==> لكل شخص يحب يستفيد من اخطاءه ويتعلم ويحسن من ذاته ابي رايكم بالموضوع هذا !!

السلام عليكم


طبعاً احاول بقدر الامكان اكسب اصدقاء جدد وماكسب عداوات لذاك انا حريص على اخذ اراء الناس وتجاربهم لذالك ابي رايكم بنقطه هذي

احياناً تقابل شخص ماتعرفه ويجلس يمدح فلان فلان هذا بينك وبينه مشكله وش موقفك مو تنقهر يمدح الي بينك وبينه مشكله او قاهرك وبنفس الوقت ماتبي تقول ترا فلان الي تمدحه فيه كذا وكذا احذر منه عشان ماتكسب ذنوب وعشان مايفهمك الشخض هذا خطاء خصوصاً انه مايعرفك !!
انا بكل امنه قررت مامدح احد قدام شخص ماعرفه
لإني مريت بموقف زي كذا وانقهرت قبل فتره ساعدت طالب جديد توه واصل المدينه الي انا فيها ورحت ودورت له سكن وحنا في الطريق جالس يمدح في فلان سوا لي كذا واستقبلني في المطار وووالخ شاهد فلان هذا مادانيه واكره واعرفه زينه قذر بمعنى الكلمه يوم بدا يمدحه شوي واسطره كف الحين اوصلك وشيلك وتمدح غيري وغير كذا الي جالس تمدحه بيني وبينه مشكله !!وش رايكم هل ابتعد عن مدح اي شخص قدام شخص اخر لإن ممكن تكون بينهم مشكله ووالخ !!


رايكم يهمني الله يوفقكم

انا اعتقد انك شخص حساس بزياده

خله يمدح من هنا لبكره، إلا ما يجي يوم وينقرص من الشخص زي ما قرصك انت

ساعتها هو بيعرف بنفسه

لكن انك تقوله لا فلان فيه ومافيه كذا بتنقلب الطاوله عليك وبيقول انت شكلك حاقد وخر بس .;)

لذا ، دع الخلق للخالق وكلن بياخذ حقه

وانت مب مضطر تمدح احد قدام احد سواء تعرفه او ماتعرفه، قلت السواليف ؟؟؟:mad:

ان كان الشخص كويس فعلا فهو بيفرض نفسه عن طريق اخلاقه واحترامه فقط ومب عن طريق مدحك او ذمك له .

وبعدين وش يدريك ؟؟ يمكن هالولد راح لخويك الي ماتدانيه ويمدحك عنده وهذاك طررررررررررررطع ! وش يدريك كل شي جايز

قم بس شف دروسك واترك الخزعبلات ذي عنك

ما يحتاج التمديح الزايد يعني أنت مو مجبرور تمدح بخلق الله ولو حتى سألك عن أي أحد قل (( مدري )) آلعبآرة السعودية الشهيرة خخخخ
وإذا قال لك هذ سوا وسوا قل ما شاء الله عليه الله يوفقه وبس وانتهى الموضوع
وإذا سب أحد اسكت أو قل لهت ما علينا من آلنآس يا ولد الحلآل وكذآ
يعني سآيرهم ^_^

ابي اعرف وش الهدف من موضعك هذا ؟؟؟؟؟ظ

^
ربما مشكلة وزعلان منها
أو فضفضة

خله يتنفس هنآ
أحسن من يشتكي حالة لناس ماتحس

سلام
في الغربه الواحد مايقدر يخبي نفسه سبحان الله اكتشفت الناس مرره على حقيقتها
كل شي قدامك مفتووح والانسان مو معصوم وما احد يفدر يشيل على احد
كلنا بغربه ومحتاجين لبعض والله سهل عليك اذا نيتك صافيه ولا حملت عل غيرك
كفايا ان الغربه نفسها جهاد في سبيل الله
الله يوفقنا ومو بس بالدراسه وبعد حسن النيه
في ميزان الاعمال الصالحه يارب

اشكر جميع الي ردوا وفعلاً
انا انسان حساس واعتبره مرض ادعوا لي بأن الله يشفيني لدرجه أني احياناً مانام من زود التفكير خصوصاً اذا جرحت او انجرحت من شخص سوا اعرفه ولا ماعرفه
والي يقول ليش منزل الموضوع ابي رايكم :cowboy: تعرف غربه وعزوبيه :confused: اتمنى من الجميع المشاركه وشكرا

انا اشوف انك تتمالك نفسك ولا كأنك تسمع المدح لأنك خلاص عرفت حقيقة شخص الناس يادوب بيكتشفونة بالطريق ويعرفون انك صح عشان كذا خلك واثق بوجهة نظرك عن الاشخاص الي سبق وعرفت حقيقتهم ولاتثق باي احد خاصة انة الناس هنا اعوذ بالله مو زي بالسعودية يتحولون اتوماتيكي يقلبون مصارية على نذالة على وقاااحة الي يهمك تسوي شئ بحياتك يمدحك الله عند ملائكتة ولايهمونك وغير كذا قد ماتقدر حاول ماتذم ولاتمدح خلك محايد مرررة عشان بكلاالحالتين تكون مابينت شئ وربي سبحانة ادرى بنيتك الله يخليك لأمك :)

يارجال أصابيعك ماهي بسوا
فيه ناس تسمع عنهم أشياء مش كويسه قيل ماتحتك فيهم وما جالست الرجاجيل اتغير نظرتك اتجاهم.

