الوظائف الساخنة في السعودية خلال الـ 5 سنوات القادمة..مشورتكم

السلام عليكم ورحمة الله


اخواني ...........

مااهي افضل التخصصات بالنسبة للبكالوريوس في السنوات الـ 5 القادمة

وبحكم دراستكم بالخارج ماهي الاقسام التي ربما يحدث فيها تكدس في السنتين المقبله؟؟!!

اذا ممكن تفيدونا اخواني كلا حسب ماسمع او ما رأى

لاتبخلون ولا بمعلومة


وشكرا

Upppppppppppppppp

ياناااااااس والله هذي المواضيع اللي تخدم الطالب\ة مو المواضيع الا في خلق الله

المهم اختي انا اشوف التخصصات الطبية نادرة جدا لان اغلب الطلاب المبتعثين هندسة او ادارة او تسويق قليل جدا اتخصصات الطبية وخصوصا الطب البشري والاسنان والصيدلة

اتمنى من الطلاب المشاركة

التخصصات الطبيه
لان الدوله ما تبتعث بكالوريوس الا هي ..

^^

وعلكم السلام ورحمة الله وبركاتة ..
اتووقع انو التخصصات الطبية هي المطلووبة ..
بس بسآلكُمْ هل يقبلوون تمريض يعني لوو آنا مَ أبغى طبّ ؟!

فكري ف يتخصص الـ supply chain management تخصص حلو و بيفيدك

فكرة التخصص ببـــساطة كالتــــالي:

يعطيك التخصص البنية المعلوماتية و التفكيرية و يصقل تفكيرك بأن تصبح قادر على ابتكار طرق ( تقلل التكاليف على المنتج + تزيد من جودة الإنتـاج ) .. و هذا الشي مو في مجال واحد يعني في المصانع فقط .. يمكن بكرة في التسويق و التخزين و التوزيع و غيره .. يعلمك كيف تدير مخازن و منتجات و مصانع ..

يعني مثـــلا : شركة كبيرة مثل شركة DHL أو FEDEX أو شركــات الألبان مثل الصافي و غيرها ..

يقولون كيف نقلل تكلفة نقل المظاريف ؟ مثلا .. شركة دي إتش إل أو فيديكس تشوف إن الطيارة لو تطلع من الرياض لخميس مشيط مباشرة راح يقلل التكاليف عليهم كشركة !! بينما لو طلعت من الرياض للدمام راح تزيد التكلفة .. يعني باختصار هذا التخصص يسهم في شيئ مهم و هو :
يقلل التكاليف على المصنع - يكون غير ضار بالبيئة - يزيد من جودة المنتج

طبعـًا الحين ما يهتمون بالبيئة بس الاساس ان هالتخصص يهتم بهالثلاث عناصر الاساسية

بالنسبة لـ شركات مثل الالبان او ببسي او غيره اي شركات لها تنقل : فهي تستعين بك لتدرس لهم بطريقة حسابية معينة كيف يقللون تكلفة النقل !! يعني هل افضل يتوجهون من الرياض للجنوب؟ او يتوجهون للبقالات و المراكز الي في طريق عرعر او وين يبدأون بالزبط و كيف ينتهون !؟ هل من الافضل فتح مصنع صغير في تلك المناطق و الا افضل من عندنا ؟؟!!! كل همه الاساسي هالتخصص خفض التكاليف عشان الناس تتمكن من الشراء

هالتخصص يتنوع لـ SUPPLY CHAIN MANAGEMENT
و كذلك Global Supply chain management
و كذلك الـ logistic

السبلاي تشين الاول يتكلم بشكل عام و حلو
القلوبل سبلاي تشين مانجمنت يهتم بالتصنيع العالمي .. يعني مثلا سيارتك الي تركبها ممكن تلاقي البيبان مركبة في ماليزيا و القزاز بالسعودية و الكفرات بمصر ! وجدوا انها اقل كلفة عليهم !!

اللــوجستك زي ما قلت شي يتعلق بتكاليف النقل مثل شركات كبيرة فيديكس و كذا

اي احد يبي معلومات ممكن يراسلني ع الايميل التالي : x5_s@live.com
ايميل فقط مو مسن

و الله يوفقنا وياكم

التخصصات الطبية والهندسية. في الطبية عندك المختبرات, الأشعة, العلاج الطبيعي, التخدير. الهندسية عندك افضلها هندسة البترول.

بالتوفيق

شكرا لكم انا اعرف انه التخصصات الطبية هي الي تبتعث عليها الوزارة بس يقولون قبول التخصصات الطبيه في امريكا صعب

والهندسة طلابها كثير سواء بالداخل او بالخارج

ايش رايكم في طب الطوارئ؟؟!!!

اختي بما انك فتاة فطب الطوارئ غير مناسب لك

وزي ما قالوا الاخوان ان التخصصات الطبية هي الافضل

وانا اشوف ان الصيدلة هي افضل تخصص طبي للفتيات

بالتوفيق

لله يوفقك

سبحان اللهم وبحمدك استغفرك واتوب اليك

التخصصات الطبية والهندسية والحاسب الالي

المحاسبة

و الصناعية منها

....................................

موضوع كويس وانا ابي استفيد بعد

طب الطوارئ مطلوب بشكل كبير حيث اطباء الطوارئ بالسعوديه مايتعدون 100 شخص ،، هل تصدق أن مستشفى الحرس الوطني بالرياض مافيه الا تقريبا 15 طبيب طوارئ!!
وتخصص السبلاي تشين مثل ماقال اخوي مايو لكن يبي له واحد تفكيره وسيع وطويل بال ،،
التخصصات الإداريه بدأت تلفظ أنفاسها الأخيره الآن من كثرة السعوديين فيها صار في الكلاس الواحد لماده اداره السعوديين اكثر من اهل البلد :)

ونقطة مهمة على كلام اخوي طب الطوارئ جدا مهم
والهندسة بشكل عام مهمة وفيها تخصصات نادر ما يتوظفون فيها الشباب
فا بالتوفيق للجميع

نصيحة الطب البشري و الصيدلة وطب الطوارئ من افضل التخصصات الطبية وللمعلومية التكنولوجيا والطب يوميا يحدث فيها تطور علمي فل ننظر لها بنظرة علمية وليست وظيفية فقط اعرف اشخاص عندهم دكتوراه وفي تخصصات مهمة لكن بدون وظائف واللي يقول تكدس هذا صحيح لكن الشهادة هيا اللي تحسم الامر بحسب معدلك راح تتوظف ايا كان تخصصك
اتمنى يشوف لاي تخصص يميل و يختار اللي تحتاجها بلدنا
وبالتوفيق للجيمع

تنويه مهم جدا العالم كله متجه نحو الكهرباء والالكترونيات بجميع تخصصاتهم
انا تخصصي جدا حلو ومتواجد في كل مكان ونظريته ودراسته وفكرت هالتخصص ممكن تتطور مع مرور الزمن
وممكن اسير مفتكر في طريقة تصميم المحركات بجميع اشكالها و انواعها لكن بعد ما ادرس هالتخصص
في اكثر الشركات موجود طيران سفن غواصات الشركات الصناعية
له ايضا في المحركات التربينية
Mechanical Engineering - Rotating equipment engineer
فا احلى التخصصات وجدا سهلا بالنسبة لي فا اتمنى الكل يقراء عنه بالتوفيق للجميع يارب

طب وهندسة
وبالتوفيق من عند الله