-
ما الذي يجعلك تفخر بوطنك في الـ international day ؟
السلام عليكم ..
في اليوم الوطني الكل يتباهى بمنجزات وطنه .. صراحة ، عدد الأشيـاء الي تحس أنك تفخر بها ، كإنجازات بشرية يعني ما أبي أحد يقول لي ( بترول ، لأن ما تعبنا فيه ) و لا أحد يقول لي ( الحرمين الشريفين ) لأنها لعامة المسلمين ، و لا تقول لي ( كبـــسة ) لأن كل الي يقولون نكبس أصـلا ما يكبسون يحط لك دجاج مقمر و يقول لك كابسها !! و لا تقول لي سامبا لأن ما هي لنا لأننا مسعودينها !!
لو جاء اليوم الوطني .. وش تتمنى يعرض للعامة ، وش تتمنى أنه يكون على الطاولة للناس غير معمول حلواني إخوان و القهوة و الأخت الي تحط حنّا اليد للبنات ..
جد يا إخوان .. أحس الأندية السعودية تعاني من خواء !! يعني ما يعرفون وش يعرضون للعامة !! معمول و قهوة و يلبسون ذي شماغ و يلبسون ذا عباية و تشك تشك تشك ( تصوير كاميرات ) و هاتك يا tag في الفيس بوك !!
مرة زرت نادي سعودي في أحد الولايات .. طول الوقت رقص و معمول حلواني إخوان !!
نبغى يا شباب تعددون لنا أمور تحسون يحق لنا نفخر بها .. و يستحق أنها تعرض على الأجانب .. و نقول للأندية السعودية هذي الأشيـاء تستحق أننا نركز عليها و نضعها في المقدمة
-
رد: ما الذي يجعلك تفخر بوطنك في الـ international day ؟
ههههههههههههههه والله انك صادق ما عندك احد بس الله يستر علينا لا يجينا الاستخبارات ولا ننسجن بس اسمحلي يا وطني العزيز ما عندك سالفه وش سويت نفخر فيه
لا ينط واحد يقول تبرعنا وما تبرعنا كله من النفط نبي انجاز مثل نووي صناعة سيارات اي شي نفس كذا بس اعذرني يا الوطن احس ما فيك الجواز والبعثه اذا عندك واسطه وغير كذا قطه بحر
-
رد: ما الذي يجعلك تفخر بوطنك في الـ international day ؟
في الحقيقه عندنا اشياء راح تبهر الناس لو فقد نعطيهم نبذه عنها (( مدائن صالح وادي لجب في جيزان جزيره فرسان جزر كثيره في المنطقه شرقيه وتحديداً في القطيق اشياء اثريه كثريه موجوده في الربع الخالي )) وحتى البترول كيف نشاء كيف كانت منطقه نجد تزهوا بالخضار والأنهار وعدد من الحيوانات وهي سبب الرائيسي بعد الله بأن الممكله تملك اكبر ابار النفط في العالم وحتى الحرمين مكه كيف يأتيها اكثر من 4 مليون شخص سنوياً في ايام معدودات
لكن احنا فاهمين الوطنيه غير كبسه !! رقص !! قهوه !!!
-
رد: ما الذي يجعلك تفخر بوطنك في الـ international day ؟
و الله الي سردتها يا غربة شي حلو .. بس جد يا جمــــاعة أحس أجهل الناس بمنطقتهم السعوديين !!
فيه أماكن تاريخية و تراثية وين الهيئة العاامة للسياحة و الآثار عنها !!! ليه ما فيه توجيه للسعوديين لها !!
و الله العظيم يا أخوان أيــام اللغة المدرسة كتبت قل لو جينا لك بالسعودية وين بتودينا .. واحد من الرياض اعرفه شخصيـًا و الله العظيم كاتب شارع الحوامل !
قسم بالله عندنا مناطق في الجنوب و في نجد و في الشمال اكثر من رائعة خصوصاا الي جهة تبوك حسب علمي فيه منطقة اسمها الوجه .. و الله رائعة حسب ما سمعت من كلام الناس .
