هلا شباب
متى تنزل الرواتب
وقسم بالله لي اسبوع عايش على توست وبطاطس ليز
اروح الكلاس من الجوع انام
عرض للطباعة
هلا شباب
متى تنزل الرواتب
وقسم بالله لي اسبوع عايش على توست وبطاطس ليز
اروح الكلاس من الجوع انام
الاثنين باذن الله.
بس نصيحة: كل شهر حاول تسوي خطه لمصاريفك , وحاول تخلي مبلغ كل شهر على جنب عشان الازمات.
وما اقول الا الله يعينا مع بداية الفل, بنفلس من الكتب الي بنشتريها.
الله يسهل.
الاثنين مثل ما قال صاحبنا
لا ابشرك بعد في احتماليه تنزل بكره لانه بالبوابة نزلت.
الله يسهل امرك ويسهل امرنا وامور كل الطلاب والطالبات.
موفق
اكيد ان شاء الله بكرة شوف البوابة عند كشف الحساب
يمدحون الكبسه والله
كل يوم غداء في المطعم الهندي ولا عربي والعشاء كبسه اللهم لك الحمد
هههههه الله يعينك يالي تاكل بطاس وتوست انشالله تنزل رواتب بكره
انا شيكت يقولون نزلت في الملحقيه وبتصرف اليوم بالليل بالحساب
نزلت في البوابة يعني اليوم إن شاء الله تنزل ( اليوم اللي دخلنا فيه ) او بكرا بالكثير إن شاء الله لإنها اودعت خلاص ..
الله يوفقك ويسهل أمرنا وامرك :)
ما اعتقد أنها راح تكون بكره .. بعد الايميل الغريب اللي جاني من المشرفه قبل كم يوم تطلب من كل الطلاب يرسلون ترانسكربت على البريد (نسخه اصلية) قبل يوم الجمعه بتاريخ 15 من هذا الشهر ..
واللي مايرسلها قبل هالتاريخ راح يجيه هولد يحبه قلبك ..
فبعتقادي (واتمنى يكون خاطئ) .. أن الرواتب راح تتاخر شويتين هالشهر بسبب هالشغله .. يعني بعد انتهاء المده المحدده راح يصرفون الرواتب للطلاب ...
مادري اذا جاتكم رساله مشابهه او لا .. بس انا اول مره اشوف تعميم بهالطريقه (مخسرينا مخسرينا حتى بالشحن لازم ندفع < طيب مافيه تعويض عن رسوم الشحن ؟ ) ..
والله باين هالملحقيه يبون يمصون دمنا مص .. ويخلون لنا قطيره وحده بس علشان نحس بالعذاب ...
من بعد سالفة حملات الطلبه اللي طبت في بطون هالملحقيه .. بدوا يكشرون عن انيابهم علينا ويفتلون عضلاتهم ..
ومع العلم للان مادفعوا حق الجامعه ! (مادري اذا دفعوا لكم والا لا ) .. بس جامعتنا مابعد دفعوا لها شي لكل الطلاب السعوديين .. وكان علينا هولد من الجامعه بسبب الدفع بس كلمت الاداره وعلمتهم اني على الملحقيه .. وفكوا الهولد وقالولي اي طالب سعودي تعرفه مايقدر يسوي تاكيد للتسجيل خله يجيني او يكلمني .. واساسا ادارة الجامعه دايم اجيهم كل سميستر على نفس السالفه (سالفة المستحقات الدراسية) .. ويقولون لي نفس الكلام (ماستلمنا اي شي من الملحقية .. وكلمناهم اكثر من مره ولا يردون ..) !! يعني بالله هالملحقيه وش فايدتها ؟ زينه مثلا ؟ ..
ماقول الا الله يكون بالعون ... وحسبنا الله ونعم الوكيل فيهم :( ..
^
^
هالكلام مجرد تخويف والمشرف دايم يرسل ولايسوي شي .. الراتب ماله دخل فيه ولايقدر يسوي فيه شي ..
المهم ان الرواتب صباح الجمعة وهي بالحساب بإذن الله ... لانها نازلة بالبوابة وفي الغالب اذا نزلت في البوابة تنزل بالحساب صباح اليوم الثاني ...
عموماً يا أخوان لازم مبلغ 100 او 200 للطوارئ .. اول ماتستلم الراتب اسحب 100 وحطها في مكان في الشقة وحاول تنساه واخر الشهر بتحفر الأرض وتلقاها هههههههههه
اذا انت فيتاميناتك قويه بالملحقية .. فمن حقك تقول تخويف ولا تبالي : ) ...
