتبع لها I-20 وهو الي يحل لك المسأله لانه هو الشخص الوحيد الي يدخل بيات السفيس ويحدثها ويرفع حالات الاستثناء ومن غيره الاميقريشن ما يدرون عنك