-
رد: ما الذي يجعلك تفخر بوطنك في الـ international day ؟
هههههههههههه المشكلة أنها كلها خيام وقهوة ونقش حنا .... وبعدين يرجعون ويقولون الآمريكان يفكرونا عايشين في خيام وأنا متأكد حتى اللي يصممون هذه الحفلات لو تخرج البر وتقول له تعال أنصب خيمة ما يعرف ينصبها ..!!
وبعدين أعتقد الشغله صارت تقليد في تقليد ...... شوف كوريا لما جت الجنادرية
http://sabq.org/files/images-image/1073.jpg
http://s.alriyadh.com/2012/02/08/img/591768210273.jpg
http://sabq.org/files/images-image/1075.jpg
-
رد: ما الذي يجعلك تفخر بوطنك في الـ international day ؟
يا اخوان حنى ما نتكلم وش يملك الوطن نسولف وش سوى الوطن وش قعد يسوي الوطن يعني تقعد بالكلاس طالب من روسيا يقول حنا صنعنا الطيارات الحربيه والثاني من اليابان يقول صنعنا السيارات واغلب الاجهزة الالكترونيه
وانا سعودي وش اقول يعني حنا بوطنا نستخدم اشياء حنا هم صنعوها عشان كذا نعرف اسامي دولهم لما تسأله عن دولتنا ما يعرفون بس اسمها وما يدرون وين هي والله اما لو كنا صنعنا شي يذكر يقدرون يستخدمونه كان اعرفو السعوديه
صرت لما يسألني احد من وين انت اقول من الشرق الاوسط لان اذا قلتلهم السعوديه ما يعرفونها لا يجيني واحد اشطح يقول النفط اغلب دول العالم عندها نفط بس حنا بكميه اكثر
-
رد: ما الذي يجعلك تفخر بوطنك في الـ international day ؟
تكلمت بالموضوع ذا قبلك
بالمختصر احظر اليوم الوطني بس ما اشارك فيه
ياشي زين ايه اشارك شي يرفع الراس ماهو رقص واكل ومزايين الابل !!
-
رد: ما الذي يجعلك تفخر بوطنك في الـ international day ؟
أشيـاء مكررة في النوادي السعودية :-
- حنا البنات.
- محمد عبده - راشد الماجد - راشد الفارس - رابح صقر.
-سامبا.
- واحد يكتب اسامي الناس بالعربي.
- اكثر كلمة يقولونها my country is
- قهوة.
- معمول حلوان اخوان.
- يلبسون الحريم عباية.
- يلبسون الرجال شماغ.
- يجلسونهم ع الارض.
- برج الفيصلية و المملكة.
- مكة و المدينة.
و الله يعين طبعًا كل هالشغل بمباركة الملحقية .. لو يسوون لجنة يطورون النوادي السعودية و يعطونهم تدريب من فترة لفترة على إدراة النادي كان استفدنا بس جد نبي اشياء نفخر بها.
-
رد: ما الذي يجعلك تفخر بوطنك في الـ international day ؟
-
رد: ما الذي يجعلك تفخر بوطنك في الـ international day ؟
حان الوقت ليرى العالم الإرث الحضاري والتاريخي للمملكة العربية السعودية، حينما تحتضن دول أوروبية وعالمية (معرض عن آثار وكنوز المملكة عبر العصور) تنفيذاً لتوجيه خادم الحرمين الشريفين الملك عبدالله بن عبدالعزيز -حفظه الله- وبناء على اقتراح فخامة الرئيس الفرنسي السابق جاك شيراك خلال افتتاحهما معرض (روائع من الفنون الإسلامية)الذي نظمته الهيئة العامة للسياحة والآثار بالمتحف الوطني بالرياض بتاريخ 6/2/1427هـ الموافق 6 مارس 2006م.
وتمثل إقامة المعرض بعدد من الدول مناسبة هامة وحيوية للتعريف بالآثار الوطنية، لما تزخر به المملكة من إرث حضاري كبير،ولما لهذا البلد من المقومات الحضارية والتاريخية ما لا يملكه بلد آخر.
وتحوي المملكة تراثاً و آثاراً و ثقافات عظيمة تؤكد عمق الحضارة التي تقف عليها والحضور التاريخي على مر العصور، إلا أن هذه الثروات و الحضارة غير معروفة بشكل كبير في فرنسا و أسبانيا والعالم"، ومن الضروري تعريف جميع دول العالم بتراث المملكة ودورها الرائد في الحضارة الإسلامية.
