عرض للطباعة
طلبت تذكره و نصيبي كان هدا المكتب. للاسف يفتقدوا المهنيه. اول شي ما لقيولي حجز زي ما طلبت و ارسلولي حجز على مزاجهم بعد طلوع الروح و بعدين ما ارسلوا لا اي تكيت و لا رسيت حتى. لما سئلت قالوا مو لازم.
الطيار و الملحقيه لازم يراقبوا دا المكتب لانه سئ جدا
سؤالي في احد اتعامل معاهم من قبل و كيف كانت تجربتكم؟
المكتب تبع الطيار ...
عن نفسي كلمت الموظف واتفقنا على الخطوط والمسار ..وقالي بيرسل لي التذكره عشان أأكد عليها ..وأنتظرت 12 يوم ولا أرسل لي ولا شي
أتصل عليه يوميا مايرد ..واترك له فويس ميل ولا في فايده
لين امس ارسلت ايميل للشركة وبلغتهم باسم الموظف الي عمل لي الحجز ...
وبعدها بنص ساعه كلمني الموظف يقولي ليش تشكين !! سفرك مو بكرة !! وسوا لي حجز مؤقت عشان اوافق عليه خلال 24 ساعه من المكالمة وارسل له صورة من الجواز
أرسلت الموافقه والجواز بنفس الوقت
والحين مرت 24 ساعه من مكالمته لي وشكله الحجز المؤقت راح !!!
الله يعين :(
نفس وضعي ياختي. الشراكه مع دا المكتب كانت غير موفقه. الله يعين بس
نفس الحالة الله ياخذهم عيال الكلب
فيني كمية قهر وربي
بالعكس كان ممتاز مرة
قلت له ابغى من 2 جولاي الى 13 اوقست و يفضل عالقطرية او الاماراتية
عطاني نفس اللي ابغاه بالضبط و بيومين فقط لا غير
و حتى فذا اليومين رسلت له استفسارين و رد الموظف بعد كل استفسار بربع ساعة
بس الظاهر هالشي يعتمد على الموظف. انا اللي سوا اموري اسمه مراد و كان ولا اروع
و انا يا شباب للحين ما ارسلو لي رسالة وش الحل ؟ كلمتهم و قالو بنرسل لك رسالة اليوم او بكرة
تجربتي مع المكتب مرة جيدة ... بالعكس الموظفة هي اللي تتصل وما كنت ارد لاني انشغلت بالفاينلات ولا رديت وتركت لي كذا فويس ميل D:
حجزوا لي تذكرة بالضبط مثل ماطلبت وماخذت اسبوع الا والتذكرة موجودة .... شهادة حق فيهم .... ويجوز تعتمد على بعض الموظفين المتسيبين
يعتمد على الموظف ...
صديقاتي كان حظهم مع موظفين متعاونين ..ومشت أمورهم
وانا ما مشت الا يوم اشتكيت ...
انا كنت مخطط اخذ رحلة مع واحد من الشباب سوا وجاه امر الاركاب بعدي واخذ تذكرته وانا 3 ايام اتصل عليهم وتقلي الموظفة دحين ارسلك ايميل وانتظر ولا في اي ايميل ولا اتصال
اتوقع كل المكتب عندهم رقمي من كثر ماطلبوه على انه يتصلوا عليا ولا احد اتصل
ودحين راحت الرحلة اللي عليها خويي تفللت وبالقوة لقيت حجز على الاتحاد وارسلتلها التاكيد ماعاد ابغى اغير اي حاجة لا انلطع اكثر
والى الان انتظر انها ترسلي التذكرة مع انه كلمتها بعدها على طول انه ارسلتلها التاكيد
بصراحة بلو سكاي اسوء حاجة قابلتها في حياتي للان لاكتر من اسبوع احاول احجز تكيت ارسلولي 3 اجيجنت انهم راح يخدموني من ناحيه الملحقهوبعدين اتنين ايجنت ارسلولي ايميل شخصيا كل ماتصل على واحد يقولولي انت تبعت وحده اسمها روكسانا طيب ليش جايني ايميل من اتنين والست حضرتها ماترد بحجه انتي مو اولويه في حجوز اقرب يعني حرام الواحد يبغي يخلص يكفي الملحقيه ماقصرت معانا من البهدله نجي ده المكتب يتمسخر علينا ..والله اسوء خدمة شفتها في حياتي للان وحتي مالهم نية انهم يخدموك ولمن تتصل على موظف تاني تبغي تخلص بكل بساطه يقلك منين جايب الرقم انت وكمان انا مش الايجنت بتاعك ..الي يخلي الواحد يعمل كده سوء الخدمة..الملحقيه كانت تشتغل مع مكتب واحد والناس تعاني من عدم استيعاب المكتب لكميه الطلاب بس بصراحة بلو سكاي غلطة عمر وغلطة من اغلاط الملحقية الي مالها نهاية ..اش الحل
عشان الملحقيه على الاقل تبطل تتعامل مع ده المكتب الامسوول
=========
للاسف بعد انتظار اكتر من 8 ايام من اصدار التكيت اتصلت بالايجنت الي جاني اسمه اول مره ماترد ولا عالفويس مل رجعت اتصلت باايجنت التاني اسمه بشير ردت علي وحده تقلي لا ماانقدر نخدمك دقي على روكسانا ارجع اروكسانا حضرتها ماترد اعطتني رقمها المهم بعد التي الاتي ردت واش تقلي انا طالبه ومااقدر احجزلك دحين ولازم اخرج ارسليلي معلوماتك على جوالي وحظرتها ده لاتينيه او مادري عنها ...المهم اليوم التاني دق بشير حضرت جنابه والرحلات كلها فل انا اش زنبي انتو السبب وبسببهم والله العظيم عشان اوصل محطتي الاخيره راح اعمل تبديل 5 مطارات عشن اوصل مدينتي ........
الكلام ال في القسم الاول صارلي من نهايه شهر 5 ميلادي والنصف الاخر من بدايه شهر 6 حون وتم الحجز 14 جون وانتظر التاكيد للباقي الرحله يعني تخيلو من مايو وانا الملحقيه اصدرتلي تكيت عشان احجز اتبهدلت في نهايه ١٤ جون حصلت موظف حن علي من ده المكتب ..... مااعرف اش اقول حتى -ـ-
اخيرا وصلتني التذكرة الحمد لله
الحجز مو اللي تمنيته بس قدر الله وماشاء فعل
نفس الحاله المكتب تعامله جداا سئ ويسو حجز على كايفهم