7 في الايلتس أبغى إجابة واضحة و عن تجربة لو سمحتم

الله يوفق الجميع ........يالربع انا اعرف واحد جاء لامريكا مادرس الا اللي درسناه بالثانوي وحطوه على لفل 1 وبعد شهرين ونص جاب في التوفل 78 وبعدها بشهرين اختبر ايلتس وجاب 6.5 ....بس الرجال مايطلع طول وقته مذاكره ولا يختلط بالسعوديين حتى بالويكند مافيه طلعه مذاكره ......الهدف من الموضوع ياصاحب الموضوع انك على حسب قولك افضل من هذا الشخص لان مستواك متوسط ...لذلك شد حيلك وقادر انك تجيبها ان شاء الله ولاتسمع كلام المثبطين ....لكن يجب ان تتحدى نفسك وانت اعلم بقدراتك .......الله يوفقك وجميع المسلمين .

مو احباط ولكن الحقيقه.
7 في الايلتس الاكاديمي خلال 6 شهور ( في الاحلام ) 100 في التوفل خلال 6 شهور (حتى في الاحلام صعبه)
انا طالب لغه انجليزية 5 سنوات ومعدلي الحمدلله 4,37 واتكلم وافهم بطلاقه لكن الايلتس جبت 5,5 ةالتوفل 77. ممكن عشان اول مرة لله اعلم. المشكلة عامل الوقت قاتل + القطع لو ترجمتها بالعربي ماراح تاخذ الدرجة كاملة لانها مملة ومصطلحاتها صعبه وعلمية

اخوي مافي الا شخص واحد رد عليك من واقع تجربة وقال انه سواها .. يعني مو مستحيله فشد حيلك
اما اللي قالك ما تقدر وهو اصلا ما جرب .. فاسحب عليه كانك ما قريت رده ولا تنسى فرق الامل غير ... لما تبغى 100 وتكرف غير لما تبغى شي يدخلك الجامعه وبس !
مافي شي مستحيل وكثيرين سووها .. واللي سواها اتوقع انه دخل جامعه وانشغل بدراسته ولا جاب خبر المنتدى... فاللي تسال عنهم تلقاهم بشغلهم مشغولين...انا جبت حول الدرجة وبعدين ما حاولت اجيب اعلى لان خلاص ضمنت القبول ! اتوقع لو احاول ثاني ممكن اجيب 100
اهم شي بعطيك كم من نصيحة وان شاء الله تفيدك
1- المعهد مفيد من ناحية ولكن نادر ما يكون مستواه مستوى عالي ! فذاكر نفسك بنفسك .. اشتر كتب لنفسك .. تعلم طريقة الكتابة والقراءه لانها عادتا اصعب شي عند السعوديين ... استمر بقراءة كتب اكاديميه لانا بتكسبك مهارات في القراءه والكتابه وحتى الاستماع نوعا ما
2- في فرق بين تعرف انجليزي وبين تعرف تجاوب بالايلتس!!!!! << الفرق كبير! ... فاشتر كتاب للايلتس وتعلم طرق الاجابة .. وتدرب عليها
3- الممارسة هي اهم شي في تعلم اللغة الانجليزية ... فمارس بحضورك محاضرات سواء اون لاين او بجامعتك وخذ واعطي بالكلام .. وباذن الله بتقدر

اتمني تحصل علي 7 و 8 انت وغيرك
لكن الواقع ليس مثل التمني

الطلبة المبتعثين اللي درسوا لغة 18 شعر ودرسوا الجامعة وانهوا البكالوريوس ولاحظ لهم خمس سنوات ونصف

وعندما ارادوا تحضير الماجستير طلب منهم ايلتس وتعبرا في احضار 6 و 6.5 والنسبة التي تجاوزت الايلتس

قد تكون نسبة 30-35% من المجموع الكلي استطاعوا مواصلة الماجستير

المسألة ليست تحطيم وانت محدد فترة زمنية

ومشكلة الايلتس في الوقت ولا شيء سواه

^^ مو كل الناس سوا ..ومو كل الناس نفس الاحوال ولا كل الناس بذلوا نفس الجهد .. واللي درس خمس سنوات بالانجليزي و18 شهر لغة .. وجاب بس 6 فمعناته ما بذل جهد صحيح وفي مشكلة بدراسته .. 6 سنوات ونص عشان يجيب 6 ونص ؟ شي مو منطقي
وثاني شي لو درس بكالوريوس في امريكا ما يطلبون منه الايلتس في الماجستير .. فالنسب هذه غير دقيقة

انا درست بفترة اقل من كذا بكثير وجبت قريب من 100 في التوفل بس ما كملت لان خلاص جبت القبول .. لو كملت زيادة اتوقع كان في مقدرة على ال100
واخر شي .. لو دخل جامعه تطلب 100 بالتوفل و7 بالايلتس يعني انها جامعه قويه .. مما يعني ايضا ان المقدم عنده قدره عقلية تتماشى مع المطالب .. فلا تحاول تحطمه الا اذا انك عشت نفس الحالة وما طلعت بنتيجة

قدرات الناس تختلف.