وتأتي فكرة انتقال المعرض تنفيذ لتوجيهات المقام السامي بشأن انتقاله بين عدد من المتاحف الشهيرة في أوربا و الولايات المتحدة الأمريكية وتأكيدا على مكانة المملكة التاريخية، و إسهاما في تعريف العالم بالبعد الحضاري للمملكة و ما تمثله الآثار السعودية من أهمية خاصة في اكتمال فهم حلقات التاريخ البشري، وتأصيلا لما تتبوؤه المملكة اليوم - في ظل اهتمام القيادة يحفظها الله- من مكانة في قيادة التواصل الإنساني، وجاء عرض المملكة لعدد كبير من قطعها الأثرية المتنوعة ذات القيمة الاستثنائية لأول مرة خارج أراضيها، امتدادا لحضور المملكة العالمي و ما تحتله من منزلة متقدمة على الصعيد الدولي من خلال مكانتها الإسلامية باحتضانها الحرمين الشريفين ودورها الاقتصادي وتأثيرها في العلاقات الإنسانية انطلاقا من موقعها الجغرافي المميز الذي شكل محورا رئيسا في المجالات الثقافية والاقتصادية بين الشرق والغرب، وجسرا للتواصل الحضاري عبر العصور.
ويضم المعرض 320 قطعة أثرية تعرض للمرة الأولى خارج المملكة من التحف المعروضة في المتحف الوطني بالرياض ومتحف جامعة الملك سعود وعدد من متاحف المملكة المختلفة وقطع من التي عثر عليها في التنقيبات الأثرية الحديثة وتغطي قطع المعرض الفترة التي تمتد من العصر الحجري القديم (مليون سنة قبل الميلاد) وحتى عصر النهضة السعودي، وتمر هذه الفترة الطويلة بالعصور الحجرية ثم بفترة العُبَيْد (الألف الخامس قبل الميلاد)ثم بفترة دلمون ثم فترة الممالك العربية المبكرة، ثم الممالك العربية الوسيطة والمتأخرة ففترة العهد النبوي ثم فترة الدولة الأموية والعباسية و العصر الإسلامي الوسيط والمتأخر ، وأخيراً فترة توحيد المملكة العربية السعودية، و ما تلاها من تطور وازدهار يتضح في كافة مجالات الحياة وبخاصة في خدمة الحرمين الشريفين.
- معرض روائع آثار المملكة في متحف اللوفر
- معرض روائع آثار المملكة في مؤسسة "كاشيا" ببرشلونة
- معرض روائع آثار المملكة في متحف الإرميتاج بروسيا
- معرض روائع آثار المملكة في متحف البرقمن ببرلين
-
رد: ما الذي يجعلك تفخر بوطنك في الـ international day ؟
اقتباس:
المشاركة الأصلية كتبت بواسطة خطوتآن وآبتعث
تكلمت بالموضوع ذا قبلك
بالمختصر احظر اليوم الوطني بس ما اشارك فيه
ياشي زين ايه اشارك شي يرفع الراس ماهو رقص واكل ومزايين الابل !!
يا رجااااااااااااال ما عندك شي يعرضونه خلهم يرقصون
انا نفسي نركز ع الجانب العلمي مو الجانب المادي .. ترانا مو عايشين في البر و من هالكلام .. يعني نماذج مثل جامعات معينة .. عالمات مثل حياة سندي ..
حتى التمر و الي يقدر بمليون طن سنويًا ما عرفنا نستثمره !! يعني و الله يا شباب ترا التمر يعتبر في مجال المال و الأعمال ( ميزة تنافسية ) ماهي موجودة عند الغير ، و نقدر نستفيد من مشتقاته بصناعة حلويات تنافس مارس و سنكرز و توكس بس و الله ما حولك احد حتى تصدير التمور معقدينه !!
-
رد: ما الذي يجعلك تفخر بوطنك في الـ international day ؟
اقتباس:
المشاركة الأصلية كتبت بواسطة مايو1984
يا رجااااااااااااال ما عندك شي يعرضونه خلهم يرقصون
انا نفسي نركز ع الجانب العلمي مو الجانب المادي .. ترانا مو عايشين في البر و من هالكلام .. يعني نماذج مثل جامعات معينة .. عالمات مثل حياة سندي ..