أنت لاتكون سلبي بس خلك ذيب تفهم وهي طايره
وعد لين العشره قبل ماتهور (مثل ابو بدر )اللي في باب الحاره

وعليكم السلام

حياك الله اخوي وحيد امه يالبى روحك انشهد

الظاهر يا عمري انت انك شوي حساس ومتأثر بطبع البنات بحكم انك وحيد امك ويمكن ان لك خوات كثير واثرو عليك
لان هالميول او الاحساس يخص البنات اكثر ( التأثر بالعاطفه اكثر من العقل)

وبما ان عندي اخوان اصغر مني ابي اعتبرك احد اخواني وابي انصحك

هالسوالف وانا اخوك ما تهم الرجال
فلان يمدح فلان يسب فلان ينتحر ...الخ شي مجرد سوالف وخرابيط ما تهم
الرجال لازم يحكم عقله ولا يدخل عاطفته بتفكيره ابد الا اذا كان الامر يخص اهله بس

خلك شديد وحمش(على قولة اهل الغربيه) يعني خشن وياجبل ما يهزك ريح

فلان مدح فلان ؟؟ طيب وش المشكله؟؟؟
بتموت انت لو مدحه؟؟ طبعا لا ...اجل وش ضارك؟؟

لا تلتفت للامور هاذي ولا تهتم فيها ... لانها سخيفه وما تهم الرجال كثير ...والدليل ان اغلب اللي ردو عليك بنوتات حنونات ياعمري عليهم وهذا دليل ان هالمواضيع للحريم بالغالب

فاللي ابيه منك انك لا تهتم بتفاهات الامور وتركز باللي اكبر منها ... زي دراستك ولغتك وتطوير مهاراتك
والمدح والسب وفلان قال وفلانه قالت اتركها لذوي التخصص <<< ما يقصد احد ههههههههههه


اتمنى تاخذ ردي بروح رياضيه وتعتبرني اخ لك ابي لك الخير

في امان الله

مرحبا فيك أخوي


والله يالغالي هالايام بتشوف اشياء عجيبة غريبة

انت سو الخير بغرض الاجر وماعليك مدحك ولا ذمك
دام نيتك طيبة صدقني بترتاح نفسياً ... وخل كلام الناس للناس
انا ما احكم على احد من كلام شخص غير لما امشي معه واعرف معدنة
وبعض الاوقات لما اتعرف على ناس واقعد فترة معهم ابداء اسوي اشياء
متعمد عشان اكتشف معدنهم وللاسف في اتفه الامور ماتلاقي احد حولك


وبعطيك نصيحة ...لاتعطي احد اكبر من حجمة ..ولاتثق في احد ابداً


زبدة الكلام .... اصعب شئ هالايام هو الخوي الكفوو
ادري بتقولون مليان وكثير و و و الخ...
بس هذا الحاصل هذا زمن مصلحة وخصوصا في امريكا

اقتباس:

---

المشاركة الأصلية كتبت بواسطة أحــمــد المطيري

وعليكم السلام

حياك الله اخوي وحيد امه يالبى روحك انشهد

الظاهر يا عمري انت انك شوي حساس ومتأثر بطبع البنات بحكم انك وحيد امك ويمكن ان لك خوات كثير واثرو عليك
لان هالميول او الاحساس يخص البنات اكثر ( التأثر بالعاطفه اكثر من العقل)

وبما ان عندي اخوان اصغر مني ابي اعتبرك احد اخواني وابي انصحك

هالسوالف وانا اخوك ما تهم الرجال
فلان يمدح فلان يسب فلان ينتحر ...الخ شي مجرد سوالف وخرابيط ما تهم
الرجال لازم يحكم عقله ولا يدخل عاطفته بتفكيره ابد الا اذا كان الامر يخص اهله بس

خلك شديد وحمش(على قولة اهل الغربيه) يعني خشن وياجبل ما يهزك ريح

فلان مدح فلان ؟؟ طيب وش المشكله؟؟؟
بتموت انت لو مدحه؟؟ طبعا لا ...اجل وش ضارك؟؟

لا تلتفت للامور هاذي ولا تهتم فيها ... لانها سخيفه وما تهم الرجال كثير ...والدليل ان اغلب اللي ردو عليك بنوتات حنونات ياعمري عليهم وهذا دليل ان هالمواضيع للحريم بالغالب

فاللي ابيه منك انك لا تهتم بتفاهات الامور وتركز باللي اكبر منها ... زي دراستك ولغتك وتطوير مهاراتك
والمدح والسب وفلان قال وفلانه قالت اتركها لذوي التخصص <<< ما يقصد احد ههههههههههه


