عرض للطباعة
السلام عليكم ورحمة الله وبركاته
اخواني المدخنين حياكم الله وبياكم
زي منتوا عارفين ذبحنا غلاء الدخان واتعبتانا ارساليات الدخان من السعوديه
ودخان امريكا ثقيل ويكتم بالصدر ولا عندهم اي نوع دخان خفيف
حبا حبيت نتبادل الخبرات
وش اخف دخان موجود في امريكا
وش افضل دخان ندخنه
في احد جرب يشتري دخان من النت
اكون لكم شاكر
ارجوا التفاعل
اخوكم شمري
وعليكم السلام ورحمة الله وبركاتـــه
أهنيك على انتقاء العنوان :d
لكن قلبي ماطاوعني بإني ما أدخل :d !
ماني داخل أتفلسف وأكثر كلام يالغالي ، بس حبيت أقول :
الله يكفيك ويكفي كل مسلم ومسلمة شر ومشاكل وأمراض الدخان ، ويوفقك دنيا وآخره يــــاربــــ
وصي احد جاي من السعودية يجيب لك كم كرز
و كل ما سمعت احد بيروح او بيجي وصي على كم كرز بعد
بهالطريقة عايشين
الطريقة الافضل انك تروح تشتري علاج نسيت اسمه وحسب علمي انه تابع للتأمين العلاج ميزته مشروط من الشركه انه يسبب لك توقف كامل عن التدخين بس اهم شي وجود النية الصادقة ويتابعون معك الشركة المنتجه للعلاج وهو عباره عن حبوب مجربه وكثير تركوا التدخين بسببها بعد الله
وهذي فرصه لك دامه غالي .. وفر فلوسك وقبلها خله طاعة لربك وبعدها صحة لجسمك ...
الله يكفيك شره وجميع ابناء المسلمين
لكل من ابتلاه الله بالتدخين ، أسأل الله أن يكفيكم شره وأن يوفقنا وإياكم إلى طاعته ومرضاته.
المفروض تستغل هاذي الفرصة ....
وتشغل نفسك بالدراسة ...
وتتركه ....
بسألك لو واحد قالك بعطيك كاسة عصير ...وكاتب على الكاسة من برى تحتوى على مواد كيميائية ..راح تشربها ؟؟
كثير متوهمين انهم مايقدرون يسيبون التدخين ...لو لغو الفكرة هاذي ..راح يصير الوضع اسهل بكثير ..
الله يشفيك انت وابناء المسلمين من هذا البلاء .....
سامحنى بس الله يهديك ويقويك على طاعته
الله يوفقك اخوي
انشاء الله دوم غالي هالمخزي اللي ابتلى فيه الكثير من الناس
انشاء الله تبطل من شربه وتريح صدرك وتريح جيبك كمان
بالتوفيق
اكره ماشوف الدخان مسوي فيني بلاوي ها الدخان
ذبحوني اللي يدخنون عندي
انا فيني ربو واعوذ بالله اذا صدري شم الدخان ولع
احمد ربك ياخوي
وحاول تترك المعفن هذا
لأني صراحه تعبت منه وانا ما أدخن
عاد كيف لو أدخن
ترا والله يحرق الصدر حررررق
الله يهدي الجميع والله ان الدخان بلوى قل <امين> الله يعيننا على تركه
بس عندي سؤال كم كرز مسموح للواحد يجيب معه ؟
هههههههههههههههههههه
اللي قاعدين يردون ماقريتو عنوان الموضوع!!!
الله يكون بعونك ماعندي خلفية ولاكان خدمتك
اقتباس:
المشاركة الأصلية كتبت بواسطة ارمان
ايش اسم العلاج
ارجو انك ترسله على الخاص لأني ما اشيكك على المواضيع كثير .. الله يكتب لك الاجر
المالبورو سعره مناسب :)
وحاول انك تشتري كل اسبوعين باكيت لان سعره غالي
الدخان شئ عادي متعوديين عليه حتى بعض ابائنا مدخنين
بس اللي يقهرني اللي يشرب او يحشش ها الاشكال اولى با النصيحه
عموما يا اخوان اللي عنده اي نصحيه اعتقد المحششين وحق البير اولى
مع ان الدخان مضر بس شئ عادي في مجتمعنا بغض النظر عن الدين
ياخوي النصيحه والدعوه لصاحب الموضوع موب لك الله يجزاك خير ، حتى تمنع الناس ؟! ناس غريبه حتى النصيحه والدعوه ماتعجبهم!!اقتباس:
المشاركة الأصلية كتبت بواسطة moo77dy
بعدين وش دخل المحشش والبير؟ تابعت الردود ماحد قال لصاحب الموضوع اشرب وحشش بس انتبه من الدخان ؟!!
انت الله يهديك داخل بسرعه ومطفي النور ،
ولا لو تقرأ زين تعرف ان الموضوع مؤدب من بدايته من صاحب الموضوع الى الردود اللي فيها دعوات كل واحد يتمناها ..
بعدين وانا اخوك الخطأ خطأ ، سواء سواه ابوك الله يطول بعمره على طاعة الرحمن او جدك .. يعني مافي شي أسمه عادي ابائنا مدخنين ههههههههههه
الله يحفظ لك ابوك ويعطيه الصحه والعافيه ..
انا مدري وين اصرف كلمتك ( بغض النظر عن الدين ) للدرجه ذي الدين صار يجي بآخر شي ؟!
الله يصحلنا ويصلحك وعذرا لصاحب الموضوع ..
هلا فيك ومن قال اني مطفي الليل معليش الرجال قال ارجو عدم الدخول لغير المدخنيناقتباس:
المشاركة الأصلية كتبت بواسطة ابوفهد2000
يعني بدون نقاش الرجال ما يبي نصائح
فيه عيادات وجلسات وادويه ما فادت عن قطع التدخين بتنفع نصيحه في منتدى
بعدين اخوي الدخان موجود في كل مكان واللي بدخن سواء في السعوديه او امريكا اللي يبي ينصح ينصح بس العنوان واضح
واسف وكلامك على راسي
انا جربت الملبووروا الابيض و الذهبي و افضل شي بالنسبة لي الذهبي
بس مثلك عارف الغلى ذبح فينا
الله يووفقنا و يووفق الجميع لتركة ........
فيه موقع من النت يبيع اتعامل معه
بس اسمحلي مقدر اعطيك الرابط كفاية الذنوب اللي اكسبها انا
توفر شي كثير
تحياتي
اقتباس:
المشاركة الأصلية كتبت بواسطة moo77dy
يالغالي ،
الجلسات والأدويه والنصائح أحيان كثيرة مابتفيد بالفعل كما ذكرت ،
لكن دعوات الأخوان والأخوات لبارئهم وخالقهم بأن يكفي الأخ الكريم صاحب الموضوع شر الدخان ،
أتوقع بل متأكد بإنها بتنفع بإذن الله ،
اطلب من النت ديفيدوف وريح بالك
فيه دخان رخيص جدا مايكلفك سنت واحد
لف لك ورقه وحط قطن كفلتر وولع راس اللفه واوهم نفسك انك جالس تدخن مارلبورو احمر.