حتى التمر و الي يقدر بمليون طن سنويًا ما عرفنا نستثمره !! يعني و الله يا شباب ترا التمر يعتبر في مجال المال و الأعمال ( ميزة تنافسية ) ماهي موجودة عند الغير ، و نقدر نستفيد من مشتقاته بصناعة حلويات تنافس مارس و سنكرز و توكس بس و الله ما حولك احد حتى تصدير التمور معقدينه !!
هذا كان موضـــــــــــــــوعي
اقتباس:
المشاركة الأصلية كتبت بواسطة خطوتآن وآبتعث
ياخي أنا ملاحظ كل ماجى يوم سعودي بالجامعة
أكثر الأشياء الي نعرضها لهم الأكل وخيام الشعر ومدري ايش !
ياخي ليه ماتعرضون جامعة الملك عبدالله للتكنولوجيا
ليه ماتعرضون اختراعات السعوديين
ليه ماتعرضون طموحات المملكة الاقتصادية والحضارية
...................... !
-
رد: ما الذي يجعلك تفخر بوطنك في الـ international day ؟
يا اخوان وش اسوي بالي ما يفهمون يعني يردون علينا يحطلي اثار وسياحه اقرأو ردي الثاني بالموضوع وافهمو يا بشر ما نبغى شي موجود نبغى شي صنعناه بانفسنا
انا اذا بغيت اكشخ قدام الامريكان اسولفلهم عن الامارات لان يعرفونها مع ان الامارات مو بذاك الزود بس افضل من السعوديه وش فيها الامارات غير السياحه نبي شي مصنوع معمول
شي تحس ابوك واجدادك مسوينه ولحد الحين قعد نشتغل فيه الهند الي هي الهند عندها نووي ابو فسيه الي تضحكون عليه بالشارع جاي من دولة فيهنا نووي مع ان النووي مايجعل بلدك مشهور مثل الصناعات وغيرها
اوك نقدر نقول ان الاثار شي يفتخر فيه بس اثارنا مو بذيك الاهميه عند الاجانب مثل اثار مصر مافي احد بالدنيا ما يعرف مصر واثارهم من الاف السنين اثار تعبر الحضاره التي كانت هناك
التي استمرت اكثر من 3000 سنه او اكثر بكثير حضارة كان فيها شي يذكر الكنوز والتماثيل والثقافه الفرعونيه والعلم الذي كان يملكه الفراعنه كمثال في غرفه في احد الاهرامات
الغرفه هذي ما تدخلها اشعه الشمس الا مره بالسنه علماء العصر اعجزو يكتشفون الطريقه ولكم حرية البحث والتاكد
-
رد: ما الذي يجعلك تفخر بوطنك في الـ international day ؟
شف شف يا اخوي fx35
و الله انا عادي نتكلم عن شي موجود بس نخليه كنقطة فرعية .. بس ما نخليه نقطة أسـاسية !!
يعني مثـــلا نفخر بالربيعة نقول إنجازات السعودية أنها مبدعة في فصل التوائم !! أو مثلا حياة سندي .. و نسرد أشيــاء بالصور و الفيديو .. و واحد يكون متحدث جيد بالانجليزي و يتكلم وش السعودية مبدعة فيه ..