اما اللي عنده فقر دم .. مايذبحه غير حرارة الجرجير ..!!!!!
المشرفه لما ارسلت هالرساله ماهي مسألة تخويف .. سالفة ارسال الترانسكريبت ترسلها عن طريق البريد البري او الجوي ... مو ترسلها على الايميل !!!
بالعربي فيه انظمة تغيرت .. ورجعت حليمة لعادتها القديمه ..
وهذا أن دل .. دل على فشل ادارتهم وموظفينهم وانظمتهم وبوابتهم ! < فشل تام !
والا وش الفايده اجل من البوابه الالكترونيه اذا كل شي لازم نروح نرسلهم بالبوستال اوفيس ؟
يبون يجننونا مثل كل مره .. ويتعذرون يقولون ماوصلنا شي ؟!
تصدقون بالله اني اول ماقدمت على البعثه ارسلت لهم الاوراق اربع مرات في خلال ثلاث اشهر !
وكل مره ارسلها اضيف فيها خدمة التوقيع الالزامي ... يعني مايستلمونها الا بتوقيع .. والتوقيع هذا يرجع لي مثل الرسيت ..
والله اربع تواقيع وصلتني خرابيش مو توقيع ... ولما ادق عليهم يقولون ماوصلنا شي .!!!!!
لحتى طقت نفسي وتركتهم وتوكلت على الله .. وبعد فتره دقوا علي قالولي اخ محمد انت مرسلنا ظرفين فيه اوراق الإلتحاق ؟؟؟؟؟
انا انجنيت .. يعني اربع ظروف ماوصلهم الا ظرفين ؟ طيب وين الباقي راح ؟ ومين اللي خذاها ؟ < يمكن قطوة جيري مثلا ؟!!!
عموما ماودي اطول ..
اللي ابي اوصله .. ان الواحد لابد له ان يتخذ الاحتياطات ويتوكل على الله .. ولا يستهين بالشي ...
احيانا عدم اللامبالاه تكون تهلك صاحبها ...
+_+ ارواتب نزلت ابشركم
<<< توني مشيك الحساب وانزلت
صحيح نزلت ولله الحمد وربي يوفقكم اجمعين
وه الله يبشركم بالخير بصراحه خلصت امس مايقى شي منها وصار هواش بالبيت
انا اقول لزوجي منك وهو يقوول مني ومرره خايفه وش بنسوي لين ماينزل كه كه
الحمدلله
10k وش فيك ياخوي متحطم كذا ... بالعكس البوابة ساعدتنا كثير .. وسالفه الدرجات لازم ترسلهم بالبريد . كل الملحقيات الةقافيه للدول الثانية تسوي كذا . لان النسخة الاصلية من الجامعه بظرف خاص ماحد يقدر يلعب بالدرجات. حتى لو بتقدم ع جامعه ثانية لازم ترسل من الجامعه. وانت مو خسران شي يمكن 10$
وراح تعوضك الملحقية قيمة الارسال.
نزلت الرواتب ولله الحمـــد والشكر
مبروك يا عيال
عاد نزلت فالفرايدي
تو ذا نايت كلوب ههههه
ياغالي .. أنا مو متحطم .. بالعكس مستانس لان الملحقية تحاول تسهل علينا كل الامور ... خصوصا سالفة البوابه ..
صحيح أن فيه تفاني مبالغ فيه في موظفين الملحقية .. ولكن هذا مو يعني أني اتحطم ...
لو قارنت الملحقيات الثانيه بملحقيتنا ... لقيت أن مستوى ملحقيتنا اقل في كل المجالات ..
النسخه الاصليه المفروض ياخذونها من الجامعه دايركت (مثل ماياخذون الفواتير منهم) .. وحنا نستخدم البوابه فقط .. مثلنا مثل الملحقيات الباقيه !!!!!
اللي انا اقصده في كلامي السابق .. إن التلاعب الزايد وعدم الاخلاص بالعمل مع موظفين الملحقية هو السبب الرئيسي اللي جايب فينا العيد !
لو موظفين الملحقية مايبون يشتغلون بكل امانه واخلاص .. ليش جاييبينهم وموظفينهم وحاطين هالطلاب تحت ذمة واحد مايخاف الله !!!!!؟
على كل حال .. مبروك مقدما على الراتب .. ولا اوصيكم حطوا 300 دولار على جنب راح تحتاجونها اخر الشهر ..!
:p