معهد ELS في مدينة NEW HAVEN CT هل هو موقوف أم لا؟ تكفون أبي الجواب الأكيد

السلام عليكم

أنا شخص دارس على حسابي الخاص واطمح للإنظمام(الإلتحاق) في البعثة لاحقاً وعسالله ييسر أمورها..
دراسة ماستر وجبت قبول بنفسي وكلش كان تمام ..

ا

لاكن قبل موعد دراستي تفاجأة بأن الناس تقول إن المعهد"ELS" موقوف من الملحقية
حاولت أجيب شي رسمي ماحصلت, وفيه ناس تقول موقوف وناس تقول لا
خليتوني والله في حيرة من أمري


أنا عندي قبول جامعي في University of New Haven
والجامعه قبول مشروط مع معهد ELS


- فهل المعهد حالياً موقوف أم لا؟
- إذا كان فعلاً موقوف وش تشيرون علي أسوي؟
صراحة دراستي في معهد ELS تسهل علي دخولي لجامعتي حيث إنه بمجرد إني أتعدى المستويات الـ12 أخش الجامعة سيدا بدون توفل او ايلتس
:(


أبي جواب يريحني تكفون .. تعبت وانا اسال وافتش
وياليت كلام من طلاب يدرسون هناك حالياً

السلام عليكم
اخوي ان شاء الله بفيدك بالي اقدر عليه
اولا مبروك القبول المشروط الي حصلت عليه من الجامعة لان هالشئ راح يسهل عليك امور ان شاء الله مع الملحقية زي ما راح يبان معاك في اخر ردي
بالنسبة لمعهد ELS فرع الجامعة هو فعلاً موقوف لتكدس الطلاب السعوديين فيه و هالشئ انا متصل على الملحقية من قبل و رفضو يعطوني قبول عليه
ثاني شئ فيه رابط بأسماء المعاهد المعتمدة من موقع الملحقية http://www.sacm.org/pdf/ApprovedESLProgram.pdf
هو عبارة عن ملف PDF روح "سيدا" على قولتك لصفحة رقم 5 في و تلاقي اسماء المدن في ثاني عمود من اليسار و دور على مدينة نيو هايفن
بتلاقي معهد واحد المعتمد حاليا و اسمه Gateway Community College بينما معهد ELS غير موجود .. و هذا هو الدليل الرسمي الي تدور عليه ياخوي
على فكرة ترى الملف محدث بتاريخ 1-9-2012
لكن .. طالما انك جاي ع حسابك الشخصي وش عليك من الملحقية .. لا و معك القبول المشروط يعني معاك شئ يشفع لك ان شاء الله
مجمل الكلام .. انا وضعي مثل وضعك تماما و اوراقي معلقة في الملحقية على امل انهم يوافقو على طلبي خصوصا بعد ما جبت القبول المشروط

اتمنى اكون افدتك ياخوي
بالتوفيق

جزاك الله خير على ردك أخوي
واضح وبينتلي كل حاجة ..

طيب معقولة المعهد متوقف من سنتين أو أكثر ولحد الحين؟ هل لما أكلمهم وأشرحلهم عن وضعي
وان المعهد تبع الجامعه الي الملحقية موافقة عليه يمكن يقبلون حالتي؟ فيه ذرة أمل لما أكلمهم؟

صراحة جاني إحباط .. حتى قعدة أدور بمعاهد ELS الي حولنا لقيت أحسن خيار الي هو بنسلفينيا موقوف :|



معهد gateway community college
واضح من اسمه إنه كلية المجتمع حقتهم :D
دورت موقعهم وحصلت ذا Gateway Community College | New Students
دخلت وقعدت أحوس فيه ولالقيت أي جملة مفيدة عن معهد اللغة الإنجليزي ونظامة وتواريخة و و و
أحد يعرف عنه شي؟

نصيحتيي لك اخوي خلك على معهد ESL
انا متفائل هالمرة و السبب وجود القبول المشروط في الجامعة
بس تطلع الموافقة راح ابلغك ان شاء الله .. و يصير انت بعد تسوي الي سويته

موفق

مافهمت عليك
أقعد على معهد ELS الي ببدا فيه حاليا

ولا على معهد ESL الي موجود في Geteway comuunity college


وآمين الله يسمع منك وتتسهل إن شاءالله

اقتباس:

---

المشاركة الأصلية كتبت بواسطة turki822

نصيحتيي لك اخوي خلك على معهد ESL
انا متفائل هالمرة و السبب وجود القبول المشروط في الجامعة
بس تطلع الموافقة راح ابلغك ان شاء الله .. و يصير انت بعد تسوي الي سويته

موفق

---

لقيت هالبيان بالصدفة
وفرحححححححت جداً لما قريته والله ماتخخيل
أتمنى تقراه وتقولي رايك وهل هو فعلي او لا .. اللي يهمنا البند رقم "3"
Ban on Saudi Arabian students at ELS Language Centers USA

بصراحة القرار مرعب والله
بس لسى فيه امل عندك بالنقطة الثالثة .. لانه يوم قدمت لزوجتي عليهم ارفقت لهم القبول المشروط و على طول عطونا القبول للمعهد << بمعنى انه فعلي
بس الامور تعرقلت معي بسبب الملحقية .. كانو يبوني اقدم طلب تغيير المعهد قبل ما تبدأ الدراسه فيه (في المعهد الجديد) بأسبوعين بس
بصراحة خفت منهم يسحبون علي .. لانه وراي شقة لازم اسلمها قبل ما اطلع بشهر وشغلات كثيرة يبيلها تنظيم خصوصا ان معي عايلة.. فشغلة اسبوعين ماتكفي
فقررت انها تكمل في المعهد الحالي و نحاول نشتغل شوي على الايلتس .. و بس :D
اتمنى لك التوفيق اخوي

هالبيان من المعهد نفسة والملحقية مالهم شغل
تعرف شغل خواينا أنواع الحوسة وكلها إرتجالية

عموماً هالقرار ترا موب جديد مكتوب من ابريل الماضي
الله يكتب اللي فيه الخير


أنا ولله الحد وصلتني الفيزا اليوم .. وبعد إسبوعين بالكثير أكون هناك بإذن الله مع بداية الدورة يوم 27
وإن شاءالله أمور المحقية تتسهل, متوكلين على الله

غير مغلق و يتقبلون طلبات لشهر New Haven / University of New Haven – May 21, 2012

اقتباس:

---

المشاركة الأصلية كتبت بواسطة محمد عارف

غير مغلق و يتقبلون طلبات لشهر New Haven / University of New Haven – May 21, 2012

---

الله يبشرك بالجنة قل آمين .. يعني هل بيرجعون يفتحونه بشهر مايو؟
وهل هالعلم أكيد وكلام موثق, تعبت من هالتفكير بهالنقطة والله, لأن هالمعهد وراه أشياء كثيرة

جزاك الله خير والجميع والله يكتب الي فيه الخير. شكرا جزيلاً

* خارج صلب الموضوع *
فيه أشخاص مرسلين لي 4 رسائل خاصة هاليومين
وأعتقد انها جت وراء ذا الموضوع
أعتذرلهم مقدر أفتحها يقول مشاركاتي قليلة :s