رد: الشحن العفش في الخطوط الداخلية امريكا الوزن والحجم والعدد + ترجمة
اقتباس:
المشاركة الأصلية كتبت بواسطة محروم من اللي في بال
ربي يوفقك وتوصلين بالف سلامة
انا راح اقول لك ولا ابي أتفلسف عليك لكن متأكد ان شالله
اذا حجزتي على خط سيرك والعفش ما راح تستلميه الا بمدينتك فمالمسموح فيه تبع الخطوط الاوله
مثلا لو حجزتي على الخطوط السعودية والمسموح بالخطوط السعودية شنطتين لكل مسافر وكل شنطة ٢٣ كيلو ولك شنطة داخلية وكمان شنطة يد او لاب توب لكل شخص
اما لو حجزتي من امريكا الى السعودية فراح يعاملوك على نظام اول خطوط مثلا اول خطوط من مدينتك الى الدمام وكان اول خطوط يونايتد فالمسموح شنطة وحدة بس للدولية اما لو كانت داخلية بس ففيها تفصيل تاني لان بعض الدرجات غير مسموح فيها ولا شنطة مثل دلتا
باختصااااار لو ما كنتي راح تستلمي عفشك الا بمدينتك فارسلي من الدمام اللي تبين وانتي مرتااااحة وميزة الخطوط السعودية والاماراتية يتغاضون اشوي بالعفش
موفقة وارجو أني افدتك
جزاك الله خير فرج الله همك
رد: الشحن العفش في الخطوط الداخلية امريكا الوزن والحجم والعدد + ترجمة
اقتباس:
المشاركة الأصلية كتبت بواسطة الحر83
بااختي مع احترامي للموظف واللي مكتوب في المنتدى .... كلام غير صحيح .... انتي رحلتك دوليه لذلك ماراح تدفعين شي بشرط انه يكون معك شنطتين ماتزيد مجموعها عن 46 كيلو واحيان يمشون 3 شنط ... واذا كان معك مرافق تقدرين تاخذين وزن اكثر
قولي للموظف اللي في مطار الدمام يشحن الشنط الى سيدار رابيديز وراح يعطيك بوردينق العفش .... طبعا انتي راح تضطرين تنزلينها للجمارك في مطار شيكاغو .... اول ماتخلصين تلقين مكتب اليونايتد وتعطينهم البوردينق والشنط
وتوصلين بالسلامة ان شاء الله
جزاك الله خير
الله يسلمك
رد: الشحن العفش في الخطوط الداخلية امريكا الوزن والحجم والعدد + ترجمة
اقتباس:
المشاركة الأصلية كتبت بواسطة r4k4n
السلام عليكم
اليونايتد للدرجة السياحية تعطي شنطة تشيلينها معك بالطياره بهذي المواصفات
عرض ٣٥
طول ٢٣
ارتفاع ٥٦
اجمعيها تصير ١١٤ سم
العفش مافيه شي مجاناً هذول الامريكان كل شي ادفع
اول شنطة ٢٥ دولار وثاني شنطة ٣٥ دولار بمجموع اطوال ١٥٧ سم للواحدة
وما يحق لكل مسافر الا شنطتين يشحنها
وهنا المصدر للجميع
http://www.united.com/CMS/en-US/travel/Pages/ChangedBagRulesOptionalServices.aspx?SID=3A04C364F F244CDB82F267ACE7244E49&v_ctrk=HHLN$0-772-2045-1-1156
دعواتكم والله يحفظكم
جزاك الله خير
شكرا على التوضيح
رد: الشحن العفش في الخطوط الداخلية امريكا الوزن والحجم والعدد + ترجمة
اقتباس:
المشاركة الأصلية كتبت بواسطة الحر83
والله ياخوي انا مااكذبك .... انا اتكلم عن تجربتي ...... مرتين سافرت على اليونايتيد ومادفعت دولار....من ضمنها مرة كان معي 5 شنط انا وزوجتي .... اهم شي الرحلة تكون دولية متصلة
جزاك الله خير يارب تكون تجربتي نفس تجربتك
رد: الشحن العفش في الخطوط الداخلية امريكا الوزن والحجم والعدد + ترجمة
اقتباس:
المشاركة الأصلية كتبت بواسطة r4k4n
وانت صادق وانا بأذن الله صادق
انا اقصد اذا كنت رايح من مدينة الى مدينة بأمريكا
لكن حسب كلامك اذا انت طالع مثلاً من الرياض او دبي ومتجه الى مدينة بأمريكا النظام يتبع الشركة اللي سافرت عليها السعودية مثلاً بشرط عدم استلام العفش في المدينة اللي تكون المحطة الاولى على سبيل المثال
الرياض مدينة الاقلاع
واشنطن اول محطة توقف لمدة بسيطة وليست لدرجة استلام العفش
هيوستن مدينة الوصول النهائية
كذا ماتوقع يحاسبونك على العفش
بس اذا استلمت عفشك وجلست كم يوم ورجعت تبي تسافر لمدينتك داخل امريكا خلاص يطبقون عليك نظامهم الرأس مالي
اللي وضحته بردي الاول
تحياتي والفايده للجميع
كل الشكر لك على تواجدك والتوضيح جزاك الله خير
رد: الشحن العفش في الخطوط الداخلية امريكا الوزن والحجم والعدد + ترجمة
جزاكم الله الف خير جميعا
والله يسخر لكم جنود السماوات والارض
الله لا يكتب لكم حاجة عند احد ويسهل اموركم ياربي ياقادر ياكريم
اللهم كما فرجوا عني اللهم فرج عنهم في الدنيا والاخرة