الله خلق وفرق

مثل اللي يقول لغته ممتازة, وبالتوفل 75 , ايه اللغة قدرات, والحصيف اللي يقدر يقيم مستواه الفعلي

الردود في هالموضوع ترفع الضغط. وتعكس واقع الجهل الكبير عند البعض

اعرف ناس كثير لغتهم مقبولة, ومتميزين دراسياً, ولكن فاشلين لغوياً. وقدراتهم اللغوية إذا خطيتها على المحك طلعوا اسوأ من طلاب الثانوي.

ياكثر ما جلست سعوديين ولقيتهم ينتقصون من فلان ولغة علان. ويحكمون على الناس بدل ما يقيمون انفسهم ويعرفون مواطن الخلل فيهم. وبالمقابل الناقد ماكل تراب, والمنقود يجيب 7 من اول اختبار ايلتس.

الأمي, الجاهل, اللي ما يقرأ بالعربي, وش تتوقعون يكون وضعه بالانقليزي؟

يا صاحب الموضوع. كثير جامعات تشترط 7 بالقانون, وكثير منها تتنازل عن هالشرط وتقبل بـ 6 او 6.5 اذا قدمت ملفك.

7 ميب سهلة خلال ست شهور, ولكن ميب صعبة بعد سنة ونص. كل شخص يختلف تقبله للغة, فيه ناس ما تذاكر, بس عنده قدره فطرية انه يستشرب اللغة من المجتمع.

ما ابي اذكر تجربتي الشخصية. الاخوان كفوا ووفوا

كلامك كله غير صحيح ولا يستند الا مصدر

والفاشل هو اللي يبرر لفشله ويشيع مثل هالنسب الغريبة

فيه ناس بجامعات داجة وفاشلين دراسياً ولغوياً, ولكن اجزم انهم ما يتعدون عدد اصابع اليد

اللي مخلص الباتشلر هنا وتعب في احضار 6 و 6.5 هذا اكيد بيكون معدله ما يأهله انه يدرس ماستر, ويرجع للسعودية افضل له

بـارك الله فيـك, كيـف حكمت من الـردود السـابقة بأنه لايـوجد إلا شخـص واحـد رد من تجـربـة ؟!
ومن رد من غير تجربـة له التقدير والاحترام على اهتمامه ولا يحق لك تهميـش الآخرين بقولك في ردك السابق" اسحب عليهم !.!.!"
ولربما خرجت منهم كلمات أفضل ممن رد وبتجربة،،، لأن البعض منهم يـرد بنـاءً على تجـارب زمـلائـه وليـٍس بالضـرورة أن تكون من تجربتـه الشخصيـة وهو يعتبـر ناقـل لتجربـة من صـديق مقرب أو ممن سمع.
ورداً على كلامك في الأعلـى أنه " فيه كثيرين سووها " هذا الكلام غير صحيح ويفتقد للمصـداقية !
لأن الكـلام في الموضوع هل من الممكن الحصـول على درجة 7 في الآيلتس لطالب مستواهـ أقل من عادي في خلال فترة وجيزة " ستـة أشهـر " ؟؟
وكما أشرت في ردي السابق, طالب مستواهـ أقل من العادي وفي خلال ستـة شهـور من الصعب الحصـول عليهـا،،،ورد صاحب الموضوع على مشـاركتي الرد التالي:

الصـراحة عزيزي فـوق كل اعتبـار, لا أريـد أن اكتب ردي من العبارات الرنانـة والمليئـة بالتفـائل والتشجيـع في شيء غير ممكن تقريباً لوضعك. كان بأمكاني كتابة رد يعانق السماء من عبارات التشجيع وو و و ...الخ
ثم ماذا ؟!
وفي النهاية ستؤثر عليك سلباً عندما تعيش الـواقع..
كأني أقول لك لا تدرس ولا تجتهد وماعليك سوى الحل في الاختبار واجتهد وستحصل على A !!
هل هذا معقـول, لا بـد من الأخذ في الأسبـاب والتصرف بمنطقية بعيداً عن المبالغة والتشجيع الفارغ !


ماهو مستواك في اللغة قبل دراسـة اللغة في أمريكـا ؟؟
هل من المعقـول طالب مستـواهـ أقل من عادي وفي أقل من 6 شهـور يحصـل على درجة قريبة من الـ 100 في التـوفل من 120 ؟؟
مع احترامي لردودك, هي ناقصـة وغير واضحة وبهذهـ الردود قد يكون ضررها أكثر من نفعها للمبتعث..
في أمان الله

نجيكم عن طريق عقولكم بمثال بسيط جدا

البريطاني الاصل (مولد ونشأة) ومتعلم وحاصل علي شهادة الدكتوراه

عندما يختبر الايلتس لايستطيع الحصول علي 8 ولكن قد يستطيع الحصول علي 7.5

كونوا واقعيين ومنطقيين عندما تردوا علي السائل .................