اتمنى تاخذ ردي بروح رياضيه وتعتبرني اخ لك ابي لك الخير

في امان الله

---

من فنون النصيحة انك تقوم بتقديمها بطريقة مهذبه
وعدم التجريح في الشخص الاخر

لكن بعض الاوقات زيادة الصراحة تعتبر بجاحة
والنظر للاشخاص بالمنظور الشخصي يعتبر خاطئ دائماً

لبيييييه يالحساس xD

اقتباس:

---

المشاركة الأصلية كتبت بواسطة أحــمــد المطيري

وعليكم السلام

حياك الله اخوي وحيد امه يالبى روحك انشهد

الظاهر يا عمري انت انك شوي حساس ومتأثر بطبع البنات بحكم انك وحيد امك ويمكن ان لك خوات كثير واثرو عليك
لان هالميول او الاحساس يخص البنات اكثر ( التأثر بالعاطفه اكثر من العقل)

وبما ان عندي اخوان اصغر مني ابي اعتبرك احد اخواني وابي انصحك

هالسوالف وانا اخوك ما تهم الرجال
فلان يمدح فلان يسب فلان ينتحر ...الخ شي مجرد سوالف وخرابيط ما تهم
الرجال لازم يحكم عقله ولا يدخل عاطفته بتفكيره ابد الا اذا كان الامر يخص اهله بس

خلك شديد وحمش(على قولة اهل الغربيه) يعني خشن وياجبل ما يهزك ريح

فلان مدح فلان ؟؟ طيب وش المشكله؟؟؟
بتموت انت لو مدحه؟؟ طبعا لا ...اجل وش ضارك؟؟

لا تلتفت للامور هاذي ولا تهتم فيها ... لانها سخيفه وما تهم الرجال كثير ...والدليل ان اغلب اللي ردو عليك بنوتات حنونات ياعمري عليهم وهذا دليل ان هالمواضيع للحريم بالغالب

فاللي ابيه منك انك لا تهتم بتفاهات الامور وتركز باللي اكبر منها ... زي دراستك ولغتك وتطوير مهاراتك
والمدح والسب وفلان قال وفلانه قالت اتركها لذوي التخصص <<< ما يقصد احد ههههههههههه


اتمنى تاخذ ردي بروح رياضيه وتعتبرني اخ لك ابي لك الخير

في امان الله

---

لا ما شاء الله باين عليك رجال !!

وعليكم السلام ورحمة الله وبركاته
أخوي واضح أنك طيب وتحب الخير وانصدمت بناس مو بكفو:( ، بس لاتشيل في خاطرك عليهم
يمكن الشخص اللي مدح مايدري عن كرهك للشخص الممدوح
موفق بالدراسه وكل المبتعثين والمبتعثات

اقتباس:

---

المشاركة الأصلية كتبت بواسطة أحــمــد المطيري

وعليكم السلام

حياك الله اخوي وحيد امه يالبى روحك انشهد

الظاهر يا عمري انت انك شوي حساس ومتأثر بطبع البنات بحكم انك وحيد امك ويمكن ان لك خوات كثير واثرو عليك
لان هالميول او الاحساس يخص البنات اكثر ( التأثر بالعاطفه اكثر من العقل)

وبما ان عندي اخوان اصغر مني ابي اعتبرك احد اخواني وابي انصحك

هالسوالف وانا اخوك ما تهم الرجال
فلان يمدح فلان يسب فلان ينتحر ...الخ شي مجرد سوالف وخرابيط ما تهم
الرجال لازم يحكم عقله ولا يدخل عاطفته بتفكيره ابد الا اذا كان الامر يخص اهله بس

خلك شديد وحمش(على قولة اهل الغربيه) يعني خشن وياجبل ما يهزك ريح

فلان مدح فلان ؟؟ طيب وش المشكله؟؟؟
بتموت انت لو مدحه؟؟ طبعا لا ...اجل وش ضارك؟؟

لا تلتفت للامور هاذي ولا تهتم فيها ... لانها سخيفه وما تهم الرجال كثير ...والدليل ان اغلب اللي ردو عليك بنوتات حنونات ياعمري عليهم وهذا دليل ان هالمواضيع للحريم بالغالب

فاللي ابيه منك انك لا تهتم بتفاهات الامور وتركز باللي اكبر منها ... زي دراستك ولغتك وتطوير مهاراتك
والمدح والسب وفلان قال وفلانه قالت اتركها لذوي التخصص <<< ما يقصد احد ههههههههههه


اتمنى تاخذ ردي بروح رياضيه وتعتبرني اخ لك ابي لك الخير

في امان الله

---

كان من الممكن تقدم رأيك للأخ بدون تجريح فيه ولافي البنات اللي ردوا

الظاهر ان ردي كان قوي على البعض ... او يمكن فهموه بطريقه ثانيه

يا اخوان انا ما جرحت احد ولا اقصد الاساءه للبنات

اللي قلته ان الرجال تفكيرهم بالغالب يحكمه العقل
والبنات تفكيرهم تحكمه العاطفه
وهذا شي معروف مو من راسي

فـ لا احد يحقد علي او يفهمني غلط ... انا قصدي زين


في امان الله