ثم بعدها يبدأ يتكلم عن البترول
و الاثار و ما شابه
و الله الهندي ان تاريخه مو هين و قوي و لو بس يقول غاندي الكل قال و نعم فيه !! و الهندي سلمك الله معروف انهم افضل مبرمجين و مهندسين و ناس مبدعة لأبعد درجة في مجال التكنولوجيا و الحاسب الالي .. و الهندي يا طويل العمر عندهم ستين مليون طائفة و عايشين سوا عاااااااااااادي
حنا ثلاث طوائف و كل يوم متطاقين شيعة سنة صوفية
-
رد: ما الذي يجعلك تفخر بوطنك في الـ international day ؟
أنا أشوف نسلط الضوء على المخترعين والمخترعات عندنا
اللي الإعلام السعودي ماهو معطيهم حقهم ولا داري عن إنجازاتهم
هنا يجي دورنا نتكلم عن اختراعاتهم ونبرز إبداعاتهم لحيز الوجود
قوقل مليان مخترعين سعوديين ومدعم بالصور كل اللي علينا نقرأ عنهم
ونتكلم قدام الأجانب ونعرض صور لهم ولإختراعاتهم ماشا الله من مختلف الأعمار
عندنا أطفال مخترعين وحققوا إنجازات عظيمة ماشا الله عليهم،
وبالنسبة للمناطق السياحية والآثار التاريخية والنشاطات اللي ممكن تجذب أي سائح
في هذا الموقع تلقوا ضالتكم إن شا الله
دليل الخدمات السياحية
اذكروا للأجانب اللي يسألوكم عن السعودية
عن أسواقنا العصرية والشعبية وطبعاً الشعبية اللي راح يهتموا فيها أكثر
تكلموا عن البحر الأحمر والشعاب المرجانية والأسماك و روعة الغوص فيه وتاريخ الغوص وأشهر الغواصين وانجازاتهم
و طلعات البر والشوي ومثلاً تأمل النجوم بالتليسكوب وكيف كانوا العلماء العرب يهتموا بالفلك
وايش اختراعاتهم،
هذي التفاصيل تعجبهم خاصة اللي فيها شي
يخص العلم بشكل عام،
من جد اليوم الوطني ماهو أعلام ومعمول وحنا فقط، ابرزوا النقاط اللي
تخليكم فخورين بالكلام عنها..
-
رد: ما الذي يجعلك تفخر بوطنك في الـ international day ؟
شبــــــــــــاب بسـألكم سيارة غزال جد سعودية 100% أبدًا ما خشت مزاجي السالفة
يا ليت تعلمونا
اخاف نحطها في اليوم الوطني و الا الانترناشونال داي و يفشلنا احد
لانهم قالوا بس القزاز حق السيارة هو السعودي من المصنع السعودي للزجاج ( حق امير )
و المكينة المانية الظاهر و البودي ما ادري ايش
بس الطلاب صمموا شكلها الخارجي
كيف صارت سعودية 100% شكلي فاهم التصنيع غلط
-
رد: ما الذي يجعلك تفخر بوطنك في الـ international day ؟
اقتباس:
المشاركة الأصلية كتبت بواسطة مايو1984
شبــــــــــــاب بسـألكم سيارة غزال جد سعودية 100% أبدًا ما خشت مزاجي السالفة
يا ليت تعلمونا
اخاف نحطها في اليوم الوطني و الا الانترناشونال داي و يفشلنا احد
لانهم قالوا بس القزاز حق السيارة هو السعودي من المصنع السعودي للزجاج ( حق امير )
و المكينة المانية الظاهر و البودي ما ادري ايش
بس الطلاب صمموا شكلها الخارجي
كيف صارت سعودية 100% شكلي فاهم التصنيع غلط
من ناحية سعوديه مشكوك فيها لان مرسيدس الالمانيه مشاركه بصناعتها واعطيك الدليل روح قوقل ودخل على ايقونة الصور للبحث عن الصور وشوف السياره هذي g55 ووشوف التصميم الداخلي والخارجي نفس غزال وتأكد بنفسك
اما الي يقول عن طلعات البر والبحر الاحمر يا طويل العمر كان عندنا خدامه طلعنا البر واخذناها معنا وتعرف كشتات السعوديه يجلسون على الارض وشوي وحركات وصحراء قاحله ويوم رجعنا سألها اخوي وش شفتي بالبر طبعا اخوي ما راح معنا
قالت شفت تراب خخخخخ والله يعني مو عارفه توصفله البر لان مافي شي ينوصف فيه يا حليها
-
رد: ما الذي يجعلك تفخر بوطنك في الـ international day ؟
اقتباس:
المشاركة الأصلية كتبت بواسطة مايو1984
شف شف يا اخوي fx35
و الله انا عادي نتكلم عن شي موجود بس نخليه كنقطة فرعية .. بس ما نخليه نقطة أسـاسية !!
