اقتباس:
المشاركة الأصلية كتبت بواسطة Muslimah
أنا من النوع الخجول جدا جدا والبرزنتيشن بالنسبة لي ررررعب : ( يتحول بقدرة قادر من تقديم مقال إلى كلمات متقاطعة
لو كان بلغتي بيكون أسهل عليه لإني كنت أطلع في الاذاعة المدرسية من الابتدائي إلى ثالث ثانوي بس كنت أنشد أناشيد أو أقرأ قرآن ماكنت ألقى مقالات أو ماشابه
وإلحين إذا عندي برزنتيشن " كأنما يساقون إلى الموت وهم ينظرون " : (
أول برزينتيشن لي في الجامعة بيكون إن شاء الله بعد أسبوعين ومرة شايلة همه إلا بموت من الهم : (( ربي يعين وييسر ..
وماأدري متى يفهمون الناس ذولا إن فيه فوارق فردية بين شخص وآخر .. بالنسبة لي أعبر في الكتابة أفضل من الكلام ..
طبعا ما كتب أعلاه يعبر عن شخصي الكريم ومو شرط اللي ينطبق عليه ينطبق ع الآخرين
بس بشكل عام في ناس يشوفون إنه فرصة البرزينتيشن لتطوير اللغة خاصة في السبيكنق .. وهو يختلف من شخص لآخر ..
أولا/ صبحك الله بالخير و السعادة ^^
ثانيــا/ كنت مثــلك تمــامـاً,, اقري قصتي الصعنطوطة ,و بس لاتضحكي علي :tongueP:,,وبتستفيدي بإذن واحد أحد..
قبيـل أسابيع اتصلوا علي معهد لــغة يبوني أدرّس عندهم,, كنت أنتظر هاللحظة بفــارغ الصّـبر,, وبنفس الوقت كنت خــايفة جدا من عدة أمور ( كيف أشرح؟؟ كيف بقابــل الطالبات؟؟ كيف بستقبل أسئلتهم وأرد عليها؟؟ ووووووالخ ), قلت في نفسي: " يابنت الحلال اجلسي مع نفسك جلسة مصارحة,, وفكري بجدية,, واتّخــذي قرار شجــاع,, وفعلا عزمـت نفسي على قهوة< ههههههههه و جلست معها أحلى جلسة و صارحتها وبردت حرّتــي!! جبت ورقة وقسمتها قسمين الايجابيات + و السلبيات - ,, كتبت في خـانة + << أنــا: مميّـزة,, شُجــاعة,, أتحدّى وأفوز بالتحديّـات,, أقدر أقرأ بطـلاقة,, بصوت مسموع للجمهور,, واضح,, عندي مخارج الحروف واضــحة جدا,, لســاني فصيح" لأني أحفظ شيئا من القرآن", أمتلك بعض مهارات اللغة,, القراءة, الكتابة,,<<
و كتبت في خانة - << ليش أنا مقصرة في حق نفسي؟؟ أنا ماأسمع كثير نتيجة لذلك ماأتكلم كثير!! ,, ليش أخاف من البرزنتيشن؟؟ ايش اللي ينقصني عن بقيّة الناجحين في التحدث أمام الجمهور؟؟ ليه مافيه eye- contact بيني وبين المتلقين؟؟ أحتاج أستخدم لغة الجسد علشان أجذب انتبــاههم,,, , ووووووووالخ<<
ثمّـن جيت الله يسلمك وفكرت بخطة جهنّمـــيّة!! بس لا أحد يضحك رجــااااء ههههههههههههههههههههههههههههههه
كنت محضرة درس بسيط عـلشان أشرحه في أي وقت يدقون علي المعهد أروحلهم وأشرحه!! المهم سويت مايلي:
* قفلت باب الغرفة<< وش وراها الأخت!!
* جبت لي حضور وش زينهم عبارة عن وسايد الغرفة!! إي الوسايد اللي ننام عليها !! صفيت تقريبا 10 وسادات باماكن متفرقة,, ووقفت قدام وتخيّـلت نفسي عالمنصّة بشرح!!>> انهبــلت هههههههه
* أعلّـي صوتي وأشرح,, وأسأل الوسايد فاهمين؟؟ ويردون يس يس يور آر وندورفول تيتشر^^
* عاد آخر شي سألتنبي وحدة من الوسادات,, وعرفت أجاوبها ^^
ورحـت ثالث يوم للمعهد بكل عزيمة وحماس و اصرار,, ولقيت تقريبا8 طالبات في الكلاس.. وخليت أول محاضرة تعريفية وكل وحدة تتكلم عن نفسها,, بس من جدددددد نفعتني هالطريقة( أعلاه) مررة مررة مرررة ,, وعلمتني باختصار نقاط قوتي وضعفي.. والمشرفة أعجبت بشرحي جدا ولله الحمد,,, تقول أسلوبك في الشرح أكاديمي,, سلس,, مفهوم,,البنات انبسطوا عليك, وينا عنك من زمان؟؟ ههه قلت أبد بالبيت هههههههه,,
" وما توفيقي إلا بالله عليه توكلت و إليه أنيب"
وعلى فكرة في أحد المشائخ مشهور في إلقاءه جدا وكان يستخدم نفس الطريقة بس بعلب ببسي ومشروبات ههههههه
وأخـيرا وليس آخرآ: أرجــو أن تستفيدي ياغاليتي مسلمة من ذكر تجربتي الشاطحة من نوعها,,
والله يوفقك و يسعدك لما فيه الخير ويشرح صدرك وييسر أمرك,,
"والحمدلله الذي هداني لهذا و ما كنت لأهتدي لولا أن هداني الله"
أختكــم المحبّة لكم/ الرّيم شيخة الحريــم:o