عرض للطباعة
السلام عليكم
ابي الي جرب الخطوط ينصحني وش افضل خطوط اسافر عليها لهيوستن
الاماراتيه: الرياض -دبي كم ساعه -هيوستن
السعودية:الرياض-واشنطن-طيران داخلي لهيوستن <- والي عجبني اقدر اجلس يومين بواشنطن
بس كثير خوفوني من مطار واشنطن انه معقد وخصوصا لما يكون العفش كثير وتفتيش !
ابي تنصحوني بالافضل من ناحيه مسار الرحله ورايكم بمطار واشنطن هل فعلا زحمه وتعقيد ولا عادي
وشكرا
يا اختي الكريمه ما فيه اي تعقيد لا مطار واشنطن ولا غيره , كلها اجراءات روتينيه , الي يصير لك و التفتيش و طلع اللاب توب من شنطته و افصخ جزمتك وانتم بكرامه و حط كل شي على السير في الجهاز حتى الامريكان يفتشونهم بنفس الطريقه .
هذي هي طريقه العبور و نقطه التفتيش في المطار تشوف قدامك مئات الاشخاص بنفس طريقه تفتيشك . ولا تاخذ عشر دقايق من توصل للجهاز الين تطلع من الجهه الثانيه اذا ما كان فيه زحمه .
اكثر تفتيش و اشد تفتيش الطيران الداخلي , هذا ما استغربه ان تفتيش الطيران الداخلي حازم اكثر من دخول البلد نفسه لك و للامريكان ايضا . ولكنه مو عنصري او يستقصد ناس بذاتهم , ايضا تشوف الي قبلك و الي بعدك كلهم نفس اجراءاتك .
ما ادري انتي او غيرك سيق و قلت له خلي رحله واشنطن و اليومين التمشيه اذا انتهت فتره انبهارك في البلد و صرت تعرف بعض الاشياء فيها افضل من انك تجلس يومين تضيع مبلغ فيها وانت توك جاي ما تعرف قيمه الي صرفته الا بعدين .
هذا رأيي و تجربتي و تقبل الصحه و الخطأ
عندك القطريه الرياض الدوحه الدوحه هيوستن
او الاماراتيه الرياض دبي دبي هيوستن
او عندك الهولنديه الرياض امسترادم امسترادم هيوستن
حاولي انك تشوفي تذاكره ستوب واحد وبعدين هيوستن
ما انصحك تطلعي الى واشنطن لان بتكون في رحله داخليه
وبكون عندك وزان
انا كانت في هيوستن افضل
طيران يوصل الى هيوستن القطريه
مشكوووورين وماقصرتو
طيب ايش الافضل الاماراتيه ولا القطريه
يقلك اذا تبي الراحة خذ الهولندية او القطرية لكن اكيد ثمنها الغلاء
مايحتاج الخطوط السعوديه وتوقفي فواشطن لان فالرحلات الداخليه مسموح لك شنطه وحده ووزن بسيط كمان ..
فـ انصحك تروحي على الامارتيه انا مجربها .. الرياض على دبي . يمكن تجلسي فدبي من ساعه إلى ساعتين .. ومسموح لك شنطتين ..
اخر نزله لي جربت الالمانيه سيئه جدا ومسموح شنطه وحده .. بالتوفيق
القطريه بدون منازع
الرياض - الدوحه - هيوستن
مشكووورين وماقصرتو
انا جيت لهيوستن ,, بالخطوط الاماراتيه من الرياض لدبي وبعدين لهيوستن رحلة متواصله والله هلاك وتعب 18 سااعه بالطائرة كانت الرحلة مره طويلة
الاماراتيه افضل من القطريه بحكم مجرب.... وجباتهم متنوعه في كل الاوقات توزيع عصائر و فواكه و الطياره تساعدك على الاسترخاء عموما
و اي خدمه بهيوستن حاضرين
يعطيك العآفيه ماقصرت ..
طيب البريطانيه تنصحون فيها ولا !