يعني مثـــلا نفخر بالربيعة نقول إنجازات السعودية أنها مبدعة في فصل التوائم !! أو مثلا حياة سندي .. و نسرد أشيــاء بالصور و الفيديو .. و واحد يكون متحدث جيد بالانجليزي و يتكلم وش السعودية مبدعة فيه ..
ثم بعدها يبدأ يتكلم عن البترول
و الاثار و ما شابه
و الله الهندي ان تاريخه مو هين و قوي و لو بس يقول غاندي الكل قال و نعم فيه !! و الهندي سلمك الله معروف انهم افضل مبرمجين و مهندسين و ناس مبدعة لأبعد درجة في مجال التكنولوجيا و الحاسب الالي .. و الهندي يا طويل العمر عندهم ستين مليون طائفة و عايشين سوا عاااااااااااادي
حنا ثلاث طوائف و كل يوم متطاقين شيعة سنة صوفية
ذكرتني بسالفه تفخر فيها الوطن خخخ تخبرون البنت الي طاحت بالبير بالطائف الدفاع المدني جلس 12 يوم عشان يطلعها مو هنا المشكله المشكله انها بعد ما ماتت ب 3 اسابيع نزل اسمها بالتوضيف ما لحقت تتهنا الله يرحمها
-
رد: ما الذي يجعلك تفخر بوطنك في الـ international day ؟
عندنا برج الوليد اللي باقي ما انبنا ويبغاه يصير اطول برج في العالم ايش رايك :p
احنا اكثر الشعوب استهلاك واستيراد ما نعرف نصدر الا بترول وغاز واذا غيرنا صدرنا غاز و بترول
بس تقدر تتكلم عن مصافي النفط اللي عندنا والصناعات البيتروكيماوية
تقدر تتكلم عن توسعة الحرم حتى يستقبل الاعداد المهولة للحجاج والمعتمرين >> هذي ناحية هندسية بحت وليست دينية
اصلا الكلام عن التسهيلات اللي توفرها المملكة في هالمجال كثير جدا وما يخلص <<< ترى الامريكان يعرفون مكة بالاسم وعلى قولتهم
البلاك بوكس قصدهم الكعبة ففرصة انك توريهم هيه بدل ما هم على عماهم
عندك الجامعات المنشئة حديثا سواء جامعة كاوست او جامعة الاميرة نورة اكبر جامعة نسائية في العالم اذا مو غلطانة
فيه كمان الاشهر من نار على علم حياة سندي ووغيرها من المخترعين ممكن تلاقي عنهم بالهبل
المشكلة بـ النسبة لي مش مشكلة موضوع لو حبيتوا تلاقوا شيء يميز المملكة رح تلاقوا المشكلة عندنا انه في اي مناسبة ثقافية
لازم نبين للناس انه احنا على الرغم من الاصالة المتمسكين بها بشدة الا اننا شعب فلاوي لاخر درجة فاذا ما رقصنا واستعبطنا كانه
ما سوينا شيء !!
والا بالذمة السعودية كاملة خيام !! اللي يروح جدة القديمة يعرف انه فيها بيوت من سنة قارون وما تزال قائمة للان وما يعرفوا نهائي شيء اسمه خيمة
لكن الكلام هذا كله يبغى له شخص عنده طولة بال عشان ينسق الموضوع ويجمع معلومات ويلاقي صور ويعرضها بطريقة مشوقة للمتلقي الامريكي
وللاسف رح تلاقي ناس كثير يرفضوا هـ الفكرة بدعوى التمسك بثقافتنا ومش عارفة ايش
-
رد: ما الذي يجعلك تفخر بوطنك في الـ international day ؟
سؤال جدا جدا مهم .. ويعجبني الشخص اللي يحاول بقد مايقدر يعرض الصوره اللي تشرف لوطنه ..!
صحيح أننا بلد لا نملك "الأحداث" التي تجعلنا كـغيرنا من البلدان المشهوره عالميا ..!
ولكن هنالك امور كثيـره بإمكان الشخص أن يأخذها كنقطه يستطيع التحدث عنها وعرضها للمجتمع الأجنبـي !
فمثلا .. هم يعرفون مصـر .. بسبب الأهرامات ؟!
بس حنا مثل مصـر بمعرفتهم فينا .. ولكن الفرق أن مصـر مشتهره بالأهرامات .. وحنا مشتهرين "بالطعوس و البران"..!
كانت السعودية قديما مجرد صحراء قاحله .. ولا يقطنها غير البدو .. وهؤلاء البدو كانوا رحالون من مكان إلى مكان .. للبحث عن الأماكن التي يكثر بها العشب ..!
ونـعرف جميعا .. بأن السعوديه كآنت تعيش كما عيش الجاهلية .. فكان هنالك قطاعين طرق .. و الاقوام تهجم على بعضها البعض ..! والنهب والسرق والحروب الدائمه .!
فمنذ ذلك الوقت وحتى وقتنا الحالي .. لم نحقق شيئا يذكر غير بطولات فلان وفلان .. وقبيلة فلان و فلان .. وعليها "حبتين زياده" من الهمجيه والتفاخر والتنابز بالأنساب الذي ليس له اية فائده سوى جلب المشاكل ..!
ومنذ أن تفتحت عقول الناس واصبحوا يرون بشكل افضل ويفكرون بشكل افضل .. أصبح جمع "الملايين" شغلهم الذي يشغلهم .. ولا هنالك اية خطوط حمراء لديهم .. فلا يهمهم إن كانت "مسروقه" أو "مسلوبه" أو "ملعوبه " على المساكين..!
فلو لليتيم مالا .. لسلبوه منه .. بدون اية رحمه ..!
واصبح الناس هنا .. يحاولون أن يتعايشون مع الوضع .. فالكل يأكل بعضهم بعضا .. والبعض يحاول أن يصل لما وصله غيره .. ولكـن .. "لاحسيب ولا رقيب".. فالمسألة لم تتوقف على المال فقط .. بل ايضا على الوظائف الشاغرة .. فاصبحت "الواسطة" شيء لا غنى في مجتمعنا الحالي ..! واصبح حق المواطن "مهظوم" إن لم يكن لديه "واسطة"..!
فحتى المتعلمين والمخترعين لدينا .. لم يستطيعوا أن يسجلوا برائات اختراع .. والسبب "الواسطة"..!
ومن الممكن أن من الاشياء التي تعيقهم هي "الماده".. فهم لم يجدوا أي دعم مادي يدعم اختراعاتهم .. حتى يمكنهم من التشعب بتطوير اختراعاتهم ..!
فإن المخترعين لن يستطيعوا إنجاز شيء إذا لم يكن هنالك دعم لهم ..!
وهذا يذكرني بـمقولة Winston Churchill الشهيرة " Give us the tools, and we'll finish the job "..
وفعلا ., إذا لم يكن لديك الأدوات اللازمه .. فلن تقدر على إنهاء اختراعك ..!
فكيف لك أن تجد شيئا تتحدث فيه للأجانب وتظهر بلدك بالشكل المشرف ..! ؟
لأ اجد هنالك أي دافع يجعلنا نغيـر من "روتين" إحتفالتنا باليوم العالمي خارج الوطن.. إلا إن أردنا أن نسلط الاضواء على الأمور الغير إعتيادية .! مثل "التفحيط" مثلا ..!
أتعرفون أن "التفحيط" بالسعودية .. بعد ما اصدر ضجة في برنامج "Top Gear" المشهور .. وذلك بعد ما ارسل بعض المراهقين السعوديين "مقاطع تفحيط" للبرنامج ..! بطريقة التفحيط وايضا بحركة "التزلج على الزفلت"..!
فقد اهتمت بعض الشركات الألمانية بفكرة "التزلج على الزفلت".. وقد عملوا بحوث وتجارب عديدة .. فقط لمعرفة "سر" إمكانية "السعوديين" من "التزلج" على الزفلت بدون زلاجات ؟!
فمن الممكن أن تدرج هذا تحت مسمى "الجنون سبب رئيسي للإختراعات"..!
عموما .. سبق وجائني سؤال في احد كورسات الكومبيزيشن عن بلدي ..! فالذي كتبته فوق .. هو ماورد في ذهني ذلك الوقت .. ولكن حولت فكري من "بلدي" إلى "عالمي".. فقد بحثت عن الأشياء التي لا يمتلكها الشعب الامريكي .!
ووجدت بعض الأشياء .. ومن اهمها "مواضيع الأسره".. ولما تحدثت عن هذا الموضوع .. اخذ اعجابا كبيرا وانبهارا من الناس .. واستقبلت اسأله كثيره حول هذا الموضوع .. والسبب "فاقد الشيء لايعطيه"..!
وأشكر لكم إتاحة الفرصه لي بالمشاركة ..,
والله ولي التوفيق ..,
اخوكم محمد
-
رد: ما الذي يجعلك تفخر بوطنك في الـ international day ؟
-
رد: ما الذي يجعلك تفخر بوطنك في الـ international day ؟
اتمنى فقط ان ما يكون فيه اختلاط
-
رد: ما الذي يجعلك تفخر بوطنك في الـ international day ؟
ولا شي يستحق الفخر. لكن مع كل هذا احب وافتخر اني سعودي
-
رد: ما الذي يجعلك تفخر بوطنك في الـ international day ؟
بالعكس انا افتخر اني سعوديه :o
يكفيك فخرا وجود الحرمين فبلدنا ..
كل خلق الله المسلمين من جميع اقطار الدنيا يسافرو على السعوديه لغرض الحج و العمره
و الجنسيه السعوديه بالعكس كلن يتمناها .. شوف المغني العراقي ماجد المهندس باع بلده العراق و تجنس سعودي :D
روح المصمك والله يعجبك
من انتاج السعوديه ( التمر بالاحساء و المدينه - العسل بالجنوب - البترول بالشرقيه ...الخ )
عايشين الحمدلله مافيه فقر الا يمكن نسبه قليله جدا
السسعوديه دايما تساعد المسلمين و تسوي لهم اغاثه ( مجاعة افريقيا - ليبيا - فلسطين - سوريا - لبنان ...الخ )
صحيح السعوديه متاخره .. بــ( التعليم - الكنولوجيا - البنيه التحتيه .. الخ )
بس السعوديه هي البلد الوحيده المنفرده بـ غار حراء الي نزل فيه الوحي - جبل احد موقعة اول معركه فالاسلام - الكعبه المشرفه - روضة من رياض الجنه .
-
رد: ما الذي يجعلك تفخر بوطنك في الـ international day ؟
شكرا لك يا صاحب الموضوع على مواضيعك الهادفه .. الله يوفقك ويسهل لك امورك
أنا اشوف اننا نتكلم عن كل شي .. موجود من أول ، احنا صنعناه ، نطمح له ...ألخ
باذكر بعض الأمور الي خطرت ببالي على السريع ..
تسهيلات الابتعاث .. أكبر نسبة مبتعثين في العالم 0.5% من السعوديين مبتعثين وهذا دليل على اهتمام بلدنا بالعلم والتطور
برج الساعة .. طولة الشاهق جدا و حجم الساعة الأكبر في العالم ومقارنة حجمها بساعة بيغ بن
مدائن صالح .. المشابهه للبتراء التي تعد من عجائب الدنيا السبع
البحر الأحمر .. شعبه المرجانية الجميلة والتي قدم طلاب من عدة دول لدراستها في جامعة كاوست
برج الوليد .. طولة 1 كلم وبدأ تنفيذه
والحقيقه هذا الموضوع يبغاله تاعون بين الطلبه كلن في المجال المطلع عليه ، يعني واحد في التاريخ و ثاني في الاقتصاد ، السياحة ... ألخ
يعني ودنا نطرح في هذا المنتدى افكار بس تكون كامله ، يعني تجيب كامل المعلومات عن شيء معين تفتخر به و تضيف صور ومصادر وكل شيء ممكن نحتاجه
اذا كل واحد زاد فكرة وحدة ممكن نطلع في النهاية بـ5 إلى 15 فكرة جديدة يتم تطبيقة في عدة جامعات وعلى عدة سنوات
يعني بدل ما تجيب فكرة جديدة وتطرحها على النادي الي أنت موجود فيه ، اطرحها هنا وبيستفيد منها اغلب الاندية لعدة سنوات
يالله شدوا حيلكم وكل واحد يطرح فكرة وحدة جديدة ويشرحها بالتفصيل ليسهل تطبيقها << بعد اذن صاحب الموضوع